لا تزال قضية رئاسة المجلس المحلي في مسعدة تثير تذمر الأهالي، الذين يتهمون الرئيس الحالي المعين من قبل الداخلية، ماتي أفني، بالتقصير وإهمال القرية.
ويبدو أن الامور بدأت تأخذ منحى قضائياً، حيث وجه عدد من الأهالي رسالة إلى وزير الداخلية، سيلفان شالوم، اشتكوا فيها من عدم وجود أعضاء في المجلس واقتصار الأمر على رئيس المحلس وحده، بغياب أي خطط لتنمية القرية أو معالجة الكثير من القضايا الملحة.
وطالب الأهالي الوزير بتغيير رئيس المجلس الحالي، الذي مضى على تعيينه ست سنوات، والإ فإنهم سيضطرون إلى التوجه للقضاء بهذا الشأن.
إعلان
إعلان
إعلان
نشير إلى أن التذمر ضد رئيس المجلس مستمر منذ عدة سنوات، وقد شهدت قرية مسعدة احتجاجات ومظاهرة بهذا الشأن.
فيما يلي الرسالة التي وجهت لوزير الداخلية:
صور من احتجاجات سابقة ضد رئيس المجلس:
ما حدا فهمان غيركون ههه قحطولو وعقبالنا
عيب هالحكي فش وجه مقارني بس الي واضح انو انتي عندك مشكلي شخصيي مع الرئيس??? لعبي غيرها هههههههه .
هي مش لعبي يا قلبي بس هي رأيي شخصيا ومفروض تحترمي …اذا مش عاجبك فيكي تتجاهلي ببساطه ☺ واني بكرهش الرئيس ولا عندي اي مشكلي شخصيه معو كيف ما تفضلتي ،.بس بعين قنيا في ناس بدهن الرئيس وناس بدهونش واني من القسم الثاني لان فش تقدم بالبلد ،ولعدة اسباب ،بالنهاي القريه قريتنا والرأي رأيي يا ريت يكون الاحترام متبادل
الي بدو الناس تحترم رأيو بيحترم الناس وقولك فش شغل !!! بنصحك تزوري طبيب عيون إلا إذا الحالي ميئوس منها بأسف شديد.
طبعا شكلك حدن بيقرب الرئيس لهيك متفهمي ردة فعلك
شوف تعليق الاخت سوزان…منطقيه 100%… رئيس المجلس تبعنا شو الصفه يلي بيملكها منهن ؟
ليش لتغيرو حرام ما هو زفت كل الشوارع وما عاد في ولا حفره على الطريق هههههههه
للاسف الشديد من اوصلنا لهذا الوضع هم فقط ابناء القريه نفسهم منذ ثلاث سنوات فتح باب التقديم لاعضاء مجلس محلي بمسعده لكن هناك من افشل هذا المشروع وهم من ابناء القريه لمصالح شخصيه عندهم لقد عملو جاهدين لافشال الموضوع ونالو ما طلبو وهذا كان لصالح ماتي الرئيس الحالي ومرة اخرى فتح باب التقديم لاعضاء من القرية وبالفعل تقدمو مجموعه من القريه ولا تزال الحرب قائمة ضدهم من قبل عدة اشخاص من القريه وهم نفس الاشحاص يعني سوس الخشب منو وفيه لذا يجب ايجاد حل لهؤلاء الاشحاص المعارضين ومعروف لدى ابناء القريه من هم هؤلاء الاشخاص المعارضين يعني يا اهل بلدي تفقو مع بعض وبعدين طلبو من الوزير التغيييير
لا تغيروو ولا شي
الي بجرب المجرب بكون عقلو مخرب
ابن البلد جربناه قبل وما نفع وكلنا بنعرف انو مسعدي بلد قايمي علعائليي يعني بعمرها الامور بتزبطش
لازم اول شي نزبط عقولنا ومفاهيمنا وبعديييين نفكر نغير رئيس
التغيير قادم لا محال لكن يجب ان نسال انفسنا نحن جيل الشباب ما هي مواصفات الاشخاص الذين سيترشحون لقيادة المجلس المحلي حسب رايي يجب ان تشمل الصفات التالية: شبعان, مثقف حقيقي, لديه رؤيةوحلم, غير عائلي, ليس متطرف, يداه بيضاء, غير نسونتي(ازعر), سيرته حسنة, مقبول اجتماعيا, … والسؤال هو هل لدينا شباب من مسعدة تتمتع بهذه الصفات؟ اترك لكم الاجابة…
ملان اخت سوزان تطلعي حوليكي بتشوفي
اصلا بأمكانك انت تترشحي نحن مشجعين للجنس الأخر لتولي مناصب قيادية
من فضلك اتقلش كلمه “مشجعين للجنس الاخر” لانو انتو بالذات لما تعينت السيده عطر البطحيش رئيسه للمجلس قمتو بديكن وجريكن طالعتوها تحت شعار منقبلش تحكمنا ست عاساس انو عيب او حرام او بيسواش الست تغير البلد للاحسن وتكون بتخاف عبلدها
اخت سوزان اني معك بكل كلمي قلتيها، ، واهم شي يكون شبعان، لانو اذا كان شبعان منلاقي باقي الصفات منيحة، ( هاي وحدها بتغطي عكل العيوب) ،
اخت سوزان طبعا لدينا شباب بهذه المواصفات
التغيير حق،ولا يضيع حق وراءه مطالب،الكرة في ملعبكون أهالي قرية مسعدة،كما يقولون،،،ولكن صفوا قلوبكون فأي شخص من ابناء البلدةهو أفضل من الغريب،وليكن لديكم بعد نظر للأمور وبالنهاية هذا منصب يحتاج للعمل والمطالبة وليس شخصا يريد أن يوفر أموالا على خزينة الدولة وكأنها تحتاج وأنتم الأحوج،فانظروا الى رؤساء باقي القرى وبالتحديد في المجدل كم من المشاريع والطرقات والمدارس والموارد تم تحصيلها لأهل البلد!!! والجميع يقدر هذا الأمر ،مهما اختلفت الاراء حول شخص الرئيس الحالي أو السابق فالمسؤولية كبيرةوتحتاج من الجميع الوعي والاسراع في تعيين رئيس من البلد ومن لا يعمل لا غيرووه ولكن ابدأووا كفى تأجيلا….
