بتتذكروا هالطريق؟
مجدل شمس\الجولان - جولاني - 2\05\2012

كلياتنا منظل نقول رزق الله ايام زمان.. أيام البساطة وطريق التراب وهداة البال! أيام راحت وما عاد رح ترجع..

بس احتراماً لازم نذكر أماكن مشينا فيها لوصلنا لمدارسنا.. لوصلنا لعملنا.. لوصلنا لعند بعض واطمأنينا على أحوالنا...

رح إسألكم: بتتذكروا هالطريق؟ ولا طريق القادومي والزقازيق؟

هالطرقان كانت زقازيق، وكانت معبر قدم وممرق رجل.. وراحت الأيام وإجت أيام وصار طريق التراب طريق نظامي، وفي أماكن صار درج لسهولة العبور عليه.. بس كل هالمحلات كانت أساس لمشيتنا وطلعتنا.. أساس لانطلاقتنا للحياة... أساس شقوا الكبار بإمكانياتن وطوروا الصغار ليناسب نمط حياتن.. لهيك ما تنسوا طريق هالتراب وكيف اشتغل عليه جدي وجدك وبيي وبيك، وكيف أنا وإنت طورناه.. وكيف صار.. المهم صار في طريق منقدر من خلال نوصل لوين بدنا..

بالنهاية الزقاق تراث وجزء من تاريخ بلدنا.. لهيك من المهم المحافظة ولو على ممر بذكر بتاريخ المنطقة وتطورها العمراني الي من المهم يبقى رمز للأجيال القادمة لحتى يعرفوا تاؤخ منطقتنا وتراثها...

 إضغط هنا لمشاهدة صور لأزقة مجدل شمس وطرقها القديمة