كنافة بين المطرقة والسندان.. \ ايتاليكا

تعليقات

1. يسلم ثمك ايتاليكا.. لانه يبدو ان في ناس ضيعت البوصلة وضيعت معها الادب والاخلاق والحد الادنى من احترام الاخرين واحترام الذات قبل كل شي

2. حكي موزون وبياخذ العقل اني مع هالمقالي الحلوي…

3. لو كل الناس بتقدر وبتفهم هالحكي يسلم ملافظك

4. إضاءه أكثر من رائعه نطقت الكثير الكثير من الحروف لمخنوقه جواتنا….
   أولا هاد رأي مش فرض
   ثانياً السخريه مرفوضه بهيك مواقف
   ثالثاً لاقو شي تتسلو فيه بدل هالتعليقات التافهه يلي غالبيتها توجهت لمشايخنا يلي فيهن منكبر
   بالأخر هن طرحو وجهة نظر ولنا حرية القبول او الرفض….وحبذا لو رفضنا بموضوعيه ولباقه
   دامت الافراح بدياركم عامره

5. عجبي ومعجبنيش

6. لك الله يعز بطن يلي حملك ….بحب قول شغلي انو مشايخنا هن الراس تبعنا (قائد) ونحنا بلا المشايخ منسواش ….تخيلوا جيش بلا قائد , بكون هالجيش مفكك عايف حالو , ونحنا نفس الشي….يا جماعة المشايخ بياخذوش قرارات على الفاضي…حتماا بكون فيها صالح الي والك والو وللكل …. نحنا بوضع يرثى له (بتر , تبذيرالخ…) هن قصدن بس تخفيف تكليف كنو من ناحيي ماديي , نفسيي ,ذهنيي, .لأنو بتوقعش حدا اليوم بحبش يقوم بالواجب على اكمل وجه….بس في ناس ما بتقدرش وبكنش عندا امكانيات ماديي او او …. بس بقدم فوق طاقتو عنشان يفرجي انو هو مش اقل من الناس او بخاف يصير عليه حكي من لسان الناس يلي متل السيف بنصلين على اليمين والشمال متل ما تفظلتي وقلتي ……بس بتمنى من الجميع يكون عندن حسن ظن وشكراااا

7. الحقيقه كل لاحترام على قدرتك على لاستوعاب وكل شي ذكرتيه مزبوط ( وبقلك الك ولكل انسان قرء هالمقال انو انتي عبتحكي بصدق نيه واخلاص ولو غير هيك كنتي كتبتي هالمقال بأسمك لانو المعجبين والمادحين كثار ) ………. وما طردناك من بخل و لا قلل!!

   لكن خشينا عليك وقفة الخجل!!

   قصة رائعه.. يقبلها العقل.. بغض النظر ان كانت واقعية ام لا.. وقد تكون تكون انسب الى شباب هذا الزمن من مواعظ بعيدة عن المنطق

   من يقرأها يعتبر بروعة ختامها

   ولن تفهمها إلا إذا قرأت أولها..

   كان فيما مضى شاب ثري ثراءاً عظيماً، وكان والده يعمل بتجارة الجواهر والياقوت، وكان الشاب يؤثر على اصدقائه ايما إيثار، وهم بدورهم يجلّونه ويحترمونه بشكل لا مثيل له.

   ودارت الأيام دورتها ويموت الوالد وتفتقر العائلة افتقاراً شديداً فقلب الشاب أيام رخائه ليبحث عن اصدقاء الماضي، فعلم أن أعز صديق كان يكرمه ويؤثر عليه، وأكثرهم مودةً وقرباً منه قد أثرى ثراء لا يوصف وأصبح من أصحاب القصور والأملاك والأموال،

   فتوجه إليه عسى أن يجد عنده عملاً أو سبيلاً

   لإصلاح حاله

   فلما وصل باب القصر استقبله الخدم والحشم،

   فذكر لهم صلته بصاحب الدار وما كان بينهما من مودة قديمة فذهب الخدم فأخبروا صديقه بذلك فنظر إليه ذلك الرجل من خلف ستار ليرى شخصا رث الثياب عليه آثار الفقر فلم يرض بلقائه

   وأخبر الخدم بأن يخبروه أن صاحب الدار لا يمكنه استقبال أحد.

   فخرج الرجل والدهشة تأخذ منه مأخذها وهو يتألم على الصداقة كيف ماتت وعلى القيم كيف تذهب بصاحبها بعيداً عن الوفاء..

   وتساءل عن الضمير كيف يمكن أن يموت وكيف للمروءة أن لا تجد سبيلها في نفوس البعض. ومهما يكن من أمر فقد ذهب بعيدا.

   ًوقريباً من دياره

   صادف ثلاثة من الرجال عليهم أثر الحيرة وكأنهم يبحثون عن شيء ، فقال لهم ما أمر القوم قالوا له نبحث عن رجل يدعى فلان ابن فلان وذكروا اسم والده،

   فقال لهم أنه أبي وقد مات منذ زمن فحوقل الرجال وتأسفوا وذكروا أباه بكل خير

   وقالوا له أن أباك كان يتاجر بالجواهر وله عندنا قطع نفيسة من المرجان كان قد تركها عندنا أمانة فاخرجوا كيسا كبيراً قد ملئ مرجانا فدفعوه إليه ورحلوا والدهشة تعلوه وهو لا يصدق ما يرى ويسمع ..

   ولكن تساءل أين اليوم من يشتري المرجان فإن عملية بيعه تحتاج إلى أثرياء والناس في بلدته ليس فيهم من يملك ثمن قطعة واحدة.

   مضى في طريقه وبعد برهة من الوقت صادف إمرأة كبيرة في السن عليها آثار النعمة والخير،

   فقالت له يا بني أين أجد مجوهرات للبيع في بلدتكم، فتسمر الرجل في مكانه ليسألها عن أي نوع من المجوهرات تبحث فقالت أي أحجار كريمة رائعة الشكل ومهما كان ثمنها.

