رئيس الوزراء الإسرائيلي بنيامين نتنياهو زار الجولان المحتل

3
رئيس الوزراء الإسرائيلي (من اليمين) يتناول الغداء في مطعم بركة رام

(الصور عن صفحة رئيس المجلس المحلي على الفيس بوك)

قام رئيس الوزراء الإسرائيلي، بنيامين نتنياهو، بزيارة مفاجئة للجولان المحتل اليوم (الثلاثاء)، قام خلالها بزيارة شخصية لعائلة رئيس المجلس المحلي السابق في مجدل شمس، سليم الشوفي، الذي ربطته به علاقة صداقة  منذ أيام الخدمة العسكرية، حيث تناول الغداء برفقة رئيس المجلس المحلي الحالي في مجدل شمس، دولان أبو صالح، في مطعم العائلة قرب بركة رام.

نتنياهو قام بزيارته اليوم يرافقه وزير الدفاع موشيه يعلون ورئيس الاركان بني غنتس، وقد قام الثلاثة بجولة على بعض المواقع العسكرية الحدودية في الجولان المحتل، ومن ضمنها الموقع العسكري الذي يضم المستشفى الميداني الذي يعالج فيه الجرحى السوريون.

إعلان

إعلان

ونقل عن لسان رئيس المجلس المحلي مجدل شمس، دولان أبو صالح، أن نتنياهو أخبره أن تطويراً سيحدث في هذه المنطقة لم تشهد مثله من قبل.

بنيامين نتنياهو ودولان أبو صالح
بنيامين نتنياهو ودولان أبو صالح

4

2

تعليقات

  1. صراحة يا اهل المجدل تحسدو على رئيس المجلس الي عندكن مو متل باقي القرى بنام وبيقبض عندكن شخص قبضاي وسبحان اللي خلقو بغيب وبجيب ……… الله يجعلك ببلد كل محب

    1. يا عمي تنحسدش . كل الشغله ان الجماعه بحبو الحمص مع بيتا دروزي. مش هامهون الهضبه ولا اهلها.

    2. **** للاسف لقد تغابت الناس واصبحت تؤمن بالغيبيات واصبحت تحقق امالها في احلامها لا في الواقع لان واقع مجدل شمس واقع مرير..

    1. ما تهكل همك يا اخ مش مهم … نتنياهو اكثر انسان كذاب ومراوغ بتاريخ دولة اسرائيل ومعروف عنو انو بحب البلاش وخاصه لكرشو وبحياتو ما بينفع بشئ بيوعد وبساير وبيضحك ليتصبرن مش اكثر هههههه .

  2. للأسف هذا ما وصل إليه جولاننا المحتل بأن يأتي أحدهم ولا يمثل مجتمعه ويصافح الاحتلال والعدو .. فعلاً شيء مخجل , أين ثقافة المقاومة ؟!

    1. حبيبنا بلا مزاودات سملي على مقاومتك … شو منك ومن مقاومتك ؟؟؟؟؟؟

      1. أنا لا أزاود .. أتكلم كعربي سوري تربيت منذ الصغر على أن الكيان الاسرائيلي هو العدو الوحيد لكل عربي ولكل مسلم ومسيحي ولباقي المذاهب والطوائف , ولا أعترف بوجد دولة على وجه الكرة الأرضية تسمى بـ “إسرائيل” بل هناك فقط فلسطين المحتلة ومن الطبيعي أن يكون نتنياهو عدو لنا , لذلك يجب أن نتذكر آبائنا وأجدادنا ولا ننسى دماء الشهداء ولا كل مظلوم ومعذب في سجون العدو الزائل عاجلاً أم آجلاً على أيدي مجاهدي وشرفاء الأمة العربية

    2. بدي اسألك هويتك يلي بجيبتك! دخلك مش زرقا!!! مش مكتوب عليها دولة اسرائيل!! يا مزاود! يلي بدو يقاوم اسرائيل ويلي ما بيعترف بدوله على الكره الارضيه اسما اسرائيل، ع القليله ما بدو يحمل هويتا الزرقا وما بدو يتعامل بالشيكل تبعا وما بدو يتعلم ويعلم ولادو بمؤسساتا التعليميه ومابدو يطبب بمؤسساتا والطبيه وما بدو يدفعلا ضرايب وما بدو يقبض من مؤسسة التأمين الوطني وما وما وما …. حلو تكون شوي موضوعي وصادق مع نفسك اولا مش اكثر.

