قامت السلطات الإسرائيلية، صباح اليوم، بهدم بيت قيد الإنشاء في مجدل شمس، بحجة البناء غير المرخص.
وفوجئ الأهالي صباحاً بمئات أفراد الشرطة المدججين بالسلاح، يقومون بتطويق الحي الذي يقع فيه البيت، قبل أن تصل إلى المكان حفارة كبيرة (باغير)، وتقوم بهدم المنزل بحماية السلاح.
مئات الأهالي الغاضبين تجمعوا في المكان، ووقفوا عاجزين عن فعل شيء أمام الأعداد الكبيرة لأفراد الشرطة، التي لم تتردد في استخدام السلاح عند أول محاولة للتدخل، حيث أطلقت قنبلة صوتية أصابت شاباً في العشرينات من عمره، نقل على إثرها إلى مستشفى صفد. وعلم في وقت لاحق أن إصابته ليست خطيرة.
إعلان
إعلان
إعلان
ملكية المنزل الذي تعرض للهدم تعود للسيد بسام جميل ابراهيم.
عدد من الوجهاء حاولوا التدخل لدى الشرطة لوقف عملية الهدم، لكن محاولاتهم باءت بالفشل، حيث كان رد الشرطة أن صاحب البيت لم يمتثل لطلب الشرطة بوقف البناء غير المرخص، بالرغم من توجهها له ثلاث مرات.
وتثير عملية الهدم هذه مخاوف شديدة لدى الأهالي، الذين رأوا فيها سابقة خطيرة، ستفتح الباب للمزيد من عمليات الهدم، خاصة وأن عشرات البيوت في قرى الجولان بنيت من غير ترخيص، ذلك أن سلطات الاحتلال ترفض منح رخص البناء لأصحابها، وقد أصدرت المحكمة الإسرائيلية أوامر هدم بشأنها، وهو ما ينذر ببدء سلسلة من عمليات الهدم هذه، لا أحد يعرف أين تنتهي.
لكن لجنة التنظيم حاولت التخفيف من وطأة الحدث، ونفت أن يكون هناك أي تغيير في سياستها في هذا المجال، وقالت في توضيح لها، أن عملية الهدم هذه جاءت بعد الطلب المتكرر من صاحب البيت التوقف عن البناء، عند البدء بعملية البناء وخلالها، ذلك أن البناء موجود في منطقة عسكرية ملغمة، لكن صاحب البيت لم يتجاوب معها.
وأوضحت اللجنة في رسالتها أن عملية الهدم، التي نفذت اليوم، هي عملية فريدة ولا تعطي أي مؤشر لأي تغيير في سياسة لجنة التنظيم، في هذا المجال، وأنها عملية خاصة لقضية بعينها.
نقطعت النخوي يا جماعه من اهل البلد لو فيها رجال كانو طلعوهن ميتين لان ها البدايي خذو لخير لقدام
يا ابن البلد عن انو نخوة بتحكي
ايد ما بتلاطم مخرز حبيبي خلي مراجلك من ورا الشاشة وما تحرض كثير
برايي بلد قلت رجالها مش اكثر
ولا الاحتلال هو هو ما تغير
يا حيف على بلد بحياتها ما سمحت لسلطات الإحتلال تذلها بعد ما شفنا شي او الرقص حنجلي يا حيف على بلد سكانها راحت منها المبادئ والنخوي ناس همها الكيف والبطر يا حيف على بلد نسو اهلها النخوي والرجولي راحوا اهل قبل وراحت معهون النخوي والرجولي للأسف.
