ليكا الارض معجوقه
بالدم
وأم الشهيد
حنجرتْا
مخيّطه بخناجر
وغايصه بالهم.
لفوق جبهتّا
بتعرف شو يعني ينحرق
قلب أم ؟؟؟؟؟
والمطر…
والمطر لونو رمادي
ما بيشبه المطر
بيشبه السم
والشيخ
ضوا القنديل
بزيت كاز
، بريحة العقم
تيخيف من غسقو
زعيق العتم
والشب ..
شاب شعر راسو،
من زغرتو
وعي عالغم
والعروس بطرحتا
متل الشمس
وفيّتا
ناطرة عالشباك
بلهفِتّا
يرجع يضحك
مبسما
ويرجع
من الحرب
رفيق الدرب
ويرجع اللون بسحنتا
وتبتسم!
وترجع تتعطر
بريحة العنبر
والشفة تنقط سكر
ويضحك الثم!!
..
وبعدو البيت
معلول
تقول
بقلبو
في غول!
وريح شمالية
جانيّ
صايبا ذهول
وين صحاب الدار ؟
عمتسأل :
ليش انطفى وهج النار ؟
عمتسأل :
وين حلى
وغنجتا
وين حماة الديار؟
جاوب الصمت الريح :
هجوا من الدمار
فروا من فرار
خافوا من الأشرار
الإرهاب
أكل قلوبن
وما خلا
غير ريحة الدم
وسلم الخشب العتيق
برا
والغم
ولعبة حلى
والصورة المرعوبة
ومشلح عبير
ولسياج المهدوم
ولهموم
وعلى العموم
خلص
انتهى
والله انو كلامك من ذهب…الله يعطيك العافه
موهوبي يا شهرزاد … وريتو يسلم هالثم… وإلك أحلى التحايا
من شب مهتم… لأنك صوّرتي بقصيدتك الوضع عالكمال والتّمْ.. وألله يزوّل عاد كل هالهمْ !!!!!!!!!!.