هاجم كلب رجلاً في المنطقة الصناعية في مجدل شمس، ظهر اليوم السبت، فأصابه بجروح خطيرة، نقل على إثرها إلى المستشفى لتلقي العلاج.
وقع الحادث قبل الساعة الثانية بقليل، عندما كان الرجل يسير على قدميه، فهاجمه الكلب وقام بعضه في أكثر من موضع في جسمه، قبل أن يتدخل أشخاص يعملون في المصالح المجاورة، ويقومون بإبعاد الكلب وتخليص الرجل، ثم نقله بسيارة إلى العيادة الطبية، حيث تم نقله من هناك بسيارة الإسعاف (العناية المشددة) إلى المستشفى.
وبحسب ما أفاد الرجل، فإنه خرج من المصلحة التي يديرها سيراً على الأقدام متوجهاً إلى إحدى المصالح المجاوة، عندما هاجمه الكلب دون سابق إنذار، ودون سبب، وقام بعضه وطرحه أرضا. وكان الوضع ليكون أشد خطورة لو لم يتدخل بعض الأشخاص لإبعاده عنه.
وقام أحد الأشخاص تواجدوا في المكان بالاتصال بصاحب الكلب، الذي كانت مصلحته مغلقة اليوم، فأتى وقام بربط الكلب وتهدئته.
ومع هذه الحادثة تعود قضية اقتناء الكلاب بشكل عام، والخطيرة منها بشكل خاص، لتطرح نفسها من جديد. والسؤال الأول الذي يطرح نفسه في هذه الحالة، هو، إذا كان لا بد من اقتناء كلب، فهذا أمر مشروع، لكن ما هي الحاجة لاقتناء كلب من مثل هذه الأنواع الخطيرة (أكيتا)، المعروفة بشراستها ومهاجمتها حتى لصاحبها.
الأمر الآخر الذي يجب معالجته، هو قضية التزام أصحاب هذه الكلاب بالقوانين التي تنظم عملية اقتنائها، والتي تنص على الاحتفاظ بها خلف جدار أو سور، وربطها بطريقة صحيحة، لكي لا تشكل خطراً على الناس.
ويبدو أن مسألة الكلاب مثلها مثل أمور كثيرة في قرانا، القاسم المشترك بينها هو غياب الجهات المسؤولة وعدم اضطلاعها بمهامها في تنظيم حياة الناس وضبط سلوكهم، وتطبيق القانون.
منتهى قلة الذوق والاخلاق اقتناء الكلاب دون ربطها او حجزها من مكان بحيث لا تؤذي الماره
صرنا نخاف نبعث ولادنا عالدكانه لانو كل حاره صار فيها 200 مواطن و300 كلب فلتانين
لا حياه لمن تنادي صرنا متصلين بالمسوول عن الموضوع بالمجلس المحلي اكثر من مرا بوجود كلاب في الشوارع وانو لازم ينحل هالموضوع هاي لكلاب لازم توخذ وتوضع في اقفاص ويعلن عن ذلك انو كل شخص الو كلب بيجي بيدفع غرامي كبيره لحتى ياخذ الكلب تبعو او يوخذ للمكان المناسب كلبيا وعدو انو يضبو لكلاب بس لحد اليوم بعد لكلاب عالشوارع وما نفذ حكيو طبيب البيطري تبع المجلس
أول شي سلامتو زلمي وثاني شي الي بدو يقنه كلب بدو ينتبهلو ي**** حياة ناس مش لعبة صار أكثر من مره صاير هيك شي.وما حدا بيهتم،
مش غلط تحط كلب حد لبيت أو شغل بس نتبهو يعني مش كل مره بتسلم الجره
موضوع مش ﻻزم ينسكت عليه عمنفيق علصبح منلاقي تقريب العشر كلاب قدام البيوت مش عمنسترجي نطلع لبره ووﻻدنا كمان مش عبيسترجو يروحو مشي على المدرسي فيا ريت تاخذو الموضوع بجديي اكثر ﻻنو كثير عمنعاني من هالموضوع
والاخطر الكلب الكيتا الذي هاجم بنت عمرها 4 سنين في حرش مسعده
سلامتك ، جد لازم وضع حد لقصة الكلاب الشاردة يلي صاحبها عديمين المسؤولية ، قبل فترة ضطريت انزل عل شغل بالباص هجموا عليي برأس البواب ٣ كلاب لولا هل חיילים يلي كانوا الصبح عم يركضوا ردوهون عني كان صايبني متل الأخ بيكفي استهتار بحياة الآخرين ،،،لازم بعدي لكل شخص مربي كلب وحصان ومفلتًو
كل واحد بربي كلب لازم يعرف انو مش هو وكلبو عايشبن بلبلد ويعرف انو مسؤل عن لكلب ويتحمل لمسؤليه جد صار لواحد بخاف يمش على لطريق وين ما بتمشي بتلاقي كلاب فلتانه مان بيتحمل لسؤليه????
و بعدين مع قصة هالكلاب.
