وسط استمرار إضراب طلاب المدرسة الثانوية الشاملة في بقعاثا، عقد مساء اليوم اجتماع للأهالي في بيت الشعب، كشف النقاب عن الانقسام حول دور لجنة أولياء الأمور في الأزمة التي نشبت مع المجلس المحلي ، حول موضوع تأمين باصات لنقل الطلاب إلى المدرسة، والذي تطور إلى إعلان الطلاب للإضراب المفتوح المستمر منذ يوم أمس، والمرشح للاستمرار يوم غد أيضاً.
حضر الاجتماع حشد كبير من الأهالي، ودار نقاش حاد بين الحضور، كشف عمق الانقسام الموجود بين الطلاب وبعض من الأهالي من جهة، وقسم من أعضاء لجنة أولياء الأمور من جهة ثانية، وذهب البعض إلى حد المطالبة بإقالة اللجنة وعقد انتخابات جديدة خلال الأسبوع القادم، لانتخاب لجنة جديدة.
المجلس المحلي أرسل سكرتيره، السيد أديب فرحات، إلى الاجتماع، لكنه انسحب من الاجتماع احتجاجاً على عدم افساح المجال له للحديث.
رئيس لجنة أولياء الأمور، السيد نايف البطحيش، تغيب عن الاجتماع أيضاً.
الطلاب من جهتهم كانوا واضحين في قرارهم، حيث أعلنوا استمرار الإضراب يوم غد أيضاً، والأيام القادمة، فيما لم تتم الاستجابة إلى مطلبهم بتأمين حافلات لنقل الطلاب إلى المدرسة.
كذلك، اتفق المجتمعون على أن تتوجه لجنة أولياء الأمور وبعض الأهالي، للاجتماع بالمجلس المحلي صباح يوم غد، في محاولة لإيجاد مخرج من هذه الأزمة.
إقرأ أيضاً:
إضراب طلاب ثانوية بقعاثا مرشح للتصعيد إذا لم يلبى مطلبهم
كل الاحترام هيك لازم ..اولا كل عمرنا كنا نروح عثانويه مسعدي ولباصات مأمني شو يعني اسا لا.
ثانيا مش ذنب الأهالي ولا لطلاب انو لقرر يعمل لمدرسي يبعدها هلقد عن لبلد مع لعلم انو في كثيير اراضي أقرب للبلد وبتوسع احلا مدرسي.
يا جماعه كل شي زاد عن حدو قلب ضدو.
يعني هوي اكثر حدا متضرر من هلاضراب مش ولادنا. الطلاب هني اكثر حدا متضرر بالرغم من انو كثير مبسوطين بهل عطلي.
خلونا ندور عطريقا ثانيي لحل المشكلي غير اضراب هلولاد يلي بعد الحياة معلمتهنش وين مصلحتهون
اني طالبي من الاعداديي..صح نحنا خسرانين بس نحنا من حقنا نروح علمدرسي بأمان
كل الاحترام لطلاب مدرسة بقعاثا الثانوية على ثباتهم بمطالبهم وهو مطلب حق .
على المجلس المحلي ان يتعامل بشفافية وصدق وهو حسب تعريفة يمثل اهل البلد والطلاب هم جزء غالي من سكان البلد وعلية ان يتعامل معهم باحترام وصراحة .
انا اعرف ان بعض الموظفين واعضاء المجلس او من لة مصلحة كان يحاول تحطيم معنويات الطلاب المحتجين امام المجلس بكلام لا اقول عنة الا قلة ادب .
واقول للمجلس المحلي لا يكفي ان نبني جدران وغرف وهذا مشكورين علية لكن علينا بناء الانسان .
بحياتكن اوباما رئيس اميركا وتنحا عن حكمو وعطا مجال لغيرو الا عنا بهلبلد لا رىيس البلد قادر ينلقالو حل ولا رؤساء هللجنه شي بطفر عيب لعبيصير بلبلد خلي هلمجلس يحس عحالو شوي ويعطي لاهل بلدو مش المهم عمرنا مدارس حجر وتصورنا حدها الاهم انو يتامن الامان لهطلاب خليها تروح بهداوه بال علمدرسه بيقول المثل انصر اخاك ظالما او مظلوما بس الحمدلله انو المجلس عنا هو لظالما والطلاب مظلوما
بحياتكن انتو تركونا من السياسي اهم شي مستقبل ولادنا بدنا نوصل لحل يرضي الكل وبعدين شو هالجريمي يلي عملها المجلس المحلي عمر مدرسي للطلاب على مستوى عالي وعلى الطراز الحديث ومع هاذ وكلو مش تارك الشغلي وعبيحاول المساعدي بشكل قانوني فبترجاكن معش تسيسو الموضوع ويلي عندو مشكلي مع المجلس يحلها لحالو مش عن طريقة ولادنا
اللي راح يجي مش راح يكون احسن من اللي قبلو لانه مجلس معين من الدوله غير منتخب من اهالي البلد وهني قاعدين ب المجلس مش لسواد عيون حدا قاعدين لانو ع بيقبضوا رواتب خياليه غير الحوافز ليش ليفكروا بذوي الدخل المحدود ب اختصار اللي معوش يدفع يبعث ابنو مشي هني قادرين يوصلوا ولادههم ع المدرسي كل واحد عندو سياره الو وجيب لمرتو اصلاً ولادهن اذا راحو ع المدرسي ولا لا مستقبلهن مضمون لانو فرخ البط عوام وخاي الكرامي والشهامي تنفعنا اني وياك
لي بدو يكتب تغيب بدو يسال عن سبب لتغيب