أعلن السيد هاني الصباغ عن نيته إغلاق الشارع المار أمام بيته بمناسبة عرس ابنته، وذلك مساء يومي الاربعاء والخميس 13 و 14 -7-2016، من الساعة الخامسة وحتى منتصف الليل.
الشارع الذي سيتم إغلاقه هو الشارع الواصل من ملعب كرة القدم إلى طلعة الشايش، زذلك في المقطع الشرقي منه، كما موضع في الصورة أعلاه.
واعتذر السيد هاني من الأهالي بسبب الإزعاج الذي سيتسبب به، وقال أنه لا يملك خياراً آخر بسبب ضيق المكان.
يالا مكل طرقان هالبلد عبتتسكر وقفت عهالطريق
بدنا نطهر الصبي يوم الجمعه وبدنا نسكر طريق الساحه بهالمناسبه عقبال العاوزين ، وبعدين مع هالمسخره فوق مهي الشوارع مسكره خلقه ،منقترح على كل مين بيفكر يسكر شارع يروح يستأجرلوا مطعم قاعه يلي بدو ويستقبل الجمهور ونحنا بدنا نساعدو اذا هكلان هم الدفع ، يجب محاربه كل من يقوم بتسكير الطريق بقرار شخصي بكافه الطرق كي نحد من هذه الظاهره المزعجه
لو بتطهر حالك انت وبتفهم انو هي مناسبي والانسان بيضطر يستقبل ناس ببيتو ولولا ما في ازمة تسكير طرقان ما حدا بيضطر يعلن او ياخذ ازن من اي حدا انو يسكر لان كل الناس بدا تفرح وكل الناس عبتضطر تسكر ..ستوعب يا فهمان
اقترح اغلاق جميع الطرق حتى اشعار اخر بسبب عدم الاحساس بلمسؤليه وفي غياب المسؤلين والقانون 🙂
نشالله لجميع بيفرح وكل لاحترام لسيد هاني لانو اعلن هالشي بلذات بهلوضع لان ازمه تسكير الطرقان مشكله
الله يهني كل الناس بس بعدين مع تسكير الطرقات منشتري طيارة اذا بدنا نطلع من البيت يعني في قاعات بتحل أزمت العروسي بس شو الحل لتسكير لطرقات ؟؟
الله يهنيكون يا اخي وانشالله بتتوفق
تسكير الطرقان صعب وخاصه بهالوضع اما السيد هاني عالاقل عطا علم للناس واعتذر ومعذور غيرو بتتفاجئ انو الطريق مسكر بدون ما يعلم حدا
وبالاخير بنا نتحمل بعض وانشالله الكل بيفرح
مرحباً يا أهالي ضيعه ضايعه قولولي في حدا بدو يسكر طريق عين. التينه السكره عندو شي سهرة عروس او عرس بعين التينه لنعرف من شان ندور عشي زقاق نمرق منو لأنو هذا اخر طريق بعدو مفتوح ستحو عحيلكون يا ناس هذه البلد إلنا كلنا مش مزرعه لابن فلان والسلام علي بيفهم
عجلو مرقو عطريق عين التينه السكره قبل ما يسكرو في بقاعة عين التينه سهرة عروس شو هالمسخره
يل بلكي بتوفر هلشباب شويت بنزين لو بيسكرو طريق من الدوار للكزيه بعد يا الله ما احلاها
بعد التحية
بمناسبة اغلاق معظم الطرقات بمجدل شمس نعلن عن توصيلات بالهيلوكبتر من والى مجدل شمس باسعار رمزيه للحجز اتصلو على رقم 000000و00000 🙂
بدل ما عبتتمسخرو روحو على لمجلس يلاقو حل شو منا سكرو كل طرقان بحجت عبيشتغلو كل لعالم بيفتحو طريق وبخلصو وبيروحو لطريق ثاني ليش هيك بيعملو بلمجدل ما حدا عارف اذا في حالة اسعاف بيموت لاشخص لتوصل لاسعاف لعندو ليش ؟؟؟ ببساطة طريق مسكر
كل لاحترام للناس يلي عبتنتقد..شو يعني اذا بينشغلش بهلبلد بيقولو فش اهتمام ومش عبيشتغلو..واذا بيشتغلو بدكن تحكو..كيف لواحد بدو يخلص من لسانكن