(زجل شعبي)
مش بس دمع عيون عين قنيا
ودموع جوزك حد هالأيتام
حست على وجاعك سما الدنيا
وبديت بكي عليكي قبل ايام
””
وغصت هبة بدموعها حدك
لكانت بعينيكي هبت الله
ومجدك بتمو غار عا يدك
والمجد فيكي مركزو تعلا…
””
وسنتين ضلو أمجد وسنتين
سهران سهرة قلب عا جسمو
وقديش ما حمّل قلق هالعين
حِمل الوفا علّم على أسمو
””
بالرغم قطّع هالعمر يختك
وطافو جروح الآخ من تختك
فينا ثلث بيبين غيابك
وثلثين شتا نْبال عا أختك
””
الأنسان مرة بيشعر بهمو
بالعمر لما بيفتقد أمو
ومرتين أجود حس يا آمال
بأمو وفيكي هالحزن لمو
ولما غِيابك قطّع الآمال
وعالصف فات الدمع تا طمو
مطرح ما كنتي تحضني الأجيال
الأجيال صار ترجع علل بال
حتى حلاكي تلملمو بسلال
تيضل عطرك ينفح بكمو
الله يرحمك ويسكنك بالجنة
يسلم ثمك .. الله يرحمها
الخسارة كبيرة والمصاب أليم فنسأل المولى عز وجل أن يتغمدها بواسع رحمته ومغفرته وأن يسكنها فسيح جناته. أم مجد فقيدة وستبقى في قلوبنا الى ابد الابدين ولا ارانا الله عليكم مكروه.