الشابة الجولانية غيداء أبو عواد من بقعاثا تشارك في برنامج المواهب الإسرائيلي “أيال غولان يناديكم” (אייל גולן קורא לכם)، وتثر إعجاب لجنة الحكم بصوتها. استمع لصوت غيداء في الفيديو التالي:
https://www.youtube.com/watch?v=0rb-U6jxDP8
غيداء أبو عواد من بقعاثا تثير إعجاب لجنة الحكم في برنامج “أيال غولان يناديكم”
رائع ، حلو جدا ، نشاله بنجاح اخت غيداء
صوتك بيخوووووووووث نشالله بالنجاح والتقألق واجمل احساس بالدنيا
ولاوووووووووووووووووو وين وصلنا وولاو وين صرنا والجاي أعظم بس
أهلين بالجولان الجديد …. إسرائيل ترحب بكم في أحضانها وطأتم أهلاً وهللتم سهلاً …
اخ عماد الفن احساس يتعدى جميع المقاييس لذا لا هوية له
برأيي صوط بعقد وأني فخور انو في بجولان هيك صوط حلو ، وبتمنا انو مش كل ما دق لكوز بلجره تدحشوا لوطنيي بلنص ، وخلو هصبيي تشوف مستقبلها كيف هي بتلاقي مناسب لألها ، وبتمنالك لنجاح.
בהצלחה יקירתי
שיר מקסים וקול מדהים שיהיה לך המון המון הצלחה בהמשך דרכך
اخ عماد بحيي فيك. طاقتك وحدسك الوطني
حبيبي.
بس يا اخي هذا فن.
صوتك بجنن واحساس مش ناقصك شي حرام هلاصوات تضل مدفوني هون … مزال مش متقبلين لفكرا حركو حالكن وعملو شي مش بس بمجال لمسيقى مهلي عبيلعبو رياضه وين عبروحو وين عبيكبر اسمهن رياضيين وسبحين ومخرجين اسا فقتو شي مضحك … غيداء كثير حلو صوطك والى لأمام
صوت بيجنن مش مهم شو اللغه لمهم الاحساس
كانت بالاخر بشرر
ابدعتي
كل لاحترام موهبي بتجنن واحساسك بجنن وبتوفيق ونجاح ومنها للاعلا
بعيدا عن الموقف السياسي.. غيداء صوتك رائع فيو خامة شرقية بامتياز.. صوتك رسالة سلام.. حرام يضيع بغير مطرح..
رمز الثقافة الجديد. ميري ريجيف وزيرة “الثقافة” تشيد به وببرنامجه. المذنب بالتهرب من دفع الضرائب والذي كان مشتبه به باقامة علاقات مع قاصرات!
هل هذه هي الثقافه؟!! عار على كل واحد، وبلاخص صبيه المشاركة في هكذا برنامج
اني بستغرب لأشخاص متلك
عنجد
بينتقدو الناس وعاملين حالن واثقين بنفسن
السؤال
ليش بتكتبش اسمك لنعرفك؟!؟
ها شي
شي ثاني
إيال جولان حر بافعالو ومين قلك انو كل شي نقال عنو صح!؟
غيداء مش عبتمثلو
غيداء حابي توصل لحلم يمكن يكون مصدر سعادتها
وانت رأيك مش اهم من رأي اَهلها يلي جبوها عدنيا وسمحولا تشترك بهيك برنامج
الحياه فرص
لمهم انك متخسرش احترامك وهيبتك عشان شي رخيص
شي حلو بجنن
كل الاحترام الى الامام
للاخ مداح كل الاحترام والتقدير اما كفانا تسيس الامور بالشكل والمضمون ولنطلع من زمن ابو نايف وابو نمر وبعمرو الفن ما تسيس لكان كل انسان عربي بيغني اجنبي يعتبر امبريالي شقولت جميل بمسلسل الخربه وهو ما بيعرف شو معنات امبريالي
نشالله تتوفقي اخت غيداء والى الامام ولا يهمك الي حولك طلعي على مستقبلك لانو ما حدا بيسد بايدك يعني ليوم ما بيحك جسمك غير ظفرك وبلنجاح
لما سمعت الصوت قلت صوت بجنن بس لما قريت الاسم جسمي رتعش لانو مش نحنا بنات الهضبه النا هي الوقفه عنجد وين صرنا وين ثقافتنا وين عروبيتنا وين الاهم كرامتنا
يعني يا بنت الجولان..بنقدر نفهم من كلامك لو انو كانت هالبنت الموهبة مش من الجولان..كان مقبول عليكي اكثر…يا جماهة أرتقو فالحضيض أصبح مزدحم….
