الجولاني طليع محمود يحل خامساً في بطولة العالم لكمال الأجسام

0

حل بطل كمال الأجسام الجولاني طليع محمود في المركز الخامس في بطولة العالم التي أقيمت في سلوفانيا يوم أمس، وشارك فيها 13 متسابقاً من مختلف دول العالم.

وعن إنجازه هذا قال طليع في بوست على صفحته على الفيسبوك:

إعلان

إعلان

“كل لحظة بتمرق بعمرنا ممكن تكون الاخيرة
عشان هيك استغل الوقت وعيش كل شي بتحبه بلا حواجز
بالنسبة الي انا الحمد لله حققت أعظم هدف بحياتي واشتركت بالمسابقة يلي بحلم فيها من لمن كنت صغير
شي حلو انك تتواجد مع أشخاص تعبو عحالن وقطعوا كلن مسافات ليوصلو لهون
هو الناس من:
الهند، صربيا، كرواتيا، سلوفانيا، اسبانيا، الارجنتين، إيطاليا، بلجيكا، فرنسا، مونتينغرو، بولندا وإنجلترا – ١٣ متباري – وتكون من أول 5
شي رائع باختصار.
من هون من سلوفانيا بتشكركن عدعمكن واهتمامكن ومحبتبكن يا اغلى ناس
انشا الله اني كنت عند حسن ظنكن
بتمنا شوفكن عطول باحلا حالاتكن
نلتقي…”

وكان طليع قد فاز مؤخراً ببطولة رابطة كمال الأجسام للمحترفين في إسرائيل، وشارك في السنوات الاخيرة في العديد من البطولات وحل فيها في مراكز متقدمة.

1

2

 

3

4

5

6

 

تعليقات

  1. الف مبرك والمزيد من التألق , ,لكن لماذا التعصب الطائفي في هذا الوقت! الرياضة تنمية للقدرات العقلية و ترويض وتهذيب للنفس. ألف مبروك

    1. شكرًا الك سيد يوسف
      بديش احكي كثير
      تفكرش بلمره انو تعصب ديني لأنو للاسف تفكيرك غلط
      كل الاديان الها احترامها وقيمتها عنا
      نحنا حبينا نهدي هلانجاز علصعيد المعنوي لاهلنا بسوريا وبلاخص بالسويداء وحضر
      وعطول السياسه والدين بتفرق بين الناس تنساش هلشي
      نحنا ناس رياضين ولازم نقرب المسافات بين كل الناس قد مفينا

      1. صح طليع..اني معك وكمان شي ثاني انو نحنا بموقف سياسي صعب ومنشان ميصرش في مشاكل وحكي بترفع علم دينا ..اذارفعت علم سوريا بقلولك طالع من اسرائيل وحامل لسوريا واسرائيل اكيد مش رح ترفعو كونا من الجولان السوري المحتل!!..بالتوفيق والنجاح ونشالله كل سنة تشارك فيها وتاخذ المركز الاول

  2. الف مبروك احلى طليع منها للاعلى يا رب عقبال المرتبه الاولى عالميا

  3. ابن بلد ، والله كل احترام ، نفتخر فيك اخ طليع ، مبروك ، بنجاح الى امام

  4. الف مبروك شي بيرفع راس لازم ينعملو استقبال الابطال وكمان شغلي هلي مش متخلي عن عروبيتو ودينوو برفعو علم الموحدين

  5. مبروك طليع وان شاء اللة تصل للمركز الاول في المرة القادمة بالتوفيق

  6. مبروك طليع انشالله عطول باول واعلى المراتب بتستاهل بلنجاح الدائم

  7. الف مبروك وحبيت فكرة انك تحمل علم الخمس حدود هذا بدل على اخلاقك الرفيعه والانتماء الحلو

  8. الف مبروك وبالنجاح والتالق المستمر وشرفت الجولان وشرفتنا

    1. الف مبروك وإلى المزيد من النجاح والتألق . نتمنى لك حياة مملوءة بالصحة والنجاحات ومستقبل باهر وتستمر في رفع راية الرياضة في الجولان عالياً.

التعليقات مغلقة.

+ -
.