سيكريت \ ايتاليكا

تعليقات

1. بعتقد انو الموضوع المطروح (برنامج السيكريت) مهم جدا لانو الي عبيصير هنيك كثير خطير…. بس طريقة طرحك يا ايتاليكا للموضوع ما كانت موفقة ابدا
   بعتقد لازم مناقشة هذا الموضوع باسلوب ثاني ومش النقطة المهمة هون موضوع التربية الجنسية بحد ذاتها قد مهو مهم موضوع قلة الضمير والحقارة والتعرض لاعراض الناس الي عبيصير عالسيكريت والي رح تكون الها نتائج خطيرة جدا علمجتمع وعالبنات الي عبتم تداول اسماءهم على السيكرت واغلبهن بنات عمرهن بسن 14 و15 و16 سنة

2. اضافه لمعلومات الكاتب\ة، السيكرت مشكله عالميه ومش محليه. المجتمع الغربي عبيعاني منا اكثر وباسلوب ابشع، رغم التحرر.
   اني بشجع فكرتك بتحرر المجتمع من هالعقد النفسيه، بس بتخيلش هالشي بيحررنا من الاشياء المقرفه اللي عبتنكتب بالسيكرت.

3. الموضوع طرحو غلط السكريت ووساختو بكف والتربيه الجنسيه بكف ثاني … حتى طرحك لموضوع الجنس غلط عبتحكي عن الموضوع بوقت غلط بوقت معش في حدود للولد ولا في شي اسمو بس تكبر بتعرف اليوم ولادتا بيتعلمو دوره بالتربيه لجنسيه واليوم بوجود التكنولوجيا والتطوير لي صار بمجتمعنا صار عندن معلومات اكثر من الاهل بس بيرجع هالشي للشخص نفسو اذا عبيستعمل التكنولوجيا ايجابيا او سلبيا وما في حدا اليوم بيقول عيب وبس تكبر بتفهم لان فهمانين قبل ميكبرو …….

4. كل كلمة كتبتيها عبرت عن الافكار الواعية والنظرة الثقافية يلي يا ريت كلنا منمتلكها..
   فش حاجه احكي عن الموضوع لانك عبرتي بشكل ممتاز عنو، بس لازم وجه اصبع الاتهام للأهل يلي ربت هيك جيل، وفي ملاحظه كثير مهمة.. لفت انتباهي اعمار الضحايا لهذا الموقع.. وهن الجيل الجديد يلي مفروض يكون اكثر وعيّ واكثر تطور من جيلنا، كونو عبيتلقى احسن مؤهلات وأفضل مستوى عطاء من الاهل..
   بأسف عليه..

   1. المشكلي يا صديقي او صديقتي بمفهوم التطور عند هالجيل .. التطور عند معظم الشباب والصبايا بمجتمعنا يعني اللي بتتاخر اكثر وقت ممكن عن البيت .. اللي بتصاحب اكبر عدد شباب بغض النظر عن العمر والبلد والدين حتا.. الي بتبين اكبر مساحة ممكنة من جسمها .. اللي بتردش عاهلا ولا بتعملهم قيمي بحجة انو هي صارت بعمر محدا خصو فيها واذا تدخل هالبي وعصب ومد ايدو عليها بتطلبلو الشرطة .. الشب اللي بيضحك عاكبر عدد صبايا.. الشب اللي بيعمل شو بدو من سكر وتحشيش ومحدا بيقلو لا و و و كل انواع الانحلال وقلة الاخلاق اللي بتخطر عبالك هي بالنسبي الهن تطور فاذا بتشوف التطور من وجهة نظرهن بيطلعو اكثر جيل متطور وبامتياز

5. اوصخ برنامج اني نزلتو ومكنتش اقدر استحمل الحكي ودغري محيتو لانو جد عيب بنات العالم مش لعبي.. يا شباب كلنا عنا خوات حترمو حالكون شوي عنجد خجالي وشكرا ..

6. اني حاسي الموضوع مالوش علاقه بالسيكرت ***
   ما عندي سيكرت وﻻ مره صرلي اقرا شو مكتوب …بس كيف عمنسمع السيكرت بباﻻدنا عبيعطي بس فرص اللخ واللقلقه على فلاني وعلاني….
   اما انتي حابي يكون عندك معلومات عن التربيه الجنسيه …المدارس بتعطي منهاج التربيه والتعليم اللي بتنصو الوزاره *******
   على فكره بقيت حب اقرالك بس اسا خاب ظني …
   وللمعلومات في كثير دورات للتربيه الجنسبيه بامكانك الالتحاق فيها …**************

7. انتي عبتحكي عدور اهلك كيف كان ينطرح موضوع ال”جنس” وكيف كانت ردت فعلن اليوم الطفل بيفهم كل شي وبيعلمك اذا بدك وعبتدافعي عن السيكرت بطريقا غريبي كانك عبتشجعي الفلتان ونقص الوعي والتربيي اللي كلنا عمنلاحظو وخاصا عنا بلهضبي … الموضوع بلشتي نقاشو صح نهايتو غلط ..!

