صادقت اللجنة الوزارية لشؤون الكورونا على اقتراح وزارة الصحة بتمديد الإغلاق على مجدل شمس وأيضاً بفرض الإغلاق على مسعدة.
في مجدل شمس:
تمديد الإغلاق حتى يوم الثلاثاء القادم الواقع في 10/11/2020.
في مسعدة:
فرض الإغلاق اعتباراً من يوم غد وحتى يوم الأربعاء القادم الواقع في 11/11/2020.
ويأتي هذا القرار بعد أن شهدت قرى الجولان زيادة كبيرة بأعداد المصابين خلال الأسبوع الأخير، وخاصة في اليوم الأخير حيث بلغت الزيادة في غضون 24 ساعة فقط 58 شخصاً، موزعة على القرى على النحو التالي:
بكفي عاد ….
زهقنا من شي لعبصير عشان تربحو شويه مصاري
دخلتو لكورونا لعنا علهضبي خلص عاد
بكفي دخلتو رعب بقلوبنا وبقلوب لصغار
امنو بالله شو بنا بطل في ايمان !!!…….
عبتقلولنا طب ومرض وفايروس وانتشار …
فهمونا انتو يا دكاتره وين ختفى لفايروس لعادي
لطول عمرنا نصخن فيه ؟
وين راحت رشحه وقحه شتا رجفه وحمه سقعا ؟؟
فهمونا ؟ طول عمرنا نمض ونروح عدكتور وناخذ دوا
واسبوع ونصير مناح
طول عمرنا بصيف ننحم من جو ومن شوب
نشرب مي مسقعه وينلسع صدرنا ونحس بذيقه نفس
لان مي مسقعه فاتت عجسم حامي
طول عمرنا نشوب ونعرق من اي شغل منشتغلو
ونطلع لبرا وناكلها شبقه !
عبتقلولنا أجى شتا واجت لكورونا ..
لا مطول عمرو شتا ملان صخوني من جو وتغيراتو
اصلا شتا مبني علصخونه (علفايروس عادي ….)
اما بطب ليوم ما عاد شي اسمو فايروس عادي كلو صار تحت اسم “كورونا” حتى لانسان بس يموت تحت سقف بيتو بين ولادو لحالو صار ينحط تحت اسم كورونا
نحنا دين واحد وكلنا منعرف انو تكاثرت الاسباب والموت واحد
صار لواحد يخاف يروح علمستشفى او عدكتور
كنا زمان نصخن ونتأمل بدكتور يشفينا
صرنا ليوم نخاف نقح ويجي دكتور يمرضنا ويحط فينا اوجاع ونتوهم جواتنا انو عنجد نحنا مرضنين
واذا صار ورحنا عدكتور لانو حسينا بقحه او بأيه صخونه بسيطه بتشبه عوارض لكورونا بعملونا كأنو نحنا شي جرثومه قاعده قبالهون
وبهيذ لحالي بدل مدكتور يشتغل شغلتو ليعالجنا …
بيتركنا وبيبعد عنا وبيرفض يقرب علينا
لان متوقع يكون معنا كورونا …
مش عمنكذب طب .. كورونا هلمرض موجود بس مش كيف انتو عبتوصفو مش بهلاعداد لوهميه لعبتحطوها….
طيب يا دكاتره فهمونا ! وين كنتو لما كان كل سنه يموت ملاييين ناس ( بمرض سرطان ، وبمرض انفلونزا ، بأمراض عاديه سكر ، دهن ، ضغط، فايروس طبيعي )
طب سنه هيذ وينهون هلملايين ؟ ختفو !
ولا صرتو مشغولين بلكورونا وبس
وبعد كل هاذ بدكون تعملو حواجز وتحبسونا
وتقعدو ناس ببيوتها وتمنعوها عن اشغالها ومصالحها !
في ناس وهيي قاعده بتقبض صح
بس تنسوش ناس لمشحره لناس لاذا مركضتش ليل قبل لنهار بكنش معها مصاري طعمي ولادها
خلص نفكر بأنانيه حاجي تفكير سطحي …
بتأمل حكيي يوصل لكل ناس ليفهو مصداقيه شي لعبحكي عنو
وشكرا ….
كلام ذهب وكلمت حق الله يعطيكي لعافي
دخلك حضرتك وين عايشه .ايطاليا فيها اكثر من 60 مليون وفيها ممنوع التجول لشهر كامل وكل هلعالم عبتضحك على شعبها .اكيد حضرتك لا بتسمعي اخبار ولا مطلعه على الاوضاع بكل انحار العالم.
اسى ازمة الفيروس متوقفه على اهل الهضبه .
لمرض موجود بس عمنقلك مش بهلارقام لوهميه لعبتوصلنا
انت عبتقول 60 مليون وعملو شهر واحد منع تجول ونحل لوضع
نحنا بسرئيل كلنا عبعض 9 مليون
وصلنا نص سنه عمنعمل منع تحول
ولوضع بعدو !!
ولو بدك يانا نسدق انو لارقام لعبحطوها مش مزيفه …
مستغرب كيف بتسدقي شاشه الكترونيه
وبتكذبي عيونك الشحميه صنعه رب البريه
نفس الشاشه خبرت عن ملايين مفنيه
خبرت عن اكاذيب الحكومات المرتشيه
اليوم وصلت لبين دينا من المولا البرقيه
ومش شايفين ناس وجثث عالطرقان مرميه
يا محلا الايمان بالله وحدودو الخمسه الضويه
ونشوف ما من ورا مرض الكورونا الرمزيه
100 بلميه حكيك صحح يا ريت الناس تفهم هلشي !
