إصابة طالب من ثانوية مسعدة بحالة اختناق ونقله بالطائرة إلى المستشفى وهو بحالة حرجة

الطالب ينقل بالإسعاف إلى الطائرة
الطالب ينقل بالإسعاف إلى الطائرة

أصيب طالب في الصف العاشر في ثانوية مسعدة بحالة اختناق وتدهورت حالته فنقل بالمروحية إلى المستشفى وهو بحالة حرجة.

وأفاد شهود عيان أن الطالب أصيب بحالة اختناق أثناء تناوله الطعام، أو أنه استفرغ ودخلت بقايا طعام إلى رئتيه، ففقد القدرة على التنفس وتوقف قلبه.

سيارة الإسعاف وصلت إلى المكان وقامت بإجراء عمليات إنعاش مكثفةـ تضمنت الصدمة الكهربائية والتنفس الاصطناعي، ثم نقل على الفور بالمروحية الطبية إلى مستشفى صفد وهو بحالة حرجة.

الطالب في السادسة عشرة من عمره وهو من قرية بقعاثا.

تعليقات

  6. اني طالب بنفس الصف اكلنا من المطعم بجنب الطريق والنا زمان عم نطالب بمطعم بداخل المدرسه من الاداره بس ما حدا عم يرد وهذي النتيجه تفضلوا حلوها ولعلمكن قبل تلاث سنين صار في حالة تسمم من بياع **** كان مبسط بجنب المدرسي واسى اني بقول الحق على الاداره لانو ما في مطعم وفي عليه رقابه وعلى راي المثل امة علي دبر علي او شفت السايب سايب سيبوا شوا يعني مدرسه ثانويه وحواليها خمس بسطات لحمنيوت وما حدا بيعرف قرعة بيهون من وين ما بيسوا هيك شو المهم بس نقبض اخر الشهر وشكرا ارجو النشر وعدم التعتيم والا انت كمان بتتستر متل غيرك شو عم يصير عنا

    1. اول شي اللة يشفيي ويردو لاهلو سالم واني مع هلي حكا هل شب لازم وزارت الصحة ولادارة تحط حد لهلموضوع

      1. صديقي الشب غالي عليك متل ما غالي على اي واحد منا. حسب رأيي الطبي المتواضع بتوقع انو مخصش نوع الاكل يلي اكلو . عالاغلب الشب غاب عن الوعي لسبب نحنا بعد مش عارفينوا وبعدين اختنق بالاكل .
        خلينا ندعيلو يقوم بالسلامة وبعدين بينعرف كل شي.

    2. اخي العزيز علينا اولا ان نتمنى الشفاء العاجل للطالب وقضية الطعم شغلتها زغيري وليس هذا هو السبب الرئيسي حسب رأيي ولك الشكر.

      1. يا اخوتي وحبايبي لامتى بدنا نضلنا غازين راسنا متل النعام خلص بكفي اجى وقت انو كل صاحب سلطه يا يقوم بعملوا يا يفضي محلوا لغيروا مش معقول مدرسي حواليها خمس بسطات لحمنيوت شو وين نحنا عايشين كل واحد صار بدو يسوي اللي بدو اذا لجنه اولياء الامور مش قادره تقوم بعملها تستقيل وبكفي بوزوت ًنحنا ونحنا بس كلو تمسيح جوخ اما اني من هذا الموقع الشريف بدعي لاعتصام شريف ******

    3. اول شي الله يشفيه وثاني شي ليش نحنا عطول منخلط عباس بدباس شو الها علاقه خاله الاختناق بالمطعم اذا كان برا ولا جوا

      1. يا حضرة السيد مشرق .. انت فهمان القضية انها بس حالة اختناق ..
        اما كمان مع حالة هالاختناق في حالة من هالفوضى اللي وقت ميكون الانسان عبيدور على اكل بيلاقي طلبو بجانب محل ملان بالدخان والروائح المؤثرة .. وممكن من هالشي يتعرض لحالة من هالنوع .. وكمان نحنا طلاب بالمدارس ومنتذايق من مشكلة ازمة الاكل والفوضى الموجودة وخصوصا السني هي بعد ما كبر عدد الطلاب .

