بالرغم من الدعوة العامة لمقاطعة انتخابات المجالس المحلية المزمع إقامتها في قرى الجولان نهاية الشهر القادم، إلا أن 14 شخصاً قدموا ترشيحهم اليوم للتنافس على منصب رئيس السلطة المحلية في قرى مجدل شمس، بقعاثا، مسعدة وعين قنية.
فيما يلي أسماء المرشحين حسب القرى:
1. مجدل شمس:
دولان أبو صالح
طارق الصفدي
رأفت الصفدي
منجد أبو صالح
رامز أبو صالح
2. بقعاثا:
عباس أبو عواد
نافع عماشة
3. مسعدة:
سلمان بطحيش
حمود شقير
فهد الصفدي
عين قنية:
وائل المغربي
سميرة عمران
سليمان دعبوس
رمزي عزام
وكان المرشحون قد استكملوا أمس واليوم تقديم أوراقهم وأسماء المرشحين للعضوية في قوائمهم، حيث انتهى موعد تقديم أسماء المرشحين عند الساعة التاسعة من مساء اليوم.
بنتمنى النجاح للجميع ونشالله هاذ الخطوه تكون الخطوه الاولى نحو مستقبل جديد للمنطقه يحمل معو تطور وتقدم ومنافسه شريفه بين المرشحين .
مستقبل يخلو من المحسوبيات والواسطات والمصالح الشخصيه.
وما نيل المطالب بالتمني…ولكن تؤخذ الدنيا انتخابا……
ما بتمثلو غير حالكن
كنت بتمنى لوجود اسم أمراه بين هل اسامي
فلا التانيث لاسم الشمس عيب ولا التذكير فخر للهلال
ولو كل النساء كمثل ليلى لاضحى قيس ممعوط الدوالي
كل مرشح جمع 150 توقيع وهنالك قوائم ل العضويه فقط وليس ل الرأسه اي ان اكثر من 2000 مواطن من الجولان وقعو ل لوائح الترشيح وهذا عدد لا يستهان به من سكان الجولان الذي يبلغ عمرهم 21 وما فوق اي ان اغلبية الجولانيين مع الانتخابات وهذا يدل ان القائمين على القرارات هم اقليه ومصداقيتهم باطله واتمنى منهم الجلوس جانبا والحذر من العبث من ارادة الاغلبيه والاستهزاء بهم ..
عدد سكان الهضبة 24000 وال 2000 ليسو سوى 10 بالمئة فكيف استنتجت ان اغلبية السكان مه الانتخابات ؟؟
تسقط انتخابات العار والخيانه
تسقط انتخابات العار والتطبيع
يالي استحوا ماتو من زمان اشخاص لاهمها حرم ديني ولا مجتع عايشين فيه بس مصلحتهن ومن بعدها الطوفان.
اذا في اربعة عشر من جولاننا الصامد الابي….مرشحين… الها عادة تصير بالخريف الغولدكس حبة الصبح وحبة مساء بيروح الرشح….بصل ع عسل مفروم…او عصرت ليموني بيبقاش ولا مرشح…لتعلم الامم المتحدة وصندوق النقد الدولي والاتحاد الاوروبي ومنظمة عدم الانحياز قطعا لن نشتري الرافابين الديكتاتوري هذا الدواء مقاطع في الافراح والاتراح. والزفاف..لن نركع..لن نعقد اجتماعا بعد اليوم العائلات الكبرى تتمثل بمرشحيها…ويوم الانتحابات…بعطسة ابن حلال…رح تهتز الكرسي من المرشح الذي يعتليها والمرشح الخاسر بوجهو ع الميون…ولن اصوت لاي مرشح قبل ان اقيس درجة حرارته اولا وثانيا يفرجيني على تدبيس البنك…عاشت الديمقراطية والنزاهة وكل مرشح وشوال حامض حدو……
يا ام محمود الل يطعمك الحج والناس راجعة….يا اختي شو بك اليوم المرشح لرئاسة السلطة المحلية مش مرشح منوزل.. منوزل ع ربطة محارم ليحل مشكلتو.. بينما المرشح للرئاسة بدو ربطة دولارات ليحل مشكلتو…علواه يا ام محمود بتسهريلك ليلة انتي والدولار…عيون خضر ممشوق القد زاهي الالوان…شو طراوة ملمس.عليه جوز عيون..خاصة اذا السهرة ع ريف البركة والنسيمات الحالمة القادمة من البانياس تدغدغ وجنتيك…وجدايل شعرك الابيض يلونها الدولار بكحل الليل الحالك رح ترجعي صبية واصابعك ملتفة عخصر الدولار.مش رح تفلتيه..خلي اليورو يطق عنجد الدولار اونس..وبيني وبينك بس يصير معك خمسماية دولار بيطلعلك عريس بيصير بدك انتخابات اسبوعية.يا ام محمود اختك ام قاسم مش رح تنتخب احلى ما تكون النسبة 100%
الى اللذين يعشقون المال اقول هذين البيتين من الشعر الذين اعجبوني كثيرا …. قد يعشق المرء من لا مال في يده …ويكره القلب من في يده الذهب …ما قيمة الناس الا في مبادئهم…لا المال يبقى ولا الالقاب والرتب ****
ليش يا اخ محمود المرشحين هاممهن غير مصالحهن الشخصيه اولا وكيف تزبط معهن ليامنو حالهن ويامنو مستقبلهن ويعبو جيوبهن
غريب أمركن
بتركضو ليل قبل نهار على المكاتب الحكوميي الاسرائليي
بتقبضو التأمين منهن
بتحطو تعبكن وشغلكن كل الشهر ببنوكهن
ركض على البنوكي لتاخذو هلفأوت وتكفو فيه الشهر
أغلب شغلكن بمناطق هلي تعتبر يهوديي
الرئيس الروحي للطائفي بل هضبي هو رجل دين هلي الو علاقه بل سياسي
وبالأخير بتقومو كلكن ضد الانتخبات ؟ هلي هي اجت بل أول والاخير لنمفعت اهل البلد
احلا مينحط انسان تعيين هلي بكون مش خايف على مطرحو مدت 4 سنين ليجددولو من تحت
غريب امركن طريقتكن لحل المشكلي هي بوضع مشاكل اكبر منها عليها
هلي بينتخب و برشح حالو عليه حرم ديني واجتماعي بدون متطعو بديل
صحيح مثل ما قالو يلي بيستحوا ماتوا. ما عاد في قيم ولا اخلاق والعتب الاكبر على يلي بدهن ينتخبوا شو طايلهن غير تمسيح تحت المرشح ‘ استحوا على حالكن وارجعوا عن قراركم وضموا بعضكم بالمحبه لانو الشغلي يلي بتهمني اليوم انو يظل ابني وابنك صحاب عنجد ولا ترجعو تزرعوا بقلوبهم الفتني والتفرقه حرام عليكم يا عالم اصحو اصحوا اصحوا وشكرا.
