أصيبت شابة من مجدل شمس، في الثامنة عشرة من عمرها، بكسور بالغة في ساقيها، في حادث دهس مساء اليوم، فتم نقلها بالمروحية الطبية إلى المستشفى لتلقي العلاج.
وقع الحادث قرب فندق “ليغاسي فيلج”، وأصيبت الشابة بكسور بالغة في ساقيها، فتم نقلها بسيارة الإسعاف إلى ملعب كرة القدم في مسعدة، حيث حطت مروحية طبية، قامت بنقلها إلى المستشفى لتلقي العلاج.
وجاء في بيان على لسان المتحدثة باسم الشرطة لوبا السنري:
“مساء اليوم السبت في هضبة الجولان بمجدل شمس وقع حادث طرقات “ضرب وهرب ” تخللة دهس عابرة طريق 18 عاما من السكان هناك من قبل مركبة على ما يبدو من طراز جيب مع هرب السائق الضالع وتحويل الشابة التي اصيبت بالغا للعلاج بمستشفى رمبام في حيفا.
البنت عندها اصابه كثير صعبه وكسور بالغه بالساق.
عندها عمليه او اكثر لأجرها وانشالله ما منشوف عليكن أي مكروه..
بالنسبه للشب الي ضربها بالسياره اتصل الشب واعترف بأنو صدمها بالسياره للبنت وأهلوا كمان اتصلوا وحاليا موجودين برفقتنا بمستشفى رمبام ونحنا بانتظار انتهاء العمليه لأنو الاصابه كثير صعبه .
وأنشالله هيك حوادث ما بتكرر وتكون درس لكل شب طايش وسائق متهور لأنو حياه البشر مش لعبه .
بالأخر كلنا ولاد بلد ومنطقه وحده وبتمنى ما حدا يمرق بهيك حوادث او مصائب ولا اي شخص يمرق عليه الي مرق علينا اليوم..
الله يخليلنا اياكن جميعا وما نشوف عليكن اي مكروه ونكافيكن بس بالافراح”.
صباح الخير للاهل جميعا، اود توضيح الامر بالنسبه لحادث الطرق الذي حدث ليلة امس ان السائق الذي حدث معه الحادث لم يهرب بل بقي بجانب الشابه حتى وصول سيارة الاسعاف ثم اتصل بوالده واخيه وسافرو الى رمبم وطيلة الليل وهم بجانب عائلة الشابه المصابه ومن هناك اخبرو الشرطه بما حدث نود تطمين الجميع بان الشابه بخير والحمدلله وهي واعيه وتعرضت لكسور في رجلها وهذا بعد الحديث مع والدها صباحا الحمد لله على سلامة الشابه ونحن نستنكر ايضا كل الفوضى التي تعم قرانا بغض النظر عن ملابسات الحادث. ونرجو من كافة الشباب والشابات اخذ العبره من هذا الحادث، ونتمنى من الله عودة الشابه وهي معافاة وسليمه مع شكري للجميع
الف لحمدالله يلي مضت على هيك ونشالله بتطلع بخير وسلامي يا رب وتكفي كل حياتها مرتاحا ومبسوطه
الله يشفق عليها تطلع بخير سلامه انشاله ما حداش يشوف ضروره ويكون درس لجميع
ها طريق الجبل لازم ينعمل علي شي 5 دبات ومش اقل شو بتستفيد هالشباب من هالسرعه اليوم بنت او ولاد حدا غيرنا بكرا ولادنا على هالشي الي عبصير من الشباب والسرعه والتهور وعدم المسؤليي
الحادث يلي صار صعب على الجهتين الصبيه مصابي الله يشفيها ويساعد اهلها والشب اكيد خايف ومصدوم وكمان الله يساعد اهلو يعني الشي مش سهل بالمره ، بس بدي انصح نصيحه لابني وخيي وابن جيراني وابن بلدي معش تسابقوا الريح منشان الله يا جماعه منشانكون ومنشان المشاة يلي عالطريق وبدي قول شغلي بس ما تواخذوني يلي عنجد حابب يعمل ابو علي وسباق يطلع يسابق برات البلد ساعتها بيضرش حدا غير حالو ، عنجد في العجله عطول ندامه والله لا يضر حدا ومنشان الله شوية وعي منشان سلامتك قبل الكل
الف الحمد لله على السلامه
الحمدلله عسلامي