منذ سنوات يعاني المزارعون في الجولان أزمة كبيرة في العثور على عمال، خلال موسمي التفاح والكرز، وقد تفاقم هذا الموضوع إلى درجة أن قسماً من محصول الكرز معرض للتلف على الشجر هذا العام، دون أن يتمكن أصحابه من قطفه في الوقت المناسب. إنها بالفعل مشكلة كبيرة تتسبب بخسائر فادحة للمزارعين، تضاف إلى المتاعب التي يعانون منها أصلاً.
في الكثير من المجتمعات يعتبر طلاب الجامعات وطلاب المدارس الثانوية رافداً مهماً في مثل هذه الحالات، حيث يتم تغيير موعد العطلة ليتناسب مع موعد جني المحاصيل. فأذكر أنه خلال دراستي في الاتحاد السوفييتي السابق، كان طلبة الجامعات يشكلون المجهود الأساسي في جني محصول البطاطا، الذي كان يعتبر الغذاء الأساسي للسوفييت في ذلك الوقت. وأذكر ايضاً، أنه قبل عقدين أو ثلاثة قامت بعض المدارس لدينا في الجولان بتغير موعد العطلة لتتوافق مع موسم قطف التفاح، وذلك لكي يتمكن الأبناء من مساعدة أهلهم في عملية القطاف، ولكن هذا النشاط توقف منذ زمن ولم يعد يعمل به.
إذا ما نظرنا إلى الموضوع بجديه، نرى أن فوائد إحياء هذا التقليد متعددة، والأهم أنه أصبح ضرورة لحل مشكلة قاتلة للزراعة بشكل عام ولزراعة الكرز بشكل خاص.
إن عدد الطلاب في المدارس الثانوية في الجولان، الذين تجاوزت أعمارهم 16 عاماً، وأصبحوا مؤهلين من الناحية القانونية للعمل، يقارب الـ 1500 طالب وطالبة، وهي عمالة هائلة يمكنها أن تحل بصورة نهائية المشكلة التي نتحدث عنها، هذا من جهة، ومن جهة أخرى سيعطي هذا العمل للطلاب مردوداً مالياً كبيراً مقابل هذا العمل. فإذا ما احتسبنا إجرة العامل لليوم الواحد في قطف الكرز 150 شيكل فقط، مع العلم أنها 200 شيكل، فإن العمل خلال شهر القطاف سيؤمن لكل طالب دخلاً يتجاوز الخمسة آلاف شيكل، وهو مبلغ ليس بالقليل. والأهم من ذلك هو بقاء هذا المال ضمن الدورة الإقتصادية المحلية، بدل أن نخسره لصالح العمالة الوافدة التي تستقدم حالياً لملء هذا الفراغ.
إنها فكرة جديرة بأن نأخذها على محمل الجد، فزراعة الكرز والتفاح في الجولان ليست فقط ثروة قومية لا يستهان بها، مع دورة اقتصادية تفوق الـ 200 مليون شيكل سنوياً، بل هي أيضاً تقليد مهم وتاريخ وفخر لكل جولاني.
فكرة حلوي بس كان لازم اخذ بالحسبان انو بخلال هل فترة شهر 5 لشهر 6 بكونوا طلاب الثانويي عبقدمو امتحانات البجروت و ايام مكثفي ما عدا ايام الجمعة والسبت هلي بتنحسب ايام مراجعة للطالب.
صرنا قدام احتمالين
مستقبل علمي
قطف الكرز
وألك الاختيار
الفكرة كثير حلوي لو كانو كل الطلاب جديين بالعمل بضن انو نص الطلاب بحبو يشتغلو والباقي بساعدوش اهلن حتى ليروحو بالاجار عالحواش….