   فسألها ان كان يعجبها المرجان فقالت له نعم المطلب فأخرج بضع قطع من الكيس فاندهشت المرأة لما رأت فابتاعت منه قطعا ووعدته بأن تعود لتشتري منه المزيد وهكذا عاد

   الحال إلى يسر بعد عسر وعادت تجارته تنشط بشكل كبير.

   فتذكر بعد حين من الزمن ذلك الصديق

   الذي ما أدى حق الصداقة فبعث له ببيتين

   من الشعر بيد صديق جاء فيهما:

   صحبت قوما لئاما لا وفاء لهم

   يدعون بين الورى بالمكر والحيل

   كانوا يجلونني مذ كنت رب غنى

   وحين افلست عدوني من الجهل

   فلما قرأ ذلك الصديق

   هذه الابيات كتب على

   ورقة ثلاثة أبيات وبعث بها إليه جاء فيها:

   أما الثلاثة قد وافوك من قبلي

   ولم تكن سببا الا من الحيل

   أما من ابتاعت المرجان والدتي

   وانت أنت أخي بل منتهى املي

   وما طردناك من بخل ومن قلل

   لكن عليك خشينا وقفة الخجل

8. حلو الكلام.. انتقادات تافهه متل اصحابها.. لو بيشغلو مخن ليستوعبو شو الفكره من ورا “الغاء الكنافه”.. وهل الفكره منطقيه ولازمه كانو فهمو انو في شي بيستدعي المسخره.. بس لما فش مخ فش عتب..

   1. واوو. حلو التعليق …تفضل قلنا شو الفكره من ورا الغاء الكنافه! !! انو صاحب العرس رح يوفر حقها ويخبيهن لولادو المستقبليين مثلا يا عيني نسيان انو مصاريف اللحم والرز والفريكه وطبعا الزينه تبعهن الصنوبر المحمص واللوز والكاجو قد حق الكنافي عميت مره وبالاخر عبتنزت بالزباله وميت شغله عبتنحط عطاوله عشا العرس مالهاش طعمه متل السلطه لشو كل انواع هالسلطه العبيحطوها في انسان طبيعي بياكل رز وشليخ وسلطه لو الاكل مشاوي مقبول بس وقت مهو الاكل رز ةفصوليا حب وشليخ وفريكه وكبب ولحم مسلوق لشو السلطه ولا هذا ممنوع الغاءه لانو فش من وراه فايده مثلا

      1. مش منشان يوفر حقهن منشان ميتدينهنش لسنه وسنتين هذا اذارجع دفع

   2. وكمان شغله انتقادك هو التافه لانو لازم تفهم انو الكنافه مش موضوع نقاش في اهم منها بكثير نطرح بالمقال ولا العقول بالبطون تفضلو لغو القاعات البعد التاهيل لانها حكي فاضي وحمل زايد عالمظطرين يروحو وينقطو ويلبسو بدلات ويعملو موديل خاصه اذا كانو صحاب عيله بدها مصاريف والبيقهر انو البروح عقاعه وبينقط منيح ويوم عرسو بيعملش قاعه بيرجعلوش النقوط ولا لا الكنافه الفجعانين عليها اهم

   3. مع احترامي الك “أني” بس لكون دغري تعليقك **** لان اكثر من نص البلد تمصخرو عقصة الكنافة مش معناتو نص البلد تافهين او بلا مخ معناتو انو القرار تافه !!!!!!
      مشايخنا ععينا وراسنا بس شغلة انو يلغوا الكنافة بتفدش ولا باي شكل من الاشكال للمساواة بين الغني والفقير لان الفقير الي حاطط 100000 على عرس مش راح يغص ب 1000 للكنافة متل مغصش ب 5000 شيكل عالكاجو والصنوبر …
      وبالاخير عنجد انت شايف انو الواحد يجيب كنافة عالعرس تبعو سبب مقنع ليتقاطع من البلد ؟؟؟؟؟

9. كلام جميل .. بس الأجدر بالمشايخ يهتمو بأمور أهم من الكنافي والفريكي والشليخ ..في انحطاط اخلاقي عبيكبر يوم بعد يوم في انتشار للمخدرات والانحراف . المشايخ بطلو سلطه تنفيذيه ولا سلطه قضائيه وللأسف كل حكيهن وقراراتهن حبر عورق . ثانياً الي مقتدر وحابب يوصي عحلو من اوروبا بعرسو محدا الو عندو شي وها شي شخصي والي حابب يتبهور صحتين عقلبو بالاخر هو الي عبيدفع ومحدا حط اعلان بعرسو وكتب مننوع النقوط اقل من 200 شيكل . ها هبوط كبير بالمستوى وبيسواش يطلع هيك قرارات سخيفه الاكل والشرب بكل عرس شي شخصي ومحدا بقررو غير صحاب العرس . شي طبيعي الجيل الجديد يتمسخر لما يشوف الناس الي تعتبر من اصحاب القرار عبتجتمع لتناقش شو لازم الواحد يقدم اكل بعرسو واي نوع نقليه بيسوا واي نوع بيسواش .

