عادت لجنة التنظيم لتضرب من جديد، فقد أصدرت محكمة الصلح في “كريات شمونة” يوم الخميس الماضي أحكاماً بعشرات آلاف الشواقل ضد العشرات من أبناء الجولان من مختلف القرى، في دعاوى رفعتها ضدهم لجنة التخطيط والبناء.
ويقول الأهالي أنه من الواضح أن هناك سياسة عليا موجهة في هذا الخصوص ضد أهالي الجولان، حيث ارتفعت قيمة الغرامات المالية والأحكام البديلة بالسجن ضد من يتهمون بمخالفات البناء بأضعاف مضاعفة بصورة مفاجئة قبل عدة أشهر، بصورة لا يمكن فهمها ولا يمكن للأشخاص المحكوم عليهم الوفاء بها، خاصة وأن المحكوم عليهم هم على الأغلب شباب في مقتبل العمر وأوضاعهم المالية ليست جيدة.
أحكام يوم الخميس الماضي، كما الأحكام التي سبقتها في جلسات المحكمة خلال الأشهر الأخيرة، طالت العشرات من الشبان من مختلف قرى الجولان، وتراوحت بين 40 ألف شيكل حتى 200 ألف شيكل للشخص الواحد، أو السجن الفعلي حتى ثمانية أشهر للشخص في حال عدم دفعه لهذه الغرامات الخيالية.
ويقول السيد إيهاب، الذي أصدرت المحكمة حكماً مماثلاً بحق والده، أنه من الواضح وجود سياسة موجهة ضد أهالي الجولان بخصوص قضايا البناء، فقساوة الأحكام التي لا تتناسب بأي شكل من الأشكال مع التهمة الموجهة ضد الأشخاص، والطريقة الفضة التي يتعامل بها القاضي مع الناس خلال المحكمة تشير إلى مخطط موضوع سلفاً ضد الأهالي. فالقاضي رفض الاستماع إلى الناس، حتى أنه أصدر أحكاماً بحق أشخاص سووا أوضاع رخصة البناء، وذلك بطريقة غريبة ولم نسمع عنها من قبل.
ويضيف إيهاب: القاضي لم يأخذ بالاعتبار الحجج التي أتى بها المتهمون ولم يراعي ظروفهم المعيشية والمالية. فبين الذين أصدرت بحقهم أحكاماً عالية كان أشخاص من ذوي الاحتياجات الخاصة، وأرباب أسر فقيرة لا تملك مأوى وتعيش في بيوت بالإيجار.. وكل ذلك لم يشفع لهم أمام القاضي الذي بدا كجزار وليس كقاض.
وأوضح أن القضية باتت تتطلب مواجهة جماعية، لأن هذه الأحكام طالت أعداداً كبيرة من الناس، ومن المتوقع أن تطال المزيد منهم خلال الفترة القادمة، لذا يجب إيجاد طريقة للتصدي لها بصورة جماعية، ويجري حالياً الاتصال بالمتضررين من هذه الأحكام لتنظيم طريقة جماعية للتعامل مع القضية، وهناك تجاوب من قبل العديد من الأشخاص.
هناك عدة أفكار طرحت للتعامل مع القضية، منهامقاطعة هذه المحاكم وعدم المثول أمامها، وعدم دفع الغرامات الباهضة واستبدالها بالسجن، لنرى كيف ستتعامل السلطات عندما يذهب 100 شاب إلى السجن دفعة واحدة، عندها ستصبح هذه مشكلتهم وليس مشكلتنا، وبدل أن تربح الدولة المال سيكلفها ذلك مئات آلاف الشواقل لتغطية تكاليف السجن والدفع لعائلات الآباء المسجونين، ربما سيدفع هذا السلطات لإعادة حساباتها من جديد في التعامل مع هذه القضية.
وأوضح إيهاب أن الغرامات عالية لدرجة أنه لا يمكن لأي شخص توفير هذا المبلغ من خلال العمل في هذه المدة. فعلى سبيل المثال هناك أحكام على عدد من الأشخاص بدفع 200 ألف شيكل أو السجن 8 أشهر، أي 25 ألف شيكل مقابل كل شهر، ومن الواضح أنه لا يوجد شخص يجني هذا المبلغ في الشهر، لذا من الأفضل أن يقضي هذه المدة في السجن ولا يدفع هذا المبلغ.
