قد ما بكينا
سامر أيوب - 28\07\2009
مهداة لروح الشاب بلال شمس

يا دنيا لو تريدي عاقبيني وحطي جمر بشمالي ويميني
بس ما يروح واحد من رفاقي ينزل مدمعي يزدلي أنيني
بلال اخذتي ومنعتي التلاقي بينو وبين امو هالحزيني
بعرف هالامر مش ع مراقي بكرا الي يمكن تاخذيني
انا لصوتو زايد اشتياقي ما عمبسمعو انتي اسمعيني
اذا لو رحت وتركت البواقي ما بدي توضعيني بجحر بارد
جنب منو يا دنيا اوضعيني

الفرح ع مخدة النسيان غافي بيقولو الحزن جرح الدمع شافي
بيوم اللي رحت شو بكيو عيوني جرحي ما شفي ولا الدمع كافي
على الجفنين دمعاتي بلوني متل النهر اللي بيطم الضفافي
عالخدين نزلو يعاتبوني ذبل الزهر ب حضن الحفافي
ع تمي وصلت دمعة جفوني مرار الدمع بنجلي شفافي
وعنيران القلب يل عذبوني عند ما وصلو بعد المسافي
طلعو عالسما مشيو بدوني صرت قاعد لحالي بليل بارد
بدم القلب عم خط القوافي

قلي لليش تروح يا بلال تترك رفيقك غارق بهمو
وقت اللي رحت تشردق الموال من دموعنا اللي ع خدودنا نحمو
قد ما صبرنا وطال معنا البال ما عاد فينا عطرك نشمو
وقد ما يقولو بالحكم اقوال ما بيقدرو دمعاتنا يلمو
وقد ما بكينا دمع ما بينشال هم الفراق بيوم عن امو
هجمت وقال والدمع شلال بحيات يلي خالقو يا ناس
وينو حبيب القلب ت ضمو