   1. بالنسبي لهلي عبيقول المشايخ تهتم بامور اهم من هيك بحب قلكن انو المشايخ كتبو هلبيان وقلولك بتلتزم عراسنا وبنشاركك واذا بتلتزمش عخاطرك بس مش رح نشاركك…
      ******

10. اني لقيت الحل المناسب … بما انو بلايمكش تشوفي لبس العروس قبل بيوم تروحيش علی السهره تبع العروس مش مجبره … فيكي تروحي تأدي واجب بالرده تبع العروس هونيك فش فساتين سهره… وبالنسبه لقبل بيوم .. بما انك عبتقولي انو نحنا شعب عندو عادات وتقاليد لازم نحترما … ليش بتناقضي حالك وبتقولي انو فش حاجي يجو اهل العريس قبل بيوم … مهو معروف هالشي من زمان انو اهل العريس بروحو يستكثرو بالخير قبل بيوم .. اسا انت اذا عبتسمحي لحالك تنتقدي عاده اللي اتبعوها كل اجدادنا مش غريب ولا مستبعد انك تنتقدي الاشياء الجديده اللي عبتصير ..
    ووين الاغرب من هيك … بكرا بعرس حدا من ولادك بتنسي انك كتبتي هالحكي
    يعطيكي العافي

    1. واو مستوى نقاشك قديش بعبر عن رقي وفهم, لما اليوم امثالك بتجي بتدافع عن هيك لبس وعن هي الشغلات اذا معش في للحكي قيمة. روحو ادعوا الرقي والحضارة وروحو تشبهو بالغرب لتشبعو بس بالنهاي لازم تعرفو انكون مش اخذين من الغرب غير السخافات والسطحيات, كلكون عبتدعو اليوم قديش انكون مودرنية واوبن مايند لانكون بتلبسو قصير وبتعملو اللي بدكون ياه, بس اذا بيجي الواحد بناقش معكون بغير اللقلقة عن هي والحكي عن هذيك ابتفهموش, نفسي اقعد مع وحدي عنجد فهمانة ومتعلمة وعندها اهداف بحياتها غير انو تقنا جيب بي ام وتروح عالواي, وحدي تفهم انو الليبرالية هي كمان تقبل الاخر حتى لو كان رجعي مش بس الحرية باللبس

       1. انت يا ابن البلد بما انك عبتحكي عن الليبراليه وتقبل الآخر فمن المفروض انك بالاول تفهم المصطلح منيح .. اني مقلتلاش لبسي متلنا اني بكل بساطه قلتلا اذا حاسي المكان والناس مش مناسبينلك من ناحيه مظهرهن يستحسن انو تقعدي ببيتك بما انك مش متقبله الآخرين ….
          يعني يا استاذ تقبل الاخر هذا لا يعني فقط انو اني اتقبلها هذا يعني انو هي كمان تتقبلني … وهون المشكله انو هي مش متقبلتني ولا متقبلي ايا حدا متلي لدرجه انو كتبت كل هالحكي …
          وبالنسبه للفكره اللي جسدتا عن الصبايا بتعليقك فانت اكثر انسان بتطلع عالمظاهر وعالاشياء السطحيه .. وعلی ما يبدو انو حظك مش كثير مساعدك ومعندكش لا شغله ولا عمله غير تقعد وتتطلع عالناس شو لابسين وايا سياره راكبين ولوين رايحين
          وشو بالاخر بتقول نفسك تقعد مع وحده عنجد فهمانه … تعال لقلك ليش مش عبتلاقيها لهالفهمانه اللي حابب تقعد معها … لانو ولا وحدي فهمانه مستعدي تقعد معك … بتأمل تكون وصلتلك الرساله …

    2. ها الحكي المزبوط

11. كل كلامك صح وجواهر وبس حكينا صارو ينتقدونا وصار يكتبو بس تعليقات عالموضوع ومسخرة كل كلمة كتبتها صح ان كان باللبس او بالعرس او بالاكل او بالسهرة كله بهورة مين بيسبق باحلى عشا او باحلى بدلة او باجمل فستان وعلى رايك ناقص كمان بركة سباحة يحطو حد العروس عالسهرة ..خسارة فش عنا توعية اكتر والناس لازم تقدر هالظروف اللي عمنعيشها المظاهر ما بتدوم صدقوني كل شي حسب اللزوم ينعمل حلو ياربت الكل يستوعب شو عبيصير بدل هالتعليقات عن الكنافة وعن المشايخ وعن هالحياة كلها…

12. كلام رائع وبمحلو

13. ولك الله يسعدك اي ها الحكي الي بينحكا عنجد شي مخزي ومعيب التعليق والحكي الواطي الي بقلل من قيمة القرار والمسخره علي عملوا القرار زادت عن حدها وحكيك كلو واقعي ومزبوط اما عنجد انو نحنا اخر الوقت محدا بيتقبل راي الاخر حتى لو كان على حق

14. سلمت يمناكي اوبتيكا
    وضعت النقاط عل حروف كلامك سليم وانت فخر للمجتمع .لا اريد ان اعلق على سدر لكنافه او العشاء لانك اصيت الهدف . لاكن اود ان اعلق على النقوط حتى اليوم جوزت 3 من اولادي خطتي للمستقبل ان جوزت احد من اولادي ما راح اقبل نقوط من حد كلنا ولاد بلد ومنعرف بعض .بخصوص المشايخ مش عاارف ليه لما الواحد منكن بس يقع في مشكله بيركض لعند هن يبوس ايدهن ويقلن بعرضكن ولي بسب المشايخ يعزي نفسو من اليوم لان مشايخنا تاج راسنا

15. كل الاحترام لاللك والحمدالله انو بعد في ناس بتفكر هيك واعيي ومحترمي .. كل الاحترام والله يحفظك ويحميكي

16. نزلي هالحمل عن خرجك وفش حاجه تشدي ع حالك وتاخذي ع خاطرك ، يعني التعليق ع الفايس مسخره وطق حنك ..والقصة البطوليه تبعك بتسوى رطل حلاوه !!

    1. يسعد شاربك خي طارق

17. اللة يسعد ربك ويسلم ملافظك فشيتيلنا خلقنا

18. اني حسب وجهت نضري ها مش موضيع تنفتح بلخلوي يوم الشفع لمشايخ مقدروش يعملو شي ويوم مكانو بدن يكحتو الغربيي نادو بالمناده في اجتماع وبس لان ******** معملوش شي بس لمشايخ تاخذ قرار وتمشي عليه بشغلات اهم لناس بتمشي وراها بس ولا مشروع مشو فيه وكملو لايخرو حكو قبل بمره منشان لنقليي ورجعو منشان لكبب ومنشان لرخص وكلن حضرو عند Xمن لناس معهن رخصه وبسهرات المشايخ عبيكون في نقليي قد لعرس عمرتان

19. فعلاً قرار الغاء الكنافه قرار مصيري وجوهري والمنطقه بحاجتو من زمان واجا بوقتو لمواجهة التحديات والانحطاط الاخلاقي الكبير . الكنافي غاليي بس الفواكه واللحم رخاص ؟ هل هذا موضوع بيستحق يطلع في قرار من هيئات دينيه؟ ناس عايشي بمغاره وسدر الكنافي محل نقاش بأجتمعاتها ..وبالأخر ها شأن خاص بصحاب العرس .