اعتقد بان ما يدور حاليا هو عملية تأديب للأهالي بعد فشل مشروع توزيع أراضي الوقف والاقتصاص منهم بصورة غير اخلاقية تعودنا عليها من قبل هذه السلطة المستعمرة والعنصرية .
الموضوع يتطلب وقفة من قبل المجتمع ككل والتفكير بطرق لحل مشكلة الناس مثلي ومثل غيري الذين حكم عليهم بغرامات تفوق طاقتهم على التعامل معها .
مع احترامي للقرار يلي بقول خلينا نفوت 100 شخص عالسجن.
اول نقطه في كثير محلات بالسجن بتكفي مش بس ل 100 واكثر كمان.
وثاني نقطه يلي بفكر انو الدولي بتحط من جيبتها شي عالسجناء بتكونو غلطانين.تكاليف السجون بتجي من برا وفهمكون كفاي.
بلاخر بتمنى الفرج القريب لكل المتضررين …
احسن فكرا يا اخ هيي السجن وهيك بلكي بنقلو هالقاضي من عنا وبحطو قاضي ارحم او افش حاجي نروح عمحاكم كلنا بنا نعمر شو منروح منعمر بالمركز قولك
لا والله ما فهمنا. من وين باجي التكاليف يا مواطن?
تأكد انو الشئ كثير بأثر بالدوله
منيح انهون غلوا لمخالفات لحتى بنا نتوحد على الضلم مش لازم نتوحد يعني غير لننقرص بالماديات لازم الي عاملين حالهون مسؤولين يحركوا حالهون وهن الي يوقفوا ويطالبوا بحقنا لانوا ما حدا عبيرتكب جناي اغلبهون عاملين مخططات ودافعين كل لرسوم اما شو فش امضاء لمنهال يعني كلو ضحك علدقون
هذا جانب من الديمقراطية والتساهلات من قبل هذة الحكومة … ونحن مثل النعامة
شايف انو زودوها معنا شوي من ناحية كل شي يمكن عطاناهن وجه من ناحيتة انو البوليص عبضل هون عبعاقبو اي غلطه صغيري او كبيري بلا حتا نقطة تسامح وكمان اسا موضوع الرخص يمكن لازم نرجع نوقف وقفي وحدي ونذكرهن مين **** يمكن لازم نرجع نعملن فركت ذيني عشنو بلشو يستغلونا ونحنا شكلنا عبنتعود زمان كانو يعملو الف حساب قبل ميدقو بحدا بهضبة الجولان لانو كنا ايد وحدي واني بعدني عأمل انو نرجع كيف كنا
في محاكم باسم النسوان كمان. شو رايكم يروحوا عالسجن احلا من هالاحكام الجائره. لازم الكل يكون ايد واحده ويكون موقف موحد.
أنا من الناس المخالفة بالعمار ومحكمتي بتاريخ 4_12_2014 الحل لكان اني اطلب السجن والدولة تتكفل بالدفع لأهل بيتي >يعني آكل نايم مدفوع قبضة شهرية لأهل بيتي على حساب الدولة
ليلة الجمعة القادمة انسب حل ان يتخذ قرار جماعي في خلوة مجدل شمس من قبل كافة ابناء القريه شباب ومشايخ. هذا هو الحل الوحيد وازوقت المناسب.
ليش في حدا اليوم عبرد عقرارات الخلوه والا بها معقولي
كلنا منعرف شو بدها هاي الدوله بدها ما حدا. يقدر يعمر والكل يهاجر منشان تتوسع المستوطنات يا جماعه بدها وقفه واحده. وقويه مبين انو القرار سياسي. منشان هيك لازم القرار يكون جماعي
انا من الاشخاص الذي حكم علي 96 الف شيكل ولم اجد رجل
من الرجال بلوقوف جانبي عندما هاجمت القاضي .حان الوقت لنقف يد واحدة امام القاضي .
