اعتقلت الشرطة يوم أمس، في مجدل شمس، شاباً من بقعاثا، عندما كان يقود “تراكتورون”، بادعاء أنه حاول دهس شرطي أثناء محاولته الفرار، وقد أثار ذلك استياء عدد من المارة في المكان، الذين اتهموا الشرطة بتلفيق القصة، واعتبروا أن طريقة الاعتقال كانت استفزازية.
وبحسب شهود عيان، فإن قرابة عشرة أفراد من شرطة الدراجات النارية، أمروا شاباً يقود “تراكتورون” قبالة محطة الوقود “تراك” بالتوقف، وبعد أن توقف حاول أحد هؤلاء إغلاق الطريق أمامه لاحتجازه، لكنه وقع عن دراجته لسبب ما، عندها قام زملاؤه من الشرطة بتقييد الشاب واعتقاله ومصادرة تراكتورونه، وذلك بطريقة استعراضية مستفزة.
من جانبهم قال أفراد الشرطة أن الشاب حاول الفرار فأصطدم بالشرطي الذي اعترض طريقه وأسقطه عن دراجته.
شهود العيان من أهالي البلدة، الذين تواجدوا في المكان، قالوا أنهم مستعدون للادلاء بشهادتهم أمام المحكمة إذا ما طلب منهم ذلك.
أصحاب المحال التجارية في المكان، وسائقوا السيارات، اعربوا عن استيائهم من قيام الشرطة بإغلاق الشارع لأكثر من ساعة، الأمر الذي تسبب بأزمة سير خانقة وتعطيل أعمالهم.
كل شخص حابب يساعد الشب لعتقلتو الشرطه مبارح بلشهاده تبعو ضد الشرطه يحكي علا هالرقم 0526967702
بلنسبي للي عبعلق ضدو لا الشب بحب قلكون مش بلضروره نسمع رأيك ولكن كيف لو مش ابن بلدكون كنتو رحتو شهدتو ضدووو اما منتمناا الدعم منكن منشان نوقف مع خينااا وها الحكيي للي عندو مشاعر يلي فش عندو ما يدخلش احلااا
جمعينا مستاؤون من فوضى وازعاج التراكتورونات في البلد . وكنا دائما نطالب بتدخل الشرطه للحد من هذه الظاهره .وعندما تتدخل الشرطه نقوم بمنعها ونحول مايحدث لامر سياسي ووطني والاحتلال هو المسؤؤل عما يحدث .
مش ضد انو يتعاقب اذا غلطان بس انن يلفقولو تهمة محاولة قتل منقبلاش وحتى انسانيتنا بتقبلاش لانو مش مذنب وفش شي منو ف حرام الشباب وبلا منكون قاسيين عبعض اخ رائد .
وبالنسبي للفوضى والازعاج معك حق بس مش هيك بيحلو الامور بأسوء منها …
والله معك حق radar بتزينلي اني وقفوني بنفس ليوم وفحصو وقلولي كلو منيح الله معك يعني مش جيين ليتسلبطو عالناس وبطلو تدخلو لوطنيه بكل موضوع
كل لاحترام للشرطه .
كل الاحترام اذا الشرطه بتمنع الفوضى يلي عبتحدث بسبب التراكترونات . الوضع صار سئ جدا. الانسان يلي بيعمل فوضى هو يلي مش وطني وبيساهم بتدمير بلدو . الله لا يضر حدا
عنجد قصة التراكترونات زادت عن حدها وصارت موديل كل واحد يشتري لابنو تراكتورون حتى لو فش رخصه واغلبهون بيمشوش عالقوانين كل الوقت سرعه وجحشني عفوا عالكلمي.
اما بالنسبي للشب مش لازم ينظلم اذا فش عليه حق لازم الموجودين يشهدوا معو ويحكوا شو شافوا.