واخيرا حدا تحرك وعمل شي مفيد بس بحب قول للي مسمي حالو ابو سفيان انو لما ترشحو للرئاسه يلي ربحت هي بنت وضلهن وراها ولاد الحرام يلي كثار بالبلد وطالعوها لانها بنت وهي مكتمل فيها كل المواصفات الحسنه
اني بأيد لأخت سوزان رؤساء مجالس لمحلي كلها بدها تغيير بلأربع قورا لجولان مش بس بعينقنيا تعالي على بقعاثا مثلن زفت جديد قبعو وحطو على زفت غيرو طلعي من جنب ثاني في طرقان بعدهن مش مزفتينو ولا مرا حطيين كوم ويحد بهلمجلس عبيشتغلو لمصلحهن لخاصه صقلا فراقهن ……
الظاهر إنك يا أخ جولان لا تجيد فهم المقروء, الأخت سوزان ما تهجمت على المجالس وعلى الناس بصوره عشوائيي وغير مبرره هيي طلبت مواصفات مثاليي وهذا منطقي بس كلام حضرتك يدل على مستوى لا يليق بهذا الموضوع أبداً.
يلا عاد صار بدها ويلي بدو يعارض خسران
مسعدي بلد منيحه سكانها محترمين ولكن ******
مع السلامه للاحتلال
ليش شو عمل عاطل أعضاء المجلس والعاملين في المجلس
ليش لا ميكنش رئيس المجلس شب من اهل البلد ليش لنقبل واحد يهودي يحكمنا اهم شي لازم نعملو بهلبلد نشيل هلحقد من قلوبنا على بعض ونبطل نفكر بعائليي ها ابن فلان وها ابن علان وندعم ابن البلد يلي بيستحق انو يكون عن جداره ويشتغل لمصلحه ولادنا وشو ما كان بيضل احسن من الغريب
يسعد ربك هذا الكلام الصحيح الي بيجيب نتيجي مفيدي لقرية مسعدة.
يل نحنا منشد عاياديكم.بلكي لمره بتطلعو بنتيجي وبيجي لدور علينا….مع انو كل شخص بيقعد علكرسي قد ما بيكون(شبعااان)الا ليعبي جيبو
يل منيح خطوه جيده ونشالله منلاقي نتيجي
يجب ايجاد حل لهؤلاء الاشحاص المعارضين ومعروف لدى ابناء القريه من هم هؤلاء الاشخاص المعارضين
يلا عاد صار بدها ويلي بدو يعارض خسران
أهل بلدي بس تصيروا تحبوا بعض وتوقفوا جبهات الحرب وتنظروا بموضوعيه وتعمق للأمور بتنحل مشاكلنا , بس نبطل ندور على علاقه نعلق عليها فشلنا , نبدأ كل انسان من ارضو نحرك أمور بلدنا نعطي بدون مقابل نكون ايد وحده بدون تطرف وعائليه , ونطالب بحقوق البلد ومنسكتش عنها نفهم شوي بالقانون لنحارب الفساد الموجود . بلدنا هي مراي النا مش بس الموجودين بالمجلس اليوم المسؤولين عنها , اذا عبتحكوا عن سوء الوضع القائم بمسعده هالشي مش جديد والتغيير بيصير بس يطلع الحقد من القلوب ونكون ايد وحده ساعتها بكل بساطه بيكون رئيس من شباب البلد الي قلبن عالبلد نحط ايدنا بأيدوا لنخلي بلدنا الأحلى , وإلا رح يفل ماتي ويجي غيرو كمان يحكم البلد كم سنه ونحنا عمنتفرج لان ضعف ولاد البلد هو الي عطاهن القوه .
ملاحظه : أني مش ضد ماتي بالعكس من تجربه شخصيه استنتجت انو بكثير محلات ماتي بيحب يساعد ويعطي اكثر من ولاد بلدنا للأسف , ممنوع نلومو للزلمه أحسن من الي حوالي بكثير , حسب رأيي المجلس كلو بدو عسافه مش بس الرئيس .
واو رهيب هذا التعليق كنت جاي اكتب شي بيشبه كثير اللي كتبتو …. حبيت 😉 وختامها مسك …
فهمان والله فهمان يلا باي لنرجع نحلم 🙂
الى جدو لجولان لحكي الك يا كني لتسمع لجاره ومش شيفك افهم لتطشاطر على غيرك ميين مكنت تكون وشكرن
اٌن الأوان يا اهل بلدي كي نتكاتف ونكون يد واحده من اجل بناء بلدنا الجميل بكافة اطيافه وان نتعاون جميعا في تقدمه وازدهاره
فسؤالي : هل يعقل بانه لا يوجد في بلدنا شباب او شابات كفؤ مثقفين وخدومين ليخدموا بلدهم
فلماذا يأتون بالغريب ؟؟؟؟!!!!!!!