اكتشفت مربيات رياض الأطفال في مسعدة، عند قدومهن إلى العمل صباح اليوم، عملية تخريب كبيرة قام بها مجهولون خلال الليل الفائت. التخريب طال ساحة رياض الأطفال، حيث تم تحطيم المكان بطريقة متعمدة تهدف إلى التخريب ليس إلا.
تأثير عمليات التخريب هذه سيكون له مفاعيل تربوية على الأطفال، إذ تأتي بعد سلسلة فعاليات قامت بها المربيات مع الاطفال لتجميل الحديقة، حيث قام الأطفال في المساعدة بالعمل، كجزء من العملية التربوية، وتعليم الأطفال على الاهتمام ببيئتهم المحيطة وجماليتها.
تقول إحدى الأمهات حول هذا العمل التخريبي:
“يبدو أن عمليات التخريب في الممتلكات العامة أصبحت موضة خلال الفترة الاخيرة، وتعم جميع القرى، وهي ظاهرة خطيرة يجب وضع حد لها، ويجب العثور على الفاعلين لينالوا عقابهم ويكونوا عبرة لغيرهم.
إن من قام بعمليات التخريب هذه إنما هو مجرد من الحس الإنساني، فكيف يعقل أن يقوم إنسان بتخريب روضة أطفال؟!”.
وتضيف الأم:
“إن أخطر ما في الموضوع أن المربيات اشتغلن خلال الأسبوع الأخير مع الأطفال، من خلال فعالية تربوية، على تنمية روح الحفاظ على البيئة المحيطة، وكان تجهيز الحديقة وزرع الورود جزء من هذه الفعالية، وما قام به هؤلاء المخربون الأغبياء هو قبل كل شي تخريب لهذه الفعالية وخلخلة للمفاهيم التي حاولت المربيات زرعها في نفوس أطفالنا”.
تجدر الإشارة بالفعال، إلى أن عمليات التخريب في الممتلكات العامة، وبالتحديد في المدارس، وفي جميع القرى، أصبحت ظاهرة مقلقة ومثيرة للإشمئزاز، ويجب وضع حد لها، وتقديم من يقومون بذلك إلى المحاكم لينالوا عقابهم المناسب، ويكونون عبرة لغيرهم، ممن تسول لهم نفسهم العبث في الممتلكات العامة.
صور بعد عملية التخريب:
.
صور من المكان قبل عملية التخريب:
.
امه عربيه واحده ذات رساله خالده ********************
عنجد بستغرب انو في ناس وقحة لهالدرجة مش هاممهن شي بس بدي افهم شو مصلحتون من هالتخريب شو طايلهن يعني عبدورو عذهب مثلا بالالعاب الاطفال ونشالله يكون في كاميرات ..
هذا عمل تخريبي .ويلي قام بلفعل التخريبي انسان ما فش عندو اخلاق .واكيد ما فش عندو اطفال ولا اخوه .وهوانسان فاشل .
ولدنت حرام ﻻ محال
من قام بهذا العمل اولاد بدون مسؤليه ،اولاد سكرانين .المكان غير خالي من كمرات مراقبه , ويجب على الجهات المختصه البحث عن هؤلاء (االاولاد التعبانه والسكرانه ****) ليدفعوا مبلغ هائل لتصليح ما اقترفت يداهم الوسخه
عمل قمه الوساخه من عقول مريضه ******* لا تراعي الحد الادنى من الاخلاق , كميرات المجلس المحلي تغطي كل المنطقه .
هو شلة شباب *****
يجب حالا وفورا وضع كميرات مراقبه. ووضع سياج حديدي مع أسلاك كهربائية ذات توتر عالي. وايضاً زرع ألغام ارضيه وبعدها وضع خندق مياه يحوي التماسيح
اين كمرات المراقبه ؟؟؟ من المفروض ان تزود كل مؤسسه في البلده بكمرات مراقبه لتفادي امور كهذه.
وهناك سؤال يطرح نفسه جمعينا نعلم انه هنالك اشخاض موضفون في المجلس المحلي ووظيفتهم حراسة وحماية الممتلكات العامه في القريه! اين هم من امثال هذه الحادثه.
