شكا أهالي بعض الحارات في مسعدة من إهمال المحلس المحلي في جمع النفايات من حاويات النفايات المنزلية، الأمر الذي يؤدي إلى انتشار الروائح الكريهة وإزعاج كبير للأهالي.
وخلال جولة في إحدى هذه الحارات، بعد اتصال من قبل سكان الحارة، تبين فعلاً أن حاويات النفايات مليئة، بل أن الأهالي اضطروا إلى وضع المزيد من النفايات بأكياس وعبوات كرتونية بجانب الحاويات، وكان واضحاً أن عمال النظافة لم يفرغوا هذه الحاويات منذ مدة.
إحدى ربات البيوت قالت أن هذا الوضع مستمر منذ فترة، وهم يضطرون إلى الاتصال بالمجلس المحلي عدة مرات حتى يرسلوا سيارة جمع النفايات، وهذا يتكرر كل مرة، وإذا لم نتصل فستبقى النفايات على هذه الحال.
وأضافت ربة البيت، أنه في الشتاء كان يمكن تحمل الأمر، أما الآن في الصيف فإن درجة الحرارة المرتفعة تخمّر النفايات، فتنطلق منها روائح كريهة ومزعجة، ناهيك عن المخاطر التي يحملها انتشار الحشرات والجراثيم على صحة الأهالي، وهذا أمر غير مقبول.
والله المجلس مش عم يقصر يوم يوم في سياره زباله بس المشكله انو كل اربع خمس بيوت على سطل واحد والمجلس وزع سطال حديده كلها مخباي بالمخازن بس اخذ 100شيكل حق السطل
طيب معو هالمجلس كل هالمصاري حتى صعب عليه يوزع صطال زبالي للاكل الفاسد ًًً،وين بنروح بالاكل
زتوهون بحواشي القريه متل عنا ببقعاثا فش اجمل من هيك بتروح عل سلالم بتلاقي قناني بيرا ومشروب وشويت كروش وبتروح على بير الحديد بتلاقي وسخ اعراس ومناسبات– شوين بتروح على تل احمر بتلاقي شويت فطيس —ولك يا عمي خليها لربك
نسيت الروايح العطره التي تغطي سما القرية – اذا هب النسيم الغربي تفح ريحة الزبالة والمواشي واذا هب النسيم من الشرق وكان الجو حار فاحت ريحت المجاري واذا اتتنا رياح شمال فاح بير الحديد بالنكها الموجوده فيه وشم لقلك وخوذ عا امراض ووجع
المجلس عمل مزبله بجانب البراد الناس عبو السهله بالزباله طريق البركه ملان زباله والمزبله بعيدي عن السهله 100متر والاحسن بيجي واحد بدو شويه نحاس بيحرق المزبله والبلد وبالاخص حاره العمارات جمعه ما بتنام من ريحه الحريق وبلاخر بيقولو المجلس
بكل القرى نفس المشكله عنا قال جابولنا سطال للنفايات العضويه رحت لكب فيه لاقيت الدود عبيتمشى.. قررت ما عاد كب فيه وخاصه بلا كيس
من هو هالابن البلد
لا بد انك ابن المجلس ومش غلط تدافع .
بالاخر الصور المعروضه بالمقاله تشهد على صدق الاهالي وربة المنزل المشتكيه.
اما حضره ابن البلد ارنا ما يفعله المجلس بكافه المجالات من الزباله الى باقي المواضيع
نحن نطالب بحزيران الأخضر
لك شو حزيران اخضر ها الحرش عندك روح خضر في ما قريت قبل كوم تعليق عن الدود الي عبيتمشى بالسطل اما المجلس لازم يلتقى حل !!!!!!
للأسف انو اهل لبلد نايمي ليش شو في حلو بهلبلد ايا طريق مزبط كلو حفر بس اهتمام لمجلس بلطريق لرئيسي اما لحارات بتقرف ولا مره كنسو طريق ولا سألو عن نضافي ليش مداخل لبلد هيك لازم تكون شي بخجل يا مزبلي يا طريق مطبش هلي بدو يدافع يدافع عشي حقيقي مش بس بلحكي منحنا بهيك شطرين بس … بنتأمل يصير في اهتمام من لمجلس بلشوارع وبلنضافي وبكثير اشيء سيارات خرباني محطوطه هون وهون يمكن عاملينها تحفي لتزبن منضر لبلد … فيقو فيقووووو … لعالم وين ونحنا وين
حبايبنا ארנונה وكهربا ومي بيدوخو ربنا بس حدا يتاخر ونحنا لازم نعمل نفس الشي ندوخون اذا مردوش ..منحمل هالسطال ومنحطون ع مدخل المجلس من شان يعيشو التجربة الحلوة