كتب رئيس المجلس المحلي في مجدل شمس، السيد دولان أبو صالح، على صفحته على الفيسبوك، انه تمت الموافقة اليوم على ميزانية التخطيط للحارة الجديدة المزمع بناؤها غربي مجدل شمس (New Majdal)، بالإضافة إلى رصد ميزانية لبناء مسار خاص لممارسي رياضة المشي، يمتد من مجدل شمس حتى “ناحال نمرود”.
جاء ذلك أثناء الزيارة التي قام بها اليوم وزير الإسكان الإسرائيلي اوري اريئيل الى المجلس المحلي مجدل شمس، قام خلالها بزرع شجرة زيتون في المنطقة التي ستقوم بها الحارة الجديدة.
وأكد رئيس المجلس المحلي موافقة الوزير على ميزانية التخطيط للحارة الجديدة، بالإضافة إلى رصد ميزانية لبناء مسار خاص لممارسي رياضة المشي، وأن هناك مخططا جاهزا لهذا المسار.
الصور عن صفحة رئيس المجلس المحلي، السيد دولان ابو صالح، على الفيسبوك
إعلان
إعلان
إعلان
احلى مشروع لشباب مجدل شمس
اريد ان اعرف متى سيتم بدء تسجيل ﻻلشفع. الجديده. نيو مجدل. وشكرا
كل الاحترام والى الامام خلي الناس تعمر وتنستر والله في ناس معثره ما معها تأكل بدها تلاث جيال شغل لتشتري نص دونم عمار
نيو مجدل ؟؟ مشروع جديد للتفرقة بين اهل البلد الوحدي منشان تصير البلد بلدان اولاد مجدل ونيو مجدل
والك حل عنا يا بتضل العرب طول حياتها تحكي عن التفرق والموءامره والخيانة والناس وصلت للمريخ والك حل عنا يا حل
لو سمحت ما حدا بيحكي شي الا ما يكون عبيفكر في لولا ما انت بتفرق بين الناس ما فكرت بهشي ..لو بتطلع ع المستوطنات اليهوديه بعيد الشبه بتشوف انو بكل وحده صار في توسيع للحارات الجديدي يعني بالعبري ( הרחבה ) فليش ليكون عنا تفكير بالعصر الحجري .. كبرو عاد وفيقو وستغلو هالفرصه الذهبيه .
هيك نحنا أهل المجدل كل مشروع بيفيد البلد لازم نوقف ضدو عله شو الله يجيرنا يمكن خيك اوابنك يكون في الو نصيب بشي محضر عمار من شان هيك خلونا ندعي انو هلمشرع يمشي واكيد راح يفك ازمت سكن بلمجدل ,كل الاحترام للأخ دولان عله هلمشروع وعله كل شي عبيقدمو للبلد.
اني شب من قرية مجدل شمس ابن 25 سنة متلي متل اغلب شباب البلد مش ملاقين محاضر عمار لنعمر لنستقر . الوضع بلبلد كثير صعب صار اليوم لتسكن و تستقر لازم تعمر فوق بيت اهلك او تعمل שיפוצים مع بيت اهلك القديم بلحكورة يلي حد البيت المزروع فيها شجرتين 3 جرنك لتكبر البيت و تقدر تتجوز و تبني عيلة و يلا كلنا نعمر فوق بعض ولكن روحو حلو عنا يااا طلعو من راسنا و من هل تفكير منا نتقدم منا مشريع جديدة لشباب البلد.اخ (الله يجيرنا) بقلك خلي عنك و بلا تحليلك سياسية جبارة اذا فش عندك شي تسوي نحنا شباب مش ذنبنا انت رئيك هيك حقك تشتريش لولادك ها اذا مش انت اول من رح يشترشا . نحنا بس خلينا للفلسفي و لفزلكي و تنظير على بعض
دخلك ليش أهل البد بعدها ما تفرقت لهلق !!!!!!
لماذا ننظر إلى هذه السخافات … “نيو مجدل” أو “مجدل شمس” لا يوجد فرق بالنسبه للانسان … ستكون الشروط نفسها وستكون اللغه نفسها… ومن سيسكن في “نيو مجدل”، سيكون أخانا حتماً … وهل تغار من أخيك؟! لا أتوقع ذلك … ولكن إذا كنت تغار فًبكلّ بساطه إبدا بتجميع امال واشتري قطعة أرض تكفيك واسكن بالمكان الذي يعجبك ! هذه القضايا لن تسبب بمشاكل إلا لمن يفكر فيها .