شباب اني مش فهمان لشو السكوت عن حقنا بهي المنطقه شفع العمار راحت ومشروع الوقف توقف وما حدا منا حرك ساكن ..مشروع مستشفى توقف ونحنا نايمين ومشروع قاعه ومستوصف كمان توقف ونحنا عم نتغنى بالشعارات الرنانه ..واصحاب القرار قاعدين عبيتفرجوا علينا وفي منهون ناس كمان مستفيدي من هيك شي عبيصير ومش هاممها اذا منعمر او منقعد بالاجار لانو اي شي ممكن يتقدم بالمشروع رح يوقفلهون مصالحهون ومشاريعهون .. كل واحد منهون سفق بنايه متحير شو بدو يعمل فيها وها غير الاراضي الي صار بايعها والاراضي الي عبدعي ملكيتها .والشي الثاني شو مع المحاكم والمبالغ الي عبتندفع على المخالفات وين رئيس المجلس من هالمهزله؟؟؟ ووين شيخ البلد؟؟؟؟ والسؤال الاهم وين نحنا من هيك شي هيك موضوع؟؟؟ بيخص كافه القرى ومش مقتصر بس على مجدل شمس كلنا معرضين لهيك شي والي ما اكلها على جلدو اليوم رح ياكلها بكرا واذا مفكرين انو الاراضي الي عبيقولوا بدهون يعطوكون اياها باول البلد هيك لوجه الله بتكونوا غلطانين اصحا تفكروا في شي بلاش واستنوا الايام جاي والي بيعيش بيذكر الثاني .يعطونا ارضنا الي عبيدعوا ملكيتها قبل ما يحملونا جميله ويقولوا انهون عبيقدمولنا منحه هني والي بيشد على ايدهون.. ايمتا بدنا نحس ونوقف مش عارف حاجتنا نضل مجتمع نايم والمهم تحيد عن ضهري لايمتا هالشي رح يستمر هيك ؟؟الموضوع بدو وقفه جماعيه واذا رح نضل نايمين اتأكدو انو رح نضل هيك مليون سنه مركوب عضهرنا وكل ما نزل واحد بيركب الثاني لو في شي صوره صبيي بتلاقي مليون اعجاب عليها وست ملايين تعليق هيك موضوع هو اهم من اي شي ثاني ..وهون الوطنيه بتبين مش بالصور والطنطنه والشعارات الي لا بتقدم ولا بتأخر يتفضلوا اصحاب القرار يحلو هالمسخره عاد بيكفينا لحد هون عنجد قرفنا وهيك شي معش الانسان يقدر يتحملو ومعش لازم ينسكت عنو ..
يا اهل مجدل شمس هذي وسيلة ضغط من الدوله لحتى نمضي للاموال المتروكه ونملكهن ارضنا يلي ورثناها عن اجدادنا منشان بعدين يعطوها ليهودي اجا من اوروبا او روسيا او بعرفش من وين .وللاسف في ناس منا وفيتا عبتساعدهن على هالمؤامره وباكلهاش غير الفقير بالاخر .هذه كلها دروس النا حتى نعرف شو نية هالدوله علينا ونرجع نتكاتف ايد وحده لانو قوتنا بوحدتنا وهذه كلها اجراءات ظالمه وما الها اي مبرر قانوني ولا اخلاقي .اصحوا عاد ولا تخلوهن يستفردوا فينا واحد واحد متل الغنم .نحنا شعب مسالم كل عمرنا وما بدنا مشاكل مع حدا بس ما حدا يتعدى علينا
بتمنى من موقع جولاني وباقي المواقع المحلية انو يدعوا لاجتماع للأربع قرى ويتم تحديد يوم وساعة ونطلع بقرار شامل لكل الهضبه وينفرض على الجميع لأنه كل يوم تأخير تخصر الناس ملايين الشواكل من عدم اهتمامنا بالموضوع او نتيجة اللجوء لحلول فرديه بدون فاءده
ع القرى .
2. تشكيل مجموعة محامين من ابناء المنطقه ولا ينقصنا لرفع القضيه الى محكمة العدل العليا
3. رفع كتاب الى مجلس الامن ومنضمة اليونسكو نشرح فيه الاعمال التعسفيه التي يقوم بها الاحتلال ضد اهل الجولان .
اقامة صندوق من جميع ابناء البلد لدعم المحامين في هذه القضيه .
اخيرا ادعو بلتوفيق وهداوة البال لجميع . وكيف بقول المثل ان ما كبرت ما بتصغر
يا جماعه شي بيوجع القلب يلي عبيصير.. الدوله بتكييف بس ندفع هالمبالغ مش لازم ندفع لانو الموضوع بيخلصش عند اول ضريبي في الثاني والثالثي وراها…. وقديش مندفع قديش بتسد الدولي ديون اكثر
لازم نوحدالقضيه مع بعض ونبعث مكتوب لمراقب الدوله وما حدا يروح على المحكمه ولا حدا يرد عليهم وخليهم يحبسونا كلنا
وصدقوني بس هيك بطير القاضي الئيم