نوما هني يا مجدل شمس لقد أصبحوا يهدمون المنازل في وضح النهار والمجلس المحلي يتفوج
نشالله شلل لدياتهن ..وللي كان السبب وللي دعمهن بالهدم
عنجد لوين وصلنا … اسا بدهن يقولو لحق علي معمر منغير رخصه .. بس طفرت لناس وين بدها تروح بحالها وين بدها تعمر مجالس محلية وقف منو لعوض وعلي لعوض بس بركضو لحالهن ولناس لمشحرا تدبر حالها اذا مكبرتش بتصغرش لازم يفيق لمجلس ولجنة لوقف حرام لشباب تروح تعبها هيك قالو في بعد 8 بيوت بدهن ينهدو … يلا خليكن عبتتفرجو بعيونكن اصحو تحركو حالكن خلينا نصير متل لضفة … الله يعوض عليك ويرجعلك بدل لقرش مية
من زمان ماتت المجدل، لو فيها نخوه بروس الرجال ما قبلوا اللي عميصير فيها
همهم وشغلهم شهواتهم وصارت النساء تحكم وعلى الرجال السمع والطاعة
قولوا لي يا أهل مجدل شمس شو الفرق بين اليوم واللي صار قبل كوم سني ببيت ماجد الشاعر الفرق أنو كنا أحلى من اليوم
في فرق وضع اليوم اخطر بكثير
بس الناس عنا نايمي
باخر فترة صاير عنا بمجدل شمس كثييير ظواهر غريبة عجيبة.. والي بس بتخلي الواحد يصفن هيك ويسأل حالو.. عنجد هي قرية مجدل شمس؟ عنجد هي هيي القرية الي اني بنتمي الها؟؟؟… وكثير كثير اسئلة.. وكثيير كثير قضايا مش ملاقية مين يحلها.. ويمكن اصلا بطل في مين يحلها.. للاسف الشديييد..!!! ***************************
بدي اسال سؤال لكل المعلقين:
لو الزلمي ما نهدمش بيتو وكملو عالاخير وسكن في هو وولادو ولا سمح الله الف مره كان لولاد عميلعبو برا وفقع فيهون لغم متل ما حصل قبل بمره..قديش ساعتها راح تكون لخساره..اكيد بتتقدرش بثمن. وبالاخير الله يعوض عالزلمي وشكرا…
الشفعه كيف شفنيها مفرغه وين كان الجيش اول يوم للعمار والسلطه لو فيها الغام كان اليوم الكومند عب يتمشى فيها مش خايف على رجالهن دعوسو بالشفعه لا قتلو بس خايفين على اولاد بسام يا حبي وفهمك كفاي
إنهاسابقة خطيرة فعلا”
بالرغم أن السيد صاحب البناء لايملك ترخيص
لكن الخوف أن تكون بداية لمشروع صهيوني قذر
بس بدي الفت نضر للمنطقي خيي مهو عمر وحفر وشغل بواكر مش بايدو حفر اكيد لو بدو بصير شي لا سمح الله كان حتما صار وبعدين اسا تذكرو انو في الغام حاج يا شيخ فيقو عاد من الغفلي في بلبلد ناس لمصالحها الشخصيي عبتجيي على ابن بلدها بس في الله عليهن وعلى اعوانن
الله يعوض على الأخ بسام وسؤالي للمعلق باسم منطقي هاذي اللغام نزلت من السماء ولا صنع الاحتلال عيب هذه التحليل بالنسبه للنخوه بوجود هيك وجهاء باعونا وقبضو سلف الله يكون بالعون ليوم منتفرج على غسان وبكرى بيتفرج علينا فرقونا هلي مدعين بالمشيخه ونشاء الله كل واحد ببيع اهلو بلاقي يوم اسود قولو امين
بهذه التله صارو منزلين ست سبع أمتار اذا في ألغام صاروا بمكب النفايات فش داعي ندبر مبررات خلينا نسعد للمره القادمة ونكون من أهل البلد هلي اسمها مجدل شمس أكيد فهمت عليي
مش لازم هل شي يمر مرور الكرام
الله على الظالم والله موجود وما بينسى صرخه طفل
منظر ببكي الحجر بس ما راح يبكي ابن الحرام وفيين الحظ
تصعبش عليكن يا اهلنا من المجدل .. على اعتبار انهن هدمو بيت العبد الفقير للوقت الحالي فا اكيد راح يرجعو ويهدمو باقي البيوت الي ما فيهاش رخص فا خذو الموقف ها لصاللحكن تأهبولهن لان الضربي الي ما بتقتلك بتزيدك قوه ولازم اسا يكون موقفكن صار اقوى اجو هدمو البيت متل النسانيس بليل .. اي شو عليه صحتين .. لقدام اذا الكل بيوقف وبيشبك ايد بايد ضدهن مش راح يقدرو يعملو شي واذا عملو شغلتهن صغيري اخبار يوتيوب فيس والحمدلله كلو بينتشر فش خوف .. الخوف انو بوقت الشده ميكنش في حدا لتتشبك الايادي .. شدو حالكن لا بد من كسر شوكتهن الارض ارضنا والي بدو يذلنا فيها ما عاش ..