    1. حبيت …لانو اكثر شغلي ضحكتني النقاش عسدر هالكنافي يلعن بي هالكنافه شو عملت بالناس …الغريب البيقرا هالمقال بيقول هي بشر فجعانه بحياتها مش ذايقه كنافه غيرر بالعروسه والغائها كارثه حقيقيه (الكنافه بالخط العريض موضوع يستحق النقاش )

20. الحكي اللي قريتو حكي جواهر بكل معنى الكلمي ،، عنجد معكن حق ويا ريت كل الناس بتفكر نفس اللي كتبت هالمقال .. اني من جهتي بأيد كل حرف انحكا

21. كل اللأحترام

22. يا اخوان مش المشكله مع الكنافه والا الاكل وهذا موضوع ما لاحد الحق يفرض على الاخرين شو بياكلوا او بضيفوا اما بالنسبه بمصريف البدلات اوالسهرات هذا العريس بقرر لنفسو اذا مش معجبنا ما نرحش الهم من هذا وكلو هو البس والفساد وهون ما بحق لاحدان يتجاوز عاداتنا وتقليدنا وهذاموضوع يستحق النقاش ان كان في توعيه البنات او الامهات او في المدارس او الاباء او الشباب فهذا اجدا من اصدار بيانات لاقيمه لها تخلق ميته والسبب ان الذين يتعاطون بالشأن العام هم اشخاص مفسدين وهنا لا اقصد المشايخ اي اهل الدين

23. يسعد روحك بحبك ايتاليكا

24. معك حق 100%

25. هيك مجتمع بدي هز راس من حين لأخر مقال رائع

26. كلام جواهر

27. لو الكل بفكر هيك كان وضعنا احلى بكثير

28. برافو

29. لو انك عنجد مش خايفي ومش مستحيي كنتي كتبتي اسمك الحقيقي

    1. ***** من شو ممكن تخاف مثلا

30. برأيي انو القرار طلع ليخفف تكاليف على الناس مش مهم فقير أو غنى مقتدر أو مش مقتدر هن حكو بلخلوه وتوصلو للشي المعقول يناسب الكل…
    واسا الموضوع مش ليتناقشو لا علفيس ولا بلمواقع ولا لحتى يصير يلي بيسوا وما بيسوا يعلك بالقرارات حبلك وعجبك مشي وما حبلك لا تحط هيك أخبار علفيس وتصغر من قيمة أي شخص بيكفي انو ممكن يكون بيهم أي حدا منا جدي جدك بي بيك بعرفش مين ممكن يكون

31. اول شي الي كتبتي حلو و مبين انك انساني متابعه لدينك ولتقاليد اهل بلدك … بس يا حبيبتي انتي فيكيش تجبري العروس شو بتلبس ولا خواتها للعروس ولا فيكي تجبري حدا انتي عليكي بحالك ولباقي يصطفل حريتو الشخصي و بس يبلش يأذي غيرو بتنتهي حريتو الشخصي .. بس انتي لا نأذيتي ولا راح تتأذي ان لبسو معجبكش منضرن اتطلعيش شيلي نظرك ومالكش حق تتهجمي عليهن كل واحد حر بجسمو و بلبسو و شو بجسمو .. ثاني شي مش ملاقيين شغلي ثاني المشايخ يهتمو فيها مثلا اراضي الوقف هلي بطل حدا سمع عنن شي ولا لازم يحكو ويحرمو ويحللو بس بالشغلات السخيفي والفاضي .. مين الو علاقه فيي شو بدي حط بعرس ابني او بعرسي اكل و حلو وفواكه الخ اني شو بشوف ملايم معي بتصرف … عشان هيك لو سمحتو عنجد اشياء سخيفي عبتحكو العالم عبيتقدم لقدام ونحنا كرمالنا عمنرجع لورا فيقو عحالكن وكل واحد يهتم بحالو …

32. انا بقول لازم يطلع قرار يحرمو الفيس بوك والتويتر والفايبر لانو بيكفي فضايح وكل مين اكل ولا شرب ولا لبس وراح سهر لازم كل اهل الله يحطلو ليك خلص بيكفي لازم الواحد يحترم شي بيخصو من ها المنطلق انا من شي سنتين لغيت الفيس وريحت راسي من كل هل ميمعه وانا بنصح الجميع ويرجع لكل بيت الو حرمتو بعرف انو راح تقولو عني متخلفي اما بس تفكرو بالموضوع بتجرد بتلاقو حكيي صحيح

