بعد الانقسام الذي شهده الموقف حول إضراب طلاب ثانوية بقعاثا في الأيام الأخيرة، لبى أكثر من 70% من طلاب المدرسة اليوم نداء الأهالي بالعودة إلى الدراسة، وأنباء غير مؤكدة عن استقالة رئيس مجلس الطلبة.
بعد استمراره لأسبوع كامل، إضراب طلاب ثانوية بقعاثا دخل في تعقيدات تسببت في انقسام بين الأطراف المعنية. ففي الوقت الذي دعا فيه رئيس مجلس الطلبة، مساء أمس، إلى استمرار الإضراب، دعت لجنة أولياء الأمور الطلاب إلى العودة إلى مقاعد الدراسة والقبول بما توصلت إليه من اتفاق مع المجلس المحلي.
وكانت لجنة أولياء الأمور قد اجتمعت بمجلس الطلبة، وأطلعته على الاتفاق الذي تم مع المجلس المحلي، على أن يدفع الأهالي مبلغ 800 شيكل عن الطالب الأول للعام الدراسي، 400 شيكل عن الطالب الثاني في نفس العائلة، 200 شيكل عن الطالب الثالث، ومجانا للطالب الرابع وما فوق، بالإضافة إلى إعفاء 100 طالب من أبناء العائلات ذوات الدخل المنخفض بصورة كاملة.
ويبدو أن مجلس الطلبة لم يوافق على هذا الاتفاق، لذا أصدر بياناً دعا فيه الطلاب لاستمرار الإضراب، وقد جاء فيه:
“بعد اجتماع لجنة اولياء الأمور مع رئيس المجلس المحلي وعدم الوصول الى نتيجه ، لا يزال الإضراب مستمراً ولم يتغيير شيئاً ، ونحن كنا قد ارسلنا عدة ، رسائل لوزاره المعارف، ووعدنا بالرد خلال يومين . وما نرجوه منكم هو الصمود بلاضراب حتى نحصل على رد من الوزير شخصياً”.
وجاء هذا البيان رداً على البيان الذي كانت لجنة أولياء الأمور قد أصدرته في وقت سابق، وجاء فيه:
“حضرات أولياء الأمور المحترمين
بعد الجهود الرائعة والمواقف المشرفة التي قام بها طلابنا الأعزاء، للحصول على مطالبهم ..
وبعد المحاولات المتعددة من كافة الأطراف ومنهم مشايخنا الأجلاء.
عرفنا جميعاً أن القانون في وزارة التربية والتعليم قسم المواصلات، لا يغطي موضوع المواصلات ولا يوجد حسب القانون ما يلزمهم بذلك.
وقد تم تقديم العديد من الطلبات من قبل لجنة أولياء الأمور وحتى المجلس المحلي للحصول على تمويل للمواصلات وهي حالياً قيد البحث.
—
تمكنت لجنة أولياء الأمور في المدرسة الشاملة بقعاثا بالتشاور مع مجلس الطلبة، بالتوصل الى حل يصب في مصلحة أولادنا ومستقبلهم التعليمي، نظراً لعدم وجود حلول قانونية أفضل في الوقت الراهن .
١- يوم الأحد 20.11.2016
سيعود جميع الطلاب الى المدرسة
وسيتم تسيير الباصات لجميع الطلاب في مدرسة بقعاثا الشاملة .
٢ – الإستمرار في دفع المبلغ المحدد من قبل المجلس المحلي (اشتراك الأهالي) حتى مساء يوم الثلاثاء، واعتباراً من يوم الأربعاء ستنقل الباصات الطلاب اللذين دفعوا فقط .
٣ – في حال الحصول على ميزانية للمواصلات من قبل الوزارة ستتم إعادة المبالغ للأهالي حتى لطلاب الحادي عشر واللذين لا يشملهم قانون النقل .
٤ – متابعة موضوع المواصلات مع وزارة التربية والتعليم .
نتمنى التفاعل والتجاوب مع هذا البيان بكل تفاصيله
وشكراً
باحترام لجنة اولياء الامور
في المدرسة الشاملة بقعاثا”.