ويا ريت نتعاون لنغير سعر بيع الكرز الي كل يوم بنزلو شيكل التجار وهن مرتاحين والمزارع عبينشوي تحت شمس ليحوش الموسم ومع هيك سعر من وين بدو يدفع للعمال …
ليكو تعو ما نكذب عبعض اكثريه المزارعين بتعطيش اسعار منيحا للعمال فا شي طبيعي يوقعو بهيك مشكلي ثانيا عنا الشعب طمييع خيي .. بيضربلك 10 دنم واكثر كرز وكلن بيستوو سوا وكيف ممكن ساعتها يلحق .. طمعهن قضى عليهن .. فكرتك واقتراحك كثير حلوو لا بل رائع بس مع الوضع الموجود ببلادنا صعب شوي انو يمشي .. بس يتوحد السعر للعمال بلقدر المقوول اني بأكدلك مش بس الطلاب راح تطلع علشغل الي عندو والي ماعندو كرز بيصير يطلع
العالم ما بدى تشتغل لا150 ولا 200 الحل جميل ولاكن فاشل في بلادنا
فقط للتنوية
موسم الكرز يتزامن مع موعد امتحانات البچروت
وبيني وبينك اذا كان ولا ما كان عندهن شي ولادنا مدلعين بيشتغلوش بهيك شغل
اقتراح عملي ومفيد للجميع
هيك بكون التفكير الصح
كفكره ممتازه بس الاهم من قطف الكرز هو قضية التلاعب بالاسعار من قبل المستلمين او التجار يعني المزارع الي عم يتعب ويشقى لحتى يجي الموسم ليصرف حالو او بيتو ويسد شوية ديون من الموسم بيجي التاجر او المستلم وبيقضي عليه وبياكل كل ال עוגה لازم نتحد بهاي القضيه لانو بتهم كل مزارع وبيت بالمنطقه وينعمل لجنة تسويق محترمه واهمها واصلي لنقدر نحافظ على سعر واحد وتسويق نظيف وسمعه طيبه للمنطقه واني شخصياً التقيت بمجموعه من الزائرين من جنوب البلاد اجو لعنا ليشترو كرز لانو عنا ارخص من جيرانا الي جنبنا مثل شاعل ومروم جولان الرجاء الاخذ بعين الاعتبار هذا الموضوع المهم
السوق الموجد في مقام اليعفوري عبخرب على السعر الكرز وعلى المزارع بيع كثير ومربح قليل بالاخر بيكلها المزارع (لازم ينحط حد ل هالوضع)
مش الحق عالتاجر بتنزيل سعر الكرز الحق علينا نحنا المزارعين لانو صرنا نضارب عبعضنا وكلنا صرنا تجار وكلنا صرنا نحط 10 مكشات بالسيارة ونبرم فيهن اسرائيل وبالاخير منبيعن ببلاش وبنرجع نقول التجار ونقطة ثانية انو صرنا نقلع التفاح ونزرع كرز وكل سنة بتزيد كمية الكرز بالسوق وكل سنةبيفوت عالهضبة الافات نصب الكرز الجديد وكيف بدوش يستوي وكيف بدوش يهبط السعر كثر خير الله هلي بعدو فوق ستي شيكل وكل سنه وانتو سالمين.
اقتراح كثير ملايم ولازم يتم لانو اغلب الاهالي بوقت قطف الكرز بيستحرموا يعطلوا ولادهون عن التعليم مع العلم انو بوفروا اجار العمال وهيك الجهتين بيستفيدوا. وكمان ملاحظه, عند اهلنا بفلسطين على موسم الزيتون في عطله رسميه من 7 ل 10 ايام, يعني نحنا بيحقلنا نطالب فيها.
كمين التاجر مش قاعد اجر عأجر وعبيتلاعب بلاسعار عبيتعب متلو متل المزارع وفيناش ننكر كمين قديش التاجر عبيتكلف ليسوقلنا مواسمنا…مع الاحترام للجميع المزارعين والتجار
صديقتي الجولانيه حلوه برائتك بس مش لا توصل لحد السذاجي، اذا هيك افكارك فالظاهر انك بنت تاجر مش مزارع بس بينكدش اذا فتحتي عيونك وشفتي الحقيقه انو التاجر هو انسان استغلالي وعبيستغل ابن بلدو، بيهموش غير انو يربح قدر المستطاع والمزارع يندعس.. في تعب وفي تعب. في تعب التاجر ليفكر كيف ممكن يستغل ويمص دم الناس للماكسيموم وفي تعب المزارع يلي عبيعطل شغلو ويبق الدم من ديه عشان يظب رزقو ويطلع بدون مربح اذا مش بخساره…
بس كل انسان بل اخير وكيف بيشوف العالم.. مش راح تلاقي غني افكارو شيوعيه ولا فقير رأسمالي
المزارع اذا باع تجار الهضبي ومعجبوش السعر بيقول عنهن حرميي ومجرمين واذا هو نفسو باع التجار الغربيي ومعطوهوش السعر هلي بدو ياه بيقول الكرزات كانو زغار
اول شغلي الاقتراح كثير حلو … وبنسبي لسعر يلي عبقول قليل ليش قديش بحوش الواحد ومع سعر شو بدو يضل للمزارع وبنسبة لتجار ما دخلو ها سوق هيك بس يكون في كثير من الشي بيرخص وثاني شي متلن متل تنوفا ليش لتشتري منها شتري من الريفت …ويلي خرب الكرز هني راس مالية يلي راحو زرعو الف دونميت الكرز وخربو عالمزارع الفقير
وماذا عن التسويق والاسعار المتدنيه التي برأيي هو السبب الرئيسي بترك الناس قسم من المحصول على الشجر. قبل الايدي العامله.
بعد التحية .. الفكرة اذا كانت صحيحه او لا تضر بمشتقبل الطالب او لا ..تحل المشكلة او لا ..مش هذا هدف المداخلة ..اللي بدي قولو انو من الاضراب ولليوم ما كا في مشروع عام تنفذ وكل فكرة بتنطرح دائما في من يضع العصي بعجل العربة .