كرامتك صديقتي بنت الجولان هي انك تدعمي النجاح والتقدم لابناء بلدك المتميزين مش كل شي نقلبوا حسب مصالحنا وذوقنا ونعلق عليه هاي الصبيه فرجت للعالم انها صاحبة موهبه رائعه وصوت اجمل لندعمها لتكون صورة الجولان الرائع وليرى الجميع المواهب الموجوده لدينا واتي هي مدفونه ولا علاقه للعروبه بالموضوع ولا الموضوع سياسي من الاصل بل هو موهبه وحس جميل
حتى الفن ليوم صار مسيس لكان كل انسان بيغني اجنبي معناتو هوي امبريالي فخلصونا من ابو نمر وابو نايف الي بيحكو بالامبريالي وهم ابيعرفوش شو معنى الكلمي اصلا والغناء باي لغة كان مش عيب ولا غلط
صوط ولا اجمل من هيك كل الحترام ونشله نجاح
كل الاحترام اتمنى لك النجاح والتوفيق
صوت واحساس جميل يصلحلك. بس مش غلط الواحد يعرض موهبتو للناس بلعكس ها الشي الي عمندور علي من زمان وشكرا
كل الاحترام صوت بجنن والي مش معاجبو ميسمعش
لحقي حلمك للنهاي
صوتك كثير حلو وكثير بيلمس الروح
موفقه …
صوطك روععععهه الى الامام وبنجاح
بتجنن صورا وصول صمله الله معك
رائعة غيداء انتظرنا صوتك العذب فترة طويلة وانتابني خوف انو تهملي صوتك وقدراتك. بتتذكري لما كنت طالبة عنا وكنت تطربينا بصوتك المميز وإحساسك الكبير كنا نراهن إنك رح توصلي للقمة وهذه بداية الطريق انت تستحقي التألق وصوت عظيم مثل صوتك لازم يشوف الضوء مع حبي وتقديري والفن ما بيوقف عند حدود
غيداء انتي موهوبي وصوت نادر بتجنني كلك على بعضك الله يوفقك والى الامام ، الصوت الحلو لازم ينسمع ومش مهم بأي لغه كل يوم بنحب نسمع هيك صوت
أخوتي الأعزاء اللي أنتقدوني على تعليقي تحيه طيبه وبعد…
الموضوع مش تسييس للفن والغناء الموضوع أكبر من هيك بكثير, بدايةً رفضنا الأحتلال وما زلنا رافضين لهُ بالبدايه رفضنا الجنسيه وما زلنا حتى هذا اليوم رافضينها ونرفضها لأنها لا تمثلنا ,رفضنا التجنيد في صفوف جيش الأحتلال والتجنيد للخدمه المدنيه والشرطه الأسرائيليه وما زلنا نرفضها حتى اليوم .. ولكن كل ما تطرقتُ له هو أننا على حافة الهاويه في الأنتماء لدولة صهيونيه اغتصبت أرضنا ودمرت بلدنا وهجرت شعبنا وقتلت المئات من أبنائنا ولا ننسى السجون التي أمتلأت من أحرار الجولان ولا ننسى التاريخ المشرف الذي صنعهُ سكان الجولان من وقت الإحتلال لغاية اليوم … مني ومن حالي أني أنتمي لسوريتي وهويتي وجولاني الحبيب ومش مستعد أتنازل عن ولا أي مبدأ مقابل خطط صهيونيه مع شوية عملاء مزروعين بجولاننا الحبيب كي يخربون جيل الشباب الصاعد بمواضيع تافهه متل هذا الموضوع برنامج المواهب الفاشل …. هذا المخطط الصهويني الذي يُرسم على جيل الشباب وكل شيء مُتاح قريباً رح نندم عليه نتيجة غباء متفشي فينا وعدم وعي لهذا الموضوع الي بالنسبه إلكون أنه صغير بس هو موضوع كثير كبير وأكبر من ما أنتوا متصورينوا …
لا أنكر أن صوت غيداء جميل وصوت غيداء ممكن يوصل لأبعد حدود بس مش من هذا الطريق الخاطئ …
بتمنى أنه تكون وصلت رسالتي صح للي أنتقد تعليقي
وبتمنى النجاح والتوفيق لكل موهبه بتنوجد في جولاننا الحبيب بس تكون صحيحه مش مزيفه …
حكيك صحيح 100/100
اصيل وابن اصول عماد احييك
اني معك انو الطريق غلط .. بس فش غير “هالطريق الغلط ” اللي بيخلي الانسان يحقق حلمو .. اغتصبنا من سوريتنا .. انتمائنا لسوريتنا اكيد .. بس اذا ضلت موهبتها ورا حيطان المجتمع مستحيل تتقدم .. بالاخر غيداء اختارت انو تظهر موهبتها ع نطاق اعلى من الجولان ولو كانت قادرة توصل صوتها واحساسها لسورية مكانتش قالت لا .. بس في بعض الاحيان لازم تتعايش مع البيئة اللي انت فيها .. ولا مرة البيئة هيي اللي بتعيش كيف انت بدك ..
