“عين القصب”.. هو الاسم الذي تم اختياره لهذا الشارع

Street3-Final

انتهت عند منتصف الليل الماضي عملية التصويت على الشارع الأخير الذي طرح للتسمية، وهو الشارع الواقع شرقي – جنوبي البلدة، والواصل بين “عين الضيعة” و “مدرسةالمناهل الابتدائية”، كما هو مبين في الصورة أعلاه.

وبنتيجة تصويت زوار الموقع، حصل الاسم “عين القصب” على الأغلبية الساحقة من الأصوات بلغت 3333 صوتاً، شكلت نسبة 82% من الأصوات، بينما جاء ثانياً، وبقارق هائل، الاسم “عين التينة” بـ 320 صوتاً (نسبة 8%).

فيما يلي نتائج التصويت النهائية:

[yop_poll id=”6″]

مواضيع ذات صلة:

– شارع الجولان

– شارع الشهيد يوسف عماشة

صور من الشارع:

IMG_1166

IMG_1167

IMG_1168

IMG_1169

IMG_1170

IMG_1172

IMG_1173

IMG_1174

IMG_1175

IMG_1176

IMG_1179

IMG_1180

IMG_1181

 

تعليقات

  2. اعتقد ان هذا الشارع اسمه معه .. – شارع عين القصب – اسم حقيقي لان الشارع يمر بجانب عين القصب .. هذه العين التي كانت مصدر الحياة لاهلنا لفترة زمنية طويلة .. وقد سار عليها اهلنا واجدادنا ملايين المرات ذهابا الى العين بجرارهم الفارغة والعودة الى بيوتهم وهي معباة بمياه عين القصب .. مياه الحياة لهم ولاسرهم .. لنا لكي نحيا من بعدهم ..

  5. شارع عين القصب …من لمن وعينا منعرفو بهالاسم فبتمنی ما يتغير اسم هالشارع لانو بيحمل ذكريات اهالينا وجدودنا …احترامي للجميع

  7. بما انه يمتد بين عين الضيعه وعين القصب فان من الاملائم ان يطلق عليه اسم طريق العين ـ فابائنا واجدادنا لهم حكايات وماضِِ مع هذان العينين. طريق العين اسم ملائم

  9. شوفو القصب بالصورة الرابعة من تحت !!!! بعد سنين رجع طلع لحالو !!!! وكأنو عبيقول انو هي عين القصب وها شارع القصب !!! منشان هيك لازم يكون اسمو شارع عين القصب

  12. بس ﻻزم يكون اسمو شارع عين القصب ﻻنو من زمان معروف بهالاسم لان هالشارع حامل ذكرياتنا وذكريات اهالينا وﻻنو بمر من جانب عين القصب

  15. بتذكر لما كنت بعمر 13 او 14 سنه كانو اهلنا يبعثونا على عين القصب نعبي مي . بيي كان عندو حمار اغبر بيطلع قد البغل وكان بيي مركب علي شد حديد بيوسع 4 تنكات .. عن كل جنب تنكتين .. وكانت الروحه عالعين رحله ونتقاتل مين بدو يروح اليوم فقام بيي عملنا دور نحنا وولاد عمي وصرنا كل يوم يروحو اثنين الصبح واثنين عشيي ونجيب مي النا ولبيت عمي .. بتذكرش قديش ضلينا على هالحاله بس اكيد مش اقل من سنتين .. كنا ننزل من الساحه ونمرق من حد عين الضيعه وكانت الطريق من هونيك لعين القصب برات البلد .. يعني اخر البيوت كانت حوالى عين الضيعة ومن هونيك لعين القصب ما كان في بيوت .. وحد العين كان ملان قصب اكيد منشان هيك سموها عين القصب … وهذا الشارع لازم يكون شارع عين القصب

  18. شارع عين القصب من واني بعمر 10سنين بعرف انو شارع عبن القصب

  19. عين القصب، بريق الشاي على الحطب و”النقيفي”. عين القصب أستراحة الخيل، “الشريط” ووقفات العز. بعين القصب بترتوي وبتطفي شوبتك، بعين القصب الخوخ الكرز جرنك تفاح عنب تين…عين القصب قطعة من القلب وطفولة لا تنسى. وما زالت العين تنضح بالماء حتى اليوم، وهناك عدة مبادرات ونشاطات لترميم الموقع وأدراجه بشكل رسمي بمخطط الشارع، بما يضمن الحفاظ على تاريخ هذا النبع وما ساهم به من عون ﻷهالي المنطقة في ظروف الشدة.

