أعطت وزارة السياحة، نهاية الأسبوع الماضي، الأمر للمتعهد الذي فاز بالمناقصة، ببدء العمل في مشروع الشارع السياحي الغربي في مجدل شمس، وذلك اعتباراً من يوم الأحد الواقع في 6\12\2015.
الشارع المذكور يمتد من الدوار الغربي (مفرق الجبل) وحتى ساحة سلطان الأطرش في مركز البلدة.
ويأتي الإعلان عن بدء العمل بعد لانتهاء من جميع المخططات والرخص اللازمة، والحصول على التمويل المطلوب، وبعد أن رست المناقصة على منفذ العمل، وهي شركة “أخوان أنطون م.ض.”، على أن ينجز المشروع خلال 15 شهراً من بدء العمل فيه، وذلك بحسب شروط المناقصة.
وبحسب الوصف الذي ذكرته الشركة الحكومية للسياحة في المناقصة، التي كانت نشرت في حينه، فإن الأعمال تمتد على مساحة 7,000 متر مربع، وتتضمن ما يلي:
– شارعاً بمسارين للسيارات من ملتقى الطريقين 98×989 (الدوار الغربي)
– مسارين كمواقف سيارات
– أرصفة للمشاة
– دوارين (قائمين)
– بنية تحتية للكهرباء، مياه الصرف ومياه الشرب
– تبليط الأرضية ببلاط خاص مناسب لسير السيارات والشاحنات الكبيرة، وتصميم واجهات المحلات المطلة على الشارع حسب المخططات المرفقة، يشمل مقاعد جلوس، أعمدة إضاءة، أماكن خاصة لحاويات النفايات، ولافتات بتصميم خاص
– جنائن وشبكة ري حسب المخطط المعد
– تنظيف واجهات المحال التجارية والمصالح المطلة على الشارع على مستوى الطابق الأول، ولافتات بتصميم خاص للمحال التجارية على الشارع
ودخلكن امتى طريق بيتنا ولا نحنا حارا نسيها الزمن
الكل مقدر جهودكن لتزبطو البلد بس كمان كلنا منعرف انو المدخل الغربي للبلد بدوش تزبيط في حارات يلي بدها تزبيط اكثر الحارة الشرقيي حارات الجبل كلها بدا تزبيط بتوقع انكن اذا بتزبطو الحارات يلي ناقصها كثير شغلات وتكسبو رضا اهل بلدكون احسن من انو تزبط اول البلد لتكسب رضا اليهود يلي جايين عالجبل
لو ان بتهتموا بالتربيه وبالمدارس وبالمعلمين والمدراء وبتشتغلوا عالاساسيات قديش افضل وقديش نحنا بحاجه .
اني من الحاره الغربيه وبيتي ع الطريق المذكور وضد هاذ العمل لان في اهم منه بكثير وبالعكس اني مع تحفير الشوارع لحتى يكتفوا المبحلقين والمفلسين ذهنيا بالتحشيك وازعاج الاخرين مشروع ب 6 مليون ش.ج يمكن يكونوا لتحسين المدارس او الطرقان المؤديه لاماكن جماهريه اكثر .
وشو معناتو هالفزلكه طريق 7 نجوم لناس بتعرفش معناة حق الاولويه ..
يا جماعه لخير مكتوب وزاره السياحه داعمه لمشروع ف شو دخل الحاره الشرقيي بالسياحه .
اول شي كل الاحترام لهيك مشروع ويعطيهن لعافي هي واجهة بلد ثاني شي اني بيتي بحارة لشميس ونحنا ناقصنا تزبيط لاجل هيك معش تعارضوا وتوقفوا سد بوجه اي مشروع ومعش كل واحد يطلع على مصالحو الشخصية خلو هلمشروع يصير والكن لحق ترجعوا تطالبوا بس مش نق نق وبعظ فش شي لانو انذا انت بدك معناتو انت مش احلا مني واني بدي وهذيك بدو وهيك صارت فوضى ومحدا اخذ شي عنشن هيك كل مشروع بدو ينعمل لهلبلد محدا يوقف بوجهو وبس يخلصوا رجاع طالب بشو بدك
المشروع الذي يقام تكون مخصصه له ميزانيه من جهه معينه ولا يجوز قانونيا تحويل هذه الميزانيه الى مكان آخر او مشروع آخر مهما كانت اهميته.
هذا المشروع يخدم البلد من الناحيه السياحيه بشكل كبير ويخدم ابناء البلد واصحاب المصالح جميعا ومن جميع الحارات “على حد سواء” اللذين لديهم محال تجاريه على الشارع الذكور من دوار الجبل الى ساحه ساطان
يا اخ ادهم،،، ولك في كثير ميزانيات مخصصة لكثير مشاريع، وصلت الميزانيات وطارت والمشاريع ما بينت!!! معقول هالحكي؟ فبرأيي انو بيقدرو يحطو قسم من هالميزانية باحد الطرقان الترابية بباقي البلد، *****، او يجيبولنا وزارة السياحة عالحارة الشرقية بلكي بيشفقو علينا اكثر من مجلسنا،
اذا ما خانتني ذاكرتي قبل حوالي ثلاث سنوات سمعنا نفس الحكي بس الطريق كان من الساحة الرئيسية لمنطقة عين التينة، عاساس بيصير فيها كثير حركة سياحة!!! ويمكن انو هالمشروع نشغل ( عالوراق عند الوزارة المسؤولة عن هيك مشروع) وميزانية هالمشروع وصلت وطارت المصاري! بس عارض الواقع ما بين شي!!!! ابر مخدرة للناس بس عبينسوا او عبيتناسوا انو خلص تاريخ الابرة وفك البنج، بس بدك ناس تواجه ممثلي اهل البلد بالدولة ( المجلس المحلي) ، تذكرونا يا اخوان، نحنا ولاد بلد وحدي وما النا غير بعض،
قلعولنا عينا بمشروع عين الضيعة خلصت الميزانية عليه وما بقي مصاري يكملوا المشروع!!!!
حلو.مشروع كثيرر حلو.بالتقدم والنجاح وعقبال باقي القُرى
قال المثل: الزينه الجميله تغطي لحماً هزيلا.
يعني دوخنا هالمجلس و رئيسو بموضوع السياحه و كأنو كل هالبلد عبتنتفع منها و المخلص لمشاكلنا كلها. يا اخي بيكفي مظاهر, سوري يعني مش عبتقنع غير السطحيين يلي في بينك و بينون اشياء مشتركه! اذا ظاهرياً حلوين و مدخل بلد حلو و صرنا عالخارطه يعني صرنا فهمانين؟؟
اول شي تعالو نتعلم و نعلم نبطل نزت زبالي من شبابيك السيارات و نحاول نصلح بلدنا من جوا و نثقف و نربي حالنا و ولادنا على قيم و مبادئ صحيحه و بعديييين لاحقين على مشاريع المظاهر.