8 إصابات جديدة بالكورونا وشفاء 11 من المصابين القدامى

سجل خلال اليومين الماضيين 8 إصابات جديدة بفايروس الكورونا في الجولان، وبنفس الوقت شفي 11 من المرضى القدامى – جميعهم من مجدل شمس. مجمل المصابين حتى الآن في الجولان بلغ 79، أماعدد المرضى النشطين الحاليين فهو 68.

ولا يزال الأطباء يحذرون من الاحتشاد في الأعراس فإن ذلك سيؤدي إلى سوء الوضع.

الإصابات الجديدة موزعة على القرى على النحو التالي:

  • عين قنية 2 إصابات جديدة (مجموع الإصابات حتى الآن أصبح 32).
  • مجدل شمس إصابة واحدة (مجموع الإصابات حتى الآن أصبح 29 شفي منهم 11).
  • مسعدة 4 إصابات جديدة (مجموع الإصابات حتى اآن أصبح 17).
  • (مجموع الإصابات حتى الآن أصبح 79 شفي منهم 11 فبقي 68).

المختصون بقولون أن الزيادة الحادة التي شهدناها خلال الأيام الأخيرة مصدرها الأعراس، بحيث يتشارك الناس في الأعراس بأعداد هائلة، ولا تتبع في هذه التجمهرات الكبيرة قواعد الكورونا، وهو ما ينذر بمزيد من الإصابات إذا لم يتوقف هذا الأمر.

أيام استقبال العيادات الطبية التابعة لصناديق المرضى على النحو التالي، وذلك بتنسيق مسبق مع طبيب العائلة:

صندوق المرضى لئوميت: الفحص في المجمع الطبي مجدل شمس – من الاحد إلى الخميس.

صندوق المرضى كلاليت: الفحص في عيادة كلاليت مجدل شمس – من الاحد إلى الخميس.

صندوق المرضى مكابي: في عيادة الدكتور كمال أبو جبل – كل أيام الأسبوع.

صندوق المرضى مئوحيدت: الفحص في عيادة الدكتور فريز في عين قنية – كل أيام الأسبوع.

تعليقات

  1. الرجاء اخذ الحذر والحيطة ووضع الكمامة في جميع الاماكن لكي نحد من انتشار هذا المرض …

  2. يا ريت تكتبو اسامي المصابين منشان الناس اللي مسلمي عليهن تاخذ حذرها..والسلامه للجميع

    1. ليش مصرين تتعدو عخصوصية الناس، شو بيفيدك الاسم مش قادر أفهم.
      من حقكن مسلول المريض وهذا هو فقط اسمو محدا بيحقلو ينشرو الا اذا المريض بنفسو حب يحكي عن تجربتو.
      خلصنا مع قلة هالفهم يلي عنا صار يستحي الواحد يمرض.

    2. خلال يومين الاشخاص لي مسلمي عليهن بينضافو على عدد المكتوب وبصير معنا مسلوليم
      لهيك بالوقت الحالي مفضل ميسلمش الواحد على ايا حدا

    3. المشكله ان القانون يمنع نشر اسماء المصابين حفاضا على خصوصية الفرد , هذا القنون ينطبق على جميع المرضى وليس فقط المصابين بالكرونه

      1. هي مش مشكلة بالعكس الحمد لله انو في هيك قانون لانو الي عبيطلع ويعلن عن هويتة ويقول انة مصاب منكثر معنا وعي وفهم عبيشرشحوا ضعاف النفوس وقلال التربية قول شي ايدز لسمح الله او شي مشين لهيك كثير اشخاص من اهل المنطقة او غير المنطقة عبيخافوا يفحصوا حالن لحتا يتجنبوا البهدلة متل معبيصير مع غيرن. يفضل كل شخص عندة مسؤلية اتجاه اهلة وعيلتة بيحس بوعكة يلتزم بالاجرائات الي اتخذتها وزارة الصحة ويتاكد من سلامتة الموضوع مش لعبة ممكن تنقل الفايروس لعيلتك وانت مش عارف لهيك يفضل الالتزام ونشاللة السلامة للجميع

  3. يا جماعة المرض مش عيب
    خلونا نطلع من هالافكار وناخذ الحيطة اكثر
    ورجاءً كل حدا حاسس بوعكة صحية يلتزم بيتو ليحافظ عصحتو وصحة غيرو ..
    مش يبرم البلد..
    يكون عنا مسؤولية اتجاه حالنا واتجاه الاخرين..
    بالسلامة للجميع💜

  4. طلب صغير يا ريت ينكتب المسلوليم تبع كل مريض ومريض(طبعا بدون اسماء). بشكل مسودار لنعرف اذا لازم نفوت حجر او لا

