إصابة خطيرة لشاب في حادث تراكتورون في مسعدة

تعليقات

1. أنشأ الله تكون سليمه والتاني للشباب اصحاب هذه الهوايه فكرو شوي باهاليكم.

2. ضريبة الجهل
   اذا انت يا حضرة الاب مستعد تعرض حياة ابنك للخطر شو ذنب أولاد العالم يعني فروض انو اجا شي ولد بطرقيو
   وليش دخلكن المشايخ بالخلوه ما بيعملو حرم ديني على كل بي بيشري لابنو تراكترون بعمركن شفتو واحد مثقف وفهمان بيشتري لابنو تراكترون
   عدا عن الضجه يلي عبيعملوها الأولاد يعني اني شبه متاكد انو يلي عامل الحادث ولد مش مطبق ال 18
   عنجد شوية مسؤوليه ياعالم لازم ينحكى بموضوع التراكتورن بالخلوه يعني هو اخر من الكحول وتنانير البنات

   1. يا حضرة المثقف العالم بتقول نشالله سلم ولو انها مش من القلب بس هيك الاصول
      ثاني شي كل شغلي بنزتها بضهر المشايخ واذا حكو بنصير نتمصخر عليهن ونسب فيهن
      شو يعني المشايخ بدها تقعدلك حراس عولاد العالم كل واحد ينطلق من نفسو ويربي ابنو واذا ما بيقدر عابنو مش يزت ترباية ابنو علمشايخ

   2. واحد غيرك بيقول الحمدالله عسلامتو ونشالله بيقوم بخير وسلامه
      بيجيش ينتقد
      شو هالعالم فش احساس وعلوم الانسانيه !
      الشب تصاوب لحالو ومضرش حدا حواليه .. انتقادك ها مش بمحلو وعبتوجهو للمحل الغلط
      مجتمع بس للانتقاد، عيب عليك
      نشالله بيقوم بخير وسلامه ..

   3. لحضرة الشاب المثقف.
      أول شي بيقولو الحمدلله عالسلامه وثاني شي مبين انك بتعرفش الشب وبتعرفش أهلو لانك لو بتعرفهون وبتعرف بيو بتحكيش هالحكي ونشالله الله بيطعمك ولاد وبتعرف شو يعني ترباية الولد بهالأيام وأني مش عبأيد ظاهرة التركتورونات لأنو عنجد صارت مزعجه بس اللوم بينحطش عالأهل في شباب كثير بتحب هالهوايه ولا عالمشايخ يمكن أنت أكثر شخص بيقدر يوعي هالشباب بما أنك مثقف وكتبلك شي مقال يوعيهون أحلا من هالحكي الفاضي يلي تفضلت في.

3. اذا صبيه ساقة سياره لتودي اولادها على المدرسه لانو جوزها عميروح على الشغل بكير او لتاخذ ورشي لتساعد جوزها بمصروف البيت عندهن كل الوقت المشايخ ليقاطعوها اما هلي كل همهن ازعاج الناس بالمواتير والتركترونات هذول صارو مش من شغلهن

   1. كل واحد بيسرع بأي مركوب هو معرض للخطر …. ناقص تقلي لازم المشايخ كل واحد بيسرع فوق ال100 لازم يقاطعو ….. اي حلو عن المشايخ عاد ولا مره كانو مشايخنا ضد المجتمع حتى قرار رخصة السياره طالعو منشان يحمو عرضنا ويسترو على بناتنا اما ما فش حدا بيستاهل مبين

   2. انشله خير سلامتو الله لا يضر حدا للاهالي وصحاب تراكترون قرفوني حياتنا ولادكون ومواهبهون بتراكترون طوشوني على قولت شب منيح ما طلع ولد قدامو لان مش راح يقشعو لان بوقت عبيعرض مواهبو عامل تراكترون شكل حصان

4. سلامتك نشلا الله يردك لأهلك بخير ، قبل فترة كنت سايقة بمسعدة كانت معي بنتي عمرها سنة ، كان في شاب معوا تراكتورون اصفر مش طبيعي كيف عم يسوق يقلب وبشحط جد خفت وخاصة انو معي طفلة معرفتش. كيف زحت من دربوا يعني متل ما ستي بتقول عملين شي حسنة ، برايكون مش لازم بس المشايخ يلي تقوم لازم يكون في لجان بالتعاون مع المجلس لمنع هل ظاهرة ولازم كل شخص مشكلجي فش عندو مسؤولية لا هو ولا اهلو لا تترددو اتصل عل المشطرة وشتكو علية ، للأسف صارت الدنيا سايبة عنا ،ويا ريت يا مشايخ كمان تتدخلو ، وكمان تتدخلو بقصة العالم يلي عم تشهد زور عل بعضها يعني توضحو للجيل انو الشاهد الزور شو عقابه عند الله عز وجل في عالم منشان سيجارة حشيش بتشهد وبتفتري وعم يخربو بيوت وللأسف ما حدا سال ،،، يلا قوموا كلنا سوا لنطور مجتمع أفضل وراقي .