      1. نحن في أرضنا المحتلة وسنبقى فيها نقاوم الاحتلال بالفكر والوعي والقلم وبالمقاومة المسلحة اذا اقتضى الأمر وكل شيء يهون فداء لوطننا سورية .. ولن نرحل مهما كلف الأمر , والهوية التي تتحدث عنها لا أعترف بها وهي بطاقة تعريف مؤقتة لحين زوال الاحتلال أما هويتي فهي عربية سورية , أنا صادق مع نفسي كثيرا ولا يوجد مشكلة اذا تحملنا قليلا وصبرنا باستخدام عملة ليست لنا وبباقي التفاصيل السطحية التي تتحدث عنها , الأهم هو أن نبقى مخلصين لوطننا ولا نتخلى عنه ولا عن فلسطين ونقاوم ثم نقاوم للتحرير القريب بإذن الله

  3. ****** … قال شو قال تطوير لم تشهد له مثيل ؟ اي شو بنا احسن من هيك تطوير الله يستر دنيا اخر وقت

    1. ألدنيا ليست آخر وقت بل أول وقت .. أهلاَ وسهلاً . قولوا مرحباً للواقع ..

    1. لعلمك نتنياهو لم يزر مجدل شمس ولم يدخلها بل زار الجولان المحتل و دون ان يعيقه احد ووصل شمالا حتى بركة رام.. لكنه اكيد لم يزر مجدل شمس ولم يدخلها

  4. حفاظاً على قوانين التعليق بالموقع بقدرش إمدحك بطريقتي.

    أما عبكتبت هالتعليق واني مبتسم, كل الإحترام صراحة بينحسبلك كل شي عبتعملوا .
    الكل بيعرف انك مش مقصر وعبتشتغل من كل قلب ورب وكل الطاقة اللي بتطلع بأيدك مع ها وكلو بتسمع نق كثير من العالم وبتزيد المطالب وبيتّهموا بالتقصير, بس حسبي الله ونعم الوكيل.
    ها شعبك هيك قلوا ربنا نص الدنيا الك قلولوا والنص الثاني لمين؟

  5. هههه شي بيضحك صار نتانياهو شرف لاهل المجدل
    تفه عهالزمن

    1. أختي لا تبصقي على الزمن فالزمن والمكان هو كالمرآة . هاذا ما يفعلة العرب ألآن .. ألأوضاع في الدول العربية مؤسفة ومؤلمة نتيجة فشل حضاري للأسف .. أقول لنفسي نحن محضوضين في الجولان لأننا لانعاني من هذا الفشل مباشرة ..

    2. حكيك مردود عليكي اهل المجدل من يوم يومن شرفاء و وطنيه بس حكيك بدل ع حسد

  6. عنجد انو كل الاحترام للرئيس دولان لأنو بغض النظر عن الاحتلال وكل هي الاشياء بس هوي انسان بيستحق يكون رئيس وبيستاهل كل خير لأنو بيعرف كيف يعمل علاقات مع ناس عشان يقدر يشتغل ويطور بالبلد وعطول عبيشتغل لمصلحة الناس والشي كثير واضح ..،

  7. والله اني مبسوط لهلزيارا صحيح انو في وراها الف قصه وقصه اما منيحه هاذا منطق (حكلي لحكلك)

  8. الاسبوع الماضي اقر نتنياهو تخفيض الضرائب فنامت الاصوات نومة اهل الكهف بداية من *** وانت ماشي

