قامت الشرطة صباح اليوم بتحرير مخالفات وغرامات مالية، بسبب إيقاف البعض منهم لسياراتهم على جانبي الطريق وعلى الرصيف، بصورة تعطل حركة السير والمشاة.
وقال أحد الأهالي، أن هذا الموضوع يشكل مشكلة عويصة، يعاني منها الجميع منذ مدة طويلة، ولم تنفع جميع المحاولات لإقناع بعض المعلمين بضرورة إيقاف سياراتهم في الموقف المخصص لذلك، مع العلم أنه يبعد قرابة 50 متراً عن مدخل المدرسة.
ويقوم بعض المعلمين بإيقاف سياراتهم على الرصيف المخصص لطلاب المدرسة الابتدائية، الأمر الذي يغلق هذه الرصيف ويضطر الأطفال إلى السير على الشارع، مع ما يشكله ذلك من خطر عليهم، أثناء وصولهم إلى المدرسة صباحاً وعند مغادرتهم بعد انتهاء الدوام المدرسي، حيث يزدحم الشارع بسيارات الأهل الذين يقومون بنقل أبنائهم.
وأضاف ولي الأمر، أن المعلم يصل إلى عمله عند الساعة 7:30 صباحاً، ويركن سيارته طيلة النهار، حتى الساعة 16:00 بعد الظهر، وهو بذلك يغلق الطريق ويعطل حركة السير طيلة النهار، في الوقت الذي يمكنه ركن سيارته في الموقف المخصص الذي يبعد 50 متراً عن المكان، ويوفر على نفسه الغرامة المالية، ويوفر على الجميع أزمة السير والخطر الذي يتسببه لأطفالنا.
هيك ليزم وكمان بالمجدل ليزم يصير هيك عنا بالمجدل بتلاقي الناس صافي سياراتن عالرصيف والاولاد بيمشو عالطريق
عقبال ما يبدا يحرر مخالفات عتا في البلد كل واحد بفكر انو بيو وجدو ومصينلو الطريق وبيقدر يوقف وين بدو
مش ممكن نتعلم النظام ولحفاظ على سلامت الاخرين كل واحد بهمو حالو وبس يلا بس تدفعوا بتتعلمو احترام حقوق الاخرين
بيستاهلوا المخالفه واكثر لانوا ما كانوا يسمعوا الشكاوي من ااهل القريه..(شو هلمعلمين يلي سياراتهن اهم من الطلاب )
يا الله شو منحب نشمت ببعضنا ايمتى بنا نشفى من ها المرض يمكن هن غلطو بها الشغله بس مش قصدهن انه السياره اهم من ولادنا لانه مش بس ولادنا هلي عبيتعلمو كمان ولادهن
والله مش شماته والمعلم لازم يفهم انو الرصيف مش لسيارتو بس من همو ليمشي كوم فشخه من الحنيا للمدرسه
اكثر من شهرين وانا ازور المدرسه واتكلم مع المدير ونائب المدير وكثير من المعلمين ولكن لا حياه لمن تنادي. وتحدثت مع اصحاب السيارات وخاصه الذين يركينون سياراتهم على الرصيف ولكن دون جدوى.واخيرا تبين للاسف ان الشرطه فقط تستطيع ان تحل هذه المشكله.واخيرا شكرا لمن اتصل واستدعى الشرطه واتمنى ان يكون درسا للجميع وخاصه للمعلمين الذين يجب ان يكونوا قدوه للطلاب وللاهل وشكرا
للسيارات لاقينا مين يعطيهون مخالفات بلكي بيصيروا يوقفوا سياراتهون بالمحل الصحيح .
اما السؤال هلي بيطرح نفسو ،
شو مع الحطب هلي موجود علارصفه بكل البلد ومنهون ايضا معلمين من مدرستنا؟
شو مع سكك الفلاحه هلي استعمالها مره بالسنه ومع هذا تبقى كل السنه علارصفه بكل البلد؟
وشو مع هلي صار زارع ليمونه ولا تينه على الرصيف ؟
اني من جهتي الله حيو الشرطي هلي قام بهذا العمل اليوم ونناشده ان يزورنا كل يوم ويقوم بمعاقبة كل معتدي على الاملاك العامه لانو لمبين المجلس المحلي مش هامو أمر البلد بيمرق بشوارع البلد وبيعمل حالو مش شاييف ،،،،دمتم بخير .