لنفكر بنضج قليلا !!!
انت بلشت بلتفرقه وهيك عطول بتبدا ..المشروع مش مفروض عحدا هلي بدو شفعه يتفضل وهلي بدوش ميخذش ..
الشكرا اولا لرئيس المجلس المحلي دولان مع حفظ الالقاب.كمان شغلي انو هدا المشروع بمبادره من دولان ومقريتش ولا كلمة شكر الو مع انو عبيشتغل كثير للبلد واني شايفي هدا الشي مع اني من خارج البلد.بس لو في لاي حدى اعتراض او صار اي تقصير ويمكن مش بقصد فقط نتيجه للظروف بينزلوا تهشيم وتحطيم وما بيخلو شي واكيد الحكي بيشملش الكل.شكرا الك دولان ونشالله بيصير عنا رائيس مجلس يقوم بنص الاعمال هلي عبتخدم فيها المجتمع.
بس بدي ضيف بعد شغلي انو ولا مره تفرقنا ولا مره رح نتفرق لاي سبب لانو كلنا ولاد الجولان.يمكن نختلف بلآراء كوننا شعب متحضر ومنتقبل راي الاخر ومش بالضروره برحابة صدر بس منتقبل.شكرا
شكرا كثير للاخ دولاان على هالمشروع الحيوي. وبامل ميكنش هذا المشروع ذكوري فقط مثل باقي المشريع بالبلد لانة في نساء لها اوضاع خاصة بيهمها الامر
هذا اهم مشروع
كل ألأحترام دولان أبو صالح .. تحقيق نتائج على أرض الواقع سيجدي بحلول إيجابية لمجدل شمس , نحنا معك ..
نيو مجدل هي الحدود المستقبلية لدولة اسرائيل مع سوريا وطبعا ومن مصادر موثوقه هي ليست فقط لأبناء مجدل شمس فهناك قائمه طويله تضم اشخاص من مسعده وبقعاثا والرامه وشفاعمر وبعض الجنود المسرحين من بقايا جيش جنوب لبنان قد حصلوا على מענק من الدولة وقطعة ارض مجانيه بسعر رمزي وبهذا فنيو مجدل شمس هي الوطن البديل لأعوان اسرائيل واللذين سوف يشكلون على غرار الخط الأخضر وشكرا أرجو النشر.
يا ابو عرب بالضبط أحلا اسم اخترته لنفسك
للاخ ابو عرب لا تنسى انو دولان ابن الجولان وقام بهالخطوه ليساعد اهل بلدو مش كل واحد مش معروف اصلو من فصلو.واني متاكدي انو هو بضميرو واخلاصو لبلدو واهل بلدو مش رح يسمح لاي شخص غريب يفوت عالبلد.
اني معك ابو عرب بكل كلمة عنا الناس جاهلة وبتفكرش ابعد خشما
عنجد كل الاحترام للي سعا لهالمشروع لانو حسب رايي مشروع القرن وكل الاحترام لدولان الي عبيشتغل من كل قلبو لمصلحه بلدو ويا ريت تشوف بقيه هالرؤساء هالشغل بلكي بيعملو نيو بقعاثا او مسعده لانو عنجد الناس بحاجه لشفع عمار
حدا سأل حالو شو راح يكون المقابل لهيك خطوة ؟؟ ببﻻش اكيد ﻻ يعني بالمشرمحي شو هل الكرم والعطف على اهل مجدل شمس ؟؟ هل مشروع الخدمة المدنية الو عﻻقة ؟؟ يعني ﻻزم تكون عامل خدمة مدنية لتقدر تاخذ محضر عمار ؟؟ او باختصار شو الشروط للتسجيل لمحضر عمار بنيو مجدل شمس ؟؟
والله يستر
احلا مشروع مبروك لشباب المجدل . سوال للااخ دولان يوجد امكانية انو اي شب من غير شباب المجدل انو يحصل على شفعة عمار في المنطقة يعني توحيد المنطقة الجديدة لقرية جديدة من كل اهل الجولان
هذا المشروع مخصص لحل الازمة السكنية لشبان مجدل شمس وليس من اجل الترفيه، وقد لا يكفي اهل مجدل شمس وحدها.