8. في عنا مشكلي عويصة بفهم المقروء.. يا ريت نفهم شو عمنقرا ونركز شوي لنستوعب صح.. حاولو تكونو أعمق قبل متصدرو أحكامكن..
   2 او 3 يلي ركزو وفهمو الفكرة والباقي فهمو عهواهن..

   1. عفوا منك بس نحنا مفهمناش غلط . بالفعل انو السيكرت هلي عبيصير عليه بكفه والتربيه الجنسيه بكفه . وانتي دمجتي الموضوعين بشكل غلط لانو بالفعل عبينذكر اسماء بنات وعبتتفضح عروضنا بسوالف فاضيي عالسيكرت . في نقص وعي جنسي مختلفناش بس مقالك مش ملائم للعنوان

9. المقال ها لازم كان تكتبو قبل 20 سني ليكون صحيح بس اليوم ابن وبنت 8 سنين بيعلموك كل شي عن موضوع الجنس مش لانو اهلهن او مدرستهن علموهن ،لانو صحابهن نقلولهن هلمعلومات اللي شافوها بعيونهن بلحقيقه وبمواقع الانترنيت الغير مراقبه من الاهل .صحيح ممكن تعلموها غلط بس محدا بعدو القطه المغمضه وعن اي عادات وتقاليد عبتحكي، لو عبنمشي علعادات والتقاليد تبعنا كنا بالف خير والدليل عمال مقارني بين جيل اهلينا وجيلنا اسا، وستنتج لحالك.

10. يسلم ايديكي..وشكرا كثير الك لانك تعبتي بكتابة لمقال كثير بقدر تعبك..كل لاحترام الك اني مهمنيش كيف طريقة حكيك ومهمنيش اسلوبك بالكتابي الي همي هو رسالتك الي للاسف في كثار قرو ومقدروش يفهموها..نبسط واني عمبقرا..راح استناكي كمان..وسدقني حتا لو 10 ضدك و1 معك ها بيعنيش انك ما تعبريش عن رأييك بلعكس ها لشي لازم يعطيكي دافع لقدام..وتفكريك مش هو لغلط..يكثر خيرك انتي عبتوصلي رسالي حتا لو مجتمعنا بيعتبرا جريئه بس انتي بلايخر عبتقدمي شي الي هو رسالي بس غيرك شو عبيعمل بس عبينتقد..يلي عبينتقد يفيدنا بشي يا جماعه..شكرا

11. انا حسب رايي الموضوع هو مساله اخلاق والي متعلمش ببيت اهلو انك ممكن تخرب حياه انسان بالكامل مجرد متحكي اشاعات وتعاليق بتخص الشخص نفسه او بتخص ناس قريبه الو يا ريت مربيات ومربين اليوم والي هن معلمات ومعلمين واكيد الاهل يتابعو الموضوع وبكفي اهتمام بالقشور “الماركات السيارات والتسريحات والسهرات” والسعي وراها عحساب ولادنا.

12. يا سيدتي٠٠كثيراً ما استمتعتُ وأنا أقرءُ مقالتكِ هذه..وأعجبني جداً انكِ تحاولين جاهدةً سبرَ عمق البحيرة بمسبرٍ ناعم علكِ تتحسسين كم استطاع ان ذاك العفن ان يخترق مجتمعاتنا..صديقتي اتاليكا احببتُ ان ادخلَ ولو مرةً واحدة متطفلاً لأقول لكي نحنا البشر الذين انقسمت خلايانا المتوهجة بالمعرفة وتوارثتها الاجيال التي من بعدنا كثيراً ما صلبنا في مجتمعاتنا هذه وهي من اكبر العلائم على حقيقة افكارنا..فالبارحة يا صديقتي..نحن ابناء بني آدام أشعلنا النار..ودقينا الطبول..ورقصنا تحت السماء نستجمع معرفة الآلهة..لكن الشييطان الذي أُنزل مِن قبلنا كان قد أغمدَ خنجرهُ المسموم في عقولهم يومَ احرقت كتب ابن الرشد ويوم أُ علِنت الزندقة على جبران……