اخ عماد انسلخ عن هذا الواقع وأوجد لنا واقع جديد ونحن وراءك
صوت رائع واحساس بجنن وأداء ممتاز ملكتي المسرح واللجنة . وبما انو الموسيقى هي لغة العالم فما بنكد باي لغة الوحدة بتغني المهم الصدق بالاحساس .بس حسب معلوماتي المتواضعة بعرف انو الثقافة اليهودية ما عندا موسيقى ومغنى مستقل بذاتو متاثرين بالفن الغربي والفن العربي وهذا الفن اجا مع المستوطنين الجدد الي اجا عفلسطين المحتلة من مصر او المغرب او من روسيا ودول اوربا . وياما اني العبد لللة سامع صوت ام كلثوم عبيصدح بالتيلت بتل ابيب
للاخت بنت الجولان كل التقدير بس يا اخت مش شايف اي عار من وقغة غيداء واجمل واحشم من هيك لبس وا
صوت رائع بتمنالك التألق الدائم… مش حاسي انو في كلام بيقدر يعبر عنك وعن احساسك وعن صوتك بتمنالك النجاح
صوت اكثر من رائع ويجب ان نشجع كل صوت بهذة الحرفيه لايهم اين ومع مين ولماذا وليس ولعل والخ….. كثير من المواهب في الجولان جميله ومدفونه لاجل اسباب معينه نحن في الجولان حقنا ان نعيش كباقي امم العالم لا نريد ان نبقى شعب مسجون يتلقط انفاسه شدي حالك اختي غيوده انتي اكيد للنهائيات
اوﻻ: الفن فش الو حدود، ليش نحنا منسمع كل الالوان وبكل اللغات بس ممنوع حدا يسمعنا وين بتنصرف هي؟
ثانيا: صوت غيداء صوت رائع وﻻزم ياخذ حقو مش مهم وين ومش مهم كيف اهم شي يطلع هذا الصوت ويوصل للمكان لبيسحقو.
ثالثا: صوت غيداء كلنا منعرفو مش بس وصل لهذا المكان منشهرة صرنا نفطن نعلق علي.. كنا نهتم في ونقدرو بدل منقعد نسفط حكي فاضي متل البعض.
رابعا: يلي عندو حس وطني يروح يفضي طاقتو بغير محل مش يستغل موهبة غيداء.
خامسا: هذا الصوت صحيح وحقيقي “مشش مزييف”، وهذا طريق صحيح وبنطاق الادب والاحترام وين الغلط في؟
وعجبتني جملة كثيير “يا جماعة أرتقو فالحضيض أصبح مزدحم”
لكل الأشخاص يلي علقو علموضوع بأسمائهن
يلي علقو بلا اسم السؤال مش ألن
اني شخصيا بعتبرهنش موجودين
السؤال هو هيك..؟!
ليش نحنا بالهضبة مش عمنقدر ندعم بعض بعيد عن السياسه والدين ؟!؟؟
طبعا ان كان هالشي محترم
ليش نحنا عطول منا ننتقد بدل منشجع ؟؟؟
ليش نحنا عطول ضد مَش مع ؟!!
مين قال انو كل إنسان ان كان رياضي ولا مغني ولا طبيب او فنان او شي
عبيشترك ببرنامج إسرائيلي صارو يحسبو انو تخلا عن وطنييتو ؟!؟
يلي عميحكي هلحكي اني بحترمو وبحطو عراسي بحاله وحدي وهي
انو معش يتعامل مع هالدوله باي شي
لا بيشتغل مع يهود ولا بيتعلم بمدارسهن ولا جامعتهن بيخذش تعويضات بكل أنواعها بيحكيش لغتها
وقتها رح اسمع رايو واحترمو اكثر
ليش مش قدرانين نكون واقعيين
ليش كل العالم بلاخص أوروبا تقريبا متصالح مع حالو الا نحنا
ليش منكنش أيد وحدي ومندعم كل المواهب بلا حواجز؟؟؟
صوت رائع وإحساس أروع…بالنجاح وتألق الدائم يا غالية.
