تعاني مجدل شمس منذ عصر اليوم من انقطاعات في التيار الكهربائي.
وحسب ما افاد به العاملون على صيانة الشبكة، فإن سبب انقطاع التيار هو ألضغط الشديد على الشبكة، وأن جميع المحاولات لاعادة التيار للعمل بصورة طبيعية لا تنجح حتى الآن بسبب الطلب الهائل على الكهرباء.
وطلب من الأهالي التخفيف من استخدامهم للكهرباء، وبالأخص الأجهزة التي تستهلك الطاقة بشكل كبير، والاكتفاء بتشغيل الأجهزة الكهربائية الضرورية فقط، وذلك لكي يكون بالإمكان استمرار عمل الشبكة.
لقد علمنا وليس بالوقت الكثير ان المجلس المحلي قد قام باصلاح للكهرباء في البلد ولا يمكن ان تكون الاصلاحات فقط لمدة عام فيجب تقوية الكهرباء للمدى البعيد….
ارجو ان تتم اخذ بعين الاعتبار التدابير اللازمة للمشكلة وبسرعة
بدلا من الحل الاصلح وهو بأن تكون شركة الكهرباء هي المسؤولة عن كهرباء في البلد
اول شي يعيطكن العافه بس كل سنه نفس الموضوع لونك مجلس بتهمك مصلحة بلدك بتزبط الكهربا وممنوع تنقطع لدقيقه الكهربا بس للاسف …بكل اسرائيل يتنقطعش الكهربا مع العلم انو كلو مشغل مزكنيم يا ريت قطعة الكهربا معش تتكرر بعدين بتطلبوش من الناس تخفف استعمال الكهربا زبطوها وخلصنا من هالقصه *******
سنة الماضي انقطعت في ٦٠ بالمي من المدن الاسراءليه لمدة ثلاث ايام ولم ترمش في البلد
هلي عبحاول تغير وجه المنطقة وتاريخها ويتهجم على العلم الوطني على الاقل بدو يدفع كهربا لشركة الكهرباء ..
الكل عارف انو المشكل مش زيادة الاستخدام المشكلي المبلغ المتراكم هلي مش بدفوع بسبب الفساد
شكرا على الاقتراح لكن هذا ليس حلا. من حق كل من يدفع ثمن الكهرباء ان يستخدمها حسب متطلباته بدون شروط. هل هنالك خطه قيد التنفيذ لتقوية الشبكه ؟
فحم قلبنا الله وكيلكن طبخت عضو الشمعه ثلاث مرات طفت الكهربا
اهم شي العلم مينرفعش لانو هاذ بيضر بالسياحه بمجدل شمس .
كل الناس عبتدفع كهربا شو عبتصرف عشان هيك منطلب من شركه الكهربا تبعكن تكبر التيار عشان ميصرش ضغط علا الشبكي وشكرا
قبل فترة طلع منشور لميزانية المجلس انو خلال السنوات الماضية بدلوا كل الامانات الرئيسية وقاموا بتقوية الشبكة، اسا بيطلبوا منا التخفيف من استعمال الكهربا!!! مع العلم اننا ندفع اكثر من اي بلد اخر،،،، وين المنطق والعدل؟!
ولا حياة لمن تنادي
يعني بيصبرو للشتا وبيصيرو يلبصو بالكهربا وبيطلبو من الناس ما تستعمل كهربا كثير
ما اتعس حظك يا مجدل شمس
اني ما سمعت هيك شغلي غير بالمجدل بدهن برائة اختراع على هالحل العبقري
ههههههه طيب عال كتير منيح على القليله عم بتشفوها نحنا بلبنان ما عم نشوفا متل قصة بريق الزيت مع كل عاصفة ولك ان صار في عاصفة بزمبوي بتنقطع عنا
عأساس بس بالشتا بيزيد استهلاك الكهربا …. وبعدين ليش س يزيد استهلاك الكهربا بيصيرو بدن يقووها او يصلحوها …
كأنو العالم عبتاكل شعير مثلا
الشاطر يفهم
شو هلحكي لفاضي ليش لتفصل لكهربا اصلا ولا منكثر لمعامل لفعاله عنا بلبلد قال ضغط قال كلو بهدلي من لمجلس وضحك علبشر شي بيقرف من هلوضع
ولو ولو بتعملو من الحبة قبة طولو بالكون شو صايبكن كيف دغري هلبشر بتفوع
انو بدي افهم انتو شو دخلكن لتطلبو.. تخفيف استخدام الكهربا!!!!
