أوردت صحيفة “هآرتس” الإسرائيلية في خبر لها يوم أمس، أن المجلس الإقليمي في الجولان قرر نقل 940 دونم إلى المجلس المحلي في مجدل شمس من أجل بناء حارة سكنية جديدة إلى الغرب من البلدة.
واستنددت الصحيفة في خبرها على حديث أجراه مراسلها مع كل من إيلي مالكا، رئيس المجلس الإقليمي للمستوطنات في الجولان، ودولان أبو صالح، رئيس المجلس المحلي في مجدل شمس.
وقال إيلي مالكا للصحيفة:
“المجلس ينظر الآن للأمور بصورة مختلفة، ويرى أن الطرفين يفهمان الآن أنه لا بد من التعاون، وأن التطور والنمو والحاجة في التوسع هي حاجات ضرورية للكل دون تفرقة. وعندما توحه إلي رئيس مجلس محلي مجدل شمس وقال أن لديهم أزمة في التوسع وبناء البيوت للعائلات الشابة، قمنا بإجراء مستعجل لنقل 1000 دونم لصالح المحلس المحلي”.
…
“نعمل الآن على بناء برنامج مشترك لتطوير السياحة، وكذلك سيبني المجلس الإقليمي منطقة صناعية مشتركة في بقعاثا، ستسمح بنقل كل المصالح من داخل الحارات السكنية إلى هذه المنطقة”.
أما رئيس المجلس المحلي دولان أبو صالح فقال للصحيفة: “عملية نقل الأراضي تأتي بعد سنوات طويلة كانت العلاقة بين المجالس المحلية في القرى الدرزية (مجدل شمس، بقعاثا، مسعدة وعين قنية)، وبين المجلس الإقليمي غير مستقرة. وخلال السنوات الست الأخيرة كان هناك تعاون ازداد قوة في السنة الأخيرة. قبل سنتين تداولنا لأول مرة قضية نقل الأراضي، ومن المتوقع أن يبدأ البناء في الحارة الجديدة خلال 3 سنوات”.
أما الناشط السياسي سلمان فخر الدين، فقال للصحيفة:
“ما يعطى اليوم هو قليل جداً ومتأخر جداً. 2300 عائلة لدينا تعيش على مساحة مساوية لتلك التي تعيش عليها 3.5 عائلة في مستوطنة نمرود المجاورة. أزمة السكن لدينا أجبرتنا على بناء طوابق في الارتفاع، الأمر الذي خرب الطبع القروي للبلدة، بينما لا نرى ذلك في المستوطنات اليهودية. ما يعطى لنا اليوم هو محاولة لتصحيح الظلم الذي لحق بنا. الأراضي التي تعطى هي أراضي كانت تابعة لقرية جباثا الزيت، التي تقوم عليها اليوم مستوطنة نفي أتيف.. ولا يمكن شراء ضمائر الناس بألف دونم”.
متى يبدا التسجيل للحصول على محضر عمار .
صديقي سلمان كبدايه هذه الاراضي تحل الازمه ويمكن المطالبه باراضي اكثر والجيد ان سكان البلده سيحصلون بالتساوي والعدل عل محاضر وفي حصول اي خرق بالاستطاعه التوجه للمحكمه وليس كما حصل في ارض الوقف.
انا لا استنضف اي مبادره تاتي من المجلس المحلي ولا رأيسه لان الثنين هن ممثلين لدوله العدو واي خطوه من قبلهون قبل ما تكون لصالح البلد هي لصالح الدوله
جولانيه انا ايضاً لا استنظف ردك باسم مستعار يا حبذا لو كنتِ صادقه مع نفسك اولاً قبل توزيع مواقفك الوطنيه المستتره خلف اسمك المجهول !!