اذا ذهب الحيا…حل البلا..بسبب التزليط….زلطوا منا المبادئ.. وصرنا مفعولا به لا قرار لنا الا بتوجهات خجولة …الا ليت الزمان يعود يوما….لاخبره بما فعل المشيب..اين منا عندما كان شيخ الجولان يرفع يده…تتقبل الجماهير بالمهابة والاحترام.وتستكين الجماهير سكن الليل وفي ثوب السكون تختبي الاحلام..ماذا دهانا…الى اين…بعد غير نصوت كل سنتين…..كلوا من تفحيط الشوارع …واكل الكوارع. وعدم لبس التزليط…الكرة الارضية سبعين بالمائة ماء وثلاثين يابسة..وحرائرنا تسعين بالمائة حاسرة وعشرة ساترة …طيب عجبكن هيك…
اصحوا يا جماعه، عنا تاريخ ابيض وما حدا يفكر انو الوضع راح يضل هاك عطول.
اليوم اكثر من قبل سوريا وحزبالله عم يحكوا عن الجولان وانو صار وقت التحرير.
وما تستخفوا بالكلام لأنو دولة إسرائيل ذات نفسها خايفه من الكلام وصار عاملين أكثر من مره تدريبات تحاكي دخول حزبالله الى قرى الجليل والجولان.
اليوم قال وليد المعلم انو صار الوقت انو نعرف ان الارض بترجعش بالسلم وبترجعش غير بالحرب.
لا تخلو كوم واحد اعماهن المال والسلطه يمشونا وراهن عالخراب.
تبا لزمن العار تبا لزمن الخيانه.
عرفو قيمتكن بعدين قيمو الناس (المرشحين) كل حياتكن بتنتقدو الطير الطاير وبس يقطعو عنكن التامين او ياكلو شاكل عليكن بتقيمو الدنيا صح عبتتدفعو ضرايب وكلو من حقكن بس فيقو صلكن ٥٠ سني عبتشتغلو عند اليهود وما بتقولولن غير احي عطوكن فرصه ليختبروكن ب الديمقراطيه بس مبين عليكن ما بتحبو غير خناقكن شعب مخو فاضي
الانتخابات هي فتنه لأهل الجولان لتفرقتهم اولا وثانيا نحن شعب محتل نتبع لدوله ما زالت قائمه وموجودة يعني اي تطفل منا ودخول في مراكز حكومية سياسية يعتبر خيانه يعني يلي بينسا اصلو بكون بلا أصل وغير كل هلحكي شو بنستفيد من الجالس المحلي وشو راح يكون جديد علينا منذ خمسين عام المجالس المحلية في الأربع قرى قائمه بواسطة تعين لا انتخابات ولا وجع هلي بدا إياه المخابرات عبتعينو والي بدا إياه عبتعملوا شو فكركون راح يزيد شي بالانتخابات فش رئيس بكل القرى ألعربيه في اسرائيل الا ما بيشتغل حسب أوامر المخابرات يعني ما حدا بيستفيد من هلمركز غير الرئيس وكم واحد من اتباعو لذلك حسب رأي كلا هلشغلي بلا طعمي وما فيها الخلاف والزعل بين أهل القريه على سبيل الثال قرى الدروز في الجليل روحوا شوفوا الخلاف والمشكل والقتال من شان شخص واحد وهو الرئيس وبس يقعود على الكرسي ببطل يعرف حدا لذلك خلوا هالشغلي متل مهي وما راح يتغير شي بتضل تدفع ارنونه وماء وكهرباء عادي ان كان رأيس معين ولا منتخب ،وبلا هلبهدلي
طب مين هم المرشحين في العضوية في القواءم؟ حكولنا يا جماعة ليش مستحيين؟
يا ام محمود ع الهدا… يعنيלאט לאט. بقية اخوتنا المرشحين…حسنة مخفية..بيطلوا راسهن يوم معمعة الانتخابات….
ليش من بقعاثا بس مرشحين.اثنين…هذي قلة قيمة للانتخابات …وشو موقف لجان المياه اذا انسحب مرشح بيفوز الثاني بالتزكية…وشوف قديش منوفر حبر وورق …ولا اله الا الله دايم باقي وجه الله