33. كنت بتمنى بس حدا بدوا يكتب هيك مقال على القليله يسجل اسموا لحتى نشوف انتي عايشه بهالمثاليه هلي عبتقوليها ولا بهوره متل هالناس على قولتك طبعا…
    حسب رائي كل انسان حر بحالوا وهلي بيعمل عرس وبيتبهور والديون بتاكلوا عيونوا اذا اجا دق بابكن بدو مصاري كحتوه بالصرماي وما تعطوه بس مش بنبلش موزاودات على بعضنا ومش طايلنا شي ….سمعي لقلك عندي اني بنتان الله يخلي ولادكن ويخليهن وحلمي اني افرح فيهن واعملهن احلى واجمل شي بالعالم وشوفهن اسعد الناس متلي متل غيري مش لانو حدا ثاني عمل لا بس لانو كل حياتي بحلم باليوم هلي راح افرح فيهن …وعدا عن هذا هلي فيه ياكل ورا العشا قطعة الكنافه ولا مافهوش مش موصوع تناقشيه حضرتك ليش مين بروح على عرس وبيتعشا عشا عادي هيي لقمة مجابره .
    واخيرا يا صديقتي تناول اي موضوع بيخص المجتمع كلو بشوي من المزح والضحك والانتقاد هذا شي صحي كثير ومش لازم ناخذه انو تقليل من قيمة حدا .والله هلي بدو يعمل حالوا مسؤال وينص قرارات لازم يتحمل النقد بكل اشكاله وما ياخذه بشكل شخصي واذا انتي عند مساحه باي موقع لتعبري عن رايك بشكل ساخر بس بدك وبشكل ثاني بس بدك كمان … خلينا مستهضمينك وخليكي بعفويتك اجمل ما تكوني قاضي بين الناس
    وشكرا

    1. انتي مثال حي عبينحكا عنو بالمقال بس في نقطه مهمه انو هالشخصيه الحره النحكا عنها دفنت الفقير تحت التراب لانو يا عيني وقت مانتي وكثااااااار متلك عملو اكبرها عرس الفقير وهلي مش قدرتو صار يستحي يعمل اقل منكن عشان هيك الديون بتاكل قلبو مش لانو بدو يتبهور ها المقصود بلا منضحك عبعضنا اذا كان ناقص قشه سنان بالعرس بتصير قضيه بخل وقله قيمه وقله هيبه والخ. .. يضلش حدا الا وبيحكي عالعرس وصحابو بيصير العرس علكه بالثم وهون السؤال وين صفت الحريه الشخصيه العبتحكي عنها؟ ؟؟

34. اول شي كل الاحترام لالك على هلمستوى هلي بشد القارئ ،، الممتع الممزوج بوعي بوجع بقهر .ثاني شي ذكرتيني بعرسي بكل شي ولو بيرجع الزمن للورا لالغي نص هلي عملتوا بديش علق علموضوع بديش قول شي غير انو صار عندي فضول اعرفك ………

35. عنجد يسعد ربك عهلمقال لانو فشلي خلقي
    وبالنسبه لبعض التعليقات الي مصرين علتعدي وقله الادب علمشايخ عنجد بحس انو في مشكله بفهم المقروء عند هو الناس الي قرو المقال وبيرجعو بيقولو تحرمت الكنافي يعمي فهمو شو الي مكتوب وبعدين *****

36. حسسب رايي اني بحب عشا العرس يكون كبب وسنابيس وشليخ وعصير وبس لا رز ينزت ولا سلطه تنكب ولا لحم ميت لحم يجي عليها الذبان بعد العرس ولا كل هاللبكه وهالمصاريف فش احلا منها كباي وكاست عصير او شليخ والي بحبش الكباي سنبوسه وخلصنا ومن بعدها طاوله فواكه ونوعين تلاثي حلو وعرس خفيف نظيف لا مصاريف زايده ولا كبكبت اكل ويا الف ريت بيمشي هالموديل لانو تواخذونيش بهالكلمه خففو من عشا لنقليه صارت النقليه اهم بميت مره من العشا صار فيها ميت صنف ونوع وتكلفه قد العشا وكمان بالاخر الاكل عبينزت لانو صارت النقليه تشمل تبولي فطاير خضره بندوره وخيار ومليون صنف ونوع بتشبع العين قبل الثم

37. ولك الله يسعدك ايتاليكا واني بأيدك حرف حرف ونيالك على عقليتك وإلى الامام يا غاليه ورح ضل اقرالك مقالاتك لو صرتي تنزلي كل نص سيعه مقااال

38. كل الاحترام لكِ يا ايتالكا مقالك مُعبّر وتناوَلَ عدة جوانب نحن بأمس الحاجة في هذه الأيام لإصلاحها وتدارك وتجنُب عواقبها مستقبلًا منها:
    1 -الوضع الاقتصادي السيء عند غالبية الناس ومن منطلق ( وفّر قرشك الابيض ليومك الأسود ولنوائب الدهر ) .
    2 – الجانب الاجتماعي الملموس الذي تألق في السنوات الأخيرة عند البعض بالتقليد والتشبيه بالحضارة الغربية ظنًا منهم بأنه تطور وتقدم ، حيث ابتعدوا عن الإرث الاجتماعي والتراثي والثقافي الذي ورثناه من الآباء والأجداد .
    ( لو نأخذ من الغرب ما في الرؤوس ونترك ما في النفوس لزادنا شرفًا وناموس ).
    3- الجانب الديني وهوالحريص على لَم شمل الأسرة الجولانية في اطار تكتنفه العادات والقيم المعروفية الأصيلة التي كنا وما زلنا نعتز ونفتخر بها من أجل وحدة كلمتنا وصفنا لضمان استمرارية بقاءنا .
    كل مجتمع بلا قيم وبلا دين نهايته الدمار والفناء ، كالسفينة بلا قبطان تتقاذفها أمواج البحر العاتية فمصيرهاالضياع والحطام . هذه الكوكبة من مشايخنا الأفاضل لها كل الاحترام والتقدير مننا جميعًا لأن هدفها واضح المحافظة على وحدتنا وكرامتنا وعدم اغراق ابناءنا بالديون والاعباء .

    قرأت كل التعاليق احترم رأي كل معلق ، ولكن حبذا لو كانت الآراء والتعليقات ضمن الاطار التربوي الاخلاقي الذي نتميز به ،
    وبمناسبة عيد الأم كل عام وجميع الأمهات والجدات وابناء الجولان بألف خير .

    1. الله يسعدك ما ارقاك وما اجمل كلامك

39. وبالمره عالعقد قبل اسبوعين من العرس تروح هالعروس مع هالعريس عبيتهن.. والمشاركه بتكون ببعثان النقوط باليوم اللي كان محدد فيه العرس.. وهي كانت .. لشو الفرح دخلك!

