مجدل شمس \ الجولان – بدأ يوم أمس تسجيل الأطفال لرياض الأطفال في مجدل شمس للعام الدراسي القادم، حيث شهد مكتب التسجيل في المجلس المحلي ازدحاماً كبيراً وتذمراً من قبل جميع الجهات ذات العلاقة بالموضوع.
يقول أحد المطلعين أن المشكلة تكمن في أن الأهالي يقومون بتصنيف المعلمات، الأمر الذي ينتج وضعاً تصبح فيه بعض المعلمات “مطلوبات”، والجميع يرغب في أن يسجل ابنه لدى هذه المعلمة أو تلك، وهو ما يخلق وضعاً مستحيلاً، إذ أن عدد الطلاب لكل صف محدود. وهكذا يبدأ سباق بين الأهالي لتسجيل الأبناء لكي يضمنوا تسجيل ابنهم لدى المعلمة التي يفضلون.
تقول السيدة رايا فخرالدين، التي حضرت إلى مكتب التسجيل يوم أمس لتسجيل ابنها:
“المفروض أن يبدأ التسجيل عند الساعة 8:30، لكنه تبين أن هناك من حضر اعتباراً من الساعة 7:15 صباحاً، وعندما أتينا في الوقت المحدد، عند الساعة 8:30، تبين أنه لم يتبق لنا دور بنفس اليوم، وسنضطر للحضور في اليوم التالي. والخوف أن يتكرر المشهد غدا أيضاً. نقوم بتسجيل الاسم، بعد ذلك ينادى على الأسماء ويتم اعطاؤهم أرقاماً. الصحيح أن يبدأ توزيع الأرقام عند الساعة 8:30، كما ورد في الإعلان. أيضاً محل التسجيل صغير جداً وضيق، كان بالإمكان استقبال الناس في مكان أوسع مثل محل البنك القديم، وهو أيضاً تابع للمجلس المحلي.
من جهته يقول مدير قسم التربية في المجلس المحلي، السيد خالد أبو صالح:
“أحترم رغبة كل ولي أمر بأن يسجل ابنه لدى المعلمة التي يفضلها، لكنه للأسف الشديد، فإن عدد الأطفال لكل معلمة محدود ولا يتجاوز 35 طفلاً. شخصياً أرى أن كل المعلمات لدينا جيدات، وقد خرّجن على مر السنين المئات من أبناء البلدة الناجحين.
التسجيل مفتوح حتى يوم الخميس الواقع في 12-3-2015، لذا يمكن للأهالي الحضور في أي وقت خلال هذه الفترة، وليس عليهم الحضور في اليوم الأول، فهذا بالطبع سيتسبب بازدحام وبحالة غير مريحة للأهالي ولنا على حد سواء.
من جهتنا نظمنا العملية على أكمل وجه وكان الدخول حسب الدور وبطريقة منضبطة جداً.
هذه المشكلة لن تتكرر السنة القادمة، إذ سيكون التسجيل عن طريق الانترنت ولن يحتاج الأهل إلى الجضور إلى المكتب للتسجيل”.
أحد الأهالي قال أن الخطأ يكمن بقيام الاهل باختيار المعلمة، فمن الواضح للجميع أن ذلك سيخلق مشكلة، بالرغم من أن الاختيار حق طبيعي للأهل، لكنه غير ممكن. الحل كان بأن يتم توزيع الأطفال على الصفوف بصورة عشوائية تماماً. المنطق أيضاً يقول أن هذه الطريقة ستكون عادلة أكثر، فلن تكون هناك محسوبيات أو واسطات، وتكون الفرصة متساوية لجميع الأطفال بالحصول على معلمة جيدة. ما يتبقى على الأهل هو إحضار الأوراق الثبوتية وتسجيل الطفل رسمياً فقط.
طرح السيد خالد عير مقبول والتفرقه والمحسوبيات تنهش مجتمعنا بمعنى طالما يتواجد الخيار والفقوس والرز بالبصل ساحارب باسناني لاحصل على الافضل لاولادي بالقانون المعمول به وبالقانون العشائري . مع احترامي لكل الجهود المبذوله ومع معرفتي ان تعليقي عقيم والاسباب معروفه لكل ذي لب ولبيب ولكل شجاع يعرف انه يتطاول على الاقوياء . شكرا
بما انهم اعطوا الفرصة للاهالي بتسجيل ابنائهم فيجب عليهم الالتزام بأوقات بدء التسجيل. فعندما قرروا ان التسجيل سوف يبدأ الساعة الثامنة والنصف فإذن يجب عليهم ان لا يستقبلوا الاهالي عند الساعة السابعة والربع.. اقتراحكم بأن يقوموا الاهالي بالتسجيل عبر الحاسوب هو جيد جدا لكن على امل ان ينصف الجميع.