    1. قريبا راح نسمي شارع عين التينه بس لنوصل الاسم الاكثر مناسباً هو عين القصب ما بدها تفكير

  24. شكرا لكل القائمين على هذا المشروع القيم
    وحسب رايي شارع عين الضيعه ملائم

  34. بدون جدال هذا الشارع اسمو شارع عين القصب شو بتعملولو اسماء ليظل اسمو عين القصب وبسسسس

  38. في هذا الطريق يوجد عين القصب وعين الضيعه اللتان يخلدان ذكرى عن اجدادنا وتراثنا وارض الجولان السعيده التي يقضي بها اخوتنا الصغار اجمل ايام طفولتهم و “الشريط الذي يطل على ارض الوطن سوريا” ومدرسة تنشأ اجيالا وتخرجهم للحياه … ارجو ان يتم التمعن بهذا الطريق والاخذ بالحسبان كل نقطه صغيره من جهتي اقترح اسم ارض الجولان السعيده لان الجيل القادم الذي سيبدا باستخدام الاسم لهذا الشارع هو موجود الان بارض الجولان السعيده يمرحون كم هم محظوظون “بلا هم وغم” وشكر لموقع جولاني على هذه الفكره اللامعه لتسمية طرقات البلد اتمنى من الاخ دولان ان يعلق لافتات تحمل اسامي الشوارع في كل البلد وان يعم السلام القروي في الهضبه

  40. عين القصب تعودنا على ها الاسم من لمن كنا ولاد وبدو يضل هيك شو معملتو

  41. فكرة كثير حلوة .بس لازم اذا بدكن تعطوا اسماء للشوارع بتعطوا اكثر شي 20% تصويت بالانترنيت والباقي اجتماع بمركز الشام. عنشنو كل هلي عالنيت شباب وصبايا صغار ونادر حدى كبير . اني شخصيا لحد اسا الشارع الجولان والشهيد المرحوم يوسف عماشة بستعملنش. شغلي ثاني كل حياتنا متعودين من سنين ومن يوم ما خلقنا شارع الجولان هلي سمتو هو مدخل البواب. والشهيد يوسف عماشة هو شارع الملعب . والطريق هلي اسا طريق عين التينة او الحدود او عين القصب او السكرة كل عمرنا نقول هيك.

  43. كل مرا بدكون تعملو اسم لطري مش مختلفين بس سمو عاسم موثوق في رجائ:-)

  46. شكرا على مبادرتك بتسمية شوارع مجدل شمس لانها فكرة حلوه ومنطقية لكن اللامنطقي تجي تحط الشارع هون الي كل اهل الله بتعرف اسمو عين القصب وتحط تصويت عليه ويتغير اسمو . يعني كون منطقي شوي .. يعني اسماء الشوارع المعروفي خليها متل مهي بدون ما تعمل تصويت رجاءا . يعني بكرا اذا بغيرو اسمو للشارع بتكون عبتساهم بتدمير الاسماء القديمة بالبلد الي بتعني كثير للناس . عين القصب من اول ما خلقت مجدل شمس لا تغير تاريخنا وتخلي محل نقاش وجدل . شكرا

  47. من جهتي كل هلاسماء يلي عبسمو فيها الشوارع ما بتعنيني.لانو شوارعنا اسمائها معها.بيقدرش حدا يجي يمحيلي من ذاكرتي اسم عين القصب مثلا ويحطلي اسم بعرفش منين.يلي نحنا ربينا عليه منربي ولادنا عليه

  48. شارع المرحوم يوسف الصفدي بما انه تبرع بمبنى المدرسه القديمة

    1. لو كان في عداله كان شارع الجولان حمل اسم الراحل يوسف الصفدي .