أخ عماد هي انساني موهوبي وفنانة ومشاركتها لهذا البرنامج بيمسش بأي موقف، ليش طﻻبنا عبيتعلموا بجامعات بإسرائيل هذا بيعني حسب رأيك انو عبنشاركهن بثقافتهن وها الشي ضد موقفنا ،حسباتنا ببنوكتهن يعني نحنا عبنشاركهن بإقتصادهن وها الشي ضد موقفنا ومبادئنا والخ…
شخصية وصوت رائع من بلدك عبتشارك بمسابقة كانت بتستحق تعليق أحسن مش تعليق مالو علاقه بالموضوع ******
أخ رامي تحياتي ..
بالنسبه إلك يمكن مش واضح الشي منيح أني شخصياً نقدي عكثير اشيا بس البعض من المعلقين أنوا بفكروا أنه هذا البرنامج هو طبيعي وعادي لسكان الجولان وأنوا البعض ناسي انه أصلاً إسرائيل كحجومه موجوده ودوله مُحتله أرض وهالأرض فيها سُكان فحسب قوانين الأمم المتحده كل دوله بتحتل أرض وفيها سُكان فمفروض عليها فرض تام بأنها تقوم بواجبات هذا المواطن المُحتل من كل الناوحي العلميه والثقافيه والبنيه التحتيه لحد ما تُتسرجع الأرض لأصحابها وبقلك القانون أستاذ رامي ممنوع منعاً باتاً أرض مُحتله أنها تُستغل أراضيها وتُزرع وينباع محاصيلها عالمياً .. هذا قانون دولي ومفروض غصب عن المُحتل أنه يقوم بواجبات سكان الأرض المُحتله
ثانياً أني ما عبسيس الموضوع أني عبعطي ملاحظتي لوين صرنا ووين رح نصير إذا إنت وغيرك شايف أنه هذا طريق صحيح نوروني معكون بلكي بقتنع بأنه الدوله الصهونيه الأسرائيليه كمان بصير متل الباقي أنتميلها وأنسى كل شي حاربنا عليه تنصون شرف شي أسمه كرامه جولانيه عندهون أنتماء لأرض ولهويه سوريه …
أني جاهز لأي نقاش بدك إياه
تحياتي
تعليق ممتاز وضربه قاضيه إجت بمحلها …اذا بدا تضلها أهل هالبلد تستنا ليرجع الوطن لنقدر نتطور خارج القوقعة يلي نحنا فيها ونطلع ونتقدم ونصير عمستويات اعلى بلفراح ياه .. طلعو من راسنا
رأي الاخ عماد يمثلني 100%
اذا عندها حلم فيها تحققو متل الموهوبي والمبدعه منار القيش .
هلي رفضت كل الاغرائات والتنازل عن انتمائها الثقافي وقدرت انو توصل للعالميي وتنشهر على صعيد الوطن العربي مش بس بين اليهود تنشهر هلي بالاخر راح يرحلو عنا وضلت تقول انا عربية سورية من الجولان المحتل.
يا شباب ولكن شوفو “تسدلنك” شو صار فيهن بس نكحتو من جنوب لبنان قليلا من الوعي بس شو صايرلكن..في الف طريقة لنحقق حلمنا من دون ما ننصهر ثقافيا فيهن .
وللاخ طليع يا اخي انت كابن ارض محتله الك حقوق تضمنها لك حقوق الانسان والاعراف الدولية يعني الشغل والتعليم والعلاج ومرافق الحياة اليومية ما اسمو تطبيع ولا تنازل وهذا حقك كيف مندفع ضرايب ومستحقات ….
جماعه
ولا واحد مننا ختار بلدو او اهلو او دينو
نحنا خلقنا لاقينا حالنا موجودين هون
خلّونا نعبر عن حالنا بطريقتنا
ان نحنا مدعمناش بعض كبلد مين رح يدعمنا ؟!؟
خلّونا نشترك ببرامجهن ونروح عمسابقاتهن ونكون احلا منهن
خليهن يعرفو شو نحنا
اجدادنا زمان غلبوهن واثبتو شخصيتهن بكل المواقف
نحنا ليوم معناش سلاح ولا دبابات
عنا ثقافتنا ومواهبنا منحارب فيها ومنبهرن
خلّونا أهل وحبايب
ملناش غير بعض
كل التقدير والاحترام لطليع محمود ولو اغلب الناس بالجولان بتفكر متلك ما كان عنا مزاودين على المواهب وحتى الرياضه بدهن يسيسوها فيا ريت القيم الاخلاقيه والسياسيه ما يدخلوها بهالمواهب
تدفعنا قلة الفرص المتاحه لاتخاذ طرق غير مرغوب فيها..لكني اريد أن انوه للمطبلين والمزمرين ان طريق ايال كولان عواقبه وخيمه وهو بالتأكيد ليس طريقا للنجاح والتقدم حتى على الصعيد الفني..هل تظنون ان بني اسرائيل يرحبون بكم وعبيقولولكن اهلا وسهلا منحبكن!؟ هذا غباء..سيستخدمون غيداء لاظهار مدى سلميتهم و”عدم عنصريتهم” وحبهم لباقي الشعوب!..اما نجاح غيداء او فشلها فهو اخر همهم…
الصبيه صوتا حلو طيب تغني عربي!
