يتم خلال اليومين الأخيرين تداول قائمة على وسائل التواصل الاجتماعي، على اعتبار أن الأسماء الواردة في هذه القائمة يحمل أصحابها الجنسية الإسرائيلية. وقد أثارت هذه القائمة الكثير من الضجيج لما تحمله من أسماء جديدة لم ترد في القوائم السابقة، وكذلك أثارت الكثير من البلبلة بسب تشابه الاسماء واختلاطها، ما دعا البعض إلى توضيح الأمر.
وفي هذا السياق توجهت السيدة آمال نجيب أبو صالح، زوجة السيد أبو ربيع نزيه أبو صالح، لموقع “جولاني” بهدف توضيح أن الاسم “آمال نجيب أبو صالح” الوارد في هذه القائمة ليس اسمها، وإنما هو اسم سيدة من الجليل اسمها آمال واسم أبيها نجيب، وهي متزوجة لرجل من مجدل شمس، من آل أبو صالح، فأصبح اسمها بعد الزواج آمال نجيب أبو صالح. وهذه السيدة من الجليل تحمل الجنسية الاسرائيلية كونها مولودة في بيت جن.
تقول السيدة آمال انها لم تتقدم يوماً بطلب للحصول على الجنسية الإسرائيلية ولم تحمل يوماً الجنسية الإسرائيلية لا هي ولا زوجها، لذا وجب التنويه.
وتشير الأرقام الواردة من وزارة الداخلية الإسرائيلية، التي تبين أصحاب حق الاقتراع في الانتخابات للكنيست، التي ستجري في التاسع من الشهر القادم، أن عدد اصحاب حق الاقتراع في قرى مجدل شمس، بقعاثا، مسعدة وعين قنية يبلغ 1780 شخصاً، يضاف لها 1666 شخصاً من قرية الغجر التي يحمل جميع أبنائها الجنسية الإسرائيلية منذ العام 1982. هذه الأعداد موزعة بين القرى على النحو التالي:
| القرية | عدد أصحاب حق الاقتراع | عدد السكان |
| مجدل شمس | 800 | 11,200 |
| بقعاثا | 500 | 6550 |
| مسعدة | 320 | 4000 |
| عين قنية | 134 | 2311 |
| الغجر | 1660 | 2590 |
انا شخصيا بحب قول من لما عرفت وتأكدت انو الهضبة ومجدل شمس تحديدا هي مش مركز الكرة الارضية (هههه)ارتحت كثير . يا جماعه اني مش عارف ليش انتو كثير محملين الموضوع اهمية كبيرة .طبعا ما بقصد السيدة الي نزلت التنوية.انما اقصد كلنا مجدل شمس ومن يلف لفيفهم الي نزلو الاسماء .يا اخي خلص عاد قرفنا وملينا منكن روحو تقدمو روحو تثقفو تعلمو وعلمو ابنائكم عشان يقدرو يواجهو الحياة .كانت طريق جامعة دمشق سهلة اليوم صعبة يعني بلشو فكرو بتقديم الافضل لاطفالكم واولادكم .نشاللة مفكرين اللعبة الي لعبوها المشايخ مع كوم واحد قدام طريق الجبل يوم الانتخابات راح تمرق مرة 2 .اني ما نزلت انتخبت لانو قلت بدي صف مع مجتمعي بس طلع مجتمعي قسم منو زعران وعارفين شو بدهن .بحب بشركن انو الي قاعدين بالساحة ناس مش متعلمة ومش شايفة ابعد من كريات شمونة واصلا مش رايحة عسوريا .هوذي الي بدكن ياهن يقودونا للمستقبل ؟ونتحدى نحنا وولادنا المستقبل ؟؟؟. اني مش عميل للاحتلال ولا شايف اسرائيل افضل دولة بالعالم لانو اذا مش رايح -رايح على شي 10 دول باوروبا يعني تقريبا بعرف شوي مييز بس عالقليلة تركو كل واحد يختار وبلا هالسياسات الترهيبية.بعدين يا اخي متل ما اني عطيت للنظام السوري الشرعية على مدى اكثر من 50 سنة انو ما قدر يحرر هيذي المنطقة فهو لازم ومجبور يعطيني الشرعية اني اختار بملئ ارادتي اذا بحب اخذ جنسية اسرائيل او لا . لا بدي فوت بالنظام وال(وطن) ولا انتصاراتو على العدو وفشلو بيهمنيش لانو مش عيش فية وبتمنالو الشفاء العاجل من محنتو. مع انو بتوقع مش بهالقرب راح ينتهي الصراع بعد في روسيا بدها تصفي حسابات وفواتير ايران وحزب اللة . اني شو بدي بوجعة هالراس . خلص كونو مرتاحين وريحونا . بعدين حبيبي اخوتنا بالغجر هن سوريين وكلهن مجنسين بتزينلي ما حدا من الوطن لامهن ليش تجنسو ؟ مش قلة قيمة الهن بس هن اخوتنا عملو الي بيناسبهن والي بيشوفو منيح الهن .بس الفرق بيناتنا وبيناتن انو عندهن ما في ساحة سلطان ويدور حواليها الاقرع والمسولح ويبيعنا وطنيات واللة اعلم هو عبياكل من وين . بلا ما نفوت بقصص غيرنا خلونا بحالنا بس بحب اذكر قصة قصيرة لواحد صاحبي بيو اخذ جنسية قبل زمان كبير بيقلي فيها انو بقا وهو زغير يجو العزامة يبرمو عبيوت الحارة كلها يعزمو البيوت عالعرس الا بيتهن وبقى يكون في اجتماع بالعيلة الا بيتهن ما يندعى وقيس عهالتفرقة العنصرية الي ما شهدتها اميركل ايام السود والبيض .هاذا الولد ربي مع محبة لاهل بلدو بعكس الكرة الي الحثالات مارستو علية على الرغم انو بيو ما حارب الناس بجنسيتو ولا فسد عحدا ولا عمل شي يضر بأهل البلد.بتعرفو العقد النفسية الي ممكن يحملها ولد بجيل اليوم نتيجة التمييز العنصري الي بيعملو ثلة من الجهلة؟ يا اخي بدك سوريا نحنا كمان بدنا سوريا بس مؤقتا تروك كل واحد يعمل شو بدو لانها حرية شخصية الي ما انتهكت حريتك بشي .عفكرة الجيل الجديد الي اعمارهن اقل من 40 سنة تقريبا كلهن راقيين العقول وبيحبو بعضهن وبس نلتقي عنحد ما منحقد ولا النا غايات عبعضنا ومنقدم المساعدة للاخر اذا قدرنا وببلاد الغربة نحنا لبعضنا وبالبلد كمان قلبنا عبعضنا بغض النظر عن اذا معو جنسية او لا .الكبار بالعمر بتوقع انهن جبناء ومن كثر الخوف الي عندهن من بعضهن ومن الانظمة العربية الي جربوها فهاذا الشي بيعطيهن منطقية لتصرفاتهن وهوذي متل ما اجو عالدنيا راح يروحو ما حدا باقي للابد غير حافظ الاسد(هههه) .يعني شربانين الذل . بحب قلكن انو صرمايت ابن بلدي الي مجنس اسرائيلي او امريكي او اي جنسية اختارها بتسوى كل سوريا بالي فيها .بحب قول بالاخر اني مش مع التصهين ولا مع العمالة لدولة الاحتلال بس المفاهيم تغيرت والعالم تغير وكونو على ثقة انو معركتكن الجاي اذا ما تطورتو وارتقيتو بفكركن وعطتو تغطية لبعضكن هي مع رغيف خبزكن الي عبيصير يوم بعد يوم صعب المنال بوجود العولمة الي هي تصغير الشئ من حجمة الطبيعي الى اصغر واصغر .وحياة الغالي عندي وعندكن ما حدا شايفنا لا سوريا ولا اسرائيل ولا كوالالمبور حتى . لكوها وبلا مزاودات وفتحو عقولكن.وشكرا يقبل التعليق المؤدب فقط .
كلام رائع وغاية في العقلانية. كل كلمة بتسوى ذهب.
صديقي بحب بلدي . حكيك جواهر وعلواه هالناس عاد بتستوعب انو القال والقيل هو مصدرو شخص عندو خوف وقلة ثقافه . منشان هيك تركو هالعالم بحالها وحاجي لعي بقضية الجنسيات لان يلي اخذ جنسيي أخذها بناء على قرار طالع من جوات عقلو يعني مش واحد عبالو راسو تاخذ جنسيي او لا . الهيئه واحد طرح موضوع مقاطعة الجنسيات وطرح سلبياتها والاغلب يلي غير مثقفين حفضو نفس الحكيات ونشروهون . انو راح ياخذونا عالجيش ونقاتل اهلنا بسوريا .يا عالم معش في حرووووب فيقو عاد . ويلي اخذ الجنسيي ما تخلاش عن ارضو لانو الحمدالله معمر بيتو بالهضبه وبعدو ما نزاح من محلو . يا جماعه فكرو بشغلة الحرم الديني والمقاطعه بتلاقو انو انتو فرقتو الناس عن بعضها وبطلنا متكاتفين مع بعض . يمكن بكرا موت واخلق عند واحد معو جنسيي . يلي بالاخير بدي قولو كل واحد بيعمل يلي بيخلصو وتعو ما نزرع التفرقه بيناتنا لنظل ايد بأيد .