للعيقانيه يلي عبتحكي عن الشماتي بدي وصلك انو الشغلي مش شغلة شماتي عقد مهي شغلة عدم استيعاب وبهدلي من قبل المعلمين يلي توجهولون اكثر من مره.. بس نحنا الحمدلله ماسكين شنتات معباي دولارات بدينا لازم نصف بقلب الاداره بالمدرسي ممنوع نمشي فيهن 50 متر، يلا منكدش عليهن شي بلا رحلي عالBig الشهر ها
يكونو عبره لمن يعتبر.
وبدل ما نحكي بس على صفة لمعلمين فوتو شوي على لمدرسه وشوفو المدرسه لقديمه وها الكونتنر هلي زاربين ولادنا فيهن والنايلون لمفروش بالارض بالصف الاول ولاولاد بتتعركج في وكل واحد فينا بديرها على الثاني وصف لبستان هلي شتت لدنيا شوي غرق الصف وريحه الرطاب بتقتل في وصحيح عبعمرو لمدرسه الثاني بس شوفو السقه هلي عبياكلوها ولادنا او عبنظطر نعطلهن ….
المهم معنا دولارات ومصلحة ولادنا بس على الطرقان فيقو وشيلو لغشاوي عن عيونكن وشوفو هلي عبصير جوا وجيبو بوليص يتفرج على ولادنا وساعتها كيفو على ها الكوم متر هلي مش عبيمشوهن لمعلمين
انو مش عارف ليش حاصري عالمعلمين وشادي عايدهن انو مكنش لازم يتخالفو…طلوع السلم درجه درجه بما او بلشنا من الرصيف معناتو الخير لقدام وبلكي بكرا بيتصلح كل شي جوا وتطمني اي رح نكيف انو للمعلمين بدهن كوم فشخه..*****
هيك لازم كل الاحترام لاخوانتا أهل عين قنينة ، عقب إلنا أهل المجدل ،،، عنا مش بس السيارات بيصفوا عل الرصيف عنا البياع نقل الخضرة عل الرصيف ، والمطعم عل الرصيف فتح زاوية قهوة ، عنا الرصيف كل حمار نسي يعمل كراج لسيارته كتب علية موقف خاص ،،،، قول الشارع ملك آمو وبيو ، لا والأجمل كنك زلمة سوق بحارة الجبل هونيك عل الرصيف نفتحت الشبابيك ونزرع حديقة ، وكل واحد مستغل الفرصة ماجر كراج تحت بيتو وصافف عل الطريق ،،، والطريق من غير شي ٥ متر مش أكثر ،،،، الرحمة بس شوية ذوق ،،، يتستر جوا يصفوا هيك بشمونة مثلا ؟؟؟؟؟
الله يجازي اللي كان ورا هالشي قام واشتكى عاهل بلدو او فكر حالو بهالطريقه هو بيكون عبيعاقب المعلمين.. ان الله يمهل ولا يهمل اكيد رح يبين وينعرف هالشخص
يا ابن البلد انت يلي بتحب اهل بلدك كثير بحب قلك شغلة … نحنا اذا بنا نظل نتستر على غلط غيرنا ونغطي عليه بس لانو ابن بلدنا وبناش نعمللو مشكلة وبحجة انو نحنا دروز وقرايب وأهل بلد واحد .. اذا منظل هيك طول عمرنا مش رح نتقدم خطوة لقدام … رح نظل متخلفين وبلدنا مش رح تتطور ولا حبة اذا بيظل فيها ناس بيفكرو متل تفكيرك .. مع احترامي الك طبعًا.
ناسف لمثل هذا المستوى في التعليق وخاصه من قبل اهل البلد والشخص الذي قام بالشكوى يركن سيارته امام منزله على الطريق الرئيسي ويعيق حركة السير
يا قبارتي مختلفناش نحنا اهل بلد وحدي ، بس الرصيف مش لينصف عليه سياره مش هيك وظيفتو، اني اهل بلدي بعيوني بس قلة الحق لشو؟ عشان المعلم ميتخالفش ولادنا واخوتنا لزغار بيتعرظو لخطر؟ بعدين هني حكو معن مره ومرتين وتلاثي بس فش نتيجي وعطول بيتجاهلو حكي الاهل ، اني بحب النظام ومع الشي يلي صار ، بالنهاي هني تخالفو مش فاتو عالسجن الله بيرزقهن ، نشالله يكونو تعلمو النظام يلي من المفروض هني يعلمونا ياه !
طيب ويلي بالمجدل كاسر الرصيف لدكانتو.