مجموعة شبابية تنظم فعالية «اسقيني من القنينة» في بركة
رام
الجولان - «جولاني» -
11\10\2010
تقوم مجموعة شبابية بتنظيم فعالية رمزية لإنقاذ بركة رام تحت اسم «سقيني من القنينة»،
يقوم فيها شباب وصبايا من مختلف قرى الجولان بسكب قنينة من الماء في البركة، من قبل
كل واحد من المشاركين في الفعالية، حيث يتم ملء القناني من نبع
«عين القصب في مجدل شمس، ثم يسير الجميع من هناك إلى بركة رام.
الفعالية ستقام يوم الجمعة القادمة 15\10\2010 وتبدأ
عند الساعة 12:00 ظهرا، وتصل ذروتها
عند الساعة 15:00 في البركة، حيث سيتم سكب المياه من القناني فيها.
وقد وجه المنظمون دعوة عامة، مع برنامج الفعالية، وجاءت على النحو التالي:
طبعا الدعوة
عامة والبركة ملك الجميع متل مهي ملك الارض, عمنشتغل كمان على موضوع التنسيق مع
باقي القرى لتنطلق كمان مسيرة من كل بلد وتحمل معها شبابها.
الحدث رح يصير يوم الجمعة بــتاريخ 15/10/2010
رح نجتمع الساعة 12:00 بساحة مجدل شمس (سلطان باشا) ورح كل واحد يكون معو قنينة
فاضية..
عَــ الساعة 12:30 يعني كمان نص ساعة من لقاءنا بالساحة رح نكون بعين القصب
ورح نعبي القناني من هونيك ..
لانو فكرة تعبئة القناني من المي اللي بالحنفية .. رح تساهم بمساعدة شركات ثانيي
اللي كمان هي عبتسرق المي تبعنا ..
عَــ الساعة 13:30 رح ننزل من عين القصب ونتجه للبركة بمسيرة مشي جماعية
عن طريق السّكّرة ..
رح يكون خلال المسيرة فعاليات بسيطة .. بس لذيذي :)
الساعة 14:00 لازم نلتقي بمجموعات ثانية .. من باقي القرى
لقاءنا رح يكون امام اليعفوري (المقام) .. ورح نكفّي سوا عَ البركة
الساعة 15:00 هو الحدث المهم تبعنا
رح نفتح قناني المي عشان نعبي البركة ونفرجي الناس انو نحنا ضد الشي اللي عم بيصير
وانو المي اللي عبتروح من البركة .. رح ترجعلها
بالحدث هذا رح تكون فرقة توت أرض معنا
ونكمل يومنا هونيك ..
ورح يكون في كثير فعاليات ..
منها عفوية ومترجلة .. :))
---
وجودنا ووقفتنا بهيك قضية كثير مهم
المي .. الي والك والنا .. بس مش الهون ..!!!
_______________
سقيني من
القنيني
مبارح بالليل .. اني ونايم عَ تختي
رن تلفوني والرقم مش مبين ..!
بدي رد عَ التلفون , فَـ تحولت الشاشة لزرقا
وصار يطلع صوت من التلفون .. الصوت كان كثير ناشف وخشن كمان
استنتجت انو صاحب هــالصوت بيعاني من جفاف بحنجرتو ..
...
قلي صاحب الصوت انو اسمو "رام" .. 0
وبلش يغيب صوتو شوي .. شوي
واخر كلمتين سمعتهون منو كانوا : سقيني من القنيني