رائعة كلام اكثر من دقيق
ولو يا (ناس )شو بكن مش محرزي كل هاابلبلي والحكي الفاضي والامراض !!!ان كان فيروس كورونا ولا سعر ولا مشاكل صحيي بطل الانسان يصخن!!!!ولو فيروس كورونا منا نموت ليش هيك اخذين نظرة عن الناس اذا مفكرين انو نحنا مش عمنعمل وقايي لألنا وللي حوالنا بتكونو غلطنين فش حدا بحب حدا يصخن بسببو ولو كان مش قريب الو!
عملينلي سيجر بأول البلد شغلتو بس يعركج السير ويأخر الاهل عن شغلهن ورزقهن ؟؟
اذا اني بعرف حالي بنيش شي وصحتي ميي بالميي واهل بيتي وقيتهن بكل الطرق وبدي اخذ ولادي عبيت جدهن او روح عبيت اهلي بكون عبرتكب جريمي مأني بعرف صحتي منيحا !!
وتذكروا انو مرات بكون انسان عايش بأمان الله وبتلقيش غير وتوفى وهي قسمتو وبنفس الوقت بتلاقي ناس عبتحارب اخطر الامراض وعبتنجى صح انو الوقايي كمان واجب بس تذكروا انو في شي اسمو قدر وقسمي.
زي مقالو، الله يلعنو لقال لامك وابوكي بارك ماجاكو،بتعرفي شو الاخطر ،ناس جاهله عرفت تمسك جهاز فيو انترنت وتغدر توصل الجهل الي بمخها للعالم ،اي اول شي احنا دروز بصبناش وبعثو علماء من صين ليبحث شو دم الدرزي،لما بلش يصيبنا صارو الطب والاطباء مخونين ،يا قبارتي اتركك من الكورونا ولحكي عنو والتهي بجلياتك ،بعمري ما توقعت اكتب لحدا بهالمستوى ،بس بيكفي جهل،وبليززززز تنشريش جهلك ،هذا مش رايي هذا مرض جهل!
تحياتي الك ردك مناسب لكمية الجهل لموجودي
الله لا يفضي بال واحد جاهل قبارتي
احد سلبيات مواقع التواصل الاجتماعية هو انو كل متصفح ومستخدم لمواقع التواصل الاجتماعية هو صحفي بحد ذاتو وبيقدر يصور ويكتب وينزل ويقول يلي بدو يا وهو حقو
بس الخطر يكمن بأنو الناس الجاهلي (امثالك) صارت صحافيي وهو خطر حقيقي على المجتمع وعلى الناس وعلى الاولاد يلي عبتقرا هيك شي وممكن انو تسدقوا وتنشروا وتأمن في .
لهيك حابب قول بس انو اذا حدا بدو يقول شي يحاول قداش في انو يفيد الناس ويفيد لو شخص واحد بلعالم مش بس يحكي رأيو بدون اهتمام ولمهم حكينا .
يا ناس الموضوع مش حياة وموت الموضوع شوية وقايي لنحمي الي حولنا الي ممكن يتأذوو بسبب هالفيروس او اي مرض ثاني فش داعي لكل هالبلبلي والحكي عملينلي سيجر بالبلد عأي اساس اذا صحتي ميي بالميي وعاملي حجر ووقاي لنفسي ولأهل بيتي ،ممنوع روح لعند اهلي والي فقدينيي من غير بلد عأي اساس بكفي عاد هالحكي الفاضي والخوف الي ملوش داعي صونو نفسكن وعيلتكن وكونو ناس ايجابيي.
الكل يعرف يا اخت انه تم تسييس الكورونا لكن التشكيك بوجودها اصبح ورائنا بعد اللذي رأيناه لمحبينا واعزاء لنا قد الم بهم نعرف ان الدول بما فيها اسرائيل تتخبط في التعامل معه حتى الجهات الطبيه ايضاً لا تدرك تماماً كيف تتعامل معه لانه شئ جديد لم يعرف من قبل وعامل الوقت هو فقط اللذي سيساعد في التعرف عليه وعلى علاجه. لذلك اختي الفاضله ما حدا عبيقبض بلا ما يشتغل والفيروس ما فرق بيت فقير وغني ولا بين شيخ وعلماني لكن شوية صبر واعطاءالطب ومراكز الابحاث الساهرون على ايجاد لقاح لنا جميعاً الوقت اللازم لاخراج البشريه جمعاء من هذا الوباء
من وجه نظري ، لا تنتظر من أُمه وحكومه عملت اكثر من 50 عاما على تشتيت شملنا ومحونا وسلب املاكنا بشتى الوسائل والألاعيب والحيل الإبليسيه ان تعالجنا إما نفسيا وإما جسديا بلقاح لا يعرف فحواه ومما هو مركب .
حتى الان لم يعطونا تعريف عن مرض الكورونا ما هو واضح ،كيف يمكنهم ان يجدو لقاح لما هو مجهول ، كنا نذهب للفحوصات وندخل الحجر حتى تاتي النتيجه ولان نذهب ولا داعي ان تدخل الحجر !!! وإن كنت حاملا للفايروس ؟؟ ماذا يحدث؟؟؟
نحتاج لأن نثق بانفسنا بشكل اكبر وننظر الى بواطن الامور فالقشور فانيه ان هذا الفايروس يحتاج الى الوقايه ونحن اهل لذلك والدواء حتما بايدينا ( وربما بانفسنا ) ولكن علينا استعماله بالشكل الصحيح.