  9. ايمتا بدو يجي لعنا على بقعاثا بصحصحلنا هالرئيس شوي بس قولولو يجي بالطياره احلى ما يوجعو ظهرو من مدخل القرية [ الشارع الرئيسي]وشكرا

    1. فشر ميي والف مره ليدعس ببقعاثا بيفوت عجرييي وبيطلع محمللل بالتابوت

      1. حبيبي انت تشدش على حالك ولازم يحصحلو شو رئيس المجلس تبعك لانو شارع الفيجي الشرقيي وين بيت المعلم عقاب ابوشاهين بيستحي الواحد يمشي في كثر ما في جور واني بشارطك في اكثر 16 حفره من شين هيك خلي يجي والك مني انو فش ولا قبضاي بدو يعمل شي لانو اذا عمل شي ليلاقي الرصاص براسو واني قشعت الحرس الي كان معو من شين هيك تشدش على حالك وتكثر وصقالله على بقعاثا بس يتبدل الرئيس بلكي بتنتعش البلد شوي 🙂

  10. والله نتنياهو مفكر حالو ذكي
    قلك انو سوريا خربت وصار يحط
    اجريه ويحكي مع ***
    لكنة خسى سوريا منتصره والجيش
    السوري بدو يقطعلوا جريه

  11. كل لأحترام الك دولان والله يقويك ويخليك بكامل قوتك ,,وبنسبي للناس لعبتحكي وتقول مالهاش لشرف وبهنش علاكون يزوركون رئيس لدولي لكان والخ … معش تقبلو اهلكون او بيت جدكون يصرفو من مصاري لدولي او تتعلموش بلجامعات ولكليات ولمدارس ليهوديي او تدوروش على وظايف حكوميي ,,فيقو كلنا منحب سوريا ومنحب نرجع والخ.. بس في شي اسمو واقع ومنقدرش نهرب منو ونحناا ببلد محتلييي ومعرضين لكل شي مع احترامي للجميع ,,شكرا

    1. حكيك صحيح يا بنت المجدل امي وبيي وجدي بياخذو من الدولي بس سالي بييك بيقلك انو الدولي بتاخذ منا ضرايب قد اللي بتعطينا هن عالف مره

    2. كمان فتحتي سيرة التعليم بالجامعات يا حبيبتي انتي عبتتعلمي بمسرياتك مش عاملينلك منيحا يعني مش متل باقي الدول التعليم مجاني وبالاخص بسوريا التعليم مجاني

  12. فعلا أنكم ناس بلا وعي كلكن إجماليا يا عيب الشوم حتى التعليقات صارت استفزازيي بيجي ولا عمرو ما يجئ يعني صار هذا الموضوع مهم كثير لالنا وكانو الكن موني على حدا من المسئولين ضلكن حكوا للصبح ما حدا سامع لا *** ولا *** ولاغيرو ما دام الجيبي عمراني لأنو رئاسة المجلس بكل بلد وخاصه ب *** صارت متل فلم الكنز المفقود بيجي الرئيس بياخذ منو قديش بدو هو ومين معو طبعا وبضلوا ياخذوا وما بيشبعوا لأنو راح يجي غيرهن ويأخذ متلهن حرام جماعه مساكين افش معهن ياكلوا لأنو القبضه مش مكفيي يا دوب عبتوصل لل15000₪ وما فوق طبعا هذا وهن قاعدين ورى المكاتب

  13. لوين وصلت الحالي بانو اهل الجولان المحتل يلي اسمو هز العالم ينسى وطنو ويمدح بالاحتلال

  14. الى الاخ دولان ابو صالح المحترم نحن نعلم بأنك تتعب كثيرا من اجل بلدك واهل بلدك فمنذ استلامك الرئاسه ونحن نرى بك الانسان الذي يهتم بكل صغيره وكبيره في بلدنا الحبيب وكل ما تفعله فهو بالنهايه من اجل مصلحتنا نحن وابنائنا لذلك اتمنى لك النجاح والتقدم والعمر المديد لكي تبقى مجدل شمس الاولى بفضل اجتهادك (******)