Welcome to you new majdal shames…خلص بكفي بهوره *****…..مشروع كثير حلوا ونشالله بتوفيق والله يعمر معكن وهلي مش معجبو يقفوز عن سطح بيتوا لأنو الانسان هلي بدوش يقف بجنب مشاريع ومصلحة البلد هذا إنسان جبان …..وشكرا
المشروع كثير راح يساعد بالبلد بس بتمنى تكون قسمة الشفع بطريقه متساويه …بتطرق اكثر شي للناس والعيل “الكبيري ” يلي ساكنين بالاجار لو المجلس كمان بنتبه لهالشي وكمان للعائلات اليتامى او للام المطلقه وعبتربي ولادها لحالها وببيت اجار … بتمنى انو يكون في مساواة
اتمنى من الاشخاص الذين يملكون شفع عدم التدخل والتخريب علينا المعثرين
الرغبة هي نصف الحياة أما عدم الاكتراث فهو نصف الموت ، وإن الأيدي التي تصنع أكاليل الشوك مثلا (كما يدعي البعض) .. هي أفضل بكثير من الأيدي الكسولة والفاشله التي ما زالت تسعى للغايات والمصالح الشخصيه … كل الاحترام والتقدير لكل من ساهم بالحصول على هذه الفرصه التي لا تعوض ابدا .
كل الشكر لكل من يسعى الى مصلحت بلدو والى الامام وحاجي تفكير متخلف ورجعي ،الارض منذو ربنا خلقها ليست ملك لاحد ،انما ملك لمن يحيى عليها ومن يعمل بها
قمة الديمقراطية أن يقرر الانسان عن نفسه فقط وحدود اوامره لا تتعدى باب بيته شبعنا بهورة وبروزة وخطابات وقصائد أخشى من ربيع عربي ع اصحاب القرارات
لا منرحم ولا منخلي رحمة اللة تنزل
من الواجب ان نقبل الراى الاخر ومن الواجب الحوار وعندما نتحاور وجب علينا ايجاد البديل لاقناعة بان راية مغلوط او غير مقنع لذا علينا مناقشة كل موضوع بجدية وايجد حل جذري ولا نستغل المواقع فقط للكتابة بدون مناقشة جذرية وعمل فعال يخدم اهل المنطقة وليس مجل شمس فحسب ونأمل ايجاد الحلول لكل هذة الامور بفترة زمنية قليلة( وليست بعشرات السنين)
انشالله يا رب يصبح المشروع الجديد بالتوفيق والنجاح هذه احلى اخبار سمعنها اليوم
أخ دولان الله يوفقك وييسر أمرك لما فيه من خير لبلدك وناسك فيا أيها الشاب الأصيل تابع سيرك وافعل ما يرضي ضميرك لانه ضمير حي وعقبال لباقي قري الجولان
كل الاحترام لرئيس المجلس دولان ابو صالح اولا ثانين عن اي تفرقه تتحدثون يعني يا بتضل البلد بسبات يا تفرقه بس ما يعملو فيها مثل لجنة الوقف الي قريب من الصحن يأخذ وهلي ما عندي شفعه بدو يروح يشتري وكفاكم ركوب الأمواج على حساب الآخرين
الله يجمع الشمل ونرجع لحضن الوطن ويرجعكون بخير يا جيرانا
خطوة جميلة ومشروع جيد وكل التحية والتقدير للاخ دولان لانة ينفذ مشاريع على ارض الواقع ويطبق وينفذ ما يخطط بة . يعني ما ببيع كلام بالهوا متل بعض ناس . لاكن هل هناك اي افكار خفية تصاحب هذا المشروع تؤدي الى نتائج غير مرضي عنها من قبل المجتمع الرافض لتغيير طابعة الجميل الغير مشوة . فهل يا ترى سيسكن بيننا من كان مجند في جيش جنوب لبنان العميل لاسرائيل كما كتب الاخ ابو عرب يع يع يعق او اي واحد خادم دولة اسرائيل وموسخ وعامل السبعة وذمتها مع الفلسطينيين يجو يقردفو لعنا يا عمي نقاء المنطقة ونظافتها ما بتتحمل كل هالامور العكرة هي . طيب شو مع حرش عين القعقان مهوي اجمل منطقة بالبلد مش ناويين تزبطو بينعملو مسارات مشي مع مقاعد كل مسافة معينة مع شي ديكور مزبط حوالي العين وبطلع بالمسارات تبع المشي عالتلة لفوق وبتوصل على شارع الي بروح عحارة الشميس .