لمعرفة الحقيقه في كمرات بلكزيه بكل الاتجاهات بتعرفو اذا التهمه تلفيق
يعني بلى مؤاخذه عجقه السير الخانقه يلي بتصير كل يوم خميس وجمعه وسبت بسبب الشباب يلي حابه تتمشى على الشارع مش عم تزعج حدا ؟ والشرطه يلي عم تأدي واجبها زعجتنا ؟ ويعني الشرطه تعدت على الشب تعدي ولا عم تأدي واجبها ؟ يكثر خيرهن يلي عميحاولو يعملو نظام شوي ، تعالو بلا ما نعملها قصص وطنيه وقصص ما الها علاقه لما بدنا نشتكي على حدا منركض على البوليس وعلى السلطات ولما يعملو واجبهن منعملهن مش مناح وصهاينه و و و ، لو كان في ********، يعني بس لازم ننتقد بدون ما نفكر بالحق؟
اني من رأيي وانسانيتي. يلي بتقول انو لازم نوقف مع الشب مش ضدو ويلي قادر يساعدو يتفضل يساعد ويلي مش قادر كثر خيرو …..فش داعي يكتب تعقيبات وتشجيع للشرطه قد ميكون بيضل ها الشب ابنا ولازم نوقف حدو ونوعيي حتى لو كان غلطان مش نتركو يضيع. وعفكرا الشب لا بعرفو ولا بعرف القصه كيف صارت بس انتمائي لبلدي واهلا حرك دمي ومشاعري
عنجد هيك لو داعس شي ولد بطريق كمان بتكونو مبصوطين
اني حسب رايي الي بيقدر يساعد ابن بلدو يتفضل يحكي … اما الحلو دلوع اهلو … وغنوج مرتو الي بس بيحب ضربت الوجع يعيرنا نصوتو … اذا ممكن الشغلي مش لعبي لبعض البشر … وشكرا للجميع
ليش منحاولش نفكر بشي منطقي بلي صار ؟!
بتوقعش الشرطه مجهزي كل هالعناصر منشان تلحق شب عتركترون،
بعتقد الموضوع اكبر من هيك بكثير .
وبدل منسب ونحكم شو رايكن نحقق بالموضوع بالاول
يا جماعه شغلة التركتورونات صارت كثير مزعجه صرنا نخاف عولادنا يمشو عالطريق ، عشان هيك خلو الشرطه تشوف شغلها وبلا متدخلو السياسه والوطنيه بالموضوع ،ومثل مقال الاخ مجهول انو عبوقفونا وبس نطلع قانونيين ومش مخالفين بشي عمنمشي ومش عبصير شي.
فحصو الكمرات في الكازية بتعرفو الحقيقة
عفكرا في ناس بتكتب شغل استفزاز وعاملين مثاليات مين لشباب هلي بدكن لشرطه تعتقلهن مهن ولادنا وهاذ لشاب هلي عتقلو من ارقا واطيب لشباب مش من لفوضويي ولشهود هلي كانو بيعرفو انو لا كان عبسود بسرعه مش قانونني ولاشي بس قلولو يوقف وقف يعني بشرفكن هلي عنو مشكلي مع لعجقه ولفوضه هاذ موضوع ثاني فيكن تعملو اجتماح وتناقشو لانو عيب نقول كل لاحترام للشرطه انو عتقلت شاب من شبابنو يكون في شويت دم بس
حسب اعتقادي الشرطه عنده مصدقي اكثر من يلي عبيزاودو…. لو نقول الشغلي انو ندعس ولد شو ردت فعلكون بتكون وين الشرطه مسيبي البلد انتو ناس مضيعين ومش عارفين شو بدكن ؟؟؟؟ اني مع الشرطه 24 ساعه تكون متواجدي
لا اريد التعميم لكن من بعض التعليقات بستنتج قديش نحنا شعب منافق ومزاود بدمو الكذب والتزوير وشماعة الوطنية يلي منعلق عليها فشلنا بتربية اولادنا وتوجيههم نفضح امرها وصار كل انسان بالعالم وبسوريا بالذات بيعرف البروزة والنفاق الاجتماعي وتشويه الحقائق وقديش نحنا مزاودين وقسم منا عامل الوطنية شغلة بيشتغل فيها.شي مقزز ومقرف …
على فكره التعاليق حلوه في حق مع البعض بالموضوع
1 التركترون كلنا منعرف الازعاج تبعو لازم على الاهل توعية ولادها يلي بدو يلعب عليه يطلع على الوعر او برات البلد
2 الشرطه عبتشتغل شغلها ومش شغلها كيف يعني
عبتحافظ على النظام وعلى حركة السير قلولي وين عنا بالبلد او بالاحره بالجولان طيب تاع لنقول ببقعاثا فيها تزيح السيارات يلي صافي على الشارع وعلى الرصيف مسكري الطرقان بقلكون لا
مش شغلها تجي وتوقف اي واحد عبيشرب او عبيحشش ليش لانهون مش داقين بجلدهون وكلنا فهمانين الموضوع وكلنا فهمانين علاقات عدد منيح من الشرطه على علاقات غراميه وسكر بالحرش بس ساكتين
3 هذا الشب كل هل قوات عليه والله لونو قاتل قتيل مكنش هيك وكل الناس لازم تشهد معو اذا كان على حق اما اذا كان على باطل لا حبيباتي خليه يتعلم بنفس اليوم كان عنا ببقعاثا سباق سيارات على الطريق كنت متمني انهون يكمشوهن لانو يلي مستغني عن حياتو يروح يلاقي محل للسرعه غير البلد لانو حيات الناس مش لعبه
يا جماعة الكل معو حق بس لازم ناخذ وجهات النظر كلها ونلاقي حل سوا..من ناحية اولى, الشرطة عبتنظم السير وخصوصي بهيك فترة سياحة ومنيحه للناس يلي مش ماشية عالقانون وممكن تأذي غيرها بالطريق بلا متفكر بغيرها.. ومن ناحية ثانية, مش معقول الشهود يلي كانو عالطريق عبيكذبوا وهن عبيحكوا الحقيقة يعني لو عنجد هالشي صار متل معبيقولوا الشرطة, مكنوش اهل البلد الشهود حطوا نفسهن بهيك موقف منشان يحكوا الحقيقة.. بتمنى يكون درس للجميع ونكون كلنا ايد وحدة بالرغم من اختلاف وجهات النظر وهيك منكون صورة كاملة واضحة وصحيحة.