  15. الانسان اليوم بشوف مصلحتو ومصلحت بلدو من ناحية تطور …واني ها الشي شايفو بس بقي نعيش فيهو …كل الاحترام لدولان وبتمنى عن قريب نعيش بهلتطور

  16. المعلقين الكرام .دوخنونا برأيس هل مجلس قبل ما تقولو عم يشتغل شوفو كم هي ميزانية مجدل شمس وشوفو قديه عم يشتغل بل مقابل مع العلم ان مجدل شمس منطقة تطوير א .بلنسبه للتخفيش اجت رميه من دون رامي قانون اقر بلكنست وطبق .يلي بيقرى تعاليقكن من دول الجوار بفكر ان رئيسنا ما بنام اليل .بلنسبه لزيارة نتنياهو كانت للبركه وما فات عل مجدل وشﻻمتكم

  17. مع الاسف انو عنا البشر ما بتسدق تلاقي شغلي لتحكي فيها..تركو بحالو للزلمي كان بلدكون سوريا فعل ماضي اسا تغير لوقت ولبطل فيكون الي عميحكي يطالعو من لبلد..بتمنى ينقبل لتعليق

  18. حاجي تخلف عاد دولانً كثير عم بشتغلً للبلد الله يحميه ، يا ريت تعملوا انتخابات يلي عبالو يرجع عل سوريا الله معوا ، نحنا مروقين بالاحتلال مش عبالنا نعيش مع العرب الجرب ، وحاجي تفنيص قرفنا منكون ايهً بنا نعيش .،،.عطوني اختيار مش عميقبض ביטוח לאומי عطوني صبية او شاب مش عم يسجل הבטלה או השלמת הכנסה ولكون عطوني معاق جسديا مش عم يطلعوا נכות , يا معاقين فكريا ،،،،،، أهل الغجر شاطرين تعالوا بس مرة واحدة نكون شاطرين ،

    1. أولاً الجولان هو عربي سوري كان وما يزال وسيبقى للأبد ونحن موجوين في وطننا سورية ولن نرحل من هنا , ونحن عرب سوريين ولسنا “جرب” هذا أصلنا وهكذا نحن والعدو الصهيوني يريد أن ينتزع صفة العروبة عن أهل الجولان ولكنه خسأ .. من الواضح أن عقليتك مادية وسطحية ولا يعنيك عودة الحق لأصحابه ومقاومة الظلم والغدة السرطانية “إسرائيل” .. أنت وحدك معاق فكرياً ولا تمثل أهل الجولان بهذا الكلام المخجل

    2. يابحرنا الممتلي نفط وشموس وخوى .. أغنياؤك في مزابل خصومك ساهره

      كل عام و نبلاؤك سخيفين وسوى .. وأهل جنيف أتفاخر على أهل القاهره

      حنا أمه (تافهه) بين ميزان القوى .. بس أمه في فنون التفاهه ماهـــــــــره

      عند ربي اللي خلق كل مرء ومانوى .. وعند ذولا الناس لا كل مرء بظاهــــره

      هذا ولد المستوى وهذي بنت المستوى .. كم فقير ذل من بين هالمصاهره

      ياسخيفه لو جعلتي من خصلك ضوى .. في عيون اللي يعرفون منتي باهره

      الملابس والسيارات وأنواع الغوى .. ماتحط الشايكه في محل الزاهــــــره

      أنفثي دخان سيجارتك على الهوى .. وأثبتي للعالم أنك مجرد (عاهـــــــــره)

      العهر ماهوب رغبه وليل وماحوى .. العـــهر مجاهــــره العــهر مجاهــــــــره

      كل وحده طاهره حلوه وذوق وغوا .. لكن المحزن مهب كل حلوه طاهــــــره

      أنت بالفعل باهره !