اما شو كلام ذهب عليك يا محمد والله شلتهن من ع لساني
على اساس انك انت عبتعلق باسمك الحقيقي يعني
لصالح الدوله ؟ ليش الدوله مقصره مع حدا شي ؟ كيف شايفين كل شي قانوني بيحصل عليه ابن الجولان متلو متل ابن تلبيب .. من لقروضا بلبنوكي للمعاملي بالمستشفيات اذا حتاج الامر .. هذا مشروع حسب رأيي ما بضر حدا بالعكس بيحل ازمه كثير كبيري ل تسعين بالميه من اهل البلد وخصوصا للاقتصاد لانو سعر الارض شي رمزي بدو يكون .. مش بيشتغل الواحد كل عمرو ليجمع حق شفعة عمار .. وتاع يقدر يعمر بعدين .. خلي هلي رفعو سعر الارض رؤساء الاموال بالمنطقه هلي شترو الارض بتراب المصاري عبيطلبو فيها اسعار خياليه يدفعو الثمن !!! .. أو لازم يظل القسم لكبير من هلعالم متل قرد المعلف .. لا بدو ياكل ولا بيخلي حدا ياكل .. حلو عنا يا ..الناس بدها تعيششششششششششش .. كل شب بالبلد لازم يكون عندو بيت وأرض لمصلحه كمان يعيش منها .. نخون ؟ .
بالنسبي الك يا مجدلانيي انتي عايشي بأرض محتلي وبما انو حتلوكي مجبورين يعطوكي حقوقك عنشان هيك فش حاجي تعملي منا وطنيي .
مبروك لنا جميعا ..ان تحصل على شىءكان بعيد المنال.. ولو كان بسيط نسبيا مقارنة مما يحصل علية المستوطنين..يعتبر نصرا ونجاحا لكل ابناء المنطقة.شكرا لكل من سعى من اجل هذا الموضوع…
يجب علينا ان نتعلم التعايش مع الاخر..ان نتعلم ذلك من الطبيعة ..الورود بجانب الاشواك بجانب مختلف الاعشاب بنفس التربة.. كل ياخذ نصيبه من الارض ومن الشمس..
شكروا ربكن انهن عطونا الاراضي من غير شي مش عبيعطوا رخص عمار والمجدل كبرت وفش محلات يعمروا الناس..منيح انو رئيس المجلس بادر بهيك شي وها الشي بس لصالحنا بدل ميستولوا عليهن اليهود. فكروا شوي بهالشي..يلي واقع فيها بحس..وبتمنى من لجنة الوقف تتفهم هالشي لانو مش رح تعطينا الدوله رخص لاراضي الوقف
اعتقد انه يجب التصدي لهذه المبادرة لانها اتت لصرف الانظار عن مشروع اراضي الوقف وتعطيله سيؤجرونا هذه الاراضي التي ليست لنا ويسلبونا اراضينا
يا شب لشو بدك تتصدى تاخذها انت وشباب البلد احلى ولا احلا ياخذوها المستوطنين اليهود ؟؟؟؟؟؟؟
حكيك ميه بالميه. يلي بدو يتصدى يروح اما انا بدي سجل عالمشروع
رد على تعليق شاب : يا أخي بس تعال نعد من كم سنه عم نستنا على أحر من الجمر لتتوزع اراضي الوقف ؟ والمصيبه الأكبر انها ما توزعت !.
ولك هذه هي مشكلة اهل البلد انهم عم ينتظروا حتى اليوم الأجابه على السؤال : رح نحصل على أرض من الوقف أو لا ؟!!
وصدقني الدوله ما بتكذب خبر , ويلي بيقدر يأمن حياة مستقره بواسطة المشروع الجديد ما رح يقول لا , وما رح يستنى الوقف ليعطوه أرض .