كل ولد ابن سنتين جارر كلب وبس يكبر شوي بيفلتو…
لازم يكون في حل لهلمشكلي ولازم تتسمم او تتقوس لكلاب الداشري.
سلامتو ونشالله ما ياثر عليه . الناس هالفتره بارضيها ومعها ولاد اذا قله المسوليه باصحاب الكلاب بدا تفلتها لازم يتقدمو للقضاء
يعني وبعدين ؟…….
بتشتغلو وبتهتموا بلموضوع
بعد ما يكون يلي”””” ضرب ضرب ويلي هرب هرب
هيي القضيه كل يوم عبتتكرر بهل بلد الانسان بطل يقدر يطلع لحالو من البيت ويمشي عطرقان
لاهل البلد:::::
لو سمحتوا يعني من فضلكم معش تربوا هل كلاب على هل وحشيي هيذي كل ما شافوا شخص بيهجموا عليه ويشلخوا
الحياة في مجدل شمس اصبحت كالحياة في الغابه فيمكن ان يهاجمك كلب على الشارع ويمكن ان يضربك فتى ببطحه العرق ويمكن ان يدعس ابنك تركتورون يسوقه ولد وان يعتدوا على ابنتك في المدرسه واكثر واكثر ونحن نجلس وننتظر. السلطات المسؤولين عن ذلك ولكن تاكدوا ان شئ لن يتغير انما سيزيد الوضع سوا لذلك ما بقي الا ان نهب معا لوضع نهايه لهذة الحاله.
المشكلة الكبيره في منطقتنا هي الغيره يعني واحد جاب كلب يمكن انو موقع بيته او مصلحه فرضة عليه اقتناء كلب ولكن المشكله انو كل ولاد الحره بيصير بدون يجيبوا كلاب وهذه الغير تضر بالآخرين والمشكله الكبيرة انو عندما تكبر هذه الكلاب يكبر مصروفها لذلك الأغلب يطرد هذه الكلاب لتبحث عن طعامها في الحارات والبلد بشكل عام مما تسبب المشاكل والخوف عند العالم ،وكل واحد عنده كلب بفكر انو كلبو أليف وما بئذي احد لأنو هوا متعود على صاحبو
المشكلي منا مش من لكلاب ، لمن يصير عنا انسانية تكفي لنربي هاي لكلاب بعدين منجيب كلاب ومنربيها ، اني مثلا عندي كلب لوتفايلر اذا بينزل بزلمي بياكلو بس لان بحياتي مضربتوش وماذاتوش بحياتو ما اذى حدا بالعكس كل ولاد الحارة بتلعب معو وبتحبو،وكل انسان بجيب كلب وبيتركو ها عديم الانسانيي . تعو نشتغل على انو تكون ولادنا وكبارنا محوطين بقدر كافي من “الانسانية” ساعتها كل مشاكلنا بتنحل
هلي بدو يربي كلب يربي وهلي بدو يجيب لابنو تراكتورون كمان يجيب وعملوا شو بدكن اما لحسن الحظ انو كل هالشغلات عبتصير مع ناس فقرا ومناح ومش عبطالبوا بحقهن وبحلوها عشاءري اما اني بحكي عن حالي والله واللله اذا تراكتورون عبيسرع وعبسوقو ولد وضرب بناتي او حدا من اهلي او كلب الو صاحب ومش مربوط وهجم على حدا بهمني وحيات الرب لا سلطات ولا مشترا راح تحميكن مني واعذر من انذر
لحمدالله عسلامتو نشالله هل قضيه معدش تنعاد
ناس عنا كثير مالي وكثير متفضيه تربية لكلب مش بهل سهولي هلي متوقعينا جيب كلب وفلتو عطريق كل شخص بل عالم بس بدو يفلت لكلب بكون معو وبيربطو وبضل منتبهلو اني مع انو كلب كلب بكون فلتان وفش حدا حدو يتاخذ وينحط بمحل هلي بيقدو يعتنو وفي شكرا
يا اهلنا في الجولان انا بدي قلكن في مثل هاي الحاله القانون يفرض على كل شخص مربي كلب ان يربطه ويمنع الضرر عن السكان وبعد ما توجهتو للمجلس والدكتور البيطري ما عاد عليكو لوم فأنا بنصح كل واحد تضرر ان يشتري مادة بنيت ويضع المده على قطع لحم ويوزعها حول بينو وهيك بتخلص من الكلاب الضالة ولصاحب الحضيره من بيت بطحيش من مسعده ان يعمل نفس الطرقه حول الحظيرة وما عليه لوم
يا اهلنا في الجولان انا بدي قلكن في مثل هاي الحاله القانون يفرض على كل شخص مربي كلب ان يربطه ويمنع الضرر عن السكان وبعد ما توجهتو للمجلس والدكتور البيطري ما عاد عليكو لوم انا بنصح كل واحد تضرر ان يشتري مادة لانبيت وهاي المده موجوده في كل دكان زراعي وان يضع الماده على قطع لحم ويوزع قطع الحم حول بيته وما عليكو لوم وفي نفس الوقت انصح الأخ من مسعده من بيت بطحيش ان يعمل بنفس الطريقه وما عليه لوم