احلا غيداء خليكي مكفيي لتوصلي للي بدك تحققي صوت مميز وبجنن من حقو انو الكل يسمعو
קול מהמם ,כל הכבוד לך .בעלת כישרון אמיתי מדהים
لو بس بتفوتو عمواقع التواصل الاجتماعي وشوفو اليهود شو عبيعلقو عليها وعلى صوتها، خلاصة الموضوع غيداء اختارت انو تغني للشعب اليهودي واليهود مش قبلانينها ولا قبلانين صوتها. حدا منكن اليوم بيسمع بالمطرب شريف هلي قرر انو يغني بالعبري؟
غيداء الغاليه نحنا بحاجي الك تغنيلنا عربي فيا ريت تقدري تلاقي برنامج بالعربي عشان موهبتك ما تموت.
طبعا مش رح يقبلوها لانها عربيه بس يمكن هالصبيه حست صوتها وموهبتها بتطلع بالاغاني العبريه وحبت هالبرنامج وراحت تضرب ضربة حظ انو ليش كلكن واقفين ضدها لانها من بلدنا ونحنا جماعه منحب ندعم بعضنا كثير وكلنا ايد وحدي ومنقول شو عليه تجرب مش فاحشه اذا غنت ببرنامج يهودي…سيبكن من الحكي اذا بالهضبه واحد عندو نص موهبه من كثر التجشيع منحطموو نهائي
انا متزوج من بقعاثا ولكن استغرب هذه الازدواجية في الاقوال والافعال. من جهه تدعون انكم وطنيون وانكم تحت وطأة الاحتلال ومقاومون من الدرجة الاولى بالاقوال،ومن جهة اخرى تقلدون الشعب الاسرائيلي في افعالكم ولبسكم واكثر من نصفكم يقبضون التأمين الوطني. كفاكم ازدواجية ونفاق ورياء
يا جماعه شعب الله المختار نحنا شعب ضايع مش عارف الله وين حاطو محدا عارف نهايه هالقصه معنا , لا بديل عن الهويه السوريه هو قرار ابدي , نحنا شعب ما منبيع وطن لنشتري غيرو بالرغم انو الاحتلال دائما ما يروج بأن سكان الجولان يطلبون الجنسيه واختاروا اسرائيل , هذه حرب نفسيه لتشجيع من اراد الحصول على الجنسيه الاسرائيليه.
الجولان لن يركع لاحتلال ولن نخون وطن ينزف , ستبقى عربي ولو اخذت 400 جنسيه , بالنسبه لموضوع الغناء والرياضه والعمل وكافه الامور الحياتيه هي قرار شخصي , تمسكنا بهويتنا السوريه هو قرار اجمع عليه الجولان, قدرنا ان نعيش تحت وطأه المحتل فالعدو سيبقى يحترمك ما دمت لم تخن وطنك.
يا ابن الجولان بس تبطل تحكي نص عبري نص عربي بحياتك العاديي وقتها منقول معك حق اذا كلمه مرحبا عنا صارت منسيي (מה נשמע)هههه خلص عاد حلو عنا لهلصبيي بتوقع اهلها عرفين مصلحتها اكثر منكن ومعش حدا يدخل فيها (בסידר) عفوا طيب مع احترامي للجميع
صوت رائع جداً بالنجاح غيداء نشالله توصلي للنجوميه
ولو غيداء ستني ليرجع الوطن وبقدمي على the voic يلي ببقعه ضوء !!”!!! ؟؟؟؟؟؟؟؟؟؟؟وبعدين…
احدى عواقب الا ساميه هي ان نصنف البشر حسب لغتهم او لونهم او دينهم… اذا ابنت حابي تغني بالغه العبريه شو الغلط اسا لو انها عبتغني انجليزي مكنش في مشكله ا”المسيقى لحن الحياه”