  52. على اهالي البلدة بمعزل عن المجلس المحلي المعين التدخل ،فالمجلس المحلي نقيض للاسماء وبالاخص الاسماء التي تعبر عن تاريخنا الوطني …انسب اسم عين القصب

  58. كل عمرو اسم هالشارع طريق عين القصب واسا بلحظه بدنا نغير اسمو على كيفنا اسمو من ايامات جدي وجدك عين القصب !!!!!!!!!!!!!!!!!!!!!!!!!!!!!!!!!!!!!!!!!!

  61. شارع الصراخ,
    نظراً لموقع الشارع الواقع في الجانب الشرقي من بلدة مجدل شمس والذي يدلي باطلالته على الوطن الأم, فمن الجيد ان نستذكر وطننا الحبيب ولو بأبسط الاشياء.
    كل عيد جلاء نتجمع عند تلة الصراخ,ننادي بأحبائنا بالجانب الاخر ونبعث بصرخاتٍ تفتح قلوبنا وتفجر اشتياقنا لتراب الوطن الغالي.
    فها هو الاسم الاكثر منطقية لتسمية الشارع وهذا بالضبط ما يجب ان تتمحور عليه تسمية الشوارع في البلدة “العَرَاقَةُ وَمِن ثمَ العَرَاقَةِ”
    وشكراً

  62. مع كل الاحترام للاخ نبيه ومبادرته بس هالشارع ربينا ونحنا نقول عنو عين القصب وها الاسم مش راح يتغير
    وعلى فكره الشوارع اللي تم التصويت عاسمها (الجولان), اهلي بيي وجدي وكثار من كبار المجدل بيعرفوش شي عن المشروع وهيك الاغلب مش راح يستعملو هالاسم
    بعتقد انو لازم اعاده التفكير بمشروع تسميه الشوارع

  63. يا جماعة اتسموش شوارع في شغلات اهم من الشوارع لنصير شعب راقي.اسماء الشوارع منعرفا من جد جدنا .ها الطريق عين القصب او عين التينة او السكرة . منعرف طريق الملعب .طلعة بيت وهبي.طلعة الخلوي.عين الضيعة . مدخل البواب .طريق الجبل.طريق الكازيي.دوار الشهيد اسعد كنج. دوار الجبل.نزلة الشايش.حارة الشمس…الخ.
    اتمنى ان تقبل التعليق .هذا رأيي.اطلب منك (موقع جولاني)يقترح مواضيع اعمق ومعناها اكبر لكي نصبح شعب مرتب وتتحسن اوضاع البلد.شكراااااااااا

  64. اني ضد التسميي باسامي الناس عمنها مش ملايمي. طريق البيادر محداش راح ينطق باسم الي سمتو. عمنو اسم عمسمى طريق البيادر. واني ضدكن وضد الاتسميي الخاطئه

  65. افضل شي شارع عين القصب هيك متعودين وفايت هالاسم باللا شعور تبعنا عين القصب = ذكريات رعي الماشية التنقيف اكل الجوز واللوز والتين والكبوش الذهاب الى المدرسة الابتدائية بين اشجار التين ورائحة الشيح العطرة ( ها قبل ما يتزفت الطريق ويتوسع)قص صوف الماشية تحت الجوزة القريبة من العين التي لازالت موجودة للان . اما عين الضيعة فليطلق على اسم شارع اخر مناسب لكي لا نفقد هذا الاسم الجميل ايضا..

  66. اقترح عين القصب وتكمله الطريق للساحه بيكون عين الضيعه وبهيك منستغل الأسمان

  69. بما انو في نبع عين القصب ونبع عين الضيعه ….شارع الينابيع

  70. اني بتوقع انو لازم تفكرو بلاول بترميم لعين وتزبيطا قبل متفكرو بتسميت لشارع باسم عين لقصب

  71. شب من الحاره.
    حلو حلو حلو. يحي شيربك وشارب الي خلفك عمنك زلمي حقاوي. ورايك بجنن واني معك بهشي. اولا” زبطو هلعين رميموها وبعدين سموها. …

  72. لكي نتذكر دائما اهلنا وجذورنا في الوطن خلف الاسلاك الشائكه.
    الاسم الطبيعي شارع تلة الصيحات

  73. عين القصب من الماضي نسمع بها الاسم اما ما بفتكرش ان الاسم الاسم ،،،،ممكن نسمي اسم اطفال الجولان لان هذا الطريق مسار للاطفال الا المدرسه

التعليقات مغلقة.

+ -
.