مريض نفسي وجد ضالته في الطرقات ليتسكع ويخرب راح ينعرف وينفضح ابن الحرام
**** شعب فاشل وتافه ومنحط يا عيب الشوم عليكن ***** …. المعلمات بيعلمو الولاد عالشي المنيح وانتو بتجو بتخربو وبتعلموهن عالشي الغلط شو هالقدوي بينرفع الراس فيكن يا عرب
قال لما نقطعت البيرا معش في مشاكل بلبلد …. هي الشباب يلي كسرت اكيد كايني سكراني والسبب الاهم انو فش شي تعملو بهلبلد …. لازم حل
يا ***** هوذ لأهل البلاد مش لناس غرب
يا حيف لوين وصلنا مربى اخر زمن عنجد مناظر بتوجع. انك تشوف تعب ولادنا هالفعاليات الحلوه يلي اشتغلوها مع معلماتهن وفرحو فيها يروحو اليوم يلقوها بمنظر بشع. نفسياتهن رح تتعب هالاطفال
هذا انسان مريض نفسيا
لك التفه قليلي عليه شو هالتخلف هاا
حقاره ونذاله وقلة ادب
هذا ال***** شو بيفرق عن داعش يلعنو ويلعن يل **** هيك همجي
يعني مش حرام عليكن نحنا تعبنا ونحنا نجمل الساحه لانو تعلمنا” النظافه من الايمان “” النظافه إحترام” “حلوه يا بلدي” بس انتو شو بتعرفو من الايمان والاحترام …. روحتو تعبنا على الفاضي
يا عيب شوم على هيك ناس بمنطقتنا تعبوا لولاد وهن يزرعوا ويشتغلوا وبلاخر راح تعبن علفاضي وهو الاشخاص فش عندن احترام واخلاق ومحبه لبلدهن ولمعلمات بتعلم عشي لصح وانتوا بلاخر بتعلموهن عسكرني وعلخراب “النضافه احترام” .
اصعب شي تكون رايح الصبح على شغلك متفائل بتفتح الباب بتلاقي هالمنظر قدامك شي بيبكي وبيوجع القلب والولد الي اشتغل شي يجي يلاقي الي اشتغلو خربان بيفوت بمتاهه عبيعلموني ما خربش وبجي بلاقي كل شي خربان لازم كل شخص بتسولو نفسو للخراب يتعاقب ويكون عبرا لغيرو
لحقيقه منظر بيوجع كثير اكيد هوذي ناس بتنقصهن التربيه والاخلاق الحميده الي تربينا عليها، بتمنى انو بس ينعرفوا مين هن تنشر صورهم على الموقع ليكونوا عبره ولحتى يتأدبوا وبعتذر على هاللهجه بس من وجعي على قلوب هالعصافير لصغار بس يشوفوا هالمنظر
سوال محيرني وبطلب من الوزارة هلي قعدين بالمجلس يجوبوني عليه اكثر بلد فيها كميرات مثل لندن هي مسعدة على كل عمود بهلبلد في كميرا وعلى كل مدخل على مدرسه في كميرات مش عارف لشو شغلتهن الكميرات كل الليل جعير وتشفيط بسيرات ولا بخلونا نام ولا بخلوا ولادنا يناموا بتصل بشرطه نحنا منفحص الوضع مع المجلس بقلولك خلي المجلس المحلي يدخل معقولي هلكميرات هلي بلبلد لمراقبت الصبايا حقيقه مش عارف ومش ملاقي جواب
واني كمان باييد كل هلي نكتب ولازم البلد تراقب الشباب الصغيري لان فش وعيي يلي عبصيرر ومش اول مرة وكمان مش عبصير شي ولا هممهن
هاكم عيوني يا أحبّة الدار .. فهمكم همي ، أنا بِهِ دارِ !!!!….
اني بعرف مين هن .ويلي بدي قولو انو يعترفو بغلطهون بكون احسن ميتبهدلو بهدلت الكلاب
يا ريت تساعدنا وتخبرنا مين هن بلكي بيتعاقبوا وبيكونوا عبره لكل ازعر ممكن يتصرف هيك تصرف وصدقني بتكون عملت خدمه كبيره مش بس النا للبلد كلها
فعلا شي مخزي … يلي مبين انو هو الزعران معروفين وبسهولة بينوصلن … في بهذي المنطقة ملان كاميرات.
مهي الزعرني موجودي عطول بس فش حدا معني يكمشهن بهالبلد …في كاميرات بس بدك مين ياخذ مسوولية…
يا جماعة الموضوع موضوب تربية وادب عام مش اكثر ..
بس عنجد عيب ..اذا مقهورين من حدن شو ذمب هلاطفال يلي نبسطو بشغلهن هيك تخربوه…منحنا كنا ولاد زغار..وقديش كنا نتذايق لما حدا يخربلنا شي تعبنا عليه…ولحد اسا منتذايق…بصراحه هيذا تصرف بيدل على مستوى الشباب بحد ذاتهن.. اذا حابين تعملو شي يلفت النظر خليه يكون ايجابي لقرية مسعدي او للجولان كلو ومش سلبي ..لان عيب صرنا ب 2015 واكثر ابداع ممكن نقوم في تخريب روضة اطفال ابرياء !!! لاء والاطفال اخوتنا وولادنا اللي هن اغلا من روحنا.. هالمساكين شو عبيعملولكن؟