    1. المرض مش شي مخيف ⁦👍🏻⁩
      كل انسان خايف بعتقد انوو في امان بالله دخلو ⁦♥️⁩
      مش كل انسان حكا كلمه كورونا لازم يكون في خوف 😘
      آيمان بالله احسن من الايمان بلكلام ⁦❤️⁩
      مش بس نحنا عم نمرق فيه الفيروس كل القرى والمدن عم تمرق فيه ⁦👍🏻⁩⁦♥️⁩
      مش ضروري منرحش علعروسه بتروحو توقيت صغير مع كمامه وضعينا على الفم والانف ⁦👍🏻⁩⁦❤️⁩
      وبتمنى سلامي لا الجميع ⁦♥️⁩
      وانشالله الجولان راح يرجع الطبيعتو ⁦❤️⁩

  5. من جد وجد ومن زرع حصد
    اعذر من انذر هلي بتهموش حياة اهلو وحياة لعالم هلي بحبهون بكرا لسمح الله بيمتلو حدًا قريب أو صديق ما بسامح حالو كل عمرو ليظل يبكي دم كل حياتو وبحفظ ستين قرد وراه
    نقلعو نظبو ببيوتكن لنخلص من هلمصيبه عاد ونرتاح ونكمل حياتنا كيف لازم .
    وضربي تفك ناع كل واحد ووحدي فش عندهون علوم آل مسؤلية وأخذبن الشغلة بالضحك والمياعة وقلة الهابي تفييييه

    1. الشفاء العاجل لجميع المرضى بس بيقول المثل اعقل وتوكل .
      بمعنى هاي الفتره تجنب المناسبات والبرم وشرب المتي مش من بيت فلان لبيت علان ما حدا بيعتب عحدا ليك قلة الاهتمام والبهدلي لوين وصلتنا في ناس لابتفهم ولا بدها تفهم مثلا لشو البهوره والفشخره بلعروسي وعزيمي بكل قرى الهضبه اولا الناس عايفه حالها اقتصاديا ومعنويا ولا بروح عليهن ديون اصحاب العرس يا عيب الشوم قلة الوعي .

      1. الله وكيلك الحق معك هلي دايرين من بيت اشقع لبيت ارقع هن هلي عبينشرو المرض

  6. يا جماعه طولو ببالكن .. القصه هي انو الكورونا مرض نفسي اكثر ما هي مرض جسدي يعني بلعربي اسمو اكبر منو .. اي نعم مرض وبينتقل وبيعدي .. بس صرت شايف اكثر من ١٠ اشخاص مصابين وطالعين من مرحله المرض وولا حدا اشتكا من اعراض مرعبي وبتوصل للموت لا سمح الله .. لهيك الشي مش عيب ومش غلط الواحد يعمل فحوصات ويتاكد بس بلاخر ما يفتش لحاله انو يمكن مووت او اعدي حدا حدي واقتلو مش لهل درجي .. يفضل الالتزام بلتوصيات الطبيه والكمامه ونشلله محدا بيتضرر بلسلامه للجميع

    1. ١)الاحصائيات بتتاخذش حسب عشر اشخاص وعندك في مصابين بعشرات الالاف
      ٢)الكورونا فايروس بينتقل مش مؤامرة، مش لعبة سياسية،مش مرض نفسي، فايروس وبينتقل
      ٣)الكورونا خطير ومميت لفئات معينة من المجتمع مبلا
      ٤)مع انه مش مميت للغالبية ولكن الغالبية يلي مماتتش في منن يلي اتضررو الرئتين تبعه بشكل مزمن، فقدو حاسة الشم ومرجعتلهنش….
      ٥)الالتزام بالتعليمات اجباري ومش يفضّل، هون بطل الشي كيف الواحد بيحب، بطلت حرية شخصية، لمن الناس يلي مش عبتلتزم وعبتعمل استثنائات عبتأثر عغيرها وعبتسبب الضرر لغيرها ف الالتزام اجباري وفقط اجباري!

      1. جواب سليم يدل على المسؤليه والعلم والوعي الله يكثر من امثالك ويكفينا شر التخلف المنتشر بنسبه عاليه بآخر فتره الله يستر 👍

  7. طيب بعد وصول الهضبي لا ٥٠ مصاب والحبل علجرار اقل شي الي نصابو وعبيعانو من المرض يريت يشاركونا بوجعهن ويحكوا شو الي عبيصير معهن وشو شعور الواحد انو يصاب بلكورونا وهل عنجد عبيحس باعراضها مثلا الوصول لا درجه حراره 38 او القحه المتكرره او اوجاع بلبطن والرئتين .. بتوقع حلو يشاركونا بهل شي ومحدا راح بيعرف باسمهن لانو بيقدر يكتب بلاسم مريض مش شرط اسمو واكيد قاعدين بعزل صحي معهن كل الوقت حتى يشرحو ويكونو معنا من قلب عزلتهن عن العالم … اني شخصيا مصاب وصرلي اكم من يوم بلبيت ولحد اسا الحمدلله مش حاسس بكل الاعراض تبع كورونا مع انو طلع معي كورونا بس صار عندي فضول انو ليش هيك انيي وهل الي معهن كورونا متلي او في عندهن اعراض حتى ولو حمه خفيفه .. شكرا الكن جميعا ويريت نتساعد مع بعض لحتى نطلع من هل ازمة وبلشفاء لكل حدا مصاب