5. بالبداي سلامتو
   والانسان العاقل بفكر بتصرفاتو واقويلو ،بهذا الموضوع الاهل عليهن الحق لانهن بيسمحوا لانفسهن انهن يسمحوا لوليدهن يقنوا تركترون !تصرف غير مسؤل بدل على قلت وعي وادراك للمخاطر يلي عبسببوها لنفسن ولوليد الناس يلي علطرقان .
   كلويحد منهن راكب علتركترون مفكر حيلو خيال بسباق الحواجز عبيقفزو علدبيت كانو عبيقفز عن الحاجز اذ طلع قدامو ولد او رجل او امرأة ما في مجال يوقق بيدعسهن والحق عليهن كيف بيطلعوا قدامو.
   بكفي لهون لازم، ينكتب عريضه ويمضوا عليها اهل الحاره وتتقدم للجهات المسؤوله

6. اول شي الحمدلله علسلامي ونشاللة خير ومش مل شغلي تحطوها بضهر المشايخ عبيحكو كثير وينبهو ومحدا عبيرد. ……

7. اول حمدالله على سلامتك ونشالله ترجع لأهلك بخير وسلامي وتكون اخر المصائب على الجميع واثنين يا معلم شو دخل المشايخ شو بيقعدو حراس الك ولاهل البلد وثالثة اذا في ناس خربت هالبلد هن ولا دالمثقفين والفهمنين لانو هن مفكرين حالهون نصف الدنيا ومش شايفن ولادهن عفوا لكل الفهمنين ولا المثقفين

8. اولاا سلامتووو وعسا ترجع لاهلك بخير وسلامة
   ثانيا لكل الي عبيتفلسفو هون ، بتمنى يكون عندكن ذرة احساس
   لانو الشب مكنش مسرع ، كان في مشكة بغيار التركترون لهيك صار الحادث
   ثالثا الي ستنتجتو انو وصلنا لمرحة صرنا عايشين بمجتمع عديم الاحساس
   واغلبية الي عبيتفلسفو ولادن عندن تركتورونات
   فلذلك كل واحد من بيتو ولجوا مخصكنش بالناس
   تمنولو بالشفاء العاجل وبيكفي
   فش حاجي لهلفلسفااااااات !!

9. اول شي نشالله بيقوم بخير وسلامي صاحب تركترون .. وبدي احكي انو مدخلش تربايت الاهل بشي لعبصير .. لانو نحنا عايشين بعصر السرعه واليوم تربايت الولاد صعبي لانو محدا عبرد عاهلو .. نحنا شعب متخلف .. اصلن مش كلشي مشايخ ومشايخ شو دخل المشايخ بالتركتورنات ؟ او بالتنانير صبايا ؟ .. صح المشايخ بتعارض كثير بس محدا في ينكر نحنا شعب منعمل شي الغلط 24 ساعه من زنا وسرقه وكذب (كلشي حرام) عمنعملو .. حتى نص المشايخ متنكرين بلبسون .. فكش تجي لشعب كامل تقلو اتعملش هيك وتسويش هيك .. محدا برد .. في نسبي من الناس بتخاف مش لانو شي .. بس بتخاف عشرفكون بخافو من شباب صاحب تركترونات من انو يصرلون شي بيخافو من المدمنين علكحول من انو ينتهي مستقبلون من هالشغلات ..نسبي من الناس عبتعيش الحريي زيادي عن اللزوم (في كثير اهل بعارضو ولادون بس الولاد بتردش .. ليش ها بيلبوس وبيعمل وبيسو واني لا ؟ هني مش احلا مني هيك تفكير شباب وصبايا اما شخص ورا شخص وتفكير ورا لنزعنا حالنا بايدنا ) وهذا الجهل لعيشين في نحنا شي مش طبيعي .. اما قد متحكي وتعارضو يا اهلنا ومشايخنا .. الهضبي راح تضل هيك ولنشوف لوين نهايتا

10. الحمدلله عسلامه نشالله بقوم بخير وسلامي والمشايخ ما الها علاقه بلموضوع واليوم البي مش عبمون عابنو لحتا المشايخ تمون عولاد العالم وبعدان هي قسمتو والله كاتبلو هيك يعني شو دخل اذا عمرو تحت ل 18 او فوق .. كل واحد بياكل قسمتو ولمكتوب مفش منو مهروب

11. اولا انشاء الله يرجع لاهلو بخير وسلامه ولكن الى جميع الشباب اصحاب هذه الهوايه نتوسل اليكم بان تقودوا بالمعقول نقدر هواه واعمار هذا الجيل ونتممنى منكم يا اولادنا يا اغلا ما نملك بان تتعلمو من الاخطاء الناتجه من التهور والسرعه اقتدو من زميلكم ها هي النتيجه الله يقيموا بالسلامه وللاهل دور في توعيه اولادنا ولو ان هذا الجيل يتطلب الصبر والجهد علينا جميعا بمراقبه اولادنا وتوعيتهم من جميع الجهات المدارس الخلوات المجتمع الاهل هذا ما نحن عليه علينا ببذل جهد اكبر والا كانت النتيجه اخطر لا تستهزءو فجميعنا ملامون والا فات الوان آسف

12. الله يساعد هالمشايخ اذا حكو ******** واذا ما حكو ما بيسلمو منكن الحق عليهن نطلقو من نفسكن وتركو هالمشايخ بحالها

13. اول شي سلامتوا الشاب وثاني شغلة الي 15 سنة بشتغل بقرى ومدن اليهود يعني كل يوم ببلد من منطقة الشمال الى اغلب مستوطنات الهضبة ولا مرى شفت او سمعت من حدا انو عندهن شباب بتخيل على التركترونات بس عنا بقرانا هاذا الازعاج والفوضى يمكن يكون انو عند اليهود فش تطور بعدهن متخلفين وبعصر الجاهلي

التعليقات مغلقة.