40. اصدق تعبير لسهرة العروس ناقص بس بركة سباحه لان معظم البنات والنساء في هذه الليلة يتسابقون من منهن ستتعرى أكثر ؟؟؟ وقضية طرح المشايخ الهدف منها منع التبذير والاسراف والمساواة ومن يهاجم يقرأ ما بين السطور ليعرف ان هذا الطرح يصب في المصلحة العامة ويسلم قلم من علق بموضوعيه مثل ايتاليكا؟

41. عذراً منك مع كل احترامنا وتقديرنا لرجال الدين بس بتصور انو نحنا عايشين بمجتمع مخطلت من ناس متدينة وناس غير متدينة ، وممارسة الشخص لديانتو مثل الاشخاص المتدينين لا يعطيهم افضلية بتاتاً عن الباقي ولا يعطيهم النفوذ وحق السلطة. عليهم باحترام ارآء غير المتدينين ليس وحدهم من يعيشون في هذه المجتمع ولا يحق لأي سخص اياً كان التدخل بأمور ليست من شؤونه الخاصه.
    بلاضافه بأن كُتب هذه المقال من قبل صاحبه بطريقه متعصبه وبها نوع من عدم احترام الاخرين . وشكراً

42. كم واحد عملو شهر عسل شهر بعد هل مصاريف عليي الطلاق بقعد بمصايف لعرس عمر ببلاد برا

43. صح نحنا ماشيين ورا مشايخنا بكل شي بس كمان يا جماعه هاذ اسمو فرح مش .עסק للعرسان ومين بينقط اكثر لنجمع مصاري حسب رايي القرار فيه منطق من جهة اللبس والانحلال ومن جهة المزاودات ومن جهة تعمل مساواة بين المقتدر والغير .. بس السهرات عالطريق غير مكلفه بالاخر اسمو فرح خلي العالم تنبسط فش حاجه لثروه بتقدر تعمل قعده العروس بسيطه وزينه بسيطه والعريس يعمل حفله قدام بيتو واللي بدو يتبهور بقعدة عروس غاليه وفزلكات الله لا يقيمو …. تركو العرسان بحالهن هالفرحه مره بالعمر يا اخوان

44. موضوع جيد جدا وكل كلمي فيه صحيحه.بس هالمشحر يلي لازم يكون اسمو عريس مش طالع بايدو شي ومتل مبقلوها محشور بخانه اليك روح روح تاع تاع لانو مجبور يلبيلها كل طلباطها للست ساندريلا والا راح تكون العواقب وخيمه.
    اني بحط الوم كلو على العروس واهلها وبلاخص امها يلي مش مفهمينها كيف كل شي منعطيه حقو وبدون بعزقه.
    عيشو بهالنعمي الحبل عالجرار….

45. كلام رائع جميل منطقي حقيقي واقعي اني بأيد المقال وببصم بالعشرة ….. عجبتني الجملة الاخيرة وشوفو قديش هيي مزبوطة

    —بنقط ب 200 شيكل وبشتري ربطة الخبز بالدين —–

    كل الاحترام الك ايتاليكا

46. كلامك جواهر بس مش كل الناس بتفهم هلحكي وللي نتقدوكي عشان حكيتي عالباس مفكرين انو اذا تعرو صارو متقدمين

47. لكل انسان اسلوبو بالحياه ما وقفت عالافراح لان الغيره موجوده بكل الاشياء وشو علاقه رواد بالموضوع .اني بتقبل موضوعك اما ما عجبني

48. الى كاتبة المقال واكثرية المعلقين انتقادكم لبعضكم لبعض لا يقل شراسه عن انتقاد المجتمع للمشايخ يا ريت كل منتقد يقرا تعليقو مره ثاني اكيد رح ينتقد حالو

49. الجولان واهل الجولان اصبحت تحكمهم الفوضى على كافة المستويات. وطرق تعاملهم مع المشاكل خير دليل على هذا. انقساماتهم هذه في الشرائح الاجتماعيه(متدين, غير متدين او ما بينهما) تغذي هذه الفوضى وتمنعهم من القدرة على حل الامور بشكل موضوعي وفعال. برأيي اذا بقيت الحالة هكذا فلا امل من مستقبل مزهر في الجولان الا اذا تحلو بالذكاء.
    ملاحظة: لو سمحتوا لا تأذوا اللغة العربية بكتاباتكم. انا لست معلمة لغة عربية ولكن أتأسف على المستوى اللغوي الحالي في التعاليق وبشكل عام في وسائل التواصل الاجتماعي. معا لتقوية الحس اللغوي في الجولان! سؤال وجيه: هل تستطيعون ان تفعلوا هذه الاغلاط في اللغة العبرية؟