مع احترامي لك , وللمسؤولين عن اراضي الوقف …
اولا شكرا للسيد رئيس المجلس البلدي لانو بلا مزايدة هذا اكبر عمل وطني
انك تنتزع ولو متر واحد من الاحتلال افضل من الشعارات التي نسمعها من لجنة الوقف ملينا ولو صرلو مشروع الوقف اكثر من عشر سنوات ولا حدا زرع عامود
الارض الي عبتقول انك عبتنتزعها من الدوله هي اصلا ملك لسكان جولانيين موجودين بسوريا يعني هذا مش كرم من الدوله
وبعدين لو المجلس المحلي ورايسو نيتو مساعده اهل البلد يساعدنا على تحصيل اراضي الجبل الي هي بالاصل ملك النا مش لاهل جباثا
يعني هذا الموضوع متل الي مبدل ابنو ببدوق
حلو كثير يا انسة مجدلانية مش شايفي حالك انو عبتغمسي برات الصحن وعبتحولي القضية للعبي سياسية يستفيد منها امثالك وامثال المزاودين هاللي شبعونا حكي وخطابات مزاودة . خلص ملينا البلد بحاجة لقول الحقيقة هذا مشروع ضروري وكلنا مندعمو هيانا دفعنا للوقف منشان ناخذ محضر واللة بيعلم وين راحت المصاري
لازم تحسبا مزبوط دولي بدا طعطي تحت لانو تكلفت العمار اقل بنسبي للمجلس
حيي شاربك وكثر من الفهمانين امثالك
يجب ان نعرف ان عرقلة مشروع الوقف هي بسبب عدة اشخاص مستولين على عشرات الدونمات ورغم كل المحاولات واتفاقات سابقة معهم تراجعوا عنها.
نحن العرب مشهورون بتفويت الغرص وتغليب العاطغة احيانا والعنجهية احيانا اخرى على العقل..وبهذه الطريقة بالضبط ضيعنا فلسطين..ولا اريد ان اقول الجولان لان لا زال لدي امل ان يتحرر في يوم من الايام!!!وهكذا سنضيع هذه الارض لان اسرائيل ستفرح بحمرتنا عندما نرفض المشروع..وسنرى عليها بعد 20 او 30 سنة مستوطنة يهودية…سنندم عندها لكنه لن ينفع الندم..فبحمرتنا سنكون اضعنا قطعة اخرى من ارض الوطن..
يا ريت منفتح عيونا شوي في عنا حل وحيد وهو الاستفاده من الارض وتكبير خارتطه المجدل وفرصه لا تعوض بفضل عدم محاربه المشروع اذا في نييه عند حدا وهلى بدو ارض بياخذ ومش مفروضه علي حدا لهيك بتمنا من كل انسان مش عاجبو هلمشروع يتفضل يقعد عجنب واذا متل معبتقولوا انو هلارض لجباثا كمان النمرود لجباثا وبكرا بيصير كمان مستوطنه *** عينك ونحنا بعدنا عمنقول حرام ارض جباثا. شكرا للمجلس المحلي عهيك مشروع واني اول واحد راح سجل
انا أحد المواطنين في مجدل شمس عندي ثلاث شبان احد اولادي يسكن فوق منزلي والاثنين الاخرين لا يملكون مكان للزواج و السكن أتى هذا المشروع بمثابة حل لهذه المعضله , لماذا نزاود على بعضنا ونحن نرى ان جميع امورنا تتعلق بالمكاتب الحكوميه ان كانت مجلس محلي او تأمين وطني او غيرها هذا لن يغير شيئاً من انتمائنا لوطننا واتحدث عن تعامل بشكل يومي لهذا لنتروى قليلاً قبل البدء ببخ سموم الفتنه والنوايا السيئه التي لا تجدي بنفع لجميع الأطراف .
أشكر السيد دولان ابو صالح على المحاوله في الالتفات الى هذا الجانب المستعصي وحل مشكلة السكن في مجدل شمس وأتمنى ان تنعم باقي القرى في هكذا تقدّم وتطور فقط من أجل اولادنا .الوطنيه ليست بالخطب والهتافات بل بالجد والمواقف .