  8. المشكلي بل أول والأخير على الاشخاص هلي عبتقيم اعراسها بهل فترة
    عبحطو قرايبهن ومعارفهن بموقف جدا صعب هلي عبينجبرو يكونو موجودين كرمال ميصرش في زعل بينهن
    رجاء الاشخاص هلي اعراسها بهل فترة تحاول قدي بتقدر تأجل العرس كرمال مينحطش الشخص بموقف احراج ( خصوصا الاشخاص الكبار بلعمر عبتنجبر تكون موجودي بسبب القرابي او الصداقة )

    حسب وزارة الصحة مسموح لحد 20 شخص مجتمع بمحل واحد ( مفتوح اكيد ) مع الحفاظ على مسافة مترين بين الافراد و كمامة بس هلي عبصير بلمجدل ( لفخوت هلي عبشوفو ) مفهوش ولا حتى 1% محافضة على ايا بند من البنود المكتوبي
    بعتقد اني صارت من مسؤولية المجلس المحلي هلي يوقف هيك اعراس كرمال ميكنش في شكاوى من قبل اشخاص معيني على العرس ويقلب من فرحة لزعلي

    كلنا منحب ننبسط ونفرح بس فهمو انو فرحكن هذا عبتخاطرو بحياة اهلكن وقرايبكن لأنهن مجبورين يكونو معكن بهل فرح

  9. اني الحقيقه من ورا الفيروس تبينلي قديش عنا قله فهم وقديش عنا قلة نضج وعدم مسوؤليه بالتعامل مع هيك أمر. الناس يا بداش تفهم قصدا يا مش قادري تفهم يا بدن يوقعو بالجورة عشر مرات ليفهمو. للاسف الشديد البشر بداش تتعلم وتفهم وتنضبط بسبب قلة النضج والمسوؤلية . لازم لبال ما تهلص هالازمه يبقى تباعد احتماعي يعني بلا سلامات فقط عن بعد وكمامه وهاذا هو مش كثير صعب الامر يتنفذ يعني لحتى تمرق هالازمه عخير.

  10. على فكرة في ناس كأنو يلي عبصير مش ببلدها كأنو بعدو المرض بالصين ونحنا بس منسمع اخبار . في ناس صعب تستوعب الشي يلي عبصير عنا لأنو بدا تضل عايشي حياتها بالطول والعرص وبداش شي يوقفها .الكل بحب يعيش حياتو بس اسا في مرض منتشر وباء منتشر لازم نفيق من غفلتنا عاد ونحارب هالشي . للاسف معظم الناس بلا مسؤولية .. الامر بطل شخصي مزالو عبأثر على محتمع كامل .. عشان هيك محدا يقول اني بديش التزم واني واني . مجبور تلتزم عشان مجتمع كامل.

  11. أريد أن أكون جزءا من الحل##
    أنا أرتدي كمامه في الاماكن العامه والعمل وأبقى على بعد متر ونصف من الاخرين لا أصافح ولا أقبل بل أرمي السلام عن بعد ..
    أريدك أن تعرف أني أحترمك وقد أكون بلا أعراض ولكن معد لك . لست خائف من الفيروس ولكن أريد أن أكون جزءا من الحل لا جزءا من المشكله. لا أشعر أن أي مؤسسه او حكومه تسيطر عليي بل أشعر اني شخص راشد يساهم في بناء المجتمع..

  12. اذا من عرس واحد بعين قنيه صارو 28 حاله والله يجيرنا من الاعظم كيف بعد العرس الثاني .اني من نفسي يلي بده يزعل يزعل صحتي اهم من كل شي فيهن اصحاب العرس ياجلو او يعملوا الفرح على الضيق ما حدا بيعتب عليهن.بعد هل وضع حلها الناس تفهم وتتفهم وضع البشر مش عزيمه بلمكرفون ومعاتبه وبنرجع وبنقول الله يشفي الجميع والله لا يخلي الفرح من دار حدا.

  13. الأرقام غير دقيقه .
    حسب موقع وزاره الصحه بعد اخر تحديث
    عين قنيه 31 شفي منهم 1
    مجدل شمس 29 شفي منهم 11
    مسعده 21 شفي منهم 5

  14. يا أخي مشكور عالمعلومات

    ليش مش مسجل عدد الأشخاص هلي كانو مصابين وشفو.
    بمسعده في قسم شفي وطلع من الحجر من كم يوم.

    نرجوا التدقيق.

  15. مرحبا.. سؤال لموقع جولاني .. ليش بطلت تحط الاعداد المصابه بالكورونا ؟؟ صار في تجديد بالاعداد بس الموقع مش عبيكتب ..

التعليقات مغلقة.

+ -
.