تتوجه لاصحاب النخوة عائلة من قرية مجدل شمس تعاني من حالة اقتصادية ومعيشية صعبة جداً. هذه العائلة المكونة من 8 افراد بما فيهم اربعة اطفال صغار بالاضافة الى رب الاسرة تعاني من ظروف اقتصادية صعبة للغاية، ومن ظروف معيشية وبيئية اصعب بكثير بسبب البيت القديم وغير الآمن الذي يسكونون فيه.
فهذا البيت القديم والمستأجر اصلاً لا يصلح للسكن الآدمي بسبب التشققات الموجودة بجدرانه وسقفه، حيث ان مياه الامطار تتدفق لداخل البيت بالإضافة للبلاط المحطم والذي يسمح بدخول الحشرات والزواحف والافاعي لعقر المنزل، وقد حدث منذ فترة قصيرة ان وجدت العائلة افعى كبيرة بطول 80 سم تقريباً تفترس فأراً بداخل المنزل، مما اثار الذعر لدى الاطفال (الصورة المرفقة ادناه حقيقية من داخل المنزل)، زد على ذلك وجود الحشرات والعقارب وغيرها.
رب المنزل (في الستينات من العمر) لم يستطع ايجاد عمل له بسبب عمره، ولهذا فهو يعمل بشكل غير منتظم بالزراعة، وعمل بجمع الزجاجات الفارغة ليستطيع تأمين ثمن اجار البيت والماء والكهرباء. أما بنتاه فتعملان وبالكاد تستطعان اعالة ابنائهما الصغار وتأمين بعض الاحتياجات الضرورية.
وتقول احداهن: بعد ان توفي اخي بحادث قبل بضعة اعوام استطعنا بناء بيت “عظم” بمساحة 140 متر مربع من التعويض الذي دفعته شركة التأمين, ولكننا لم نستطع اكماله بسبب ظروفنا المادية الصعبة، وبنفس الوقت نحن نسكن بالايجار في بيت لا يصلح للسكن اصلاً، ولهذا نتوجه الى اهالي المنطقة الكرام والى اصحاب النخوة ونطلب منهم تقديم المساعدة لنا لكي نكمل بناء البيت ونستطيع العيش كما تعيش البشر… ونطلب من الاهالي الكرام مساعدتنا في اكمال البيت…
وتقول الشابة انا واختي نعمل ونستطيع ايفاء مبلغ 1500 حتى 2000 شيكل شهرياً.
كل من يستطيع المساعدة بالمواد له جزيل الشكر ومن يستطيع المساعدة بالعمل له ايضاً جزيل الشكر.
البيت الذي بنته العائلة عبارة عن 140 متر مربع , وهو الان بمرحلة ” العظم” שלד
يحتاج الى:
تمديدات كهرباء
تمديدات مياه
تمديدات صرف صحي
قصارة
براطيش وابواب
بلاط
ولمتابعة الموضوع مع اللجنة التي شكلت من اربعة اشخاص يرجى الاتصال على الارقام التالية:
رفيق ابو زيد : 0505219961
سليمان سمارة : 0507442444
(ملاحظة: يمكن ترك رسالة نصية أو صوتية في حال عدم الرد على الهاتف وذلك بسبب ضعف التغطية في المنطقة)
شاهد تسجيل صوتي مرفق بصور:
صور للبيت الذي تسكنه العائلة حالياً:
תפנו למעוצה הם חייבים לסייע להם
הם מחויבים לפי החוק
اهل الجولان اهل النخوة واكيد ما حدا رح يقصر . موضوع التكافل الاجتماعي ركن اساسي من اركان المجتمع الجولاني والتجارب الماضية تثبت هذا الكلام
اي مجلس عبتحكي واي قانون ******** واهل البلد اهل البلد بكونو قد المسؤليه والكرماء كثار الله يعمر هلبلد
اني مع المساعده ولازم نساعد بس كمان يا ريت الناس تمد جريها عقد بساطها هلي قادر يربي ولد يجيب ولد ( بغض النظر اذا صبي او بنت !!!) ولي قادري يربي عشره يجيب عشره
يا ست منار انتي ما بتعرفي ظروف الناس العايشين بالبيت مش بس ولاد الزلمي كمان ولاد بناتو الي عايشين معو مع ولادن بعد مطلقو هذه قسمتهن وكل واحد بياكل قسمتو
ما حدا بيرضا يعيش هيك لولا الظروف الصعبي
قولي الله يساعد
الله يساعد ولكل راح يساعد
وكل قصه بالحياة فيها درس للانسان وللمجتمع كلو
حتى لو صار الشي لازم ناخذ منو عبره او بصير من الحاله في الف حاله
كلنا معرف انو الوضاع صعبي بس مكنتش بتصور انو في ناس عنا بالبلد وضعا هيك ؟؟؟؟؟؟؟؟ الله يشفق ولي مبسعدش ابن بلدو بهيك حاله بيكنش عندو ظمير ولا احساس
******* يا اخوان هلي بيقدر يساعد يحكي ولي ما بيقدر يساعدك يخلي نصيحتو وحكياتك ببطنو والدنيا دولاب واذا اهل النخوه راحت من هل بلد الله يرحمك يا مجدل شمس
بني معروف هن اهل المعروف والنخوي..بس بدي استفسر كن في صناديق بباقي القرى للي بحب يساهم؟
هل حسب القانون مطلوب من المجلس المحلي مساعدة الناس الذين هم في ظائقة اقتصادية ؟ (ما بعرف لانو ما تطلعت على الموضوع من ناحية قانونية؟ يجب فحص هذا الموضوع).