كلّ الشكر والأحترم لدولان على هذا المشروع…لكن هناك عدة أسئلة تدور في بالي … هل هذه الحارة تستوعب كل ّ من طلب محضر عمار أو في خيار وفقوس متل ما صار بأراضي الوقف والمعثر والفقير مادياً بيقدر يشترى ولا آكل *** بالحالتين . والنساء بتقدر تشتري ولا في هيمنة ذكورية هون ؟ وهل سيتم بيع محاضر لليهود ايضاً ؟ منشان ما ننحرم من العنصرية!!!
كل للاحترام للسيد دولان نحنا منفتخر انو عنا رئيس متلك بيهمو مصلحه البلد .. عسا تضل بصحتك وبعافيتك *****
الأرض هلي إسرائيل بدها تسمح لشباب الجولان يعمروا فيها هي بالأصل أرضناالسوريه. فقط هم عبوسعوا الخناق علن مواطني الجولان بتوسيع حدود أراضي العمار ليس إلا.
كلامك ميه بالميه
أرجو النشر من اجل تعتمد للديمقراطيه والعدالة اقترح ان نسمي الحاره الجديدة عين القعقان أوحي الزيتونية لانه إذ اثبتت الأقاويل التي وردت في تعليق الأخ ابو عرب يكون الوضع ألطف اما بالنسبه للمشروع فحسب رأيي يمكن التفاوض مع الجيران بخصوص الارض المقرره بطريقه مناسبه ترضي الطرفين بحيث تمنح بالمقابل ارض لمجدد شمس خلف الأسلاك الجيران وهكذا يتم التبادل ويتحقق العدل
كل الاحترام لدولان مشروع مهم جداً لشباب البلد اذا نظرنا للمشروع من ناحيه منطق نعد للعشرة لكن هل من بديل هل من حل لهذه المشكلة العويصه التي تحد من قدرت الشباب على العمار هذ السؤال برسم المشايخ الأفاضل هل تستطيعون حل هذه المشكلة ،الجواب أكيد لا فعلى مدى سنوات وسنوات انتظرنا الحلول ولكن لا مجيب
مشروع له فوائد كبيره للبلده وعلى المدى البعيد يمكن تسويه الامر مع أهل جباثا في حال تغيرت الأوضاع السياسية
ايا مزاودين بكفي مزاودي قبل كم سنة كان في مشروع مستشفى وعدد من المخربين وقف بيوشو اما اسا ما عاد ينضحك على الناس
ويلي ما بدوش محضر بيوفر يقعد على جنب بتوفيق اخ دولان والى الامام ومشاريع اخرى ان شاء اللة
اولا: كل الشكر لمن يسعى لمصلحه ابناء البلد وكل على طريقته
ثانيا: نحن كشباب لا نلوم ابدا كل شخص يخاف على مصلحه بلده وينورنا انه الهدف من المشروع هو سياسي……ولكن بالمعقول وبلا مزاوده.
ثالثا:امر لا نختلف عليه “انو المجدل بدها توسيع” -الخريطه الهيكليه-تعو لنقترح لوين ا-(شمالا)الجبل شفنا الفشل الكبير والتخبيص ….وما بنا نفكر ونعيش باحلام ولي دفعناه بكفي…فهمكن كفاي .2-(شرقا)الشريط …..بدون تعليق 3-(جنوبا)ممكن من الناحيه التخطيطيه بس كل واحد عندو دنم بصير بدو في 150000 دولار صح ولا غلطان وبيعمر بلا لرخصه وعلى مخلفات 4- (الغرب)نحن لا نختلف انها ارض لجباثا بس ارض اميريه يعني ملك للدوله “طيب “ارض جرداء غير صالحه للزراعه شو المانع اذا ضموها للمجدل ….اسا صار عنا مبادي واخلاق مهو ملان اراضي للمسيحيي او غيرن من النازحين وبطشنا عليها وعلسكت.