راحو عمرو مدرسه اخر معمرات الله وبدهنش يعملو مواصلات او بدهن يدفعو الناس اجار المواصلات دخلكن ليش بس كنا بثانوية مسعده كان ينقلنا الباص ببلاش ومتل العسل عقلبهن اسا بطل يعجبهن يغطو تكاليف الباص ????? لا خليلهن هالمدرسه يبلوها ويشربو ميتها خلي طلاب الاعداديه ترجع عالمدرسه هلي كانت وطلاب الثانويه يرجعو عمسعده وهي كانت حاجي وجع راس ..الناس معش قدرتها تدفع والي عندو 3 ولاد بالثانويه مش قدرتو يدفع 1400 بيكفي التكاليف للمدارس من كتب لتامينات ورحلات واواعي وغيراتو بهالسنه شفقو كمان
لجنه اولياء الامور تحكي عن حالها وبس ولحالها عبتنشر قرارات ماحدا قايم معها منالبلد ومش كل ماجا عبالها تنشر مقال معناتو اهل البلد وافقوها واخذو برايها هي لحالها بتحكي وبتسكت وماحدا معبر ورادد عليها بس الحق بيرجع للاهالي لمش قادري تقيم هيك لجنه وتنتخب غيرها وفي كثير منها لبيصلحلهنش يكون بهيك شغله
ان لجنة اولياء الامور ايتها المحترمة انتخبت من قبل الاهالي وليس تعيينا من احد المفروض ان نشكرهم على اهتمامهم واذا عند اي شخص خلافات مع احدهم هذا لا يشمل اللجنة باكملها ، لذلك علينا ان نفكر قليلا قبل ان نتعدى حدودنا بالكلام . على كل حال اتمني لك التوفيق وشكرا.
بدي اسالك ليش للباص مش قادرين ندفع منستاجر لاولادنا سيارة كل شهر 250 بيطلع عليك السني 2500 وللة باضرابهن الطلاب كل طالب صرف لا يقل عن 300 شيكل بس شاطرين نشتري لأبنا بيلفون 3000 وخمر ودخان وبنزين لوين وصلنا كل الهدف من الاضراب مقاصد شخصية وهلي خسران طالب فهمو عاد
اولا محدا مستخسر بابنو 800 شيكل دفعه للباص ليروح عمدرستو يتعلم ثانيا هلي عبتحكي عنو انت شريحه قليله ونادره من الناس ..الناس عنا مش قاعدي عبنك هلي عندو ولدين و3 بالمدارس يدوب يلحقلهن اكل وشرب ولبس ومصاريف مدرسيه مهمه متل كتب ولباس موحد وغيرو وغيراتو وبما انها مدرسه حكوميه وبعيده عن البلد وطريقها خطره الطالب حقو يروح بامان ويرجع بامان ومجبورين يامنولهن باصات عحسابهن مش عحساب الطالب ها المقصد من الاضراب مش مقاصد شخصيه لحدا ولا محبه بالاضراب وتعطيل الولاد عن المدارس
عودة الطلاب لمقاعد الدراسه اهم من كل الامور فطلابنا ومستقبلهم الركيزه لنجاح مجتمعنا..وباقي التفاصيل اقل اهميه وتحل مع الوقت والمطالبه العقلانيه بدون عائليه ومحسوبيات.
اشكر كل من ساهم في ارجاع الطلاب الى مقاعد الدراسة من اهل ولجنة اولياء امور وكل الاطراف المعنية بمستقبل هؤلاءالابناء ، ونعلم علم اليقين بان المطالبة ستستمر لارضاء جميع الاهل والطلاب ، اطال الله في عمركم جميعا وبالنواية الصافية ومحبتنا لبعض نحقق اهدافنا، كفى لوم وتشكيك بالآخرين لان هذا ليس حضاري ولا يخدم تربية اولادنا بالشكل المطلوب . شكرا
ما هو المقصود من سياسة دولة اسراءيل عن طريق وزارة التربيه ةالتعليم باشراف مجلس محلي في بقعاثا المعين من قبل لواء في الشمال بأن تقوم ببناء مجمع بشري (مدرسه) بمقدار 20 مليون شيكل او اكثر ورق مكتوب عليها 200 شيكل جديد وأن تستنكر شراء باص بمقدار 100 الف شيكل اي ما يعادل 1 % او اقل من تكلفة مكعبات الباطون
المهم انو الطلاب رجعت علي المدرسه وبكره بتصير حكايا ولكن حرام عليكن يا طلاب تتهمو لجنة اولياء الامور بالتقصير واني بعرف انهم اشتغلو الصح فقط والدليل كيف انتهي الاضراب وكل البلد فهمت انو لازم يندفع اشتراك لان القانون يلزم لهيك رجعتو قبراتي عمدرستكن واني كثير بتمني منكم ععطو اللجنه حقها لانهم عملو لمصلحتكم تماما
اول شي نعمي الي رجعنا على المدرسي ثاني شي كل واحد حاطط بجيبتو تلفون 4000شيكل ولابس اواعي 1000شيكل وبس طلع ضاهرة السيارات على كهربا 70% من اهل بقعاثا راحو شترو لولادهن عشان هيك بلا مزاودات وخلينا نرجع كيف كنا مستقبلنا ابدا من كل شي لانو بس صار في مصالح شخصيي وبيت بو قعقور وبيت بو مالحه فرط كل الاضراب بعض الناس او الأشخاص أستغلت الموضوع عحساب طلاب لا أخير رجعو عل مدرسي احسن الكن مستقبلنا ابدا من كل شي
رجعو عل مدارس وحاجي مزاودات عاد من ورا مصالح شخصيي الاقرع والمصدي صار بدو يدخل خلص عاد مش هيك بتنحل الامور