13. بتوقعش انو ها لبرنامج ما الو علاقه باي وعي من اي نوع بالعكس ها قلت اخلاق متل اي موقع دعاره بالانترنت بنمي الانحلال الاخلاقي والمفاهيم الغلط غير انو اضطهاد لحقوق المراه
    اذا بدكون تحكوا عن الجنس وتعرفوا عنوا معلومات صحيحه في كثير مصادر لتعرفها مش مواقع الانترنت اكيد لانها مواقع دعاره وغير اخلاقيه ومش مزبوطه وعبتنمي بالذكور مفاهيم غلط عن الرجوله وعن الانوثه
    ******
    ثانيه المراه مش غرض بتستعملوا للمتعه الشخصيه والمراه بتحب العلاقه الرومنسيه بتحبش تحس وجع ولا اغتصاب
    المعلومات الصحيحه بتخذوها من كتاب طبيب ومواقع طبيه مرخصه
    برنامج السكريت والمواقع يلي عبتاخذوا منها معلوماتكون بتنفعكون لشغلي وحدي تصيروا مغتصبين ومنحلين اخلاقيا وغير واقعيين ومريضين نفسيا وجسديا
    ما دخل اسماء البنات بالتوعيه الجنسية على حد علمي

14. ايتاليكا .. المواضيع اللي بتطرحيها مهمي .. وكل ما اقرا مقال بيكون احلا من الثاني .. والمهم انك بتحكي عن الواقع اللي الكل بيعرفو بس منقدرش نعبر عن راينا بطريقتك الجريئة والواضحة .. بالنجاح !

15. ولاد وربو ولاد…شو بدو يطلع معهون.. 🙂 للأسف

16. الموضوع كثير حلو ومهم وهي الحقيقة انو نحنا ما مناخذ جواب صريح عاسلئلتنا وهشي بثير فضولنا . بس السيكريت مش عنوان مناسب للموضوع.

    1. يا اخي العزيز اين اجد برنامج السكريت اني مش عايش بلبلد حدا يساعدني بليز

17. لما نتعلم نسمع غيرنا بلا منقيمو ونستهين بافكارو ونتمسخر عليه بيبطل في شي يحوجنا نتخفا عباره كثير حلوي ..يعني لما نكون صادقين مع نفسنا واوفياء لغيرنا منبطل نلتجأ لهيك مواقع مقرفي وبالنسبه للموضوع يلي حكيتو عنو ،قبارتي ها كان عدور ستي وستك مش مع جيل ليوم ،،جيل ليوم هيذي لاشياء بيعرفا وبيناقش فيها وبيسال عنا مع اكبر شارب بلبد وبلا ميستحي او ينهزلو جفن وها شي كثير حلو بس لما ينسال عنو بادب ،،اما لما يتخبا ورا السيكرت ويحكي عن الجنس بطريقه بشعه سيعتا فيكي تقولي (قلة ادب،،ضعف شخصيي ،،او انو انسان ناقص بكل معنى لكلمي وعبيعبي نواقصو بواسخة السيكرت)وكل حدا واعي وفهمان منجيل ليوم بس عبيشوف قرف ووساخة هلموقع دغري عبيمحي وبيمحي لقرف من بلفونو

18. بحترم رايك ووجهة نظرك بس بعتقدش التوعية والتعليم عن الجنس او عن اي موضوع ثاني بكون عبر مواقع تواصل اجتماعية مخفية اولاً ، ثانياً لنفترض حكيك في منطق بس السؤال هل هلناس حسب رأيك عبتستعمل السيكريت للتوعية الجسدية او طرح اي موضوع ثاني باحترام ؟ غلطاني اذا انتي مش عبتشوفي كل شي عبينكتب بالسيكريت غيرك عبشوف لانو عبينكتب عنو او عن اختو او عن صحبتو او او او … ثالثاً هي الابليكاتسيا نعملت للدول الراقية والمتطورة ويلي واصلي للقمة بالروقيي نعملت لطرح موضوع يتناقش فيه مش مهم شو هو بس لمهم باحترام ، منعملتش لبلد متل عنا بتحوّل كل شي لقذارة ولعب بشرف بنات العالم .. شكراً

19. بس البي او الام **** قبل متعمل رخصة تتعلم كيف تفحص اجهزت اولادها كل فترة وتتحمل شوية مسؤلية كانت نحلت .وبس يبطلو الناس تنزل البرنامج بينتهي لحالو.اني قديش سمعت عنو ولا مرة جربت نزلو ولا بفكر بنزلو.