اذا الولد غلطان لازم يتعاقب اذا الشرطه غلطانة كمين لازم يتعاقب المسؤول. الشرطة باسرائيل معروفة بفسادها لهيك في شي اسمو محكمة الي رئيس الدولة نفسو بيقدرش يتهرب منها .
الكميرات موجودة بكل محل بالبلد
وبتمنا من كل اب قبل ميطلع ابنو عالتركترون او كتنوع يكون متاكد انو ابنو مش عبياذي حدا لان حسب راينا التركترون כלי שטח والبلد هي منطقة سكنية
لكل واحد عبيتفلسف ….فهام لقصا ورجاع حكيي
ولدنيا دواره (لدور جاي عولادكن )
ومنتمنى لشب يطلع ويسكت لكلل.
نحن نعرف جيدا أولادنا الفوضى بلدم عندهم وأيضا نحن مستأون من الأزعاج وياما طلبت الناس من الشرطه أن تأتي للمنطقه من شأن النظام وعندما يأتون نقوم بلمهاجمه كفانا **** التراكتورون فقط للحقل نحن مع الشرطه
حسب معلوماتي وتجربتي بهالبلد كل الزعران هلي بيسببو فوضه وبيعملو ازعاج بالبلد هن صحاب مع الشرطه للعضم ومش من عوايد الشرطه تعاقبون الشرطه كل عمرها تربط للمزارعين على الطرقات الزراعيه وللناس هلي رايحه على شغلها ومسيبي الزعران اما هالمره تصرف الشرطه فاجئني بتمنا انو تكون نوايا الشرطه سليمه ما حدا ضد القانون لما بيتبق على الزعران هلي ما بيهمون امان البلد
والله الولاد هلي بتقعد بحضن امها وبيها وهن عبيسوقوا والبلفون هلي عطول عالذنيين والصفه على ممر المشاة وكل هالاشياء مزعجه مشفوش منها شي هالشرطه كمان فيهن يشوفوهن
كل الاحترام للشرطه البلد والفوضى هلي فيها لم تعد تطاق من القرف الي صاير فيها يجب يوميا ان يكونو في البلد
مش بالضرورة اذا شب معو تركتورون معناتو سبب ازعاج .. في شباب بتمشي مشي عالطرقان وسبب المصايب مش بس ازعاج وبدهن قش
نحن أكثر شعوب لأرض نفاق مهن الحششين والمخدرات معبيه البلد وين الشرطه وينهم من الزعران هلي كل يوم بيتعدو على الناس وثاني يوم يطلعوا من الحبس ولا مفكرين بهيك بتصيروا راقين واسراىيل. بتصير تحبكن راح تضلو عرفيم. م……. بالنسبه الهم .حسبي الله ونعم الوكيل……..
يا جماعه كل ما في الامر انو هالشب رايح يعمل تبول للتركترون ومعو رخصه ومش عبيزعج حدا ما حس هلشرطه حاوطتو من كل اتجاه منضر ما بينشاف غير بالافلام وكانو مرتكب جريمي اما منشكر الشباب وقفوا معو ورفعو معنوياتو وقلولو نحنا كلنا معك الموقف الي. متعودين علي من شبابنا والحمدلله طلع الشب بخير وسلامي وما ثبت عليه اي اتهام وشكرا لكل شخص قدم اهتمام