لا اقصد التجريح بأحد ولكن عندما فكرت في ان أسجل ابنتي الشي الاول الذي شغلني ان تكون المعلمه لطيفه وقادرة على حب الطفل ، احدى المرات مررت بجانب احدى الروضات وسمعت صراخ المعلمه على الأطفال ، هل يودع الأهل أبناءهم بأيدي المعلمات حتى تقمن بتوبيخ طفل بالكاد يبلغ 4 سنىوات!
هنالك فروقات بين المعلمات ، بالطبع كلنا بشر وكلنا لديه حسناته ونقاط ضعفه ولكن معلمات رياض الأطفال بالتحديد يجب انتقاءهن بحذر، وخاصة وان هنالك أعداد كبيره بالصفوف ًاذا لم تكن المعلمه قادره على إدارة روضه ، وتفقد أعصابها بسرعه من المفضل ان لا تكون
كل سني نفس القصه وبالمره فش عدل وحق والحكي مش كلو صحيح لما عبقول 35 ولد بكل صف وفتت رقم 34 عقب الزعبره لان كانو كلن عبيعملو هيك قدامي وحضرتهن شايفين وقبلانين ..المهم كان صفين مسكرين شو بفسر ها ******** وعجبتني الحجه تبع بكل صف رح يظل 10 يعيدو معقول طلابنا وﻻدنا عنجد وضعن صعب ليعيد 10 بكل صف وخلي 10 بكل صف بدو يعيد بالصفين 20 ها ﻻ يعني يتسكر صفين على رقم 34
والفوضى منهم بقولو ما منقبل هويات يعني كل ولي امر بسجل ابنو والي جوا اللي كانت عبتساعد قالتلي بدك تسجلي حدا !!!!
وكثار فاتو معن 4 و5 هويات وسجلولهن مش عبث ينتلي هيك الصف..
وبالنسبي الي كل الصبايا ان الله راد قد الحمل وزياده وكلن عبيتعبو …
********
يا جماعه كل عتسجيل كان مش على خاطر حدى وكان في خيار وفقوس اني لمن طلعت سجل ابني على صف لبستان كان رقمي 36 رحت لسجلو لقيت صفان مسكرين وين راحو هل30 لمن كل صف بيوسع 30وخمس وتلثين كان في غش بكل هل تسجيل لانو مش معقولي هل شي يلي عبيعملو بينطقش وبيضحكو على ناس يلي بيقربهن بيتلفنولهن بلاول منشان يجو يسجلو او على تلفون يلي بدن هن
اول شي مع احترامنا لكل المعملات اني مع يلي انكتب بتعليق “الام ” وبما انكن بتحبوش نفرق بنا تكون الانسات كمان كيف لازم بعني تقريبا كلها بتعطي الطلاب بنفس المستوی وبنفس الحنيه واللطافه … وثاني شي مشكلتنا مع المبنی قبل الانسه يا حضرة المجلس المحلي وحكيي بالضبط عن المبنی يلي بجانب المدرسه الابتدائيه “أ ” وثالثا وهو الاهم مش لانو فش عنا واسطه بالمجلس ولانو نحنا نظاميين منطلع عالوقت المحدد منلاقيش محلات ولا حتی ببكون في نظام.. ولو يصيرو ماشيين عنظام كيف لازم من الاول مكنش صار كل هالشوشرة … وبحب اعطي رأيي انو التسجيل عالانترنت راح يكون في تزوير اكثر من الحضور عالمجلس لانو مش صعب كل وحدة تاخذ 10 اسماء وتسجلهن بنفس.الوقت ووين بدها ….