حسب رأيي هناك جهه مهمة يجب ان تتحمل المسؤولية بالاضافة للمجلس المحلي :
اللجنة المسؤولة عن مال الوقف حسب معرفتي هناك مبالغ لا يستهان بها.
لماذا لا يخصص قسم من المال بشكل سنوي لمساعدة العائلات المحتاجة, ومنح للطلاب الجامعيين المحتاجين اليس في هذا خير وتقدم للمجتمع اكثر من صرف مبالغ طائلة على اعمدة الرخام (والقناطر) في المقامات ؟؟؟
اني بضم صوتي الك وكلامك منطقي كثير .
صار عنا بالحاره بيت كمان حالته الماديه كثير تعبانه اجو ناسمن مكتب العمل وشافو الاوضاع وصارو يعطوهن قبضه شهريه بناءا على المدخول الشهري(واصلن فش مدخول )للبيت وعدد الافراد واعمراهن وعجز رب المنزل عن لعمل. على ما اتوقع في قانون بيساعد العيل المحتاجه
امر كهذا الانسانيه بتلعب دور بالرغم ان كل انسان عايش باحوال جيده ونحنا كابناء الجولان عمنقدم التبرعات للغربا كيف ما منقدم مساعده لهذه العائله ومنشكر سلمان سماره عا اعمال الخير والمساعدات ومنتمنى نكون قد هالمسؤوليه لانقاذ هذه العائله
كمان حرام هذي العائله نحنا مقصرين
ان الله مع العبد مادام العبد في عون اخيه
كل الشكر والتقديرلكل من يساهم في تخفيف معاناة الاخرين
انا ابن الجليل كيف بقدر اتبرع بنقود يوم السبت انا فالهضبه ممكن حدا يوجهني
يعني سؤال غريب عجيب مهو مكتوب ارقام تلفونات بالخبر اتصل عليها واستفسر
مش غلط مش عيب يلي بيتبرع هيك نخوي ولمحبي
يكثر خيرك ويكثر من امثالك….
اربعه اشخاص في لمنزل رجلان وامراتان اذا كل منهم عمل على راتب شهري حوالي ال 3500 شاكل يستطعون استاجار في مكان اخر … ويوجد اكثر من كبلان او مستثمر مال ولعديد. ليس من ضروره العمل في محلات تجاريه علئ راتب شهري قليل … ولبيوت اسرار عند لاتحاد يستطعون تعمير ولعيش في نفس لوقت … وهناك لكثير يساعدون ..
الله يساعد الناس جميع صدقوني ٢٠٪من اهل الهضبة بهذا الوضع بدون بيت لا على العضم ولا غيرو فقط رؤساء الاموال يقدرون ان يساعدو عبر انشاء صندوق للمساعدات على طريقة قروض مع فاءدة متفق عليها مع صاحب الدين.
ها واجب علينا كلنا انو نساعد , وفش بيت بلهضبي قادر يساعد وراح يقصر , بني معروف للكرم عنوان , وللابن الكبير بلعالي حط ايدك بايد امك وبيك واختك بتطلعو منها بازن الله , الله يساعدنا جميعا بكل ظروفنا
******
انا مع المساعده بس كمان ضد الاستهتار يعني القصد في شب بالبيت عمرو 25 سنه بالتقريب ****
الله يساعد كل الناس ومش راح تقصر معم اهل البلد ولا انا ولا كل شخص بيقدر.
بتمنى من كل الي قادرين يساعدو لانو وضع البيت الي عايشين فيه كثير صعب بالاخص انو عبفوت افاعي عالبيت يعني في خطر عافراد العيلي .والمجلس لازم يساعد لشو حطو مجلس لهالمواقف هي.
مرحبا للجميع …بني معروف رمز لعطاء ولمعروف …وهذي سماتهم وين ماكانوا…قرأت بعض لتعليقات ولرد عليها ، لهيك بقول مرات لإنسان بيحكي من حرقة قلبو على ما شايف بس مش معناها انو معترض على لمساعدةوحتى يلي بيحكي وبيناقش بلآخر راح يتبرع ويناقش…يا جماعة لنخوة شي بدم لجولانيين ما فيهن بلاها…بس كان عندي ملاحظة صغيري حول لمساعدة ولتبرع… قريت اسماء اللجنة وارقام هواتفهن، بس اني بدي اتبرع بدون محدا يعرف حتى اللجنة نفسها…فيا ريت يكون مرفق رقم حساب خاص للجنة او للعائلة نفسها، وهيك منعاً للاحراج من قبل لطرفين…
طيب والعيل المستوره هلي بتقدر تتبرع بمبالغ صغيري كمان بدها تتوجه الجني ولا في صندوق بنقدر نتبرع فيه
اولا بشكر الاخ سليمان سمارة والاخ رفيق ابو زيد عمجهودن وبشكر كل انسان قدم مساعدي وبتمنا يخلص عمار البيت عاكمل وجه للعيلي تعيش برياحة…
ثانيا اني من الناس اللي بعرف العيلي معرفي بعيدي الاب صعب يشتغل عشان عمرو صح ويمكن الام اللي عبتقوم باشغال البيت كمان معذورا ويعطيها الف عافي وفي بنتين بالبيت ارامل صح بس اكيد بيقدرو يشتغلو ويفوتو دخل للبيت لا يقل عن 3000 شيكل والنقطة الاهم انو في شب بالبيت لبتطو بتهد الحيط ليش برحش يشتغل ويساعد اهلو اللي شايفن بهيك وضع ******** وبالاخر الله يساعد كل انسان .. شكرا