دمتم
شكرا على الفكره
بس الحل هو قلع اشجار الكرز والتفاح
وزرع بطاطا محلو
ومنجيب الطلاب الروس لانو ارخص ويا عمي بيشتغلو
مش متل شعبنا وشبابنا كل همن يدخنوا ويشربوا ويشفطوا بالسيارات ويعملو ازمه سير
والصبايا حدث ولا حرج وكانو العالم بيشتغل عندهن
بتلاقي الصبيه معهاش تاكل وبتقلك بدي شغل مريح
سكرتيره او موظفه او اظافر وقص شعر وحواجب
كل هاذ وبتلاقيها راكبه. سياره اخر موديل طبعا قرض من حساب جوزها المعثر المسكين
قلتلي زراعه كرز وتفاح وغيرو روح يا عمي مش جايبه همها بس حق مي ورشوش بيكسروا اكبر مزارع
وبيزيد الطين بله اصحابنا التجار يلي بياكلو متل المنشار
وغير وغيرو وكل يومً بيطلعلك مدير براد او لجنه غير شكل
******** وكانو البراد لمستثمر سعودي
فاحسن شي حل جذري للموضوع
ومتل ما بقول المتل قلع الضرس ولا وجعوا
وهيك بتحل الزمه
شكرا للقراءه والتشر
ويلي الحكي مش عاجبوا او ذايقوا يحس عحالوا ويشتغل ليصلح الوضع
اثني على اقتراح الاخ منذر ابراهيم لانو ليس هناك اي حل لهذه المشكله الا باقامة غرفة تجارية حيث يكون تسويق منتجاتنا من التفاح والكرز عن طريقتها فقط والاهم من ذلك هو التزام مزارعينا اولا بقطف المحصول بشكل جيد ونظيف ثانيا تسويق المنتج فقط عن طريق الغرفة التجارية المذكورة مع تمنياتي للجميع بموسم وفير وهداة البال
لا تاجر ولا مزارع ليش المزارعين الي ببيعو بجانب
ارظهن بستغلو الناس الي جاي من الجليل او الكرمل او المثلث مزارع بعثنا لعند ابنو قال الكيلو بعشرين شيكل رحنا لعند ابنو قال الكيلو ب 25 شيكل ارجعنا لمقام اليعفوري اشتريتا باقل بكثير مع انو صاحب الدان مشتري من المزارع كلمه حق الي بسوق كميه كبيره من الكرز اصحاب الدكاكين في اليعفوري
ما يسمى التفكير خارج الصندوق ضروري وحيوي. الموضوع حيوي وضروري وبستحق الفحص والمجازفة بدل الدفن قبل الولادة
مطالبة بعطله الطلاب وقت الكرز جيده نسوق الكرز بانفسنا سعر كيلو الكرز منزلش عن 20 شيكل عندي بسطه وكنيسه 20 شيكل يا ريت كل البسطاط كلها تتحد وتبيع بنفس السعر وخاصه للمحلات بسيدي اليعفوري الكل بيربح وما حدا بيطمع فينا كلو شهر زمان الكرز مش عارفين نتدبر
المشكلة مش بقطف الكرز فقط بل بقراصنة الكرز أعني تجار الكرز اللي عنا في هضبة الجولان الذين يأخذون تعب وعرق جبين المزارع بالنصب والاحتيال ووضع اسعار زهيدة للكرز ويربحوا أضعاف أضعاف على حساب المزارع ويا ريت وألف ياريت يصير حل للمشكلة ويصير تنسيق مع جهة اخرى او شركة تستلم الكرز من اامنزارع بدون واسطة التاجر المحتال
الكثير منا يعاني من تسويق الكرز والكثير يتهرب من المسؤلية
نحن نعمل طول السنة كي ننتج منتوج جيد يضاهي الأسواق وفي القطاف ننسى التعب والتكلفة ونضع منتوجنا بين أيادي لا ترحم المزارع ونهرب من المسؤلية التي تقع على المنتج فقط التجار يردون ربحهم ولا يهمهم من يتعب
نحن عندما نقطف لا نعمل حساب طلب السوق وكم يستهلك السوق يستهلك طون نحن نغرق السوق ب عشرة طون
نحن نتهاتف على التاجر خوف ان يرحل ولا يشتري كرزنا المشاكل كثيرة ومن الصعب سردها يجب البحث في الحل وبسرعة أتنى من الجميع مراقبة التجار من خارج المنطقه والمزارعين كيف التهافت عليهم وكيف سوق المزار التكالب على المشتري والصراع بينهم وقد أصبح المقام للقتال والشتائم ووووووووو
فكره ممتازة بتستحق المتابعة
براي تاخير العطله الصيفيه بعشر ايام ممكن يساعد لحتى ياخذوا الطلاب عطله باخر شهر 5 لقطف الكرز
او ممكن تقصير عطله الربيع او الشتاء بعده ايام لحتى يعطلوهن الطلاب بشهر 5 او اول 6
ما بنا ننسى الضاهره المقلقه انو الطلاب ما عاد بدا تشتغل بالقطاف لانو عمل بيعتبروا متعب وهني بيتجاهلوا انو العمل بالارض بعلم الصبر ومحبه الارض وهو الاساس لبقاء اهلني بالمنطقة