بالعكس التسجيل عبر الانترنت اهون بكثير عالاقل بتنطريش ساعات ليجي دورك وبتنقهريش لانو غيرك باعث هويتو وقاعد بالبيت مرتاح وانتي تاركي كل شي وراكي ورايحه تستني ليجي دورك والقهيره بتكوني رايحه بابضبط عوقت التسجيل وبتلاقيش دور.. كيف لو رايحه متاخري شوي كنتي ستنيتي لعشيي
عفون سيد خالد اذا عم تقول التسجيل حتى يوم الخميس كيف بتسمح للسكرتيرة يلي عم تسجل تسكر الصف خلال يوم وبعد قدامها اسبوع وكيف بتسمح لاي موظف يسجل الارقام من الساعة سبعة والمعروف إلنا سابقن انوا التسجيل بيبدا الساعة ثماني ونص وكيف كيف….. بس انتوا للاسف ما بدكن ناس نظامية بدكن ناس تافش وتقاتل متل غيرها وبحب قلك انوا التسجيل كان فيه خيار وفقوس واهالي كثير ولادها مسجلي مسبقن والناس يلي مثلنا رجعتوها من الساعة ثماني ونص عالاساس صار عنكن 120 اسم هذا اول يوم رجعتوا الساعة 3 سجلتوا الاطفال يلي بدكن ياها .بس شو بدنا نقول منأسف على هيك وضع ومع احترامي لجميع المعلمات
مع احترامي لجميع التعقيبات، أنتم لستم مفتشون ومدراء لتقوموا بتقييم المعلمات …. وبالعامية فزلكة أهل المجدل صار فيها تطاول ما حدا فينا ملاك شاطرين للتقييم والنقد بدون مخولات لهذا النقد وشكرًا. وتذكروا ما قيل من علمني حرفًا صرت له عبدًا.
برايي افضل وانجح حل لمشكله التسجيل للروضات او البساتين هي التوزيع من قبل المسؤولين مع الاخذ بلاعتبار قرب البيت لمباني الروضات بهذا لا نصل لما وصلنا اليه اليوم
لماذا لا يتم توزيع الطلاب من قبل المسوؤلين بالعدل والتساوي بدون تدخل الأهل وخلق مشكله بين الناس. بما انه لا يوجد مصداقيه ببداية التسجيل من ناحية وقت وتوزيع ارقام لماذا لا نحل المشكله بتوزيع عشوائي للطلاب؟ اذا اردتم حل هذه المشكله يجب خلق طرق سهله للتسجيل او عشوائيا او عن طريق النت او وجود فعلي لموظف المجلس مع توزيع ارقام وتسجيل اسم صاحب الرقم
ليس صحيحاً أن كل مُعلمات الروضات مؤهلات وكذلك معلمات البساتين والابتدائي والاعدادي وما الى ذلك، والحديث هنا ليس عن المطالبة بشيء مثالي، رغم أن هذا ما يطمح اليه كل ولية وولية أمر في الدنيا، هناك الكثير من الملاحظات على معلمين ومعلمات، كيف يتم التعامل مع هذه الملاحظات، وكيف تم في الماضي التعامل مع الشكاوى والملاحظات على المعلمين والمعلمات والملفات التي تم اغلاقها، حل هذه المسائل يبدأ من حل الفجوات الموجودة بسلك التعليم من مدراء ومعلمين وما الى ذلك، أنا رأيي أن لجان أولياء الأمور يجب أن تتحمل مسؤولية أكبر فيما يخص بالمدارس، تدراكًا لما قد يحدث لاحقاً، فالعنف بدأ يتفشى في مدارسنا والمواد المخدرة، صحيح أنها لم تُصبح ظاهرة بعد ولكن ان بقي التعامل معها بهذا الشكل، اللامبالي، لا بد أنها ستُصبح ظاهرة. ليس المسؤولون وحدهم من عليهم التحرك بل الأهل أيضاً عليهم مسؤوليات… لا يجب أن نسكت عن حقوق أولادنا فيما يخص أمانهم ومستقبلهم…
يا جماعة حرام التعدي على الناس وتوزيع التهم يمين وشمال انا جارتي الباب بالباب تعمل هناك ولم تقبل ان تسجل لي اولادي بالواسطة دون ان احضر بس المرة رحت تصحيح للحكي سبعة الصبح وسجلت وين بدي لانو ابني ما لحقت وسجلتو بابعد مدرسي واسوء مبنى اما انو نخلي المجلس هو يوزع لا هيك كثير سمحولنا فيها
المشكله مش هون لمن في معلمات مش مرغوب فيهن والناس عبيركضو بسرعه منشان ما يطلع ابنهن عند المعلمه”الغير مقبوله”لازم المجلس يغيرها الا اذا كانت قرابت حدا مدعوم او….*******
******* المشكلي منك انت وغيرك يلي مفكرين بدن يطالعو ابن صف روضه وبستان مع دكتوراه
نحنا منختار الطبيب الشاطر ويلي منرتحلو ومنختار معلم العمار الشاطر ومنروح لعند الحلاق والدهان وال وال وال الشاطر والموضوع نفسو مع الروضات والمدارس . كل شخص وكل بي بدو الأفضل لولادو ليش عمنضحك عبعضنا . يلي عندو شك يسأل حالو ليش بيفضل طبيب عطبيب أو ليش كان يفضّل معلم معيّن عن باقي المعلمين . صحيح إنَّا تطورنا بكثير أمور عن سائر المخلوقات بس بالمقابل بعدا فينا غريزة الحيوان ؛)
ولشو التفرقه بين معلمه والثانيه عيب الحكي كلنه ولاد بلد وحده وولادنه اخوه .وبعد شوي بدون يصيروا بمدرسه واحده بلا هل منفخه لانو المعلمات بيتعملوا معكل الاولاد مثل بعض.