فلتصمت كل المناشير الفيسبوكية ولتحذف كل الرسائل النصية وتحذف كل الاشعارات والواتسابية ولتخرس الجروبات الفايبرية ولتتفرق وتتمزق التجمعات الساحية السرية والعلنية ولتستتمع وتعمل بكلماتك الذهبية
لا من يريد ولا من يزيد على هذا الكلام الفريد
كلام جوهري وما في نقاش بلا مكل واحد يوقف اسد للثاني نحنا بجيل وبوقت كل مين الو حقو ورايو وذنبو عجنبو خلينا نعيش وحاجي تفرقه وانحيازيات وأحزاب بالاخر نحنا بلد وطائفه وحدي
مع احترامي الك….اني ما بدي كفّر او خوّن حدا،بس بحب قلك انه اللي ما بيحترم ماضيه فلا حاضره ولا مستقبله بيحترمه وانت عبتهاجم السلف الصالح منا…يا اخي اذا انت مش مقتنع بموقف ربعك واهل بلدك تصطفل اما اذا بدك تطعن على مواقف اهلنا اللي ضحوا وبذلوا كثير كله بس للحفاظ على هويتنا وانتمائنا فروح اسكن بغير هلبلاد
كلام في الصميم عبرت عن راي ورأيت كثير ناس .كل الاحترام
انا ما بدي وزع وطنيه على حدى وما بدي احكي شعارات ملينا منها
بس بدي قول لكل واحد اخذ الجنسيه انو اذا اخذ الجنسيه وصار…. يلوق السان ويقرط بلاغ… بفكر انو صار سرائيلي يا عمي شو ما عملتوا راح تضلوا عرب مواطنين درجه ثانيه وحتى لواحد اخذ جنسيه وغير اسمو الى شلومو راح يضل اسموا شلومو محمد….او افرات سليمان …..يعني راح يضل اسم بيك عربي وراح تضل( عرفي ملخولاخ )ومواطن درجه ثانيه ومحتقىر بهيك دوله عنصريه محتله
بس راح تربح( الدكاه تشعين) وتوفر 200 دولار بس تسافر يا حسافي على هيك انسان
هذا الكلام الصحيح لإنو ما في للجنسية ولا ميزة (יתרון) إلا بالمطار.
انا معك بكل كلمه ناس تمطي على اﻻمواج على حساب الاخرين شبعنا كذب ومنافقه كل واحد ينتبه لعائلته وحبو بعض بدل ما نسرق بعض وعملو شي للاجيال القادمه عشان يذكركون بل منيح حتى يومنا هاذا ما شفنا اي عمل لا من لجنة وقف وﻻ من تفنيص المكبرات وكل واحد حر بحالو وكل انسان بيحكي فقط عن حالو
كل الاحترام والتقدير الك اختنا ام ربيع واخ ابو ربيع وكل الكلام الغير مسؤول واللي بيخدم الاحتلال مرفوض ولا تعطوه قيمه….اللي ما بيعمل حساب لمجتمعه وما بيحترمه هلشي بدو ينعكس عليه
بشووو بدو ينعكس علي يا اخي شرحلنااااا?
هوذ اخوتنا واهلنا بالغجر عيشين بالف خير ونعمي ماحدا قدم صوبهووون وعسى يضلوا بخير.
عمنمحن ببعضنا ليييييش؟
ما مليتوا؟
كلنا سوريييييين يا اخي بس لترجع سوريا (حسبي الله)
كلام فارغ، جنسيتنا معروفه ، يلي عندو شك أو التباس يراجع نفسو ويفحص حالو ، الإنسان الشريف بيقدر يحافظ على عيلتو ويربي اولادو ويحافظ بنفس الوقت على انتمائو ومبادئو ، والجنسيه الصهيونيه ما بتزيدو شرف ومكانه ، بيبقى نصبر على المندسين واعوان الشياطين لحتى يرجع الحق لأصحابه عاجلا ام اجلا