20. باسف عالمستوى اللي وصلنالو بنشر الاشاعات والحكي القذر عن بنات الناس .. قبل فترة بس نعمل فيس باسم بنات اسرائيل وصارو ينزلو صور لبنات الهضبة كل واحد عمل حالو زلمي وبيقبلش هالشي وكل الاحترام لكل اللي ساعدو بانو تمضا هالشغلي عخير بس اسا بس صارت الشغلي بالمخفي ختفت الزلم وبين معدن كل انسان عالقليلي بينو وبين حالو وهو عبيكتب عن اعراض الناس بهالموقع انشالله يكون حاسس قديش هو واطي وبلا ضمير وكل حدا بيكتب بهالموقع قبل ميكتب يفكر انو يمكن باي لحظة يمكن يشوف اسم اختو او أي صبيه بتخصو بهالموقع وعبينحكا عنها بطريقة بشعه ويفكر شو رح يكون موقفو ويرجع اذا قبل هالشي عحالو يحكي عبنات العاالم عنجد عيب عليكن .. وكمان الحكي للصبايا لان مش معروف اسماء يمكن يكونو صبايا عبيكبتو عبعضن كمان عيب وتذكرو انو الدنيا دوارة والله كبير

    1. موقع بنات اسرائيل رجع فتح.. هن سكرو فترة من الزمن ورجعو فتحو وبعدهه صبايا والكتابي عنهن محفوظة

21. موضوع كثير حلو وبيشد كل حدا ليقراه للاخر .بس واني حتى عبقرا وقبل ما خلص قراي الحقيقه سوال اسالوا لحالي انو انساني بهالمستوى العقلي من الكتابي ومن التعبير وخصوصا بهالموضوع .اكيد مش انساني بسيطه هي انساني ذكيه وبعدها عبتسال او بالاحرى مش فهماني شغلات لتتوجه للسكريت ولتراقبها بالسر .وبعد ما خلصت قراي فهمت شو قاصدي وفهمت كيف حابي توجهي رسالتك للمجتمع بس في غلط باسلوب التوجيه ومش لازم نروح عالغلط ونوجه ولادنا عالغلط لنفهم شغلي نحنا كبرنا وقبل 30 سنه ما كان في توجيه بالمره من قبل المدارس وهيانا متل القرود ممشيين امورنا بكل المجالات مش بس بالجنس وبالطريق الصحيح مش نحو الغلط

22. انتي بتكتبي. وبتكتبي وخير الكلام ما قل ودل لا درجي انو هلي عبيقرا بيممل وبيبطل يقدر يككمل قراي لا يفهم شو بدك

23. موضوع كثير حلو ومهم جدا للنقاش فيه مع الاهل او الاصدقاء وكمان مع معلم البيولوجيا ،،، لو كل جهه تقبلت النقاش بكل حضاره ومفهوميي ما كان حدا جمع اشارات استفهام وبشكل كبير بس عنا بعدنا شوي منخاف نناقش عشان لمل بيسأل الولد اي سؤال مننحرج نجاوب او ما منعرف نجواب ف منفوت حالنا ب متاهات ولهسبب منسكر ع الموضوع قبل ما ينفتح وهاذ اكبر غلط المفروض ناخذ ونعطي حتى ما يضيعوا اولادنا بكثرة الأسئله يلي ما الها اجوبي ،،، ثقتنا بنفسنا وباولادنا بهيك موضوع بداي لاجتياز كثير مواقف بايخه مع ولادنا ومن حق ولادنا يعرفو كل كبيري وصغيري بهلموضوع وما نترك مكان للخجل وبنهاي موضوع عادي ومهم جدا بحياتنا اليوميي ف ليش ما نوقف عند هيك نقاشات ؟؟؟؟

    1. ما بنوقف عند هيك نقاشات.. لانو ببساطة ما عنا أجوبي عليها.. ولا عمنحاول نشتري كتب تثقيفية لنتعلم ونعلم ولادنا.. بس بتعرفي الحلو واللي لافتني انو لأول مرة بينغتح نقاش وما منتفهمن في عالقليلي تسكيرو بيثبت إنو ما منعرف بهيك موضوع..مع انو حراجك تفتحي موضوع حتى لو بالطب.. بتلاقينا بنا نعلم الدكتور ونقنعو بمعلوماتنا..

التعليقات مغلقة.