50. اولا بشكر كل يلي علقو مع او ضد.. بالنسبي لاسمي بعتقد انو الأكثرية صارو يعرفوني واسم ايتاليكا هو الاسم يلي اتخذتو لاكتب في سلسلة الحلقات الساخرة بغرض النقد البناء..
    ثم كل موضوع او انتقاد بكتبو فأنا بوجهو الي وبكتب غالبا بصيغة نحنا.. يعني بضم حالي الكن مانا منكن والعيوب طامرتني ومتمنيةامتا اصطلح.. انا بحب الحياة وبلبس وبروح وبجي وكثير شغلات بساويها ضد قناعاتي ويمكن فوق قدرتي متلي متل كثار.. ولم بكتب بيكون الهدف تسليط الضوء مش فرض رأي ولا وجهني وضرب وجه..
    ولو انتبهتو كتبت بالاول بغض النظرعن رأيي بالقرارات.. مش بالضرورة كل شي انكتب “قرار التوفير” كون مقتنعة في او بلتزم في انا كنت عبشرح شو المفروض ينفهم منو.. وركزت كثير عقضية الاحترام.. يعني الهدف نفهم شو مكتوب ونحترم رأيو ومش غصب عنك تلتزم.. انت حر.. بس الصراحة ما لاقيت تهجم غير من الناس يلي بتعتبر حالها حرة وديموقراطية.. والدليل انفعالها وعدم قدرتها على تحمل وجهات نظر الغير.. وبالنسبي لموضوع انو المشايخ ترك كلو القصص وما عميحكو غير عن العروسي ورخص السيارات فحابي قلكن انو ها الموضوع يلي تركتولهن مجال يحكو عنو او يعطو رأيهن في.. اما ما تبقى كل مجربو يتدخلو.. كلكن بتقولو انو ما الهن علاقة.. لهيك لا تنطرو شي منهن ولا تفرضو عليهن شي غير مقبول عليهن.. لانو انتو هيك بدكن..
    قبل فترة انتشرت خبرية المخدرات بالمدارس.. حدا جيب سيرتها؟ في شي جهة مسؤولة حملت نفسها مسؤولية توعيتنا واخبارنا بالحقيقة؟ والا كمان هي مسؤولية المشايخ؟
    بس بدكن بتحملوهن مسؤولية خراب البلد وبس بدكن بتحدفوهن عجنب.. خلصنا تناقضات بتصب بالاخر بس بمصلحة كل فرد عحدى.. اجا الوقت يلي نفكر بالمصالح المشتركي بلا منحمل حدا المسؤولية.. انت شب انت كبير انت صاحب قرار بتقدر تاخذ على عاتقتك مسؤولية تصليح الأمور.. فرجونا شو فيكن تعملو اكثر من المشايخ يلي مش نايبهن شي غير مسبات وقلة احترام.. الشغلي ما بدها حكي بدها فعل.. يل صلحوها اذا عنجد عبالكن..

51. كنت في الاجتماع الذي اخذ القرار..المجتمعون بحثوا كافة الجوانب للتوفير بعد توجه الكثير من الشباب عن عجزهم عن تحمل أعباء العرس الممزوج بالكثير من المزاودات وباتت المصاريف فوق الطاقة والكثير من العرسان وصل أولادهم للصف الأول ولا زالوا يسددون الديون…فناقش المجتمعون كافة الجوانب وتركوا حرية الاختيار قائمة وهم يقولون لكل عريس اذا أردت المبالغة …لن نحضر عندك …لأن عرسك رسالة للأخرين ليقلدوك عن عجز….وأما موضوع الكنافة فقالوا توزيع شقف الكنافة بعد عشاء 5 نجوم تكلف7000 شيكل تقريبا شو المانع يكون سدرين او ثلاثة كنافة وغيرها من حلويات بتكلفة 1500 شيكل والكل بيتحلى كما يريد…..لكن البعض فهم الأمر أن الكنافة محرمة لغاية في نفس يعقوب وهذا لم يكن قطعا…تحياتي لكاتبة المقال والكل فهموا القرار تماما هاجموه بألسنتهم وتمنوه بقلوبهم…وبعد هناك مساعي لعقد اجتماع على صعيد المنطقة بحضور مشايخ الجولان وبمشاركة الشباب أيضا لنبدأ قبل موسم الأعراس بوضع ترتيبات ملزمة للمشاركة…ويحق لكل عريس أن يرفض كل القرارات عندها يشاركه المقتنعون معه ويقيم عرسه كما يريد….شكرا ايتاليكا لأنك عبر فهم المقروء 100 ومعزومين ع الكنافة مثلثات…وبالتوفيق

52. بس لو بتفكرو بمنطق المشايخ شو الها بغيه غير التوفير علعريس

53. بسم الله الرحمن الرحيم

    المشايخ تاج راسنا ومنشوف حالنا فيهن

    السؤال هل اللي انكتب بالمنشور هو فعلا خرج من خلوة بقعاثا ولا مجهود شخصي لافراد؟؟؟؟؟؟//

    نحنا مع كل قرار اذا كان سليم

    بس لايمتا بدنا نظل نتطلع عغيرنا
    ليش مش كل واحد بيعمل اللي بيخلصو وبيلايم معو
    لايمتا بدنا نظل نقول فلان عمل هيك لا اعمل
    متلو

    في ناس اشترت سيارات لبناتها ليش مش
    الكل اشترى ؟؟الجواب لانو مش قدرت كل واحد يشتري

    المقصود انو كل واحد يشتغل عقدر قدرتو
    عقد بساطك مد جريك…معي عشي الناس لحم خروف بعشيهن
    قدرتي اقل بشتري عجل
    قدرتي اقل بعمل نقليه
    اقل طبق فواكه

    لازم نوصل لمرحله انو كل واحد يعمل اللي بيخلصو

54. ايتاليكا كل شي كتبتيه صح وانا معك لان كل شيء زاد بالمعنى نقص بس شغلة الروحا لعند العروس قبل بيوم اني بحبها كتير ..بس انتزعت من يوم كثرة الاصناف وصار في بوفيهات وشوفوني يا ناس ..قبل كان كبب سنابيس وشوية معمول وشغل البيت اما اسه هيهات وين كنا ووين صرنا .. حتى العرس صار في منافسي مين حط اكتر ومين عملت لبنتها بوفيه اجمل .. انسب اكل للعرس شليخ مع رز مع لحم مسلوق وخلصنا متل المنسف لشو اللوبه والفاصوليا والفريكي والسلايط .. هاي لقمة مجابره مع اهل العريس مش ضروري ميت الف صنف .. وملاحظه اخيره يا ريت نقاشنا يكوت بلا تجريح وكلام بسم البدن سواء عن لصاحبة الموضوع او لقرارات المشايخ ..عالاقل مش معاجبك الموضوع ما تسب وتجرح وحكي فاضي ..ناقش بالموضوع بموضوعيي ..ايتاليكا مواضيعك على طول واقعيي

55. كلامك حق الحق واعجبني

56. تحياتي للشاعر الشيخ يلي قال:
    ونحنُ في سهوةٍ وغفلةٍ … ويعقبها الأمور الشدائدُ
    فيقوا من نومكن يا غاطّين في كهوف الملذات وفكروا بآخرتكن !.

