يقدم الفنان السوري الملتزم، سميح شقير، في الحفل الموسيقي الذي سيقيمه مع فرقته الموسيقية في عمان بتاريخ 14/2/2025، أغنية جديدة مهداة لروح الأطفال الاثني عشر من أبناء الجولان، الذين قضوا إثر سقوط صاروخ أثناء ممارستهم الرياضة على ملعب كرة القدم في مجدل شمس، بتاريخ 27/7/2024.
وتقول كلمات الأغنية (كلمات سميح شقير):
عالعشب لعب وركض
إعلان
وصيحاتهم لساها
بالفضا وضحكاتهم يا ماحلاها
فجأة زمور الخطر
روع بشر
والحرب لبعيدي لقينا حالنا جواها
واطنعشر بنت وولد
ما عاد فيهن يكبرو
وتراب ملعبهم غرق
بدموع أهل تحسروا
وبلون رمان انسفح عالعشب
ومن بعد هذا اليوم ما رح
يأكلوا او يشربوا
ومش رح يلعبوا
من بعد هذا اليوم صاروا
غيمات دافي عالسفح
يخافوا علينا ننلفح
يخافوا علينا من صورهن
من نشوفا نندبح
وبيعرفوا أنن فرحنا
وكان مُنانا يفرحوا
ويا حاملين الشمع مطرح ما قضوا
مش نسمة هي وبتلاعب الشمعات
هي روحهم عمتبتسم لحضوركم
غنولهم تا تسكن اللهفات
ويا غبن قلبي عليهم