رزقك حلال وصافي عن شين هيك هدولك بيتك لونك انسان واصل ومتسلق كنت اليوم ببيتك بس كل اهل البلد معك وبدنا نرجعلك بيتك اجمل ما كان
بدي قول كلمه عنا بيوت كثير تعمرت بدون رخص ولا مره اجا امر بهدمهن بس شغلة الي صارت اليوم مساله قانونيه وخطره للعيله بحد نفسها وعلى حياتهن وحياة ولادهن
يا حيف عنجد قلت الحنيه وحب ولاد البلد لبعض وخوفن عبعض محدا بيوقف جنب الثاني عنجد صرنا متل الاجانب عنا انسانيه بس عالكلاب والحيوانات الله يعوض عليك بسام كل قرش بعشره …
الله يحسن اخرتنا اذا عهالهمه بعد كم سنه ببطل حدا يسأل عن حدا
نحنا معكن للموت وهل قضيه هذه قضيتنا وما راح نسكت وراح نفديكن بدمنا الك ولمرتك ولولادك وبكرا الأيام بتثبت
كل لعبيحكو عن لنخوي ومش عارفي شو كانو يروحو يقاتلو بدل لحكي لنشوف اذا حدا بيسترجي يعمل شي
لصار حرام وكلنا شفقنا عزلمي بس شو بتقدر اهل لبلد تعمل اكثر من هيك اذا لجيش قبالا وحامل سلاح شو بتسترجي تعمل بهيك موقف
هذا مخطط لحرق الهضبه وبمساعدة المجلس ولازم الكل نتكاتف مع بعضنا وما نحط أيدينا بيد يالي عبوقع على هدم كرامتنا
المفروض البلد كلها تقوم وتتحد ضد المتامرين والمنافقين وباقرب وقت
ولا يهمك يا ام تيم الكل معكن ولجنبكن والله لا يضيعلكن تعب الك ولزوجك ولولادك
الرزق معوض المهم الصحه وديرو بالكن على بعضكن واولادكن اهل البلد ما راح يسكتو
الله يرحمك يا الشيخ سلمان ما كنت راح تسمح بالجريمه يالي صارت مع هل رجل الطيب
بيت بسام كانوا كبش الفدا بس هي بدايه الصحوة على أفعال المجلس المعين من قبل السلطه وانشالله تكون فاتحه لتعاضد اهل الهضبه مع بعضهم
מעניין وين المجلس؟؟ مطلعش صوتو… لا اسا ولا بالحكي عن المحمية الطبيعية..!!!
عبتقولو اجو متل النسناس اللي بيجي متل النسناس ليخرب بالمره القادمة بيكون الفخ عبيستناه ويعلقوبيدفع الثمن بس اذا حدا قلو قدامك نار بيرجع وما بيقدم ولو حدا نصب فخ ما أجا النسناس ًوبيقول المثل اذا الحارس نام بيجي الحرامي
عذرآ مجرد رأي احترم جميع القوانين احترم وأقدر الانظمه العادله لأي دوله ان كانت هناك نظام وقوانين علينا الالتزام بها ولكن هذا النظام ابدآ لن ينطبق على لجنه التخطيط والبناء الموجوده في منطقتنآ واني اعي ما اقول لانها من احط واحقر الفروع الحكوميه وهناك بعض الموظفين من الضروري النظر في ملفاتهم هذه اللجنه المهمله لعملها والمصتعصيه والمتعصبه لا تخص اي قانون عالميآ ان شأنها عرقله الزبائن ودفع الغراميات الغير منطقيه هذا الاهمال علينا ان نتخذ موقفأ موحدأ له اشك ان هناك سياسه خاصه لهذه اللجنه الحقيره خلف الكواليس انا من يحترم القانون لقد لمست هذا الشئ بنفسه وملفي ينتظر قرب عام ونصف رغم ان كل شيئ قانوني فقط علينا ان ننتظر جلسه المدير العام اذ كان له وقت للاتطلاع بنا وان ندفع الغراميات والتزام الصمت امام جناب الخانوم 88888 هذه اللجنه بكل مسئوليها احط وانذل ما يمكن وشكرأ ارجو النشر
الله لا يخلي أولاد الحرام ولا يهمكن يا اغلى الناس بيتكن بيتنا وهمكن همنا والله على ظالم
قلبنا معك يا صديقه عمرنا داليا الحبيبه ولا يهمك الرزق معوض المهم الصحه الك ولعائلتك
حسب معرفت انو لمجلس لمحلي بيعطي موافقه على لهدم .. معقول ؟؟؟… لازم مينسكتش على هلشغلي لان اذا لمره سكتو معناتو لخير لقدام بدهن يهدو بيوتنا عراسنا … وهاذ درس نتعلمو لازم نطالب من لمجلس ولجان ولوزرات وكل شغلي بنا هي نطبل لعالم فيها منسكتش عن حقوقنا وبلذات مشاكل لعمار لرخص تنور والخخخخ ….
كيف صار واضح ومبين انو في عين قويه على الشفعه نفسها