يا حرام هالدولة اليهوديي العنصريي شو شفقاني علينا بدها نسرق ارض مش النا وننسا ارض وقف مجدل شمس هلي صلها لجنة الوقف 12 سنة عبتتعب لتزبطها لشبابنا مزبوط في شويت غلط بس محدا بينكر انو مشيخنا تعبو وحاولو بوصلونا للطريق المزبوط..وللمفزلكين الي عبيحكو عن الدولة روحو وقفو بوجها هلي عبتسرقنا وتسرق المي تبعنا وعبتقاسمنا عنص شهريتنا..والارض الي عبتحكو عنها بترحع تسرقها منا بعد 50 سنة يعني الأرض مش النا فهموها…
يا اخي وين لحق بمشروع صرلو 12سني هلي مكنش عندو ولاد صار عندو ولاد فوق ل10سنين وابن ل30صار 40وهلي مبين بدون بعد سني ضوءيي ليخلصو قصص
احلى مشروع بالدنيا .. وشكرا لكل شخص بادر بهذه الخطوه … وبالنسبه لجيراننا اهل جباثا لما ترجع هلاراضي لاصحابها منعطيهون بدل الدونم دونمين بس ترجع سوريا بيكون عنا اراضي كثير ما يقارب لعشرين الف دونم مشاع مجدل شمس لحالها …. نحنا جماعه بنا ناكل عنب ما بنا نقاتل الناطوررررر .. فكروا منيح واستغلوا هلفرصه الثمينه هلي ما بتتعوض .
المشروع مستمر والى الامام در لا قيمه للتعاليق المتطرفه اعتقد بان ****
يا اخوان ليس كل مشروع جديد يطرح من قبل المجلس المحلي هو مشروع عدائي .اواسرله ..
طوله البال .. عليكم اولا فهم ما يجري . والتطرق الى الجهات المسوؤله وابنائكم من المهندسين . لتوضيح ان كانت هذه الارض (اجار ) او يمكن امتلاكها كجزء من قريه مجدل شمس ضمن ضروفها .
ومن حقنا الطبيعي التوسع .لكن بالمحافظه على مبادئنا .
مشروع الوقف هو مشروع فاشل محظ . هذا المشروع تم افشاله مرات عديده بسبب الطمع وعدم الوفق بين الاهالي .
الفكره عظيمه . لكن علينا التصرف بحذر . وليس رفض كل ما يعزز
ويدعم بلدنا الحبيبه .
لازم تعرفوا يا شباب أنوارض الخلالي وبئر نصوبا وبركة مرج المن ً هي أراضي لمجدل شمس وهي اقرب الى البلد من الاراضي هلي ضموها ليش مضموش ارض المجدل وراحو ضمو ارض جباثا ًيعني الشغلي وأضحه بدهون يعرقلو مشروع الوقف ويسهلو المعاملات لأخذ الرخص بهذه الاراضي وهيك بيوقفوا مشروع الوقف وبيسودو سمعت البلد وببطلعو على ظهورالناس شو قولكم
“شو يلي جابك على المر … الأمر ”
نحن جماعة تربت على حفظ الأرض وحفظ أملاك الآخرين الآخرين غياب كانوا أم حاضرين .
إخواني ، أزمتنا اليوم أكبر من أن يتحملها شباب اليوم ، فمحضر العمار االيوم يقدر ب ١٠٠ ل ١٥٠ ألف دولار أمريكي وهذا قبل أن يكون جاهزا للبناء مع العلم أن قسما كبيرا من هذه الأراضي لم تشترى بمال .
اليوم تعرض علينا أراض ليست ملكنا وهي ملك لأشخاص تركوها ، فإذا الاحتلال ” حن ” علينا بعد ٤٧ سنة فوطننا أحن علينا وبقادم الأيام وبزوال الاحتلال يمكن إيجاد حل بوجود أصحاب الأرض والحكومة الوحيدة المخولة بالتصرف .
أما في الوضع الراهن فلنكن أكثر واقعية ، ارض الوقف وان كانت ببلاش ، فتجهيزها مكلف وهذا قبل أن ننظر بالبنى التحتية والأمور الهندسية الأخرى ، والمطروح حاليا من أراض الوقف لا يحل الأزمة الراهنة وهذا واقع يجب أن نعترف به . فليتم التوزيع من أجل العدالة الاجتماعية … وليحفظ كل منا الأرض التي حصل عليها ..وليس من الملزم البناء عليها حاليا
فالأرض المطروحة ، أما أن تكون لنا أو ستصبح لغيرنا ..
فالأفضل أن تكون لنا لحين عودة أصحابها .
شو قلت يا ضياء لحين عوده اصحابها شو بعرفك انو بس تخلص بناء وقبل ما تسكن يعودو اصحابها ماذا ستفعل وقتها
ان تكون لنا لحين عودة اصحابها…معقول.