    4. حكيك صحيح 100% ومن اول السنه عمنطاالب وﻻزم يصير في
      بس حالة هذا الشب صارت وهو عبياكول زوادتو الي جايبا من البيت وهذا الطالب معو السكري عشان هيك والوضع ازداد ..

    5. كل الحق معك .. ورجاءا من كل طالب وطالبة عدم انكار هالحكي ﻷنو كلنا عمننقهر من عدم وجود اكل صحي كمان بالمدرسة ..
      ويلا مين بيزيد 🙂
      والله يشفي ويرجع ﻷهلو معافى

  15. نشلا بترجعلنا بلسلامي يا غالي يا صاحب الوجه البشوش الي بتفارقوش الابتسامي. يا حنون

  16. الله يشفق عليه ويقوم بخير وسلامي
    ملاحظه الشب بيعاني من مرض السكر وما خصش أي شي ثاني

  17. وجود مطعم داخل الحرم المدرسي أمر شرعي ومساعد لتوفير الوقت والنظافة والصحة للطالب الذي يخرج من درس لآخر بفرصة قليلة من الوقت ،فوجود مطعم داخل المدرسة يعتبر من أبسط حقوقة،فليكن هذا المطعم قبل أن تحدث حالة تسمم،إذا لم يكن هذه المرة هو السبب،والله يشفي الطالب

  19. الله يشفيه ويرجعو سالم ….
    ملاحظة للاخ علي الصغير وتعليقو*****
    حالة الاختناق ما دخلها بكل شي عبتحكي حضرتك
    بتمنى تقرا المقال أولاً وتكتب التعليق ثانيا

    1. كلو بمسح جوخ يلا رعية بلا راعي ما في واحد قبضاي بيسترجي يفتح بوزو نعام نعام نعام نعام نعام …………

      1. الطالب علي الصغير : اكيد الطلاب اللي فهمتك راح تكون مشاركتك بالرأي .. بس اللي مألوش وجود بالمدرسة مش راح يفهم شو يعني واجبات طالب .
        واني بصفتي طالبه بحب قول للي مش فهمان عهالطالب رجاءا ميعبرش عن رأيو ﻷن نحنا الطلاب اللي عمنعاني من هالمشاكل مش انتو .

  20. الله يشفيك وترجعلنا باسرع وقت يا غاالي
    سلامت قلبك … :((

  21. اللة يشفق علي ويردو لاهلو سالم
    حبيت اسال سؤال بمدرسة ثانوية تجمع تقريب 800 طالب لا يوجد بها غرفة اسعافات اولية للحالات الحرجة

  22. الله يشفيه ويرجعوا لاهلوا اني بتوقع انوا وهو عبياكل دخل اكل على القصبة الهوائية ومعش فيو يتنفس لذلك هو اختنق

  23. انا رفيق من الصف بتمنى يرجع لاهلو بخير وسلامي وترجعلنا بخير وسلامي بو الجوج يا غالي

  26. اني كنت بعرف احوال جنيد من زمان جنيد كان نازل معو السكر بالاول ليرفع السكر حتاج ياكل عروستو لجايبها من البيت وهو عبياكل بسرعة ليرفع السكر تشردق وغص والشي ها ادى لهلحالة جنيد لمن كان ينزل معو السكر كان هيك يصيبو يوقع بالارض وايا استاذ او مدير مدرسة عندو ضمير يطالب بممرضين للمدارس لان معقولة حالة جنيد تتكرر اذا مش مع ولادنا مع ولادكن وساعتها بتحسو بهالشي واني عبنوة لكل لجان اولياء يقومو بهلشغلة بكل الهظبة بس لصحة وامان ولادنا وشكرا

التعليقات مغلقة.

+ -
.