نصر موسى – قرية الغجر – الجولان
إعلان
إعلان
إعلان
إعلان
إعلان
إعلان
إعلان
إعلان
إعلان
مجدل شمس ثوب الكرامه شالها
مروّه وحميّه فعالها وراسمالها
والشّمس اخذت من مجدها شمس
تا خيّمت عَ مروجها وع تلالها
أهل الكرامه ملتقى الزّوار
بإكليل متعطّر بزهر وغار
والعمر كلّو لحظتين صغار
موت وحياة مقدّر بأقدارها
يا أمهات الّلي فقدتِ الرّوح
عيونك بأسرار الحزن بتبوح
من قلب أمّو الطّفل ما بيروح
بيظل يخطر أبنها عَ بالها
أطفال طلعوا يلعبو بفرحه وأمل
وعمر الورد بعدو ع أمو ما اكتمل
غير البراءه القلب فيهن ما حمل
تراب الجولان مقدس بأنجالها
دم الطفوله لي روى (تراب )الجولان
عبّق زهور من الطّهر إيمان
انشقّ التّراب وزهّر الرّيحان
وأطفال صار من الصعب نسيانها
لما التّراب انجبل بالدّم الزّكي
مافي شخص إلّا من الحرقة بكي
يا روح قولي من سماكي واشتكي مجدل شمس هذا مزار عيالها
من قلب أمو الطّفل صعبة ينتسى
وبقيت الغصّه بقلب أمو والأسى
ولما تشوف سرير إبنا بالمسا
بتبكي كأنو أبنها ع قبالها
١٢ شهيد استشهدو بلمح البصر
ولا تفكروا الجاني عليهم انتصر
وحزن الأهالي القلب دماتو عصر
والأهل الله يعينها بمصابها
اللي استشهدوا عنّا ع طول مكرّمين
وهالصّرح ذكرى لأرواح الطّاهرين
وقع القدر رحمة إله العالمين
الذّكرى أليمه تسجّلت بخيالها
لكل بي وأم والموقف أليم
علينا الصّبر والرّضا والتسليم
ولكل دمعه حرقت القلب بصميم
هذي مشيئة ربّنا بكتابها
أطفال كتبوا للمجد تاريخ
ودوّى الخبر تَ وصَل للمريخ
ذكرى الطّفوله مرسّخه ترسيخ
شهقة عروق العز من أشبالها
أهل الكرامه يا بني معروف
أهل المروءه ونجدت الملهوف
بأسم الشّرف تاريخكم موصوف
وانضاف ع اسم الشّرف أطفالها
ذكرى الفجيعه قَدَر ما ممكن تزول
هالمجزره من الصعب تدركها العقول
ومهما انحكى ونقال أو بدنا نقول
صاروا رمز ” أمّة المجد ” بحالها
عظّم الله أجوركم جميعاً
نصر موسى - قرية الغجر - الجولان