خلاصه الكلام(بلا مزاوده هلي بدو محضر يسجل وهو بتحمل المسؤليه اذا اجا حدا بعد عمر طويل من جباثا واثبت انو الارض الو الدوله بتعطيه بمحل ثاني لانو ما بيملك الارض بيملك فقط ما عليها الامر بسيط ومش معقد حقنا نعيش ونعمر النا ولولادنا لانو الارض يستخدمها الشعب وملك للشعب والدوله وليس لبلد معين وتعو نمشي مع الواقع بلا مزاوده كمان مره)
الصورة حلوه بس الطبخه إلها ريحه من تجاربنا مع الدوله بدي تساءل شو الثمن المطلوب لهذه الصفقة؟؟؟هل تريدون إفشال مشروع الوقف او ان هذه الاراضي هي استجار من الدولة أوضع اليد على ملك الجيران المهجرين قسرا او محاوله لفرض واقع الذي هو صفة الاحتلال الذي يغتصب الارض ثم يبتز أصحابها
والله يا متفرج بعدك على اجتماع قنوات قال وقف قال ههههههههه
اي مشروع سكني يقام في مجدل شمس يجب ان يكون من اجل ابناء مجدل شمس وحدهم…وان كان هناك مؤامرات كما يعتقد البعض، فاظن ان هذا سيتبلور في ظهور غرباء ياخذون اراضي في مجدل شمس من قبل “المنهال” وعندها ستتحول مجدل شمس ل “الناصرة” رقو 2 بكل ما تحملة الكلمة من سيئات على الصعيد الاجتماعي، الامني والهبوط الحضاري.
كل الاحترام دولان .. الفكره حلوه كثير , وللصراحه نجاح هالمشروع بيتعلق بلناس لمفتحه يلي عندها راس موزون بيقدر يستحمل كل لمصاعب والقلق بطريقه ايجابيه..
يا اهل مجدل شمس لا تنغروا بالمظاهر هلي عبصير ذكرني بقول الشاعر اليلس فرحات ,لا يخدعنك محتاج اليك اذا فيما يسرك من امواله بذلا ,ان ابن ادم لا يعطيك نعجته الا ليأخذ منك الثور والجملا , لو يعلم الكبش ان القئمين على تسمينه يضمرون الشر ما أكلا ,وفهمكن كفاي للي بدو يفهم اصحوا لحالكن قبل ما توقع الفاس بالراس
انتو يا اهل بلدي انا مش من المجدل لكن اعتبر جزء منكم كلنا بلد وحده .. ليش ما بتنبسطوا بالشي يلي عبيصرلكن !؟
ليش عطول تفكيركم سلبي !!؟
ليش ما بتفكروا بالشي الايجابي !؟
ليش عطول بتحقدوا عبعض وبتنحسدوا وبتغاروا من بعض !؟
لك عيب عنجد عيب ! يلي عبيصرلكن شي كثير كبير لك عيشوا بهالنعمي .. لان الرامه او عسفيا ولا غيرها يا اخ ابو عرب ناقصها بيوت وشفع ارض لتجي تسكن بالمجدل ما هن اصلاً. بيستحوا فيكون ! عيب عنجد عيب هالحكي لوين وصلنا .. اذا رفض هالمشروع المجلس بتلوموا وبتفضحوا عرضو واذا ما رفضو كمان بتلومو وبتفضحوا عرضو شوووو بدكنن ؟؟!!! يلي عبصرلكن بعد مصرش لحدا اصلاً خرجكن تسكنوا. بالخربه .. يتبع
مش ناقصينك انتي والدروس تبعك.
عليكي السلام إيتها السيدة المحترمه ويجب ان تعرفي انه الان يسكن في البلد عشرون رجلا من سكان **** وهم يملكون شهادة תושב מג׳דל שמס وقد غيروا نفوسهم الى خانة الهضبه وهم اداريا أيضاً يتبعون الى قاءمقامية الهضبه والاهم انهم قد اشتروا تلك الشفع من السلطات العليا وهي لا تتبع لأهل مجدل شمس ولا يحق لأحد التدخل معهم وخصوصا وأنهم يعملون في شركات الجباية الخاصه يعني المافيا فلوين عبتعنتري مع تحيات ابو عرب