منذ سنوات وانا افاوض مع لجنة الوقف حول محضر بناء لابني ولم احصل عليه والسبب انني لا املك المال الكافي لادفعها للجنة الوقف وزعت المحاضر كلها ولم يبقى شيئا منها حتى وزعت لاناس باعت بملايين الدولارات محاضر لماذا هل وقف مجدل شمس لا يحمل 5 اشخاص لا يملكون المال لشراء محضر انا شخصيا ضد المبادره التي يقوم بها المجلس المحلي ولكن لكل انسان رايه الخاص لكن اتمنى ان يكون الرد على المجلس بنفس الرد على لجنة الوقف
اولا شكر للسيد دولان على هذا الانجاز.
ثانيا كل واحد عبقول ما بدو يقعد على جنب ويترك غيرو يستفيد.
ثالثاً اعلمونا بس يبلش التسجيل
يا جماعه فكرو بمصلحة البلد اهم شي لانو اذا تركنا هالموضوع راح ندم بلمستقبل كثير . بحب قول كلمي يا اهل مجدل شمس فيقو وحس بالجيل الجديد واذا بتعرفوش في شباب فش عندا بحصا تعمر فيها ومشروع الوقف مش راح يطلع مهو شي . واذا طلع شي بيكون هالي فات مات بختصار حينا لا ينفع الندم
يا ساده يا كرام ..دعونا نفكر قليلا، لماذا تعطف علينا دولة احتلتنا؟ونحن عالة عليها لا نخدم بلجيش وباقي مؤسساتها الحكوميه ؟نحن عرب وسياستها اعتراف العالم بانها دوله يهوديه .ما الثمن الذي سوف ندفعه مقابل هذا الكرم ؟على ماذا سوف نختم؟ احب ان انوه بحساب بسيط اننا حتى اليوم محتلين فترة47سنه وبعد 3سنوات نكمل ال50 واحب ان انوه هل القدس احتلت ام بيعت وباي طريقه بيعت . الافضل لنا بدل ان نتسرع ونتفرق ونتقاتل ان نفكر ونتخذ القرار بعد تفكير واخذ برائي كبارنا اللذي لولاهم لما كنا راسيخ بارضنا وارجعوا للوراء بتاريخنا العريق
الصياد الشاطر..ثلاثة عصافير بحجر واحد…اسقاط القرار الديني والوطني , افشال مشروع الوقف تمهيدا لقضم القسم الاكبر من اراضي مجدل شمس , دعم المجلس المحلي واعوانه واستقطاب الجيل الجديد تمهيدا لتمرير مشاريع اخرى. كل هذا الصيد مقابل وعود براقه باحلام ساذجه بعيدة المدى ” نيو مجدل شمس”.بعد ثلاثثثثثث سنوات.
اولا مبروك الى الشباب المحتاجين للبناء اذا كان هذا الخبر دقيق وصحيح ، ثانيا ستقولون ان الارض هذه لها اصحاب ، الارض في كل العالم ليست ملك احد ،الارض ملك الذي يعيش عليها ويستغلها لان كل البشر فانيه ،لو نضرتم الى الحضارات التي حكمت وعاشت في منطقة الشرق الأوسط لفهمتم قصدي ،اي ان الارض لمن يستغلها ويحيا عليها اما بالنسبة لموضوع ملكية هذه الارض قبل 47 عام من يعلم منا انها ستعود الى أصحابها لان الأوضاع الحالية في الوطن الغالي حسب رأي وحسب ما نراه من مخططات سيطول عملية السلام او اعادة الارض الى أصحابها كذلك سنين اخرى لا اح يعلم طولها الا الله عز وجل لذلك استعمال الارض والاستفادة منها أفضل ،وعند عودت أصحابها يكون لكل مشكله حل ،او كل شخص آخذا منها محضر يدفع مقابل او بدل ارض وحسب رأي ان اذا تم السلام وأعادوا الاراضي لأصحابها لا يكون هناك مشكله لان اغلب سكان مجدل شمس يملكون ارضي واسعه شرقي الأسلاك الشاءكه