اني عندي بلبيت 20 مزكان و 20 دفاي و بدي شغلهن كلهن سوا بدي ضل دفيان و بدي ادفع كهربا بشهر هذاك الحسبي ..انت شو دخلك؟؟؟
واجبكن تأمنو كهربا متل العالم و الخلق عمندفع كهربا متلنا متل ابن تل ابيب ليش لتقطع عنا؟.بدل متطلبو نخفف الكهربا زبطوها و اذا فكنش خلو شركة الكهربا هي تستلم هون و انتو يعطيكن العافي مش قصه زير .. وو عفكراااا سواح زعلو كثير قال لكلك هل بلد فهاش كهربا يعقق ، العلم مش رح يزعجهن بس يلي رح يزعجهن و يضر بسياحة مجدل شمس هي انو يقعدو بلأوتيل بلا كهربا و بلا دفا يطلعو بلبلد يلقوها مسكري لانو فش كهربا فا أكيييددد معش رح يجو و غيرهن معش بيجي .قول نحنا تعودنا خلص صار الواحد قبل شتا يتمون حطب و شمعع .. بس هن حرااامم
يا جماعه الكهربا عبتنقطع عن رئيس المجلس وعمالو متلنا متلهن واذا انتو عبتسقعو كمان هن عبيسقعو متلكن ومتلي يعني مش عبتنقطع عنكن ورئيس المجلس بيتو عبيكون مضوي المشكلي عبتنحل مش مهم السبب اسا بس المفروض تنحل كل ها حكيكن وانتقادكن السلبي بيجبش شي ولا بيقدم ولا بياخر يعني ماسكين كلمة “فساد” ولا حقينهن واني واثق 100% انو ولا حدا من يلي كاتبين تعاليق بيعرف شي عن قضايا الفساد … بس انو يا قرا عالفايس انو في فساد او حدا قلو انو في فساد .. ليش نحنا شعب ناكر للجميل يعني لما عمر هالمجلس مدارس مكنش في “فساد” ولما هالمجلس زفت 90% من طرقان البلد مكنش في فساد ولما بنى مدرسي ثاني وروضات ومراكز طبيه ودعم باكثر من محل مكنش في فساد … كونو واثقين انو الموضوع عبيتعالج وزاعج الكل بنفس الدرجه اذا كان اي شخص او اذا كان رئيس المجلس.
يعني الفساد شئ طبيعي يجب التعايش معه !
اني قلولي انو في فساد بس مصدقتش وقريت بالفيس كمان مصدقتش .
اذا انا مواطن صالح …
بتمنى تكون مواطن صالح وتحاول تحل القضيتين سوا يعني ركز عالجنبين مش شرط تكون ورا القطع .. في فساد اذا كلنا بنقول في فساد .. في اصلاح اذا كلنا بنقول في اصلاح ..
مبارح كانت الكهرب مقطوعه باكثر من محل باسرائيل
يا لطيف شو سلبيين …كل بلد معرضة تنقطع الكهربا فيها.. بنيو يورك بتنقطع ..السنة الماضية انقطعت بمدن كثيرة باسرائيل .. ظلت مقطوعة اسبوع بتل ابيب وبالقدس ..ما خربتش الدنيا اذا انقطعت عنا شوي.دغري بتبلشو انتقادات … وشو فيها اذا طلب المجلس نخفف من استعمال الكهربا ..منو منوفر شوي ومنو بيخف الضغط عالكهربا..لازم تعيشوا كوم يوم بهالمخيمات هلي بتبعد عنا كوم متر منشان تتعلموا وتحسوا بالنعمة يلي عايشين فيها وبيظل مش عاجبكن..
كيف بدن يقعدو بلا الفيسبوك سيعة زمان كمان انتي راعي الشعور تبعن ناس بس شاطرة للانتقاد وعطول بطلعو عشي السلبي تبع الانسان. او ها الشعب يلي بينتقد الحسنات والسلبيات مفكر راح يطلعلو شي او انو عبحاول يصير رئيس مجلس للمستقبل بس تاكد حتى لو بالمجلس الحالي عبتصير شغلات من تحت الطاولة اما عمنشوف كثير شغلات عبتتزبط بهلبلد وطلعو من هراس بشرفو لربكن وحاجي انتقادات وحبو الخير للناس !!!!!