يبدو أن الحراك الشعبي ضد انتخابات السلطة المحلية المزمع إقامتها في قرى الجولان نهاية الشهر الحالي بدأ يأتي ثماره، حيث أعلن رمزي عزام، المرشح لرئاسة مجلس محلي عين قنية، إلغاء ترشيحه للانتخابات.
جاء ذلك في رسالة وجهها عزام عبر صفحته الشخصية على الفيسبوك، داعياً فيها باقي المرشحين إلى الحذو حذوه وإعلان انسحابهم.
وجاء في الرسالة:
“للحفاظ على جمال ووحدة ولحمة بلدنا، ونظراً للحراك الشعبي في الجولان، وخاصة بلدي عين قنية، أتوجه من هنا برسالة إلى كل المرشحين لانتخابات المجلس المحلي من آل دعبوس وآل مغربي وآل عمران الكرام، بإعلان واحد وصوت واحد مشترك الانسحاب من الترشح للانتخابات المحلية.
إنني أتشرف أن أكون المبادر بإلغاء ترشيحي للانتخابات في الجولان، وأتمنى من جميع المرشحين في عين قنية قبول رسالتي
رمزي عزام”.
كل الاحترام للاستاذ رمزي عزام على موقفه وانسحابه من الترشح وعلى اهتمامه بقرار الحرم و………..
لحظه شوي …..مش رمزي عزام كان مرشح عن حزب البيت اليهودي ….يعني ما كنش عنده حتى قائمه من اهل البلد تدعمه ….
لهيك احتمال نجاحه بالانتخابات ضئيل جدا ….
هلق بينسحب من الانتخابات ….بيضغط على غيره ينسحب تحت مسمى الحرم الديني …..بيعود بيرجع على كرسي الرئاسه تحت تعيين ودعم من الحزب البهودي المتطرف ….كما كان مخطط قبل فكرة الانتخابات
ونحنا كلنا بنتعامل معه على اساس رئيس معين لا يقع عليه الحرم الديني …..متله متل كل يلي عبيشتغلوا بالمجلس ……عشان لقمة العيش…..
هيك بنكون قضينا على مخطط اسرائيل ……
ومنعنا الانتخابات …..
ومنعنا تمرير وراق تحت الطاوله …..
ومشينا الحرم الديني …. واحتفلوا الحراك الشبابي …..
وضاع البلد …..وضاع الولد ……
والحفله باخر السهره برعاية وزارة الثقافه الاسرائيليه…..
الرجاء الحضور مع شعارات وطنيه .انتمائيه.لانه ممكن يكون فيي حرم ديني …..
دمتم
كلامك درر يا معلم ببدك مين ينتبه بيطلعوا من الباب وبفوتوا من الشباك …….
كل الاحترام والتقدير يا ريت باقي المرشحين بيعملو متلك وبريحونا من وجعة هالراس
لعما اذا صحيحح
واذا كان الوضع متل ما عبتحكي وكان انسحاب ها المرشح لاسباب ودوافع ومن تحت لتحت .
على كل حال الميي بتكذب الغطاس خلينا نشوف بعد الانتخابات اذا ها الزلمي ما بين اسمو معناتو بيكون صادق بانسحابو
واذا رجع وبين اسمو او وجودوا معناتو على الدنيا السلام بطل يتامن لحدا .