وين التسجيل وكيف ولمين الأولوية بأخذ الشفعه
نحنا العرب مشهورين بغبائنا.. والدليل مزاودات بعض الاشخاص وحكيهن الفاضي .. الدولة عبتقول بدها تعطينا ارض لنعمر عليها لاولادنا .. منقلها لا .. حتى اغبى واحد بالعالم بقلش لا …لحاق الكذاب لباب الدار…والزمن كفيل بجدية الموضوع ولا لا…ويلي عبيستنا تجي امنا سوريا تعطيه اراضي خليه يستناويحلم يعمر لاولاده
احييكي على هذه الروح الوطنيه الأفضل لنا ان نعيش في الخيام من ان نسوق ارض جيراننا ونبني عليها
يا يا سيدتي يبدو انك لم تستوعبي ما قصدت بكلامي ولا انتظر منك دروس بالوطنية لان الوطنيه سلوك ولاحاجه للتنظير كان قصدي ان لانساعد الاحتلال على ان
طعماًلتنفيذ سياسته تجاه جيراننا يجب على من تهمه مصلحة البلد ان يٍوسع مسطح البلد بضم الاراضي الملاصقة للخارطه الهيكليه للان يخلق حاره تبعد عن البلد تحت اسم (نيو مجدل) من ارض الجيران اريد ان اعرف رايكي لو كان الامر معكوسا
مع احترامي لك يا اخي ..يبدو انك لا تفقه شيئا بالوطن ولا بالوطنية..ان ياخذ اليهود هذه الارض هي الوطنية برايك؟ او ان ناخذها نحن ..راجع وطنيتك جيدا ..
صعب تفهم كل انسان شو عملت لمزاودي عبعظنا الزمن كفيل يفهم هيك نيس بعدين المنطق بقول داوي الحاظر… شو ارض مش النى *******….
يا صديقتي الوطنيه طالما انك فهماني جاوبي على سوءالي اذا حرامي جاي يسرق بيت جارك بتدلي وين المفتاح
يا صديقي الوطني…انت عبتناقض حالك بحالك..مهالحرامي بدو يعطيني هالبيت , بقلو لا ؟ خذو انت ؟بعدين وين جاري ليش ؟؟؟ يمكن يرجع ويمكن لا .. وامكانية اللا اكثر بمليون مرة من امكانية الاي او النعم…لهيك واجبي الوطني بيقلي اخذ اني البيت … وجاري راح يشكرني بس يرجع..اذا رجع…واني بتمنى انو يرجع,,اكثر منك..
شفتو يا جماعه شر صار مجرد اعلان الله اذا بدو ينفذ اولا شو عمل بلبله وخلافات بالرأي تعرفوا انه هذا هو السبب الحقيقي لنشر الخبر لانه حسب قولهم التنفيذ بعد ثلاث سنوات لذلك فهموا شو قصدهم من الصقه أن تلتهي عن المشروع
انا جولاني سوري عايش بغطاء الاحتلال وبدفع كل المستحقات الضريبيه الفروضه علِ ولا أُريد منهم اي حسنات فليذهبو الى الجحيم ولا اساوم احد على ارضي فارض جاري هي عرضي وارضي هي بساط للشرفاء الجولانيين الغائبين .
اما هيئة الدين ولجنة الوقف فقد حاولو مرارا وتكرارا وانتم يا اهلي لا تعلمون ولا تشعرون المذله وعزة النفس والقهر الذي واجهوه من قبل الدوله المحتله والسلطات المسؤله ولكنها محاوله اولى وليست اخيره فهنالك الكثير منها ،ممكن ان تطول سنوات عديده فلم الشك وفقدان الصبر .فلا احد يموت وله حق
احب بلدي واهل بلدي مجدل الشمس باصحابها وسكانها منوره..!واسأل الله ان يفرجها عن الجميع وشكراً.
الى كل الذي قلب الموضوع سياسه يقعد على جنب ويخلي الناس يلي ما عندا شفع. تتقدم واني متأكده انو يلي عبيحكي هيك اول الناس بسجل اسمو