تمديد الإغلاق على قرى الجولان حتى يوم الثلاثاء القادم

وسط تزايد مستمر في عدد الإصابات بفايروس الكورونا في قرى الجولان، قررت اللجنة الوزارية لشؤون الكورونا مساء الأربعاء تمديد الإغلاق على قرى مجدل شمس، بقعاثا ومسعدة حتى صباح يوم الثلاثاء القادم.

بالإضافة إلى ذلك قررت اللجنة منع السفر من وإلى مناطق السلطة الفلسطينية من اليوم وحتى 12/12/2020.

تعليقات

  1. الله يهدي البال وتمرق هل غيمي السوده وتروح من عنا .. اني احد الاشخاص الي حسب الفحوصات طلع معي كورونا بس الحمدلله ما حسيتش بشي ولا حتى صخنت او مرضت .. وللحقيقه متحير وفي عندي شك بمصداقيه هل مرض يمكن عندي مناعه يمكن غلط بلفحوصات يمكن مش موجود هل مرض اصلا والفحوصات الي عبتنعمل مش عبتفحص كورونا اصلا عبتفحص شي ثاني وتحت اسم كورونا .. اني الي بتمناه من الجميع يحكي عن العوارض لانو اكيد في غيري نفس حالتي .. من هون لازم نبلش

    1. حالتك عالاغلب يا صديقي هي او انو انت عندك مناعة ذاتية ضد الفيروس او في غلط بالفحوصات وطبيعي ردة فعل الجسم والاعراض تختلف من انسان لانسان مثال”اوقات قبل لما كان يرشح حدا بالبيت في اشخاص بتنعدي من العائلة وفي اشخاص بتحسش بشي ولا بتنعدي” اما فكرة انو الكورونا مش موجود واخترعو الشركات عشان يربحو فهالشي غلط 100% لسببين:
      اولاً المتضرر الاكبر من السيجر هو الشركات الكبيري لان نشاطها وقف وبطلت تبيع منتجاتها وخدماتها للناس اكبر مثال عندك هو شركة ال عال واذا بتفحص وضع الشركات الكبيري هي عالانترنت بتلاقي انو ارباحها ومبيعاتها قبل الازمي اعلى بكثير من الارباح والمبيعات اسا…ففكرة انو الشركات هي ضحكت عالناس انو في كورونا عشان تربح مش منطقيي ابداً ….ممكن يكون في بعض الشركات تستفيد من الوضع متل شركات الادوية بس هي الشركات صغيري وفيهاش تاثر عقرار الدولي قد الشركات الكبيري اللي اقتصادها تضررر من ورا السيجر

      ثانياً: سلالة فيروس كورونا موجودة من زمان واكبر مثال هو فيروس سارس اللي انتشر بال 2002 يعني الفيروس اللي منتشر اليوم هو نوع جديد من سلالة الكورونا وعشان هيك اسمو “فيروس كورونا المستجد” فكمان قصة انو هن اخترعو الفيروس مش زابطة منطقياً لان سلالة الفيروس موجودي من زمان

      تعو نكون منطقيين اكثر ونطلع من جو المؤامرة اللي فايتين في لان اللي مفكرينهن عبيتامرو علينا(الشركات العملاقة والحكومات….) هن المتضرر الاكبر من السيجر اللي عبيصير عنا وبكل الدول

    2. اخي العزيز اول شي سلامتك ونشالله تتعافى وما تعدي حدًا قريب منك أو بعيد لا سمح الله حسب اعتقادي كمتابع للأحداث بموضوع التأثير على صحة الجسم الڤيروس بحد ذاته حير علماء وأطباء العالم جميعا لقدرته بالمراوغة التي يتحكم فيها من اجل بقائه موجود وكذلك من اجل التكاثر والمراوغة للانتشار ما نسميه الصراع من اجل البقاء !! لذلك اخي العزيز يجب الحذر جيدا من هذا النوع الذكي بالتحديد لتجنب انتشاره بقوه لكي لا يخرج عن السيطرة ويصل إلى أشخاص ضعفاء ليفتك بهم وبالنهاية يجب على كل شخص مصاب ان يتابع الفحوصات قبل خروجه من الحجر الصحي حتى يتأكد ان جسمه قد قضى على المرض وليس كما يوصي الأطباء بخروج المصاب من الحجر بعد أربعة عشر يوما بدون فحص طبي !! فهنالك حالات كثيرة بقي الجسم مصاب بالڤايروس دون اي أعراض مدة ثلاثون يوم وأكثر

  2. اني حمدلله مصابنيش الكورونا . بس حاسي كلنا على عطريق. شغلي ثانيه اني بعرف ناس قراب اليةكثير صابهن كورونا وصابن الاعراض التاليه .. قحه ناشفه . حمه عاليه. فقدان حاسه الشم . هده حال. في بعضهن صابن وجع راس ووذيق نفس. تقريبا كل يلي صابن كورونا حسو نفس الاعراض. ممكن انت تكون مناعتك قويه لدرجه محسيتش ولا بعرض من الاعراض وخسب الجسم كمان.

  3. اخواني وخواتي اهل الجولان الغالي يسعد مساكون
    فايروس كوفيد ١٩ موجود والمرضين للاصابه كل الناس كبار وصغار . وللاصب صار بمنطقتنا كثير حالات مؤكده وكمان عدة وفيات لهيك منقدرش ننكر وجود المرض .
    اما الوضع الاسوأ هو انه يرفضوا يستقبلونا بأماكن عملنابس لاننا سكان قرى الجولان ومثل ما انتوا شايفين حواجز بكل محل. وممكن يمددوا الحواجز كل الوقت.
    اني بقترح على كل سكان المنطقه انو يبادروا بحجر لمدة ١٤ يوم مبادره تكون من السكان لعل مستويات الاصابه تنزل وكمان الشرطه بتحتجش تحجزنا لاجل غير مسمى.بتمنى تدرسوا الفكره

التعليقات مغلقة.

+ -
.