أدت السيول التي تشكلت من ذوبان الثلوج خلال الأيام الأخيرة إلى انهيار جدار استنادي كبير على الشارع الواصل بين ساحة سلطان الأطرش والمجمع الطبي في مجدل شمس.
ويبدو أن انهيار الجدار حدث خلال ساعات الليل الفائت، دون أن ينتبه الأهالي إلى ذلك، حيث لا تزال السيارات الموقوفة على جانب الشارع في المكان المذكور في مكانها، مع ما ما يحمله ذلك من مخاطر انهيار إضافي في الشارع نتيجة ثقل هذه السيارات والتسبب بسقوطها إلى أسفل المكان.
الشارع المذكور هو أحد الشوارع الرئيسية في البلدة ويشهد حركة سير نشطة بصورة دائمة، وهو ما يتطلب تعاملاً سريعاً من قبل المجلس المحلي لمنع وقوع المزيد من الانهيارات في المكان أو أي حوادث أخرى.
نشير إلى أن الأحوال الجوية القاسية التي تشهدها منطقتنا هذا العام تسببت بالعديد من الأضرار للبنية التحتية، بما في ذلك الجدران الاستنادية والشوارع، حيث تعرضت الشوارع لأضرار جسيمة، جعلتها في كثير من الأماكن خطيرة وتسبب الأذى للسيارات التي تسير عليها. كذلك تعرضت الطرق العامة، وخاصة طريق مجدل شمس – مسعدة إلى الكثير من الأضرار وتشكل الحفر فيها، التي جعلي السير عليها عملية خطيرة على سلامة الأهالي والسيارات على حد سواء.
ويرى مهندسون مختصون أن معظم الشوارع، داخل القرى وخارجها، أصبحت لا تستوفي المعايير القياسية الدنيا، لذا يتطلب الأمر من السلطات المحلية طلب ميزانيات طوارئ خاصة لإصلاحها، وهذا أمر يجب أن تهتم به المجالس المحلية فوراً، ولا بد للسلطات إلا وأن تستجيب له إذا تم التعاطي من قبل المجالس مع هذه القضية بصورة سليمة ومستعجلة.
اعتقد ان هذا الامر غير مهم بالنسبه للسلطه المحليه في مجدل شمس , لان أمن وامان المواطنين في القريه هو اخر ما يفكرون به .لان موسم الامطار والثلوج ياتي قجأة في مجدل شمس دون علم احد فان فصل الشتاء يفاجئنا في كل عام .
المهم هو انشغال كل المسؤولين في السلطه المحليه بجباية ضريبة الأرنونا كان الله في عونكم ايها المسؤلين.
وهلق يا حباب قلبي كالعاده بيبلش الهجوم الناري على المجلس المحلي !!!!
اني مش من مشجعي المجلس بس معش طايق فلسفتكن وتهكمكن
اسا الي بيقدر يفهمني شو خص المجلس بهيك حاله لما صاحب العقار بيهدم الحائط الي كان ساند الطريق وبيفرغ العقار وبيترك الطريق معلق بالهوا والي وصلنا لهيك حاله
كل عمرو بالعمار الي بيعمل التغيير لازم يلايم التغيير للوضع القايم
الا عنا نحنا منغير ومنخرب ولازم المجلس يجي يصلح ورانا والي بيقهر بس يصلح بيعجبناش الشغل كلنا منصير يا مهندسين يا مقاولين يا لجنة وقف يا عريف لساحة البلد والاختصاصات بتخلصش , كلنا عمنغلط كلنا عمنقصر بس كلنا عمنزت الغلط والتقصير عالمجلس لحالو !!!
اني متأكد لو المجلس بس يوقفلنا عند كل غلطه وتقصير متل منحنا عمنترصدوا , نص بيوت البلد يا بلا كهربا يا فش الها طريق يا يا يا…. شركة تنور من سني فاتت عالبلد كلو ملتزم متل الساعه اما عالمجلس منضرب بطولات , الحكي طبعا مش شامل للجميع كل واحد بيعرف وين هو محلو بالمعادله.
واعذرونا اذا تعدينا بحق حدا
معك حق 100% نحنا شعب طميع بحياتنا مش راح نشبع من النعمه الي بتتقدملنا ولا منقول شكراً وكل واحد بدو يجي يتفلسف من محل …
يلي عبقول انو السبب بانهيار الحيط هو صاحب العقار يتاكد من سبب الانهيار وما يعلقش عالفاضي.
البيت يلي كان مبني في المكان انبنا على زمن سوريا قبل ما يكون الطريق كيف هو اسا كان الطريق بعيد عن البيت وكان في شباك مقابل الطريق ويلي وسع الطريق هو المجلس المحلي في الثمانينات. كان لازم المجلس يبني حيط يلي يدعم الطيرق مش البيت يلي لازم يدعمو لان البيت قديم كثير والحيط البيت يلي مقابل الطريق ضل ما تهدمش اما ما ستحملش ضغط الطريق ومع الشتا وقع .
وكل احترام للمجلس المحلي يلي اجا وسكر جانب الطريق من شين ما يصرش خطوره على اهل البلد.
اخ سامي ما تاخذ الموضوع بشكل شخصي
بس انت عبتقول انو الحق عالمجلس لانو بالثمانينات وسع الطريق وسندو بالحيط تبع البيت الي في شباك
يعني بوقتها لايم التغيير للوضع القايم
وكلنا شايفين انو هالتغيير كان ملايم لانو صمد حوالى 30 سني
اما التغيير الجديد مصمدش نص سني لانو مكنش في ملائمه للوضع القايم اسا
منشان هيك اني معك المجلس لازم يرجع الطريق كيف كان بالثمانينات ويعمر الحيط الي في شباك !!!
بتعرف شو ويعمر هالبيت كلو اسمها صارت وصارت
للاسف الناس بدها تستغل المجلس المحلي بفرغ العقار وبيستنا الحيط ليوقع ليقوم المجلس ببناء حائط على حسابو