57. كل الاحترام الك ..انتي عبتحكي بلساني وبلسان الاغلب..كلامك 100% صح.. والاغلبيه بتواجه هيك مشاكل وبالاخص المزاودات اللي بتصير بالاعراس رغم انو المصاعب المادية بتتواجد عند الاكثرية ويلي بيقول غير هيك بيكون عبيكذب عحالو وعاللي حواليه!
    وبرجع بقلك كل االاحترام..تابعي عطول وبالتقدم وعبستنا اقرا بعد وبعد وبعد بلا ملل.!

58. الحقيقه يا ايتالكا صار عندي فضول اعرف شخصيتك الحقيقيه اذا فش مانع يعني

59. كل الاحترام الواحد يفكر بأهلنا الي بسوريا ومش ملاقيين ياكلو ونحنا منتسابق مين بحط انواع اكثر وبكب اكل اكثر اتقو اللة يا جماعة

60. لو انو كل انسان عايش على قد مصرياتو وطول بساطو ما وصلنا لهون وما حدا جاب سيرت لكنافي وغيرها بس لما نحنا عمنتسابق لحتى مين بدو يتميز بشي ما حدا عملو من قبلو ويتباها فيه وطبعا نحنا شعب منحب المظاهر وعايشين لنرضي الاخرين مش لانو نحنا مقتنعين بهلشي اخر شي منفكر ببساطنا وبمصرياتنا يا جماعه كل انسان يعيش على قدو وما في داعي نتمثل ببعضنا .

61. كل الاحترام كلام ناس عاقلين وبتفهم

62. بس اميات العرايس يبلشوا يدخلوا ويقولوا لصهورتهن اني بدي لبنتي هيك وهيك والعروس ما الها رأي كل شي بيخرب ومنشان يرضي الشب حماتو بينخرب بيتوا. ملاحظه مش كل الحموات متل بعض

63. لو انو بتتركوا لامور على زمامها وما تعقدوا هي الحياة الزمن الي عشتوا فيه غير الي نحنا اسا عمنعيش فيه واوعا تفكروا الزمن رح يوقف عندكن وعند حياتكن وتقليدكن القديمي او انو فيكن تفرضوا نفسكن علينا .. كل جيل والو حياتو والو زمنوا الخاص موضوع اللبس ولموضه صارت من اسخف المواضيع لو بتتطلعو حوليكن وحاج حاطين حالنا بهنقطه لصغيري في امور نهمتلا اهم واثمن من هيك .. موجها الى كل من جعل تفكيره سخيف لدرجة تسمية اللباس لقصير بحاله من الانفلات او ما شابه.. كل حدا عليه بحالو تركو الناس بهمها شو الكن علاقه

64. ممكن نعمل قصة قصيرة عن الكنافة تدور احداثها كما يلي :

    شب غريب : الف مبروك خي ابو صالح نشالله بتتهنو وبتتوفقو يا رب
    ابو صالح: تسلم يا وردة نشالله بتفرح بولادك يا رب
    شب غريب : ابو صالح كانو مش شايف عندك مشايخ بالعرس خير نشالله؟
    ابو صالح: بدك ما تعتب خيي بس اني جايب كنافة عالعرس ؟
    شب غريب : طيب ؟؟؟؟؟؟؟؟
    ابو صالح: بس !!!
    شب غريب : لله في خلقة شؤون عكل حال نشالله بتتهنو وبتتوفقو والله يصلح امر هالبلد !
    ابو صالح: الله يسمع منك !

65. المقال يدل على ان الكاتب على قدر كاف من الواقعيه وانه نسبه الناس هلي دخلهن محدود في الجولان هن ٧٥بالماءه والبهوره الكذابه هي عباره خداع للنفس العريس لازم يضل سنتين يسدد ديون العرس واهل العروس لازم ينخرب بيتهن لان بنات الناس مش احلى من بنتي لازم اعملها سهرى اجمل من سهره فلانه وعلتانه ولازم البنات تيجي شالحه والبذخ والقرف والمصاريف الزاءفه تبين منيح اني من هون بقلكن اتقوا الله المشايخ قصدها تهون على الفقراء والمساكين ما بيطلع لاي انسان يحكي على المشايخ لانو قصدهم خير والله يديمهم فوق راسنا على طول

66. بعد ان قرأت التعليقات وجدت ان الطرح كان موضوعي جدا والنقاش جيد جدا فكل شخص عبر عن رايه بمنتهى الوضوح والصراحه وهاذ يدل على رقي مجتمعنا الذي يحترم الاخر ورايه وينتقد بهدف البناء وليس التهجم
    فكل الاحترام لكم
    وراي ان لا تقفوا عند صغائر الامور وابقوا على احترام بعضكم البعض لما فيه لخير وصالح هاذ المجتمع

67. شاطرين بس يتبهورو بالعرس ويزعلو من المشايخ على قرار عبهون عالعريس مصاريف العرس بس نسو انو هال سبعي او الثمانين الف شيكل يلي وفرهن العريس عحالو بسدولو ديون بيتو يعني هالشخص بظل كل. عمرو يسلف لحتى يحرقهن بليلي وحدي

68. موضوع كثير رائع للنقاش يا ريت بدل ما يكون الرد على صاحبة المقال يكون على الي عم يحصل بالعرس عروس من الجولان استاجرت قستان سهره ب 17 الف شيكل

69. انا اقتنعت كثير بهالحكي وقررت قاطع كل الاعراس هلي ما بدها تطبق هالقرارات…بس سؤال صغير كيف ممكن اعرف اذا هالعرس “توفيري” او “بهوار” ؟؟ معقول يكتبوا هالملاحظة على بطاقة العزيمة؟!!! طيب بلكي رحت ولقيت كنافة شو بدو يعرفني اني بعلم بالغيب !!!

التعليقات مغلقة.