    3. انو انتي يا بنت يا شاطرة اللي اسمك “لين” الظاهر انك ممثلة لشريحة كبيري عنا بالبلد اللي ناقصها “توعية” كبيري، حضرتك عمتحكي على شي اسمو “مادة/مصاري” واللي يا شطورة عمتطلع كل “هالقبضات” من ظهري ومن ظهر غيري يعني مش من “حساب الدولة” يا حلوي، من حقك تدافعي عن انسان بتحبيه وحاسيتيه بمثلك وبمثلك افكارك بس بحياة ربك راجعي افكارك قبل ما تطرحيها وتظلمي الصورة الحلوي عن شعب هالبلد وعن افكارن

  19. ولله العظيم انك حيرتونا اذا رئيس مجلس تعب بهالبلد بتقولو عنو فاشل واذا رئيس هالبلد شتغل بتقولو اي مش حاطط من جيبتو واذا رئيس هالبلد مشتغلش بتقولو عنو سراق
    شعب متلكن بدو ****
    اخ دولان ابو صالح يعطيك الالف عافي ويسلم دياتك والله يحميك ونحنا منحبك

  20. أولاً الجولان هو عربي سوري كان وما يزال وسيبقى للأبد ونحن موجوين في وطننا سورية ولن نرحل من هنا , ونحن عرب سوريين ولسنا “جرب” هذا أصلنا وهكذا نحن والعدو الصهيوني يريد أن ينتزع صفة العروبة عن أهل الجولان ولكنه خسأ .. من الواضح أن عقليتك مادية وسطحية ولا يعنيك عودة الحق لأصحابه ومقاومة الظلم والغدة السرطانية “الصهيونية” .. أنت وحدك معاق فكرياً ولا تمثل أهل الجولان بهذا الكلام المخجل…

    لا تمثل الا نفسك.. الجولان عربي سوري

  21. מתנצל אין מקלדת בערבית בנייד זה .
    אמת נמאס מההצגה של חלק מתושבי הכפר , לא מבין למה עושים “ביג דיל ” מזה שאדם בעל תפקיד מבקר אנשים שיש לו יחסים מיוחדים אליהם , כאילו מה כל ההתקפות שאין להם בסיס בכלל , שנית מי אמיץ במתקפים שמציג את שמו האמיתי , ואם את חושים שנתניהו זה הצרה שיש לכם בחיים , חכו עד שיגיעו ” דעש ועוד איסלאם קיצוני.
    לרגע אחד בחיים , תהייו אמיתיים ותניחו לראש המועצה ועוד אחרים בשקט

  22. نحنا بيشرفناش كلب متل ها يزورنا ولازم يعرف منيح انو نحنا سوريين وشو معمل بيضل فينا روح لوطنيي ، وبالنسبي للمجلس وللمشاريع ليعبيشتغلوها بلبلد بحب قلكن انو محدا عبيعملنا جميلي او عبيتحسن علينا نحنا عمندفع ضرايب متلنا متل غيرنا بسرائيل .

  23. اني كثير بفتخر بدولان وهلي مش معاجبهن بيكون احلا لان لولا دولة اسرائيل ولقبضات تبعكن كنتو متو من جوعكن يا عشاق سوريا

  24. هيرو حيلكن لاخذ لجنسيات يا اهل لهضبي ، وانتو يا شباب هيرو حيلكن للخدمي لمدنيي او لعسكريي ،زياراتو في وراها مخطط من هلنوع وعنا لناس كثير تغيرت يعني ممكن يتقبلو هلمشروع .

  25. للي عبيتفزلك ويحكي يفوت يتفرج عصور لاضراب ا

  26. يا للعار والف عار نتنياهو واشكالو صارو فخر لالنا ،ولكن ها ليعبيتفزلك ويحكي يرجع لصور لاضراب لكبير 1982 ويشوف بيو وجدو قداش عانو يومتا وكيف قاومو لاحتلال ،اخس بس شو بدو يحكي لواحد .

التعليقات مغلقة.

+ -
.