اول شي مسا الخير للجميع
اني يشوف انو من حق كل ولي امر ان يهتم بابنو او بنتو بس كمان مش من حقنا انو نتهم الاخرين بغير حق .. واني بشوف انو اذا في مشكلي مع اي معلم او معلمه واذا في اجماع على هذا المعلم او المعلمه ممكن انو نقوم بتقديم شكوى رسميه للجهات المختصه … والتعامل مع هذه القضيه بلشكل السليم لكي نمنع الاذى لاولادنا ولمجتمعنا … واني بشوف انو حان الوقت لنبطل نتخبا ونخاف انو نحكي الحقيقه … لانو المجتمعات المبنيه على المساتره وتمسيح الجوخ بدها تضل كل عمرها متخلفي فاني بشوف انو المشكلي بمجتمعنا مش محصوره بمعلم او طبيب او معلم عمار والى اخره … وانما هي محصوره فينا كاهل بلد لانو فش عنا متابعه لاي مشكلي بلبد ان كانت على صعيد المدارس او على اي صعيد ثاني .. واخيرا وليس اخرآ اني بشوف ان اهم شي انو كل انسان لازم ينطلق من بيتو بلاول ويقيم نفسو على صعيد شخصي ويشوف وين هو واقف ويحاول يحسن حالو ليتحسن المجتمع … لانو المجتمع مكون من افراد فاذا كان الافراد معطائين وبهمهن المصلحه العامه فسوف نرقى ونتقدم وهناك الكثير ليقال
وشكرا للجميع
السنوات الأولى من حياة الطفل تعتبر أساسية في تكوين وبلورة شخصيته. للبيئة والمحيط تاثير حاسم على تكوين هويته بلورة الانا والمهارات الاجتماعية. معلمة الروضة هي شخصية مركزية في حياته تأتي بعد الأم والأب. لهذا نحن نختار شخصية المعلمة بدقة وبكثير من الحذر. من حق الأهل انتقاء واختيار هذه الشخصية المهنية.. التسابق والتزاحم على شخصيات محددة هذا يعني انهن أثبتوا أنفسهم بمهنية عالية، وهذا يعتبر محفز ونموذج لجميع الشخصيات التربوية. حسب رايي العمل والتقدم والمهنية مسؤولية وتحتاج إلى مسار طويل وشاق من العمل والتعلم والتقبل مع احترامي للجميع.
اي في خيار وفقوس واللي بيقول غير هيك ..يابيكون مش عايش بالبلد يابيكون عبيضحك على حالو
الاخ او الاخت اللي قالت انو المعلمات بيتعلموا نفس الشي ..مزبوط حكيك بس السؤال كلهن بيطبقوا بالصف نفس الشي .بعتقدش ..بنتي كانت عند معلمه 4سنين كانت المعلمه طول الوقت حاطه البلفون عالتلفون كل الوقت ..وتقدمنا بشكوي ضدها بس بدو يكون واسطتها كبيره لانها مع الاسف بعدها موجودي بالروضات ..وياشحار الاولاد اللي بدهن يمرو من تحت ايدها.